حدثني ربيع بن الفصول..

عندما لا تمتلك أي أنثى ما يجعلها تستحق شرف أنوثتها..
لا تلمني إن بحثت عن تجريد الأنوثة خارجها..
ثم تبصرته في كل أنثى.. كل أنثى..
لا تلمني.. إن وجدت السر موزعا ولمسته في نهدي حبيبة وبين مخبّأ أخرى..
لا تلمني.. فقد صنعت العقائد والأنظمة قيودا ومحرمات لتنظم العلاقة..
وزينتها بقدسية وغموض.. وما تزال..
لماذا كل هذا الضباب..
ونحن اليوم.. لم تعد هذه الحلول تناسبنا..

قلت..
قد يغيب عن الذات الذكورية دائما أن الأنثى هي تجسيد لإنسان..
أي أنثى هي إنسان بذاته.. معين ومحدد.. وليست مجرد اقتباس من معين الأنوثة الوجودي..
قد توحي نظرة الذكر المسكين هذا بجهل غبي بهذه الشخصية الغريبة..
الغريبة رغم أن ما يميزها عنه.. هرمونات قليلة .. وصبغي .. فقط
لكنها أنثى..

قال..
قد تكتشف عندما تقترب من حبيبة أن وهم الحل الوجودي ليس حقيقيا..
وأن ما أحيط به من سكر وسحر هو وهم من صور وخيالات..
هي خدعة الطبيعة لعقل بشري أراد تغليف لرغبة من أجل بقائها فيه ..
الغموض واللذة.. هو الجنس إذا..
ربما .. لكن أي معنى هنا..
واي هباء في هذا اللهاث الدائم وراء تجسيدات ناقصة لروح كونية وهمية..؟

قلت..
إن كانت الأنثى الكلية غير موجودة.. في الوجود..
وإن كانت كل أنثى هي بعض من أشياء.. قد نصنعها .. وقد نغيرها..
هي محض تجميع لورقات خسة إنسانية.. تلتصق ببعضها وتكبر بالسقي والرعاية لتكون بلون ما..
إذا من هي..؟ من هي..؟ أنثاي.؟؟

قال..
قد تكون ميالا إلى التوحيد.. ذكر واحد لأنثى واحدة..
ولكن عندما لا تجد الأنثى.. فهل ستغير الراي لنكون مع التعدد.. ربما..
آن الأوان لتجد الإنسانية شكلا من العلاقة التي تخفف عن كاهلها قيودا لا معنى لها.. ولا غاية..
ربما لو أعيد التنظيم الإجتماعي بثورة على المجتمع الأبوي.. وملكية الإبن
ليكون الأبناء أبناء الجميع..
والأزواج أزواج الجميع.. والأحبة للجميع..

قلت
أترى ذلك حلا ممكنا للأزمة الأخلاقية.. ؟
ألا تحل مشكلة الأخلاق بحل الأخلاق..؟

قال..
إذا كنا نعيش أزمة أخلاقية. لأننا بعيدون عن الأخلاق.. فلنجعل الأخلاق كما نحن.

قلت له.. أنت مصيب يا صديقي..
لكني لست معك..

المقال هون بيطرح تساؤل كتير خطير علينا..
خطير من ناحية إنو بيسائل المقدس يعني يللي بنستبعد التفكير فيه..
موضوع الأخلاق، بالمسألة الجنسية..
موضوع جريء.. بس ضروري جدا طرحه.. وهون بهالمكان بالذات.. بين طلاب جامعيين أكثرهم طلاب طب..
مسألة إلها أبعادها الإجتماعية والأخلاقية، والصحية، والنفسية.. والروحية..
نحو نظرة جديدة للمسألة الجنسية..
نحنا بمجتمع عم يعيش يوم بعد يوم "تحلل أخلاقي" متل ما بحب البعض يسميه.. أو "تحرر من الكبت" متل ما بحب البعض الآخر يسميه..
وبهيك حالة، بهي المرحلة الإنتقالية يللي بمر فيها المجتمع
بعيش فجوة بين الأخلاق والممارسة.. يعني بصير بقول إنو المظبوط هو هيك..
بس على الأرض بقول ما ممكن نعمل هيك..
تركوا الموضوع ياخد مداه.. وبتمنى ياخد منكن تجاوب..
هل ما تزال الأجوبة القديمة..
العلاقات الجنسية محصورة فقط في مؤسسة الزواج التي تقبل التعدد للزوجات.. أم هي بين اثنين متزوجين ولا يجوز التعدد..
أم هي مقتوحة ومضبوطة، مثل الشكل الأوروبي الملتزم...
أم يوجد من يفض الشكل المفتوح.. للحرية..
الموضوع قد يبدو للوهلة الأولى محسوما.. لكن على الأرض.. أتمنى أن يكون الحديث عما يجري على الأرض أكثر مما عن الأفكار المجردة.. فقط..

