عند استلامك ورقة الاسئلة:
1 بعد قرائتها بتركيز ابدأ بالاجابة عن الاسئلة السهلة. هذا سيؤدي الى استرخائك وزيادة ثقتك بنفسك
2. انس كل من حولك من الزملاء وماقد يحدث معهم وركز على اوراق الاسئلة والاجابة فقط. Be focused and positive
3. رتب افكارك. لاتخف ولا تقلق اذا رأيت زملاءك يكتبون وانت لازلت تفكر. Do not panic
4. لاتنزعج اذا رأيت زملاءك قد قاموا وسلموا اوراق الاجابة وانت لازلت تكتب فمعظم من ينهي الامتحان مبكرا لا تكون درجاته عالية. Take your time
5. خذ معك علكة نعناع واستعملها ان احسست بالعطش
6. خذ معك ليمونة صغيرة لتشم رائحتها بين الحين والاخر فتنشط
7. خذ معك قنينة ماء باردة ان كان مسموحا
8. اذا انتابتك لحظات قلق خلال الامتحان - اغمض عينيك - وخذ نفسا عميقا الى الداخل واحبسه بقدر ما تستطيع ءءءءء - ثم اخرجه ببطء HHHHHH... كررهذا التمرين البسيط الذي سيساعدك على الاسترخاء والتركيز.
9. ان كنت مؤمنا ردد صلاتك المفضلة
10. كن اخر من يترك القاعة
مع التوفيق
د. فيليب حردو

شكراً كتير .. دكتور فيليب

نصائح ثمينة وجديدة علينا وخاصةً موضوع الليمونة والنعناع


شخصياً بتبع أسلوب إني أنتقل من سؤال إلى سؤال بشكل تدريجي ... وما بشوف الأسئلة قبل ما يجي دورها يعني إجابتي بتكون بالترتيب ... مع تجاوز الأسئلة الصعبة وتأجيلها ...

AHALAN WA SAHLAN

جيد جداً، شكراً على هذه الآراء ولكني أرى أسلوب شنكوت أفضل

شكراً دكتور فيليب

نصائحك كتير مظبوطة
أكتر نقطة بهتم فيها هي أنو ما أسلم بكير أبداً , على كل بعد نظام الساعة و نصف صرنا بالزور بنلحق
طبعاً قصة الليمونة يلي لازم أسمها شوي صعبة بمدرجاتنا , بس الحمد لله أبوابراهيم بيسقينا مي كل فحص الله يعطيه العافية
بتبع نفس طريقة شنكول ( رح نسميها الطريقة الشنكولية ) بقراءة كل سؤال بسؤاله و مااهتم بالتطيع لباقي الأسئلة عل ماشي ( كل شي بوقته حلو )
, بس وقعتني بمشكلة بفحص الجراثيم السنة الماضية لأنو طلع الدكتور كاتب ملاحظة بخط مجهري بعد نهاية الأسئلة قايل فيها أنو ممكن تكون الأجوبة متعددة , مادريت غير لبعد مضي ثلات أرباع وقت الامتحان و انقهرت كتير لأني كنت حاسة الأسئلة تعجيزية و قايلة لحالي ليكون بده الجواب الأصح متل ما عمل دكتور الأدوية بدفعة قبلنا , فديروا بالكم ياجماعة و استفيدوا من أغلاط غيركم

شكراً لإلك مرة تانية

أنا ما بعرف كيف بعدي علي الفحص!! نفسيتي بتتعب و بتنهار من أول يوم فحص و لحد أخر يوم مع أن هالظاهرة ما كانت موجودة ايام الإعدادي و الثانوي ولا حتى فحص البكالوريا بس يبدو إني ما تعودت على ضخامة منهاج الجامعة و صعوبته و بحس بكل فحص ما بعرف حالي وين بدي بلش و وين بدي إخلص
بس حبيت ضيف ملاحظة مشان الفحص:إذا مر عليك سؤال و حسيت حالك بتعرف الجواب بس ما عم تتذكره قل(( يا جامع الناس ليوم لا راد فيه رد علي ضالتي)) و انشالله بتتذكره

نصائح روعة
شكرا دكتور فيليب
اكتر شي عجبني قصة العلكة
يعني بلا شي بالفحص المراقبين عم يجقورو فينا
بقا شلون مع العلكة

المشاركة الأصلية بواسطة Elloni

, بس وقعتني بمشكلة بفحص الجراثيم السنة الماضية لأنو طلع الدكتور كاتب ملاحظة بخط مجهري بعد نهاية الأسئلة قايل فيها أنو ممكن تكون الأجوبة متعددة , مادريت غير لبعد مضي ثلات أرباع وقت الامتحان و انقهرت كتير لأني كنت حاسة الأسئلة تعجيزية و قايلة لحالي ليكون بده الجواب الأصح متل ما عمل دكتور الأدوية بدفعة قبلنا , فديروا بالكم ياجماعة و استفيدوا من أغلاط غيركم

ليش كمان الجراثيم فيا أجوبة متعددة :
بجواب واحد ما كنا خالصين

والله بالفيزيولوجيا جاب الدكتور 15 سؤال بهالطريقة ادهورت حالتنا
الله يستر بس

Dear All

Thank you for the complements. I suggest you use what is suitable for you from these rules. For examples MCQs need to be done step-by-step WA HAKATHAT….

Best wishes

Dr Philip Hardo

[size="5"]احيانا ينتابنا القلق والخوف عند الامتحان ولكن علينا ان نميز بين القلق الايجابي المحفز والسلبي المدمر
@@ القلق الايجابي :هو قلق الرغبة في النجاح والحصول على اعلى الدرجات وهو محفز
@@ القلق السلبي: فهو الذي يؤثر على الثقة بالنفس ويثبط الهمة
************************************************** ******* ارشادات عامة:
1. خذ قسطا وافرا من النوم في الليلة السابقة للامتحان
2. تناول وجبة خفيفة قبل ذهابك للامتحان. تجنب المأكولات الدسمة والمهيجة والتي تعمل نفخة مثل الفول والحمص ولاتملأ بطنك.
3. تجنب الاكثار من القهوة والشاي لانها منبهة ومدرة. يكفي كوبا واحدا من أي منهما.
4. في الحركة بركة: لاشيء افضل من الحركة والتمارين الرياضية في تخفيض القلق. ان كنت تستطيع القيام ببعض التمرينات الرياضية قبل الامتحان كان بها والا فيكفي ان تمشي في فناء المدرسة او الجامعة خلال الساعة التي تسبق الامتحان.
5. اختلط مع الفرحانين والضحوكين في الباحة
6. لا تحشر حالك بالدرس قبل الدخول للقاعةBe focused وردد لنفس سأنجح سأنجح سأنجح Positive re-inforcement
7 . خذ معك مسبحة ان كنت قلق المزاج ومرتاح لها. ثبت علميا انها تهدء الCVS بتنقيص الأدرينالين
8. لتكن البستك مريحة: دافية في الشتاء وفضفاضة في الصيف
9. انصحك ان تأخذ تكسي لتصل المكان مرتاح وقبل نصف ساعة من الامتحان.
10 . ردد صلاتك المفضلة ان كنت مؤمنا[مع التوفيق
د. فيليب حردو
مع التوفيق

شكرا جزيلا على النصائح دكتور فيليب
والله يوفق الجميع في الامتحانات القادمة


تحياتي