مرحباً ياجماعة

رح أنزلكم أسئلة الجهاز الحركي يلي أضافها الزملاء مشكورين بالمحاضرات

لنحلها سوا و نتناقش عليهاو نتفق على الجواب يلي رح نشوفه صح ( حسب رأي الأغلبية عندنا هون ديمقراطية )

بيكفي انو تحطوا رقم الجواب , و إذا كنتوا بتقدروا تحطوا إضافات معللة لجوابكم بيكون أفضل بكتير ( عبروا عن رأيكم بانطلاق )

رح أستنى كم جواب و أنزلكم أجوبتي

يلا ياجماعة بدنا همة قرب الفحص

تحياتي
إيلوني

القسم الأول من الأسئلة صفحة 34 قسم الدكتور سعيد حمدون : ‏

مريضة عمرها 29 عام تطور لديها تورم مؤلم في كلتا اليدين , و لديها أيضاً يبوسة ‏صباحية شديدة , أظهر الفحص السريري وجود الإصابة في كل من المفاصل بين ‏السلاميات القريبة , و المفاصل المشطية السلامية ‏

‏ 1 . السبب الأكثر شيوعاً لحدوث الالتهاب في مفاصلها هو : ‏a‏)‏ خلايا ت المنشطة ‏
b‏)‏ خلايا ب المنشطة ‏
c‏)‏ الإصابة في الأوعية الدقيقة ‏
d‏)‏ IL4 ‎
e‏)‏ مشاركة العامل الرثياني في الإصابة ‏

‏2 . سيتطور لديها أعراض خارج مفصلية إذا : ‏a‏)‏ أصيبت ركبتها بشكل مبكر ‏
b‏)‏ وجود استجابة ضعيفة في المفاصل للأدوية المعدلة للمرض ‏
c‏)‏ المناعة الخلطية مثبطة ‏
d‏)‏ المناعة الخلوية مثبطة ‏
e‏)‏ تطور لديها أضداد ضد غلوبيوليناتها المناعية الخاصة ‏

‏3 . المكان الأكثر شيوعاً لتطور التهاب الأوعية هو : ‏a‏)‏ الكلية ‏
b‏)‏ القلب ‏
c‏)‏ الرئتين ‏
d‏)‏ الأمعاء ‏
e‏)‏ الجلد ‏

‏4 . الدواء الأكثر تخفيفاً للأعراض و العلامات هو : ‏a‏)‏ دي بنسيلامين ‏
b‏)‏ ميثوتركسات ‏
c‏)‏ أملاح الذهب ‏
d‏)‏ مضادات الملاريا ‏
e‏)‏ الأسبرين ‏

‏5 . الدواء الأكثر شيوعاً لاستخدامه في منع ترقي المرض هو : ‏a‏)‏ دي بنسيلامين ‏
b‏)‏ مضادات الملاريا ‏
c‏)‏ الميثوتركسات ‏
d‏)‏ الأسبرين ‏
e‏)‏ أملاح الذهب ‏


‏6 . أي من العبارات التالية حول التظاهرات المفصلية لالتهاب المفاصل الرثوي هي ‏الأكثر صحة : ‏a‏)‏ المعصم نادراً ما يتأثر ‏
b‏)‏ عندما يظهر في الأيدي يكون غير متناظر في اليدين ‏
c‏)‏ الحمى مع ارتفاع الحرارة إلى 104 مئوية شائعة مع إصابة المفاصل ‏
d‏)‏ الانحراف الكعبري للمعصم شائع ‏
e‏)‏ غياب الصلابة الصباحية لاتجعل من التهاب المفاصل الرثوي سبب مؤكد ‏للأعراض المفصلية ‏

‏7 . العامل الرثياني إيجابي في كل الحالات عدا : ‏a‏)‏ مرض ‏Adult Still’s ‎
b‏)‏ التهاب الشغاف الجرثومي تحت الحاد
c‏)‏ متلازمات التهاب الأوعية ‏
d‏)‏ الساركوئيد ‏
e‏)‏ متلازمة شوغرين ‏Sjogren’s ‎

‏8 . التظاهرات السريرية خارج المفصلية لالتهاب المفاصل الرثياني قد تترافق مع ‏إمراضية و إمواتية عالية هي : ‏a‏)‏ التهاب الأوعية الرثياني ‏
b‏)‏ التهاب التامور ‏
c‏)‏ Cachexia ‎
d‏)‏ عقيدات رثيانية ضمن الصمام الأبهري ‏
e‏)‏ كل ما سبق صحيح ‏

‏9 . أي من الإجابات التالية صحيحة حول العامل الرثياني : ‏
a‏)‏ يوجد في الدم عند حوالي 80% من المرضى المصابين بالداء الرثياني ‏
b‏)‏ هو سبب أساسي لحدوث الداء الرثياني ‏
c‏)‏ يقل انتاجه عند المرضى ذوي الزمرة ‏HLA-DR4 ‎
d‏)‏ خاص بالداء الرثياني ‏
e‏)‏ كل ماسبق خطأ ‏

شو وينكم
وين كل يلي قالوا نحن هنا ؟؟؟؟

أجوبتي مارح أنزلها إذا ماحدا (على الأقل) حاول يحطلنا أجوبته

شدوا الهمة لسا في قسم تاني و....و.....و ..............
من أولتها هربتوا ؟

ماحدا يزعل عم أشحذ الهمم بس

تحياتي
إيلوني

مسا الخير

شو جماعة الداخلية , شو صار فيكم ؟؟

بجد عتبانة عليكم كتير , و بخص يلي أبرزوا وجوههم لما عملنا استفتاء

و رح أعمل متل دكاترة المواد لما يعصبوا : المحا... قصدي الأسئلة مقررة

و ما رح أحطلكم الحلول يلي ببالي , شو بدي أتناقش مع خيالي

لسا عندكم فرصة لبكرا المسا
و إلا راحت عليكم

بكرا انشالله بينزل اسئلة القسم التاني و مهم مسألة إضافية حلوة هدية من الدكتور زاهر , بنشكره عليها


تحياتي لإلكم
إيلوني

هلا إيلّوني ..
الفكرة أنّي ئلتلّك هالقسم لسّا ما دئرته
طولي بالك علينا إيلّوني , كل شي إلا تعصبي !!

