| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| Try to know the right diagnosis | مقاربة مريض بألم مفصلي | نحتاج إلى مشرفين (للأقسام ولكل الموقع) |
| تعالوا نشخص التهاب الكبد B مصلياً | تقربر مفصل عن فحص الكيمياء العضوية العملي لطلاب ابو بكر |
 |
| | LinkBack | أدوات الموضوع |
Nov, 28 2005, 20:58
| |||
| |||
 أملغم ... أم كومبوزيت ... أو مادة أخرى ؟؟ في كل مقرر للمداواة الترميمية والمواد السنية ... يتكرر النقد والمدح حيناً للأملغم على حساب الكومبوزيت ... وحيناً خوف بالغ من الأملغم ..؟؟؟ وتتفاوت ردود أفعال دكاترتنا ... من الدكتور جمال الذي يعتبرالأملغم المادة المرممة الأولى ... إلى الدكتورة إليزابيت التي تعتقد بالكومبوزيت والGI ونحن نستقي هذه المعلومات ... ونتعلم ترميم حفر الصنف الأول والثاني بالأملغم فقط ...  لأن هذا ما يقرر علينا في هذه المرحلة لكن ... في عياداتنا ... بم سنرمم يا ترى ؟؟ أملغم أم كومبوزيت ؟؟؟أم مادة أخرى ؟؟  |
| قال العضو التالي أسمه شكراً لك يا zorba على هذه المشاركة المفيدة: | ||
|
#21
Dec, 04 2005, 00:41
| |||
| |||
| ghareeb أخي الكريم ،، أنا أعلم بالمراجع والتي تحدد كميات الزئبق ( والتي قد تكون قليلة ) ولكن نفس المراجع تحدد لك ماهي مشاكل وسمية الزئبق !! حتى ولو كانت قليلة ولأنها تحرر الزئبق مستمر طيلة العمر السريري وهم عملو هالدراسات وهالأبحاث يمكن مشان يساعدو الحملة التجارية كما تفضلت ولكن مو ممكن يصلو لأنو يسحبوه من السوق من زماااااان مو صح ؟؟ والدليل أنهم يدرسو حاليا استبدال الزئبق بمواد أخرى كالكاسيوم وهكذا وهيدا بدل أنهم مابكرهوه ( متلي  ) ولكنهم مقتنعون بالضرر هيدا كلام المراجع ... وبالنسبة للأسعار ،، شي هااااااااااااي ،، بلا نفسد أخلاقنا .. ههههههه  المجد : انا طبعا مارح أدخل لاملغم عالعيادة بكفي هاللي تعرضنا له ( شميناه لشبعنا ) بهالسنة ولكن بالنسبة للرحى المتهدمة ،، مايهمك : فيه شي اسمه تيجان وجسور والتي يستخدمو فيه اختراع اسمه خــــــــــزف ... ولا شو رايك ؟ واسمحولي أبدي اعجابي بالدكتور نبيل فعلا انسان عملي وجدا وكلامه مقنع أكتر تحياتي .. التميمي |
|
#22
Dec, 04 2005, 06:27
| |||
| |||
| الله يطيعكن العافية يا شباب .. بس هلق بدي أطرح سؤال تاني .. ليش ما حدا جاب سيرة الأينومير الزجاجي ...؟؟؟ أنا شخصياً كتير حبيتو ... بعدين صح لسانك يا التميمي هذا الحكي اللي فعلاً بينسمع عن الكمبوزيت ، يا أخي شعبنا ما بيعرف مكانة الكمبوزيت العالمية .. لسى أملغم وبطيخ مبسمر ، يعني بتجي لاتشيل النخر بتحط صبة معدن موديلها بهوي ، وإذا كان المريض صبية بيصير معها عقدة نفسية كل ما بتفتح تمها وبتطلع على حالها بالمراية .. الكمبوزيت عم يتطور كتير يا شباب ، ادخلو وبحبشو على الانترنت وبتعرفو ، بس بذكر أنو الأملغم مهم كتير كمان يعني ما لازم ننساه يا تميمي لأنو لسى بيشتغلو فيو بأمريكا وبريطانيا ... سلام ... |
|
#23
Dec, 04 2005, 19:18
| |||
| |||
| [quote=Wesambassout][COLOR=" لسى أملغم وبطيخ مبسمر ، موديلها بهوي ، ...[/color][/QUOT  كام مرة وصيتك أنو تحسن ألفاظك ا... المشكلة انو عم تحكي هيك قدام المريض ؟؟ |
