مرحباً ياجماعة

رح أنزلكم أسئلة الجهاز الحركي يلي أضافها الزملاء مشكورين بالمحاضرات

لنحلها سوا و نتناقش عليهاو نتفق على الجواب يلي رح نشوفه صح ( حسب رأي الأغلبية عندنا هون ديمقراطية )

بيكفي انو تحطوا رقم الجواب , و إذا كنتوا بتقدروا تحطوا إضافات معللة لجوابكم بيكون أفضل بكتير ( عبروا عن رأيكم بانطلاق )

رح أستنى كم جواب و أنزلكم أجوبتي

يلا ياجماعة بدنا همة قرب الفحص

تحياتي
إيلوني

السلام عليكم ..
شكرا جزيلا لجميع الزملاء المشاركين بهذه المناقشة الرائعة ..
شكرا للأخ زاهر على الاهتمام والتوضيح و نرجو أن تفيدنا بمعلوماتك للوصول إلى الاجابات الأصح ..
بالنسبة للتحفظ حول( مصطلحات الداء الرثياني ) فقد أصبح كل شيء واضح و جلي بفضل المعلومات التي قدمتها الأخت إيللوني وشكرا لك على الاهتمام والمتابعة ...
أما بالنسبة الاجابات التي يدور النقاش حولها :
الاجابات (10-11-13) والمسألة الهدية .. الحمدلله ما في مشكلة فيهم وشكرا على الثقة بإجاباتي أخت إيلللوني ..
12- شكرا على المعلومات الرائعة حول التهاب المفاصل الرثياني المزمن الشبابي.. كلام جميل جدا ومفيد ..
14- على ما أعتقد أن الجواب (d) كان المقصود به : يوجد نسبة من الإصابات الباكرة بالتهاب المفاصل الرثياني (وهو التهاب المفاصل الرثياني المزمن الشبابي الذي تفضلت بشرحه سابقا ..) ، وسواء أكانت هذه النسبة صغيرة أم كبيرة المهم أنها موجودة ..فالجواب (d) صحيح .. أما الجواب (c) فصيغة السؤال تجزم بحدوث (إصابة العمود الفقري و ....) وكأنه من علامات المرض الدائمة (وهذا خطأ ) ولكن في الحقيقة أن هذه الاصابات لن تظهر إلا في المراحل الأخيرة للمرض .. لذلك أميل لاعتبار الجواب (c) خطأ .. (بصراحة ما زال هناك شك في هذا السؤال و أرجو من الزملاء الأعزاء إفادتنا .. وخاصة طلاب الخامس والسادس )
15- خلافنا هنا على الجواب (4) يعني (d) (عندما تزداد الحاجة لاستخدام الستيروئيدات )
هنا لدي تبرير ربما يجعل هذا الجواب صحيحا :
نحن عند تشخيص الداء الرثياني - نصف الادوية المعدلة فورا ونشاركها مع NSAIDs
- قد تحدث هجمات للمرض ، ولكن NSAIDs تسيطر على أعراضها (الألم)
- لكن قد تكون هذه الهجمات شديدة ، عندها نضطر لوصف الستيروئيدات للحصول على تأثير سريع موقف للهجمة( بينما الادوية المعدلة بحاجة لوقت طويل )، ويفضل عدم مشاركة الستيروئيدات مع الادوية المعدلة.. لذلك نوقف الأدوية المعدلة خشية حدوث التداخلات الدوئية ..
- خلال استخدامنا للستيروئيدات ومع اشتداد الهجمة بشكل كبير ، تزداد الحاجة للستيروئيدات فنعود لمشاركتها مع الادوية المعدلة للمرض.. وهنا يصبح وصف الأدوية المعدلة للمرض استطبابا كمشاركة..
( هذا تحليل من عندي لا يستند إلى أي مرجع ((خيالي واسع )) .. و لست مقتنعا تماما به ولكنه يصلح إذا أردنا اعتبار المفاتيح صحيحة ..أما إذا كان هناك خطأ بالمفاتيح فلا شك أن الجوابين (2)و(5) هما الصحيحان فقط ..)
على كل الأحوال ننتظر ردودكم ومشاركاتكم ..
أتمنى التوفيق للجميع ...
شكرا
والسلاااااااااااااااااااا اااااااااااااااااااام

