| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| Try to know the right diagnosis | مقاربة مريض بألم مفصلي | نحتاج إلى مشرفين (للأقسام ولكل الموقع) |
| تعالوا نشخص التهاب الكبد B مصلياً | تقربر مفصل عن فحص الكيمياء العضوية العملي لطلاب ابو بكر |
 |
| | LinkBack | أدوات الموضوع |
Nov, 28 2005, 20:58
| |||
| |||
 أملغم ... أم كومبوزيت ... أو مادة أخرى ؟؟ في كل مقرر للمداواة الترميمية والمواد السنية ... يتكرر النقد والمدح حيناً للأملغم على حساب الكومبوزيت ... وحيناً خوف بالغ من الأملغم ..؟؟؟ وتتفاوت ردود أفعال دكاترتنا ... من الدكتور جمال الذي يعتبرالأملغم المادة المرممة الأولى ... إلى الدكتورة إليزابيت التي تعتقد بالكومبوزيت والGI ونحن نستقي هذه المعلومات ... ونتعلم ترميم حفر الصنف الأول والثاني بالأملغم فقط ...  لأن هذا ما يقرر علينا في هذه المرحلة لكن ... في عياداتنا ... بم سنرمم يا ترى ؟؟ أملغم أم كومبوزيت ؟؟؟أم مادة أخرى ؟؟  |
| قال العضو التالي أسمه شكراً لك يا zorba على هذه المشاركة المفيدة: | ||
|
#11
Dec, 02 2005, 22:27
| |||
| |||
| يا عيني عالحكي السهل .. طيب طالما الحشوة فيها زئبق كتير .. اعصرها وطالع الزئبق الزايد منها .. يا ستي شوفي جلسة المداواة شلون مقسمة تلت ساعة إذا مو نص تفقد ... ربع ساعة لتستلمي القبضة ... وربع ساعة عامل الصيانة لأنو أكيد الكرسي فيو شي مو شغال .. ربع ساعة بدك تعزمي الدكتور عزيمة ليجي يشوف الحفرة .. ومو دايما بتكون زائدة الزئبق مرات زيادة مرات ناقصة ؟؟؟ بس ولا مرة تمام ؟؟ وماءات الكالسيوم أكيد خلصانا مدتها من 10 سنين .. وبتسأللي بيقولولك كل شي متوافر بالقسم |
|
#12
Dec, 02 2005, 22:35
| |||
| |||
| أنا عني رح أشتغل أملغم أكيد إذا بقيت في حلب لأنو الشعب بيقيس الجودة بالاستمرارية ( حطلي حشوة صرلا عشر سنين بتمي) يعني انا ما بقدر أقنع المريض أنو خصائص الحشوة ما بتعيش أكتر من خمس سنين .. رح يعتقد وببساطة أنو في حق عالدكتور تاني شي ؟؟؟ شو الميزة الوحيدة للكومبوزيت ؟؟ بظن برأيي هية الناحية التجميلية .. اللي ما بتدوم كتير بعد فترة ( بكون المريض لسى ما لحق يفرح عحالو) بيتغير لون الحشوة ؟؟؟ فالأملغم بيعطيني استمرارية وصلابة .. أكيد ما رح ألجألو بحشوات مع دبابيس وهيك قصص بيعلمونا ياها .. رح أشتغلو صنف أول وتاني .. وبس |
|
#13
Dec, 03 2005, 01:24
| |||
| |||
| المجد يا ستي رح أعصرها وإذا ما في مانع تيجي إنت تعصريلي ياها لأني بدي حدا يساعدني بهالشغلة تاني شي المادة إللي فيها إختراع اسمه تجريف النخر هي مادة المداواة الترميمية المحافظة إذا سمعانة فيها (هي إللى رئيسة قسمها الدكتورة إليزابت سركيس) ليش لهلأ ما حكولكن على شي إسمه تجريف نخر؟؟؟ تالت شي وياستي نيالها كليتنا على المحبة القاتولية إللي عم بتحبيها والله يهنيكون رابع شي عن جد اشتريتي كومبوزيت  وبدي إسألك بالله عليك ما اشتريتي جهاز تصليب ضوئي من شان تلحقي الأسنان الطبيعية بالبيت كمان؟؟؟؟وآخر شي طبعاً مهمتنا بالإضافة إلى كونها متعبة وخطرة فهي بالدرجة الأولى إنسانية والله الموفق  |
|
#14
Dec, 03 2005, 02:13
| |||
| |||
