بدي اسال انو بحال الاصابة بمرض الناعور هل ترتفع سرعة التثفل عن القيم الطبيعية ام تنخفض ولماذا؟
وشكراا لمروركم

أنا بعرف بترفع...بس ما بعرف السبب!!!! أظن بسبب تحطم كريات الدم غير السليمة!!!

قريت السؤال على السريع مبارحة وفكرت انو علاقة سرعة الترسب والتثفل مع فقر الدم المنججلي وكتبت رد اوف لاين ولما دخلت شفت السؤال عن علاقته بالناعور
هلق بحط الي كتبته
ولي عودة

سرعة الترسب والتثفل ESR تنخفض عند الإصابة بفقر الدم المنجلي...
أول شي خلينا نتذكر مع بعض شو هي ESR :
إذا وضعنا الدم في أنبوب خاص(وسترغرين) بشكل عمودي ستترسب الكريات الحمر بسرعة معينة وتقاس المسافة التي ترسبت بها الكريات بالميلي متر خلال ساعة من الزمن (يعني طول عمود البلازما فوق الكريات المترسبة) ...
(السرعة = المسافة / الزمن)
في البداية بتتطبق الكريات الحمر فوق بعضها (كأنك عم تصفي قطع نقدية معدنية فوق بعضها البعض) وبتترسب مع بعض هي الآلية مفقودة في حال فقر الدم المنجلي لذلك بتنخفض سرعة الترسب ...

متل ما منعرف منعاير سرعة الترسب والتثفل بكتير من الامراض الالتهابية وهي المقياس الامثل الي بيدلنا على شفاء الحالة الالتهابية واتخاذ قرار انهاء العلاج متل حالة ذات العظم والنقي منضل منعالج لترجع الesr للقيم الطبيعية وما منوقف العلاج عند تحسن الاعراض السريرية فقط ...
وطبعا سرعة الترسب عند الاناث أكبر منها عند الذكور
وبترتفع في عدة امراض (الحمى الرثوية – التهاب المفاصل الرثياني – الانتانات - ....)
بينما بتنخفض في بعض الحالات مثل:
1. فقر الدم المنجلي
2. انخفاض نسبة مولد الليفين
3. احمرار الدم
4. قصور القلب الاحتقاني

وفي حال وجود فقر دم نهمل قيمة الesr و تفقد قيمتها الانذارية ...
اهلا بك سيدتي


...