الزملاء الأعزاء :
مشكورين على التوضيحات المقدمة –جزاكم الله خيراً-
ولكني أود طرح وجهة نظري فيما يتعلق بإجاباتي التي اختلفت فيها معكم(12,15)
السؤال12:
اعتمدت في إجابتي على العبارة الموجودة ضمن المحاضرة ذاتها في الصفحة الأولى حيث اعتبرت العمر<25سنة.وصحيح أن المرض يصيب النساء أكثر إلا أن هذا لايمنع من إصابة الرجال به.
ولكن عدت إلى المراجع التي ذكرتها الزميلة إللوني +Oxfordوأكدت المعلومة-شكراًإللوني-
ملاحظة :هناك تصنيف آخر لداء ستيل اعتمده مرجع الطب السريري المصور–لن أذكره تجنباً للإطالة-
السؤال15:
-بغض النظر عن المفتاح المطروح-
1) نص oxfordعلى أنه يشترط لإعطاءDMARDاستمرار الالتهاب لمدة >6 أسابيع ،وبناء على ذلك لدي تحفظ على الجملة الواردة ضمن المحاضرة والتي توجب البدء بهذا العلاج اعتباراًمن لحظة التشخيص والتي بنيت عليها إجاباتكم.
2)اعتمد مرجع الطب السريري المصور في علاج RAعلى خطين هما:
الأول NSAID-حجر الأساس-
الثانيDMARD وذلك عند فشل الأول أو عند ظهور اختلاطات خارج مفصلية.
أما الستيروئيدات فهي للهجمات الحادة فقط.
وعلى هذا:الإجابات 1,2,3صحيحة
فما رأيكم بوجهة نظري؟
ـــــــــــــــــــــــــ ـــــــــــــــــــ
مع فائق احترامي

[quote=venus][u]
-بغض النظر عن المفتاح المطروح-
1) نص oxfordعلى أنه يشترط لإعطاءDMARDاستمرار الالتهاب لمدة >6 أسابيع ،وبناء على ذلك لدي تحفظ على الجملة الواردة ضمن المحاضرة والتي توجب البدء بهذا العلاج اعتباراًمن لحظة التشخيص والتي بنيت عليها إجاباتكم.

شكراً لإلك فينوس على مشاركتنا بآرائك

حبيت أذكر نقطة لأوضحلك شي أنا فهمته ( بيجوز يكون غلط ممكن تتأكدي )
أنا لأشخص الداء الرثياني لازم تكون الأعراض مستمرة أكتر من 6 أسابيع , فمتما شخصته ( يعني دامت الأعراض طالما قدرت و توثقت من تشخيصي ) لازم أستعمل DMARD , ياترا هيك ريدت عليكي بلشي يلي عم تتعجبي منه ؟

هاي الجملة يلي اعتمدت أنا عليها بحلي من كتاب NMS و كنت مقتنعة بيها بس بجوز الدكتور بيعتمد على غير كتاب , فكل شي بيصير
رح أبحث بمراجع تانية بشكل مفصل بركي بنرسى على شي حل لأنو صايرة المراجع متفاوتة بطرق العلاج و كل مرجع إله مذهب , و أحطلكم شو لقيت

شكراً لإلك كتير أنت و الأخ ابراهيم على مناقشاتكم

لسا المجال مفتوح ياجماعة

بتمنالكم كل التوفيق

سؤال يا جماعة ...
أنا بصراحة فهمت من مناقشة أجوبتكن أنّو منفهم من مبدأ الأدوية المعدلّة للمرض أنّو هي أدوية تخفف من أعراض المرض , بعكس الـ NSAIDs اللي بفيد في علاج الهجمة دون منع تقدّم المرض حسب ما هو منصوص في الصفحة 30 من الملخّص (السطر الأخير) ...
طيب و أنتو اعتمدتوا في اجاباتكم على أنّو الأدويّة المعدلة تمنع تقدّم المرض مع أنّو هالمعلومة غير منصوصة بشكل واضح بالملخّص .... فممكن أعرف ع أي أساس استنتجتوا هالإستنتاج؟؟؟