| zorba إذا هيك الله يخليلنا هالمخابر فوق راسنا .. لا عيادات ولا هم يحزنون .. أحياناً التفقد بياخدوه من دون ما يحكولنا .. بيكون دكتور نبيل عم يشرح والدكتور بسام بيطلع عاللوحات الإسمية وبياخد التفقد .. ( مو دائماً بس أحياناً  ) .. بقى قلتيلي تلت ساعة تفقد ..لك والله كل شي متوافر عنا .. كلّو تمام التمام .. ليش هيك إنتو عندكم معترين يا حرام .. sadekly لا طبعاً وأكيد حكولنا .. وسمعانة فيها .. بس قصدي إنتو عندكم خمسين ألف مادة .. شي لبية وشي مداواة محافظة وشي تخدير وقلع وما بعرف إش في كمان .. لذلك ما كنت متأكدة من اسم المادة .. لأنو كمان باللبية في تجريف نخر .. صح ولّا لأ ؟؟ 
 بالفعل اشتريت علبة ( أنا ورفقاتي طبعاً مو معقول أشتريها لحالي مشان أربع حفر وبالأخير تنكب نصها ) .. بس لحد هلأ ما وصلنا لمرحلة نشتري جهاز تصليب ضوئي .. بس إذا اقتضى الحال يمكن نعملها .. عم بمزح طبعاً شقد ضحكت على ردودكن إنت وzorba حسيت حالي مغفلة جداً بقضية عصر الأملغم تذكرت شغلة برد zorba
ملاحظة : أسألتي هي اللي عم أسألها مجرد استفسار .. باعتبار إنكم أكبر مني فأكيد بتعرفو أكتر مني بأمور الدراسة . لذلك عم ألجأ لهالأسئلة .. لأنو كمان مرة وأنا عم أحضّر حفرة بالمداواة خطر على بالي سؤال .. في كتير خطوات بنعملها ما بحس إنها بتفيد كتير وخصوصي مثلثات غيبل .. يعني هي لولا إنو الدكاترة بيرجعوني على مكاني مشان أعمل هالمثلثات ما كنت قرّبت عليهم بالمرة .. يعني شلون أصلاً رح نقدر نحدد مكان هالمثلثات بتم المريض ما عم بعرف .. إذا بالأساس الدكتور بيمسك المكبّرة مشان يشوف إذا في أي أخطاء بالحفرة .. فما بالكم بالعين المجردة وفوق المنا بتم المريض كمان .. وأنا بانتظار توضيحكم .. |
|
#15
Dec, 03 2005, 12:20
| |||
| |||
| أول شي أشيا بيعلمونا ياها بلا أهمية : في بس مو مثلثات غايبل أنا عني عم اعمل بالقمعية الصغيرة مثلثات غايبل بس حشوة مع دبابيس مستحيل ؟؟ ليش أعمل حشوة ضعيفة وقت فيني اتوج ... بدون دبابيس في خطر اختراق لب ونفاذ وحشوة مو بالقوة الكافية ؟؟؟ مو القضية شو بيعلمونا وما بيهم القضية بالأمور اللي ما بيركزوا عليا بمخابر المداواة ( النايلونة واللوحة الأسمية اهم عنصرين) ما بيقولولنا ما تناموا عل الهامة لأنو بكرة المريض ؟؟؟؟؟ ما بيقولولنا أنو تجريف العاج النخر بهالأهمية .... ما يبقولولنا أنو العزل كتير مهم بس حفور وحشي وسلم |
|
#17
Dec, 03 2005, 13:18
| |||
| |||
| زوربا والله عم تحكي درر يا زوربا الدكتور نبيل دكتور كتييير كويسوالدليل على ذلك في آخر جلسة اشتغلت مداواة وكنت قارئ من يوم كلشي للدكتور نبيل عندي إياه وقلت رح إتبع كل التعليمات بهذه الحفرة وفعلاً اشتغلت على مهلي MOD وقمت بحشوها تماماً كما علمنا الدكتور نبيل ووقت اللي خلصت ما صدقت إنو أنا يطلع معي هيك شغل وفعلاً أخذت عليها (+C ) وطبعاً دعيتلوا كتير للدكتور نبيل والله بعطيه العافية إنشاء الله المجد بالنسبة لمثلثات غيبل أنا شخصياً عن بسويون سنبلة مخروطية بكل حفر الصنف الثاني اللي شتغلتن وطبعاً هنن مرأيات يمكن أن تلاحظيهم حتى على المريض وتاني شي خديها نصيحة مني ومن زوربا اشتغلي على الهامة ولو تدريب (بدون ما تسلمي العمل اللي اشتغلتي على الهامة) وهذا لمصلحتك وخاصة على الأسنان العلوية (الرؤية غير المباشرة ) وأهم شي علمي حالك وكأنك عم تشتغلي لمريض وهذا كلو لمصلحتك وأهلا وشهلا بك متى ما بتريدي استفسري على كل شي بيخطرلك ونحنا جاهزين للإجابة وبالنسبة للتجريف معك حق وأنا آسف أسأت فهمك سلام |
|
#18
Dec, 03 2005, 15:35
| |||
| |||