|
#24
Dec, 04 2005, 21:08
| |||
| |||
| لك يا أخ وسام .. يا صديقي .. يا حبيبي..الله يرضى عليك ...وين شعبنا ووين الكومبوزيت .. إن شالله بدك أبو عبدو وأبو علي يعرفو مكانة الكومبوزيت العالمي .. إن شالله بكرة إذا إجاك أبو عبدو على العيادة وتمو فيه مقياس اللويحة 3 والقلع 3 وبدك تحطلو حشوة كومبوزت (من شان ما تضربلو الواجهة يعني!!!) أبو السوم نص مجتمعنا أبو عبدو والباقي أبو محمد وأبو علي .. هدو ل بيشكلو 90 % من الشعب ..لا تزعلو عم بحكي واقع... وكلن ما بيعرفو الكومبزيت من الأملغم .. كل شي بيعرفو إنو لازم يحطو حشوة تطول 100 سنة .. شلون بدك تحطلون كومبوزيت وهم يعتبرون مضاد استطباب مطلق ؟؟؟ يعني ما بكفي نتعلم استطبابات هيك على العمياني .. لازم نتبع التشخيص مثلا مقياس اللويحة ومقياس القلح .. على الأقل لازم يكون مقياس القلح عند مريض الكومبوزيت صفر أما اللويحة فشغلتها محلولة يمكن ببعض التعليمات بالصحة الفموية يمشي الحال بس القلح شغلتو شغلة.. حشوات الألمغم حشوات رائعة عند الأشخاص المهملين والجاهلين بالصحة الفموية .. فهي الحشوة الأقل تأثراً بالظروف المحيطة(40 سيكارة و20 كاسة شاي أكرك عجم وأركيلة و5 فناجين قهوة في اليوم) أـما العوامل السابقة إذا تواجدت مع حشوة كومبوزيت رح تتلون بعد أسبوع أكتر شي ...موحرام؟؟ لذلك يعتبر التشخيص الدقيق للحالة والقصة السريرية أهم شيء وحتى في مداواة الأسنان المحافظة وهذا قبل كل شيء هام من أجل سمعتنا كأطباء.. لذلك يجب سؤال المريض عن عدد كاسات الشاي التي يشربها باليوم وعدد السكائر المخنة باليوم وكذلك عن شرب الكولا وما إلى ذلك لذلك ينحصراستطباب الكومبوزيت في الناس إللي بيهتمو بصحتون أولاً ثم بصحة فمهم ثانياً ولكل شي استطباب ... وإن شاء الله تكون اقتنعت إنو لا يمكنك العمل بدون أملغم ...فلاحياة بدون أملغم ولا أملغم بدون حياة..... وفي النهاية اسمع كلام الماما زوربا وحسن ألفاظك يا ابني أحسن ما تفكوا الشركة.... |
|
#25
Dec, 04 2005, 22:27
| |||
| |||
| وسام أخي الغالي وسام أنا كمان من رأي محمد، ونحن ما عمندافع عن الأملغم لمحبتنا به وكراهيتنا للكومبوزيت، بالعكس الكومبوزيت تطبيقه أسهل، ومريح أكثر وأبعد عن التسمم، وأهم شي إنه جمالي أكتر بكتيييييييييييييير، بس كمان الشغلة حسب المريض اللي بعيادتك، وأنا واثق إنه في المستقبل لح أستخدم الكومبوزيت أكتر، لكن كمان المكان اللي لح أشتغل فيه إله دور. zorba الله يعطيك العافية على تعبك مع أبو السوم، ويللا خليك عليه ليمشي حاله. ومعه معه بيصير sadekly الله يعطيك العافية على التوضيح الرائع عن أبو عبدو وأبو محمد، وحلوة هي : ماما زوربا... بس أحلى شي قولك: ...فلاحياة بدون أملغم ولا أملغم بدون حياة..... صحيح بالمناسبة؛ بتعرفوا إنه طلاب الرابعة بجامعة البعث عندهم 10 حالات أملغم و4 كومبوزيت، تفاجأت لما عرفت، ليش نحن مو هيك؟ بلكي هلأ الدكتورة إليزا بيث بتضيف الكومبوزيت للرابعة لأنه مهم والله نتعلم عليه تمام. ومو بس للأسنان الأمامية. مع تحياتي... |
|
#26
Dec, 04 2005, 22:55
| |||
| |||