المشاركة الأصلية بواسطة ammour444

سؤال يا جماعة ...
أنا بصراحة فهمت من مناقشة أجوبتكن أنّو منفهم من مبدأ الأدوية المعدلّة للمرض أنّو هي أدوية تخفف من أعراض المرض , بعكس الـ NSAIDs اللي بفيد في علاج الهجمة دون منع تقدّم المرض حسب ما هو منصوص في الصفحة 30 من الملخّص (السطر الأخير) ...
طيب و أنتو اعتمدتوا في اجاباتكم على أنّو الأدويّة المعدلة تمنع تقدّم المرض مع أنّو هالمعلومة غير منصوصة بشكل واضح بالملخّص .... فممكن أعرف ع أي أساس استنتجتوا هالإستنتاج؟؟؟

أخ ammour
أدوية ال NSAIDS هي بس لتخفيف الألم , بس مالها فائدة لعلاج المرض أو إيقاف تقدمه
الأدوية المعدلة للمرض بتمنع تقدم المرض و بتعالجه بس ما بتخفف الألم

نحنا بنستعمل التنين لنريح و نعالج المريض

أكيد هل معلومة منصوصة بالمحاضرة ( هاي أو غيرها ) صلي فترة دارسة هل قسم و ماعم أذكر بالضبط وين ( إذا حدا متذكر يخبره لأمور
على كل هل معلومة مؤكدة ( ريحتك من فتح مراجع بس إذا بدك افتح و تأكد )

انشالله أكون وصلتلك الجواب

بتمنالك كل التوفيق
و إذا حدا عنده أسألة كمان حتى نستفيد ما يخجل

شكراً إيلّوني عالإجابة ... لأ إذا متأكدة خلص , بس أنا كان ئصدي أنّو المعلومة مو منصوصة حرفيّاً بالمحاضرة (إذا بدّك افتحيها و تأكدي)..
طيّب سؤال تاني ..
السؤالين اللي بآخر محاضرة التهاب الفقار اللاصق حسب المفتاح :
1-A
2-A
عجب صح؟؟؟ (بصراحة خفت لأنو تنيناتن A ) ..... حدا حلّن ؟

مرحبا ياجماعة
بما أنو لسا في حماس و في إجابات قبل طرح الأسئلة فما رح أخجل حدا و رح أطرح أسئلة هل صفحة حتى لو كانوا سؤالين مو محرزين لنتناقش بيهم و تكون الفائدة عامة

الأسئلة صفحة 65 قسم سعيد حمدون ( التهاب الفقار اللاصق ) ‏

أجب وفق المفتاح التالي : ‏
a‏)‏ ‏1 , 3 صحيح ‏
b‏)‏ ‏2 , 4 صحيح ‏
c‏)‏ ‏1 , 2 , 3 صحيح ‏
d‏)‏ ‏4 فقط صحيح ‏
e‏)‏ الإجابات كلها صحيحة ‏

‏1 ) المظاهر السريرية لالتهاب الفقار الاصق تتضمن مايلي ماعدا : ‏

‏ 1. حدوثه نموذجياً في العقد السادس من العمر ‏
‏ 2. ألم أسفل الظهر ‏
‏ 3. زيادة تمدد جدار الصدر ‏
‏ 4. فقادن في حركة العمود القطني ‏
‏ 5. وضعية الإنسان المتحجر ‏

‏2) الجمل التالية حول تطور المرض صحيحة ماعدا : ‏
‏1.‏ يخف المرض في الحمل ‏
‏2.‏ يفضل المفاصل المركزية و عند المراهقين
‏3.‏ تصاب الأنثى بنسبة أكبر من الرجال ‏
‏4.‏ في الحالات الشديدة يصبح العمود الفقري بكامله قطهة واحدة ‏
‏5.‏ الإناث يصبن بالشكل الثانوي من المرض ‏

عم نستنى اقتراحاتكم لحل هل سؤالين
تحياتي إيلوني

أنا هلأ خلصت المحاضرة تبع التهاب الفقار اللاصق.... والأجوبة برأيي:
1) a

2) c

بس ان شاء الله يكونو صح.....:

السلام عليكم
وانا رايي متلك يا niel وان شاء الله صح
سلام

ستنزل الاجوبة الصحيحة في ملحق خاص مع التصويبات وفقكم الله