ياجماعة في عندي طرح جديد

في طريقة عالمية متبعة و هي إعطاء الطالب معلومات بسيطة عن المريض و صورة مميزة لعلامة من العلامات المرضية و بيقولوا عطينا تشخيص تفريقي أو حتى التشخيص النهائي

عميخطر ببالي حطلكون شي من هذا القبيل و بنفس الوقت اللي بيعرف أكبر عدد من الحالات بيكون إلو جائزة "طبعاً حقيقية مو خلبية"
يعني فائدة و حماس
إشو رأيكون

منبدأ

تحياتي
حازم

عمأستنى آراء العظماء إللوني و شنكوول و إيفرإيف و أبو عبيد Aj و البقية من إللي بيريدوا يشاركونا

معقوول يا جماعة

في أربعة ما بعتوا حلول ليش؟؟ كل هاد المسألة صعبة ؟؟؟

طيب أستنى لبكرة و لا عجزتوا ؟؟؟

بتمنى أشوف آراءكم قبل المساء بكرة لأنو حينها بدي نزل النتائج

عكل بانتظار المزيد

تحياتي
حازم

عطينا فرصة
عطينا فرصة

يا جماعة بكرة الصبح النتائج للمسألة التانية

تكرم شنكووول و هي فرصة

عمأنتظر

تحياتي
حازم

شكراً معلم حازم

هون كان الوضع غريب
في السؤال الأول أنا الحقيقة ماعرفتوا ليفاجئني جميع المشاركين إنه عرفوه
هون العكس المعظ ما عرفوه إلا 3 بس بس في منهون قربوا كتييير متل معلم زاهر فنري مثلاً المهم النتائج كما وردتني

طبعاً أول إجابة أجتني من أبو نذرة و كانت صح مية بالمية
برافو أبونذرة مو غريبة عليك أباً و هو حاليا يتصدر المجموعة :

خيو تشخيصي هو Kawasaki disease
بعد الئراية و التمحيص هاد اللي طلع معي
الحالتين التانيات اللي كنت مشتبه فيون هنن
Scarlet fever , Measles
اللي خلاني اتوجه لتشخيصي هو ايدين الطفل ... انشالله يكون توجهي صح

الإجابة الصحيحة التانية كانت من إللوني "مابقى أندهش و أستغرب تعودت على إنو في طالب رابع ممتاز لهالدرجة
الأخت حطت Kawasaki Disease و الحمى القرمزية و استقرت برأيها عال Kawasaki كما ورد :

بظن أنو الحل هو متلازمة KAWASAKI
scarlet fever ( بسبب التهاب البلعوم بالمكورات العنقودية )هي تشخيص تفريقي

شنكوووول و بعد ما كان مصر على تشمع كبد لمدة أيام المسابقة فكر بعقله إنو يحسن يعطيني سبب لتشمع كبد عند طفل عمره خمس سنين بهالعلامات إللي بالصور ما حسن قام بعتلي تشخيص تفريقي كويس و علمي و مريح و خلصني من إنو أشرحلكون ليش الجواب هو Kawasaki و رجع لدائرة المنافسة بعد ما طلع منها السؤال الماضي

المشاركة الأصلية بواسطة Shankool

DD:
Drug Eruptions (particularly affects trunk) No
Scarlet Fever (rash appears on the neck & upper chest wich spread rapidly to abdomen and limbs) No
Toxic Shock Syndrome (caused by Group A streptococci, Sympyoms: Flu-like symptoms, Fever, Chills, Muscle aches, Pain, Limb pain, Abdominal pain, Chest pain, Confusion, Coma, Low blood pressure, Kidney malfunction, Soft tissues infection) No
Kawasaki Disease (< 9yr old, rised temprature, neck lymphadenopathy, dry fissured lips, arthralgia, palmar erythema, red eyes, diarrhoea, strawberry tongue or later finger-tip desquamation + swelling of hands/feet ± jaundice it may be a reaction to varioaus infections) Yes
I choose Kawasaki Disease

عبدو هالمرة ما ظبطت معو و كان دائماً يشتكي من قلة وضوح الصور و إنو رح ينتقم مني إذا بنزل متل هيك صور مرة تانية
أمرك سيد عبدو AJ عراسي و الله خلص المسألة الجاي رح تكون أوضح و أسهل

تشخيصي التفريقي حطيت فيه عدة حالات قلال مع إنو أكيد بيطلع في أكتر من هيك بكتير لأنو العرض الوحيد اللي حاططو الحرارة موجود بنص الأمراض اللي منعرفها أما الصور فعبخمن فيها تخمين
1 ) الداء الدوري - حمى البحر الأبيض المتوسط
2 ) TSST
3 ) الحصبة
4 ) الحصبة الألمانية
5 ) الحمى القرمزية
بسيطة ..........