| التميمي شايف شلون نسينا هالمواد التانية .. كل الموضوع كان عبارة عن مقارنة بين الكمبوزيت والأملغم .. ونسيت إنو في اختراعات تانية مكتشفة  بس كمان مع كل هاد ما بتوقع تقدر تستغني عن الأملغم ..  على فكرة كلام صادقلي ذكرني بنقطة انشرحت اليوم عنا بالمحاضرة .. فعلاً أمثال أبو عبدو وأبو على ما فينا نحطلهم كمبوزيت إذا هنن نفسهم ما بيعتنوا بالصحة الفموية .. بعدين الكمبوزيت عمره حوالي 5 سنين .. بقى بتقدر تسمع تعليقاته لهالأبو عبدو وأبو علي وهنن رجعانين مشان يغيرو الحشوة .. مستحيل .. على قولة صادقلي بدهم حشوة تعمر 100 سنة .. أما النقطة اللي تذكرتها هي : إنو عادات الأشخاص بالبلدان بتختلف من بلد لبلد .. وبالتالي المعالجات والأدوات المستخدمة بتختلف تبعاً لهالشي .. الكمبوزيت متل ما ذكرتوا إنو منتشر كتير ببلاد الغرب ونحنا عنا الأملغم أكتر .. هالشي عائد للصحة الفموية .. وكمان من ناحية القلع .. عنا المرضى ( أغلبهم بالمناطق الشعبية ) ثقافتهم مو كتير شي زيادة .. بيفضلوة القلع أكتر بمليون مرة عن المعالجة .. لذلك بتلاقي الدكتور هون مع الدكتور هنيك ( بنفس سنين الخبرة ) .. عنا شاطر وبيفهم بالقلع أكتر منهم وبالمقابل هنن بيفهمو بالمعالجات اللبية أكتر منا .. مع تحياتي  Ghareeb
|
|
#28
Dec, 04 2005, 23:24
| |||
| |||
| zorba ما بتشتغلو صنف رابع ؟؟؟ طيب ليش .. بس حلوة هي منك إذا لحقنا .. بتصدقي إنو لحد هلأ ما عملنا الحشوة المصبوبة .. هالأسبوع بدنا نحفر الحفرة ونحشيها ونسلمها يوم الخميس .. والعملي رح يكون يوم الأحد . رقم قياسي جداً .. |
|
#29
Dec, 05 2005, 17:38
| |||
| |||
| ياستي منشتغل صنف رابع بس لسا نحنا إيدنا مو تقيلة شوي... ما منستلم حشوات كومبوزيت للفصل التاني في السنة الخامسة ...شفتي شقد الكومبوزيت محترم عنا بالكلية ... بعدين وين ...صنف رابع ... بدك تخربي بيتنا .. ما بكفي هالحالات اللي أكتر من نص الدفعة ما لحقوون... وينك يا أبو السوم ؟؟؟؟ يالله أتحفنا بردك العظيم اللي رح تكوينا إياه متل ما قلتلنا بالكلية.. ZORBA...... آخ منك ... فهمتي علي؟؟..... أكيد فهمتي... سلام |
|
#30
Dec, 05 2005, 19:39
| |||
| |||
| مساء الخير يا طلاب كليتنا الذين أرى الكآبة في وجوههم يومياً في الكلية، وكأن هموماً كالجبال طـُرحت عليهم. حتى ليخطر ببالي أحياناً أن أكتب شعراً في رثاء طلاب كليتنا المناضلين. sadekly إشو شايف صايرين تعملوا مؤامرات!! أي رد لأبو السوم وأي كوي؟ الله يوفقك بتكفي الكلية اللي كاويتنا كوي بالمذاكرات العملية والنظرية وتسليم الأعمال و...بقى شوي شوي علينا حبابين. |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| EFT الجيل المطور لـNLP أم المنافس له ؟؟ | Kliopatra | الثقافة | 7 | Sep, 04 2007 21:35 |
| هل أنت جزرة .. أم بيضة .. أم حبة قهوة ؟؟ ؟؟ | moneerkanj | اجتماعيات | 2 | Sep, 10 2006 11:18 |
| اللاتينية ... أم الطب ؟؟ | Kliopatra | الامتحانات اللّغوية | 16 | Aug, 19 2006 03:43 |
| أيهما تفضّل ؟؟ الدراسة بالنهار أم بالليل ؟؟؟ | زين الدين | مقهى الملتقى | 16 | May, 07 2006 23:44 |
| أو لا تزال تسالني أتذكرين ؟؟ | zorba | هديل الروح | 12 | Mar, 02 2006 20:49 |
كل الأوقات حسب GMT +2، والوقت الآن 07:36.
