| | |
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
|
#1
Nov, 25 2005, 16:52
| |||
| |||
 ستاج أطفال هون بالمنتدى طلاب و طالبات الطب الأعزاء و خصوصاً أهل الرابع والخامس والسادس عندي حالة سريرية كويسة حضرناها بستاج الأطفال و حبيت أعرضلكم ياها بعدما ظبتتها دمجت بالموضوع حكي الدكتورة يلي شرحتلنا الحالة مع إضافات كتيرة من عدة مراجع لتكون الحالة كاملة و مفهومة أكتر و لأتكد من كل ما كتبته وراء الدكتورة بالإضافة لصور الحالة لفائدتها بتذكر و تثبيت الحالة بذهننا خليت أغلب الحكي بالعامية حتى ماتحسوا بنشافة الموضوع , و ترتيب الأفكار متلما كان بالستاج , لنتعلم التفكير المنطقي خطوة خطوة لنوصل للتشخيص انشالله الفكرة تعجبكم , و إذا في أي خطأ أو إضافة أو تعديل أو سؤال فأنا بانتظار أنو أسمع أصواتكم لنتناقش بالحالة كأننا بالستاج  |
|
#2
Nov, 25 2005, 16:58
| |||
| |||
 الحالة إجانا طفل عمره 6 سنوات شكايته : بقع حمر صغيرة و زرق كبيرة ( كدمات ) منتشرة على الجذع و الأطراف خروجه أسود إجته هل حالة من أول مرة من 4 أشهر بعد حالة حمى و إجا منشانها للمشفى و عطوه كيسين صفيحات و تحسنت حالته , رجعت إجته هل حالة من شهر و إجا لعندنا بمشفى الجامعة حتى الآن عطوه 18 كيس صفيحات و بدلوا دمه مرة أجهزة الطفل سليمة و ما شكى من أي أعراض تانية أخوه الكبير صارت عنده سابقة لأعراض مشابهة من زمن كبير 453703147.jpg 518873469.jpg 816461285.jpg |
|
#3
Nov, 25 2005, 17:06
| |||
| |||
 أول شي بنسأل حالنا سؤال بسيط هل بقع حطاطة أم فرفرية ؟؟ للتفريق بنضغط عل آفة إذا أختفت و عادت فمعناها أنها حطاطة , الفرفرية لا تختفي متلما ملاحظين من أعراض الطفل فنحنا قدام حالة فرفرية هون بدنا نفكر بالتشخيص التفريقي للفرفريات الفرفريات عند الأطفال 1ً) نقص الصفيحات : إما يوجد نقص بالmegakaryocyte ( الأرومات) : هل شي يؤدي لنقص كل عناصر الدم و منها نقص صفيحات - فقر دم لامصنع ( بسبب بعض الأدوية مثلاً) - أورام ( لوكيميا , لمفوما ,ارتشاحات ورمية ليفية ) - أدواء الخزن أو يوجد ارتفاع أو ال megakaryocyte ( الأرومات) طبيعية : - فرفرية نقص الصفيحات مجهولة السبب ITP - DIC - فرط نشاط الطحال - أدوية ( كينيدين) - الذئبة الحمامية - AIDS 2ً ) عدد الصفيحات طبيعي : إما يوجد اضطراب بعمل الصفيحات : ( يوجد تطاول بأزمنة النزف هنا ) - بعض الأدوية المضادة لعمل الصفيحات كالأسبرين , إندوميتاسين - اضطراب وظيفة الصفيحات المرافق لليوريميا - وهن الصفيحات لكلانزمان ( مرض صفيحي داخلي - داء فون ويلي براند( غياب خلقي للأشكال ذات الوزن الجزيئي المرتفع للعامل V111 الضروري لعملية تكدس الصفيحات) - عوز أنزيمات سبيل البروستاغلاندينات الموجودة في الصفيحات أو يوجد مشكلة بالأوعية ( التهاب أوعية دموية ) vacuities : - فرفرية هينوخ شونلاين - متلازمة اهلردانلوس |
|
#4
Nov, 25 2005, 17:11
| |||
| |||
 التحاليل طيب بعدما حطينا هل تصانيف الرئيسية براسنا كركيزة بدنا نعتمد عليها بتفكيرنا بنطلب التحاليل للمريض لنقدر نتوصل للتشخيص الصحيح . تحاليل المريض كانت كالتالي : الصفيحات : 3000-5000 ( متلما شايفين فهي ناقصة , طبعاً بنرجع للركيزة و بنشوف التشاخيص التفريقية يلي بقيانة ) عناصر الدم : ( ملاحظة : بدنا نشوف إذا النفص بكل عناصر الدم ولا فقط الصفيحات ) كريات بيض :10000 اللمفاويات 13% و المعتدلات 82 % الخضاب : 12,5 لاحظنا أنو مافي نقص ببقية عناصر الدم طيب بدنا ننعمل بزل نقي والسبب واضح إذا قرأتو الموضوع للنهاية حالة المريض هون شخصت ITP ( فرفرية نقص الصفيحات مجهول السبب ) حسب المعطيات |
|
#5
Nov, 25 2005, 17:12
| |||
| |||