و كما ترون صيغة التهديد في كلام عبدو AJ باستخدامه كلمة بسيطة "ياويلي إش جابتلي هالمسابقة مصائب" بس منلاحظ إنو حط تشخيص تفريقي صح و هاد بيدل على إنه توجهه كان صح و خاصة لما حط حمى قرمزية إللي هي بتخربط كتيير مع داء كاوازاكي
منعوضلك ياها عبدو خلص أمرك لا تزعل الصور الجاية أوضح

زاهر فنري وصل للنهاية و بعدها انقلبت الآية يعني تشخيصه التفريقي كتيير محدد و كويس و خلص ياأبيض يا أسود بس للأسف اختار الأسود

هذه الافة اما ان تكون حمى قرمزية scarlet fever او داء كاوازاكي kawazaki
وانا اميل للحمى القرمزية

وايزمان هالمرة حلق كتيير بخياله و ما ظبطت معه بالمرة للأسف بس معلش خيرها بغيرها

آسف لتأخري في الرد لكن الصور تحتاج إلى تعليق ....
1.النزوف تتماشى كثيراً مع الناعور خاصة مع جنس الولد والعمر ......
2.داء فون ويللي براند بتكون الحالة أخف وبكون في فرفريات...
3.توسع الشعيرات النزفي الوراثي بكون في نقط نزفية صغيرة إضافة للنزوف....
الحرارة قد تكون بسبب انتاني مرافق و ربما هو سبب ظهور المظاهر النزفية ...أومتل ما بتذكر أن امتصاص نواتج تحطم الدم من جهاز الهضم يسبب ارتفاع درجة الحرارة بس ماني متأكد...
بستبعد نقص الصفيحات مهما كان سببها... لأنه يجب أن تكون الحالة متقدمة كثيراً لتظهر النزوف بهذا الشكل .
بصراحة ما طلع معي أكثر من هيك....

منعوضلك ياها سيد أحمد و لا يهمكون

Lovequeen ما سمعت صوتها بقى ما بعرف إذا بقيانة و لا لأ
تحياتي
حازم

طبعاً الجواب هلأ هو داء كاوازاكي و الترتيب الحالي هو

يتصدر أبونذرة زعيم أمريكا و إللوني المجموعة بحصيلة جوابين

و الشباب البقية عبدو و زاهر و أحمد و شنكول و Lovequeen و أمين بإجابة وحدة
طبعاً أمين و Lovequeen امتنعوا عن التصويت
بس للصراحة ياجماعة
زاهر بيستحق جائزة ترضية مو يوصل للأخير و يغلط؟؟؟ يالله أبو شمس لعيونك بتتعوض انشالله

تحياتي
حازم

يا جماعة
عصبتوا مني كتيير على قصة الصور الجلدية طيب هلامرة شغلة جديدة كمان أنا ماعرفتها بدي شوف إذا بدكون تعرفوها
هلأ السؤال بطريقة جديدة
عندي صورتين شعاعيتين لمريض و الصور صور بطن
بدي ياكون تستنتجوا بشو أجا المريض حتى صورنالوا هالصور و ليش و إش عمتشوفوا بالصور "يعني بدي تستنتجوا أعراض المريض" صعبة شوي ماهيك
يالله بدنا نشغلكون مخكون معنا
تحياتي
حازم

مرحبا بس والله نسيت امر المسابقة فاسمحلي كمل اذا بتسمح ... .............:و بعتذر مرة تانية...............

طبعاً أهلا و سهلا فيكي

و مرحب بك بشدة

لأنو حرام معظمهون طلاب سادس بدنا شوية دعم من البقية

معناتا عمننتظر إجابتك Lovequeen

تحياتي
حازم

أشعة يا حازم؟

طيب في طلاب رابع وخامس لسه ما أخدوا ولا درس أشعة

عن جد وأنا ستاجي داخلية حالياً

راحت عليك ... قصدي علي ...