ياجماعة في عندي طرح جديد

في طريقة عالمية متبعة و هي إعطاء الطالب معلومات بسيطة عن المريض و صورة مميزة لعلامة من العلامات المرضية و بيقولوا عطينا تشخيص تفريقي أو حتى التشخيص النهائي

عميخطر ببالي حطلكون شي من هذا القبيل و بنفس الوقت اللي بيعرف أكبر عدد من الحالات بيكون إلو جائزة "طبعاً حقيقية مو خلبية"
يعني فائدة و حماس
إشو رأيكون

منبدأ

تحياتي
حازم

عمأستنى آراء العظماء إللوني و شنكوول و إيفرإيف و أبو عبيد Aj و البقية من إللي بيريدوا يشاركونا

طيب

عمره 15 سنة
منيح هيك أبونذرة
عراسي حارتك

تحياتي
حازم

حازم كيف بدي ابعت الرد تبعي وانت ماعندك مجال
عم يكتبلي RWTH has exceeded their stored private messages quota and can not accept further messages until they clear some space
أش اعمل
بتمنى ما تنهي وقت المسابقة وقت ما تفضي مساحة عندك وتخليني ابعت الرد
عم استنى جوابك

تكرم رح فضي محلات منشانك

يا جماعة هالمرة نقشت مع ناس و مع ناس تانيين ما نقشت

يعني منحسن نقول صار في تنوع و صار الوضع تنافسي أكتر
يالله تنشوف

طبعاً إيفرإيف إللي مليت منو صراحة من كتر ما عميعرفلي أسئلتي عميقهرني فعلاً

ل

ي شايفو بالصور هو منطقة تكلس ذات مركز نير في الربع السفلي الايمن من البطن

انا بؤول انو هي حصية في الزائدة الدودية لانو هي عادة بتكون ملساء بيضوية ذات مركز نير بقطر 1-2 سم في الربع السفلي الايمن من البطن

طبعا كتشخيص تفريقي بتجي عنا حصية حالبية , آفة عظمية في عظم الحرقفة

وجود حصية في الزائدة الدودية يشير يدل عادة على وجود التهاب زائدة و احتمال وجرد خراج او انثقاب .... بصراحة ما حسنت شوف اذا في خراج و مافي سوية هوائية تحت الحجاب الحاجز تدل على انثقاب و لذلك

تشخيصي هو التهاب زائدة دودية حاد

طبعا ما عاد بدا كتير ذكاء لاستنتج الاعراض ( اعراض زايدة )

الم في منطقة السرة Periumbilical Pain ( حالة مبكرة ) بيتطور لالم في الحفرة الحرقفية اليمنى Right lower quadrant pain مع قهم Anorexia و حمى خفيفة Low-grade fever و غثيان Nausea و امساك شديد ناجم عن انسداد الامعاء Obstipation (Severe constipation caused by intestinal obstruction) ..... و اذا عملنالو تعداد و صيغة المفروض نلاقي زيادة بعدد الكريات البيض Leukocytosis

انشالله ما اكون سرحت بخيالي لبعيد

من بعده بيجي عبدالقادر روق الزلمة علينا و جاوب

إذا اعتبرنا إنك شخص ما بدو يعجز
رح أخد الحالة الأكثر نمطية وفق المرجع تبعي اللي ذكرتلك ياه
المرض طفل عمرو 15 سنة جاية بأعراض بطن حادة لالتهاب زائدة دودية بالصورة البسيطة شفنا عندو حصاة متكلسة في الزائدة نفسا appendicolith ( طبعا ممكن تكون الحصاة متحركة شوي لشي جزء من الأمعاء هادا مشمول منطقيا بالاجابة تبعتي )
وإذا كانت إجابتي بعيدة فأنا مضطر كب المرجع تبعي ( اللي عبالو مرجع أشعة حلو ومنطقي أكثر من أسئلة حازم يجي يشيل الزبالة بكرا من قدام البيت

عندي بس ملاحظة بالله شوفولي عبدالقادر إش عنون رسالتو إلي

ولعل بعض سوء الظن من حسن الفطنة

المهم
Lovequeen ماظبطت معها هالمرة
معلش حظ أوفر بالسؤال القادم

جوابها كان :

اعتقد ان ما دفع المريض للقدوم هو الم على مسير العصب الشوكي القطني الموافق للفقرة التي فيها على مايظهر بالصورة ضلع قطنية اي تبارز في الناتئ الفقري الجانبي و هي عادة لا عرضية الا ان سببت ضغط عصبي ادى الى الم و تحدد حركة و حس نمل و خدر وهذا رايي لكن لا اعرف ان كان في الصورة مناطق تحلل عظمي ايضا ام انه سوء بالصورة