| مرحبا شباب تحياتي للكل أعتقد شخصيا أنو الكومبوزيت هو الأفضل نحن مو أفهم من هالأجانب اللي لغوه من زمان ، صحيح أنو لكل حفرة استطباب ولكن كل الاتجاهات حاليا هي للمادة التجميلية ولازم نعرف ( متل ما علمونا ) أنو الأملغم له سلبية وهي تحرير الأملغم طوال العمر السريري وهذا شيء مو منيح طبعا ولذلك برأيي أن الكومبزيت هو الأفضل ولكن عند توفير المواد الجيدة كذلك الأخ وسام يقول أنو الحشوة 2000 ليرة للكومبوزيت أحب أزيدك من الشعر بيت أنو بالسعودية الحشوة أغلى من هيك بكتير بس المواد كما رأيتها أفضل بكتير وتستاهل يعني نحن شوي مانعرف الكومبوزيت على حقيقته وأوعدكم أو ما أدخل على عيادتي أملغم بحياتي !!! لأنو بشع بشع بشع  تحياتي ... التميمي |
|
#19
Dec, 03 2005, 17:00
| |||
| |||
| sadekly ، زوربا: فعلا ً للدكتور نبيل فضل كبير علينا، والشي اللي عطانا ياه بالعملي مفيد جداً، ويا ريت كان عطانا بالنظري كمان..  المجد: صحيح إنه كتير شغلات بتتعلموها ما لح تلزم بعدين، بس لا تشوشي نفسك وتعلمي صح، أولا ً بتستفيدي علمياُ شوي، وتانياً بتاخدي علامات أفضل، ومتل ما قال sadekly حاولي تشتغلي عالهامة وكله لصالحك بكرة بالعيادات. التميمي: أكيد نحن مو أفهم من الأجانب اللي فضلوا الكومبوزيت عالأملغم، لكن كمان بنحسن نقرأ ونشوف إنه كل الحملة اللي قامت عالأملغم كان هدفها الدعاية للكومبوزيت لغرض تجاري، يعني الزئبق اللي عبيحكوا عنه بتحسن ترجع للمراجع وتشوف الكمية اللي ممكن تسبب تسمم، أنا ما عمبدافع عن الأملغم لمحبتي إله، ولكن لأنه لكل شي استطباب، ومستحيل نعتمد عالكومبوزيت فقط وخصوصاً في مجتمعنا. وصحيح؛ شئد بياخدوا بالسعودية على حشوة الكومبوزيت؟ خلينا نتنور بالأسعار مع تحياتي للجميع... أخوكم: عبد الحليم غريب |
|
#20
Dec, 03 2005, 20:03
| |||
| |||
| zorba
أهم شي عندهم النايلونة البيضة واللوحة الاسمية .. sadekly ، zorba ، Ghareeb بالنسبة للدكتور نبيل .. الله يخليلنا ياه ويديمه لهالكلية .. ما عم أتصور بكرة كيف رح يتقاعد وما رح نعود نشوف وجهه .. الحمد لله كل كلمة بيحكيها مسجلة بالفاصلة والنقطة كمان .. لا توصوا حريص .. Ghareeb ، sadekly يالله باعتبارها سيرة وانفتحت .. بالنسبة للتدريب على الهامة وبالرؤية غير المباشرة ( باستخدام المرآة ) .. ليش أصلاً عم نلاقي وقت لنخلص الحفر المطلوبة لحتى نعلّم حالنا عالمراية .. وإن قلت لحالي لا يا بنت لازم تعودي حالك من هلأ بكرة شو رح يفيدك هالشي بالعيادات .. بس لمّا بشوف الطلاب اللي بيشيلو السن برة الفرازاكو وبياخدو علامات أعلى عن جد بنقهر  .. بهالشغلة ما في عدل ..كتير بسمع من رفقاتي بغير فئات إنهم ما اشتغلوا ولا سن عالهامة .. ونحنا إذا شلنا السن برة الهامة رح يحطولنا جمجمة وعضمتين عالبطاقة ( طبعاً كان الدكتور عم يمزح معنا بس هاد دليل إنو ممنوع نعمل هيك ) .. التميمي ما قلنالك هيك !!! ما رح تفوت أملغم على العيادة .. يعني شي منو ولا كلو .. مرة هيك ومرة هيك .. عندك رحى متهدمة الحدبات اللسانية .. رح ترممها بالكمبوزيت !!! |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| EFT الجيل المطور لـNLP أم المنافس له ؟؟ | Kliopatra | الثقافة | 7 | Sep, 04 2007 21:35 |
| هل أنت جزرة .. أم بيضة .. أم حبة قهوة ؟؟ ؟؟ | moneerkanj | اجتماعيات | 2 | Sep, 10 2006 11:18 |
| اللاتينية ... أم الطب ؟؟ | Kliopatra | الامتحانات اللّغوية | 16 | Aug, 19 2006 03:43 |
| أيهما تفضّل ؟؟ الدراسة بالنهار أم بالليل ؟؟؟ | زين الدين | مقهى الملتقى | 16 | May, 07 2006 23:44 |
| أو لا تزال تسالني أتذكرين ؟؟ | zorba | هديل الروح | 12 | Mar, 02 2006 20:49 |
كل الأوقات حسب GMT +2، والوقت الآن 07:46.