| ملخص عن المرض رح أحطلكم ملحض عن هل مرض و طريقة معالجته : فرفرية نقص الصفيحات مجهولة السبب التظاهرات : تكدم حاد فرفريات نمشات نزف من اللثة أو الأنف أو المستقيم ( أحيانا ) إذا وجد : اعتلال عقد لمفية ,ضخامة كبد وطحال ,نقص كريات شامل على الأغلب نفكر بتشخيص آخر الفحوص : تظهر لطاخة الدم المحيطي عادة نقص صفيحات بسيط فقط قد تكون هذه الفرفرية ارتكاس لفيروس ما ( بتتذكروا أنو هل طفل إجته نوبة حمى قبلما تجيه هل حالة ) ليس من الضروري إجراء خزعة نقي عظم عند المرضى اللذين عمرهم أقل من 60 سنة و لديهم أرقام سوية في تعداد الخلايا الدموية الأخرى , و يمكن وضع تشخيص سريري لل ITP مادام استئصال الطحال غير متوقع إجراؤه ( في هذه الحالة يجري فحص نقي تأكيدي ) يجب إجراء فحص نقي العظم عند المرضى اللذين أعمارهم فوق ال 60 سنة بسبب زيادة احتمال إصابتهم بعسر التصنع النقوي إذا كان الوضع مناسباً يجب إجراء الدراسات المصلية لنفي مرضى الذئبة و ال AIDS لأن هذه الأمراض قد تتظاهر على شكل نقص صفيحات معزول وواضح السير السريري : النوع الطفلي الحاد يشفى تلقائياً خلال 4_8 أسابيع الشكل المزمن فهو أكثر إزماناً و يتظاهر على شكل نوبات نكس و هجوع |
|
#6
Nov, 25 2005, 17:15
| |||
| |||
| المعالجة : بشكل عام : معالجة الشكل الحاد عند الأطفال تتضمن الوقاية من الرضوض , استخدام كورس صغير من الستيروئيدات في بعض الأحيان أما معاجة الشكل الكهلي فهو أكثر تعقدياً و يحتاج لمدة أطول جرعات عالية من الستيروئيدات : تسبب هذه المعالجة هجوع تام و هي لاتحجتاج معالحة مستقبلية عند 35% من الحالات تقريباً استئصال الطحال : ضروري غالباً في الحالات المتبقية و يسبب هجوع تام للمرض المعالجة بمثبطات المناعة : متل الآزاثيوبرين و السيكلوفوسفاميد و ذلك للمرضى المعندين على المعالجات السابقة نقل صفيحات : في حالات النزف الشديد التسريب الوريدي لل IgG ( الغلوبيولينات المناعية ) : هذه المعالجة تستطيع رفع الصفيحات بشكل مؤقت في حالات الأزمة الحادة من ال ITP ( يتنافس ال IgG و يشبع بشكل ملحوظ مواقع الارتباط في الجهاز الشبكي البطاني مما ينقص عدد هذه المواقع المتوفرة لارتباط الصفيحات عليها و بالتالي تخربها ) فتستخدم بشكل شائع عند مرضى ال ITP قبل أي عمل جراحي مطلوب الإنذار : جيد بشكل عام , فقط 2_3% من مرضى الITP بعد خمس سنوات بالنسبة للي عملناه للمريض عندنا : عملنا لهل مريض كورس معالجة بالكورتيزون فعطيناه 2_4 ملغ/كغ بريدنيزولون و كنا بانتظار تحسن عدد الصفيحات للطبيعي ثم بالتدريج نقلل الجرعة و ننهي المعالجة الطفل هون لم يستجب للكورتيزون ( حالته أزمنت ) و عدد صفيحاته قليل رغم كورس الكورتيزون يلي صلنا من شهر بديانين فيه هلأ عم نفكر أنو نستأصل طحاله , فرح نجهز المريض لهل شي و رح نعطيه لقاحات و صادات بشكل وقائي ملاحظة : المريض ماصار معه ضخامة طحال ( و هي مو شرط ) إذا الطفل مامشي حاله بعد استئصال الطحال رح نفكر بإعطاءه مثبطات المناعة |
|
#7
Nov, 25 2005, 17:17
| |||
| |||
 نهاية حبيت أعمل شي جديد و مفيد بهل منتدى , هي فكرة و جربت أطبقها لأول مرة لأشوف إذا كانت كويسة لأتابع فيها , فخبروني شو رأيكم بهل فكرة و طريقة عرضها و يلي حابين يشاركونا بعرض حالات سريرية شايفينها بالستاج و يشرحولنا ياه أو يناقشونا فيها فالباب مفتوح للجميع و انشالله الكل يستفيدوا  تحياتي إيلوني |
| الأعضاء الـ 4 التالية أسماؤهم قالوا شكراً لك يا Elloni على هذه المشاركة المفيدة: | ||
|
#9
Nov, 25 2005, 17:29
| |||
| |||
| شكراً يا إللوني.... الله يعطيكي العافية... العرض رائع والحالة كتير كتير كتير كويسة.... والفكرة كتير حلوة ومبتكرة... الله يعطيكي العافية |
|
#10
Nov, 25 2005, 19:07
| |||
| |||
| شكرا كتير الك الوني ...عن جد هالطريقة كتير حلوة وناجة وسلسة وممتعة ... يا ريت تكملي بعرض هيك حالات مشان نستفيد... وأكيد رح ندعيلك من كل قلبنا... |
| قال العضو التالي أسمه شكراً لك يا sunshine على هذه المشاركة المفيدة: | ||
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| منداوي من هون ... ومنسرطن من هون ... | No Body | الإخباري | 0 | Jan, 30 2007 15:54 |
| بدك تعرفي نوع بشرتك ؟؟؟ هون الجواب | عابد | الجلدية | 5 | Mar, 06 2006 22:33 |
| أطفال زماننا ... 1 | Kliopatra | اجتماعيات | 3 | Nov, 11 2005 03:14 |
| مبادرة جديدة من نوعها بالمنتدى أرجو أن تنال إعجابكم | شبيه الريح | هديل الروح | 0 | May, 03 2005 21:36 |
| ستاج الأذنية | Optimisto | السنة الرابعة | 11 | Mar, 27 2005 14:40 |