بالحقيقة بتعجبني كتابات سنفور.. ما تواخذني إذا قرأتهن باهتمام شديد..

الموضوع يلي عم تطرحه محرج شوي.. بس بيستاهل أحكي فيه..

أنا مثلا ما ممكن إني أقبل يحب حبيبي معي حدا تاني.. بنفس الوقت يللي أنا بحس إني ملتزمة فيه..
حبيب واحد لحبيبة واحدة..
أنا مع إنو يكون الزواج ميسر للجميع. .
بس بعترف بإنو الأخلاق شغلة فردية.. يعني لكل شخص كثير من الحق في تحديد مبادئه..
يللي ممكن ما تعجبني بس هي حياته.. الخاصة..
أنا ما مع علاقات قبل الزواج.. بس أنا ما بحتقر حدا بحب.. إذا عاش الحب بجسده..
بحترم أفكاره.. وبشوفه حر.. بذاته..
لما بحسه إنو عم يعبث وعم يتسلى بنفسه وبالآخرين.. بحتقره.
طبعا ما في عندي فرق بين الذكر والأنثى.. بهالموضوع..
على العكس بحتقر الذكر العابث أكثر.. لإنو بحس إنو مفكر حاله متل الديك بين الجاجات.
وهي غباء..

شكرا كمان لاهمتمامك.. غيفارا..
وظريف إنو يطلع الحكي يللي قلتيه بجرأة .. من صبية..

بعتقد وصل المجتمع عندنا لمضيق.. لعنق الزجاجة..
يعني شباب بقمة الحيوية بحكم العمر، والحاجة للحب وأجساد عم تفور.
بس في محرم.. وممنوع وكبت..
يعني مجتمع من جهة بقدم للشباب كل المغريات البصرية وحتى السمعية.. وكل المثيرات. .
بس بيمنعه من الوصول..
طيب بضل عايش متل الكلب يعني يللي بتقلله روح وما تروح.. فبوقف بارضه مصطولا..!!!
الأتعس إنو في إرث من الأخلاقيات المزورة..
يعني يللي بتمنع علاقات صحيحة بين الجنسين.. على مستوى صداقة..
أنا بعتقد لو في انفتاح شوي بالمجتمع .. 3/4 المعاناة والحاجات المرضية.. رح تروح.
يعني لما لاشب بيعرف شو معنى بنت... وكيف بتفكر... وبيشوف إنو فيه يحكي ويتناقش بعلاقة إنسانية كاملة.. مع بنت..
ما بتكبر عنده الصور المشوهة للمرأة.. وبعود ما بفكر فيه بس كجنس..

كإنو ما حدا عاجبه النقاش بالموضوع غيري وغيرك.. سنفور..
أنا بعتقد إنو الموضوع حساس..
ويمكن الأحسن ما نحكي فيه..
مع إنو كتير مصيري..

يمكن الموضوع مطروح بطريقة فجة..
بس بعتقد هو موضوع هام..
فينا نطرحه من جديد.. (وبرأيي يا فيصو هدا موضوع هام كتير للمناقشة.. )
مجتمعنا عن يعيش شي متل مشكلة أخلاقية..
يعني عنده أخلاق وضوابط، بس هي محطوطة على الرف.. بتنزل من الرف لحتى ينحكى فيها بس..
أما بالممارسة فعم يصير غير شي..
يعني هي بتتسمى حالة فصام.. بين الواقع والمثال..
أهم ناحية (عندنا) بالأخلاق هو الناحية يللي إلها علاقة بالعلاقة بين الرجل والمرأة..
يللي بعتقد إنها بحاجة لوقفة. .أطول.. وإعادة تأمل..
شو يللي عم يصير على الأرض..؟
هل المجتمع محافظ أخلاقيا كما يدعي.؟
هل الأخلاق العامة عندنا هي نظريات غير قابلة للتطبيق.؟
شو بيعملو الشباب( الذكور والإناث) يللي من حقهن يحبوا ويعملوا علاقات مع الجنس الآخر.. على ضوء. .سوء الأوضاع الاقتصادية.. وانغلاق المجتمع..؟
هل يعيش مجتمعنا حالة كبت خانقة.. عم تولد انفجارات.. (ظاهرة الطلاب العرب في أوربا بالذات الشرقية سابقا) ؟؟
بعتقد إيفريف من موقعه هناك في بلاد العجم فيه يفيدنا..