إللوني عرفت الجواب بس هالمرة كان جوابها مرجوج قليلاً طبعاً سؤال أشعة لطالبة رابع مارح يكون بهالبساطة

عند المريض حالة بطن حادة بسبب حصوة في الزائدة أدت لالتهابها ‏
شكا المريض من ألم بطني حاد متوضع في الحفرة الحرقفية اليمنى ( منطقة ماك ‏بورني ) مترافق علامات تخريش البريتوان و الترفع الحروري و فرط الكريات ‏البيض إلى 10000_20000 \مم3 تقريباً ‏
"سيناريو معقول ماهيك؟؟؟
ت ت ( حسب عمر المريض و جنسه ) : التهاب المعدة و الأمعاء ‏
التهاب العقد اللمفاوية المساريقية ‏
رتج ميكل
داء كرون ‏
حصاة حالب أيمن"و الله عماحتار بين هي و بين حصوة بالزائدة بس اخترت الأولى لأنها منطقية أكتر"

زاهر راحت عليه لأنه توجه لحصاة حالب أيمن معنوناً رسالته جواب خاطئ للمسابقة و ذلك باستخدامه لمهاراته باللغة الانكليزية لهذه الحالة

inspite it is unliklely but i think the x ray shows ureteric stone
he will come with colicky pain in the flank and it may radiate to the iliac fossa or testis or labium
there may be pallor ,vomiting

we ask 4 plain xray cause 85%of this stones could be discovered by it

بس بدي شوف وضع خاص لهدول إللي قربوا كتيير من التشخيص حرام ينظلموا يعني حصاة حالب أيمن معقولة كمان للتشخيص

وايزمان صف جنب زاهر و راح باعتلي جواب قريب من جواب زاهر بس بالعربي طبعاً

هالمرة لا تقلي عمأسرح بخيالي
هي سهلة كتير
الصورة لحصاة في الحالب أو في كلية هاجرة
الأعراض طبعاً معروفة:
آلام كولنجية ماغصة لما بتنحصر الحصاة, انتانات بولية, وجود دم بالبول خفي أو عياني , بيلة قيحية عقيمة...

شنكولنا الحبيب اكتفى بالتفرج للمرة الثانية عالتوالي معلش المهم يكون عميستفيد

إذاً ضل عنا بالصدراة
إيفرإيف تشاركه إياها إللوني بثلاث إجابات

عبدالقادر بإجابتين

زاهر ووايزمان أوضاع خاصة لاقترابهم من التشخيص

Lovequeen و ما منحسن كمان نحكم عليها كتيير لأنو في سؤال ماشافتو أساساً

أمين مانعتو ظروفه من المشاركة معلش ادعولو الله يوفقوا

تحياتي
حازم

والله العظيم طول النهار ما صار لي أدخل على الانترنت

راحت علي هالمرة

كنت عم حضر وطلعت على المشفى وصرت أسأل طلاب الدراسات كيف ممكن نستفيد من صورة بطن

وصرت أبحث عن استطباباتها ...

عن جد هالمرة راحت علي

غريب تكون الحصاة في الزائدة بهذا الحجم
أنا ما اقتنعت ومصر على رأيي
يعني كان عملت انسداد من زمان

يعني ماشفت اي حصوة زائدية ..............و كل فكري مشكلة عظمية!!!!!!!!!!!!!!!!!!!

يعني مستر وايزمان شقد بدك يكون قدها ؟؟؟؟ بعدين ماشفت موقعها برأيك هون في عنا حالب
هديلي أعصابك شوي
أنا ماعم جيب الحكي من عندي

Lovequeen: خيتو دخيلك كل شي و إلا زعلك خلص انشالله بالحالة الجاية بتجاوبي و بقوة

تحياتي
حازم

منشان هالزعلانين من أسئلتي إللي عميقولو صعبة حطيت هالسؤال منشان الأغلبية العظمة تعرفه منيح هيك؟؟؟
هالمرة طفل عمره سنة و نص عنده صرع عميتعالج منه إضافة لهالصورة
إش برأيكون معه



جد يعني إذا بتقولولي صعبة بدي احتار شلون أرضيكون

تحياتي
حازم

يسلمو كتير يا حازم على هالصورة الحلوة
واضحة كتير والدقة عالية كتير
يسلمو
بس يا ريت تفتحلنا تمو شوي لأنو ما عم بعرف شو هالبياض اللي بتمو
طيب إذا ما بدك تفتحلو تمو قلنا شو هاد اللي بتمو
وهي الصورة للولد اثناء النوبة ولا مالها علاقة بالنوبة
بالله عليك هي صورة ولد عمرو سنة ونص

وبعدين انت كل سؤال بتكتبلنا عليه أنو سهل ما بيعود بينحل معي

والله مصيبة

حازم لإمتى المسابقة
حرام
حرام