المشاركة الأصلية بواسطة ammour444

هلا إيلّوني ..
الفكرة أنّي ئلتلّك هالقسم لسّا ما دئرته
طولي بالك علينا إيلّوني , كل شي إلا تعصبي !!

شو رأيك AMMOUR انو مثلاً تدرسه بكرا ( على فكرة الاسئلة محصورة بجزء من القسم متلما شايف ) يعني للصفحة يلي فيها الاسئلة

و بعدما تدرسه و تكون معلوماته طازجة بذهنك , تحل الأسئلة , هيك بجد ما بتنساه بحياتك و بيتثبت كتير كتير منيح

على كل عتبانه على يلي دارسينه أكتر منك , شكراً إلك عل مشاركة ( المواساة )

لسا ما عصبت , التعصيبة غير شي

تحياتي

المشاركة الأصلية بواسطة Elloni

شو رأيك AMMOUR انو مثلاً تدرسه بكرا ( على فكرة الاسئلة محصورة بجزء من القسم متلما شايف ) يعني للصفحة يلي فيها الاسئلة

ديييبك أنا إيلّوني , بس ئليلي المحاضرات و من أي صفحة لأي صفحة و خلال سويعات بتلائيني دخلت و كتبتلّك الحلول صح 100% ...
و بوعدك وعد رجال أنّي ما شوف شو الأسئلة و بعدين أتعمّد حلّن من النوطة ...
سلامة و شكراً لإهتمامك بمصلحتنا

كويس أول واحد رح أجاوب
بس بالدايه انا درست اللي نزل للدكتور سعيد حمدون بس لسا بدي شوي..على كل حال
1-a
2-b
3-b
4-b
5-c
6-e
7-d هاد شلفه
8-b
9-a
شلون بدي أعرف علامتي ياريت تبلغيني عنا بأقرب وقت ممكن ...لاحدى ينقل مني انا كسلان
وشكرا إلك عل فحص وعل سيديه

السلام عليكم ..
شكرا جزيلا على جهودك و حرصك على فائدة الطلاب ..
أحببت أن أشارك في حل أسئلة الجهاز الحركي كونها مميزة وصعبة وتحتاج لكثير من النقاش والتحليل ..
1- الجواب (a) خلايا T المنشطة
حيث من الواضح أن المريضة تعاني من التهاب المفاصل الرثياني ، ولكن المطلوب السبب الأكثر شيوعا لحدوث الالتهاب في مفاصلها
من الناحية الامراضية أي المسبب ، وحيث أن العامل الرثياني ايجابي في 80% من الحالات فقط بينما خلايا T المنشطة موجودة في كل االحالات
وهي التي قد تؤدي الى تنشيط الخلايا B وتفرز IL4 وغيره من الوسائط الالتهابية..
2- الجواب (b)
لأن ضعف استجابة المفاصل للأدوية المعدلة للمرض سوف يقود الى استمرار ترقي المرض وبالتالي الوصول الى مرحلة الاعراض خارج المفصلية..
3- الجواب (e) الجلد
حيث أنه في الداء الرثياني الخبيث نجد تظاهرات جلدية بشكل تقرحات جلدية وعقيدات رثيانية..
4- الجواب (e)
الاسبرين لأنه من ال NSAIDs التي تسهم في تخفيف الاعراض والعلامات ..
5- الجواب (b) مضادات الملاريا
هو الأكثر شيوعا لأنه من الادوية المعدلة فهو يمنع ترقي المرض ، وهو الأكثر سلامة مع توافر المراقبة العينية ، وهو الارخص ثمنا لتوزيعه مجانا في مراكز الملاريا
وهنا الناحية المادية هامة لأن المرض مزمن و علاجه يستمر مدى الحياة ..
6- الجواب (e)
فاليبوسية الصباحية هي علامة ثابتة في التهاب المفاصل الرثياني وغيابها يجعلنا لا نعتبر الداء الرثياني سببا مؤكدا للأعراض المفصلية ..

7- الجواب (b)
لأن التهاب الشغاف الجرثومي تحت الحاد SABE معلوم أن سببه العقديات الخضراء ولا علاقة له بالعامل الرثياني.
علما انني لا أعرف ما هو مرض adult still's ولكن متلازمة شوغرين ومتلازمات التهاب الاوعية متضمنة في الداء الرثياني
والساركوئيد من أمراض المناعة الذاتية التي قد يكون فيها RF ايجابيا.
8- الجواب (e) كل ما سبق صحيح
فالتهاب الاوعية الرثياني يؤدي الى أذيات عصبية وعائية المنشأ
والتهاب التامور قد يؤدي لقصور القلب
و cachexia اي الدنف تشاهد في المراحل النتأخرة من المرض
والعقيدات الرثيانية اذا وجدت ضمن الصمام الابهري فهي على الغالب مميتة
9- الجواب (a)
واضح أن 80% من المصابين يوجد لديهم العامل الرثياني..


والحمد لله

هذا رأيي واقتراحي للإجابات ..
فإن كان هناك اجابات خاطئة أرجو توضيح الاجابات الصحيحة.
تمنياتي بالتوفيق للجميع
سلاااااااااااااااااااام

شكراً كتير MIDO و IBRAHIM على المشاركة و على هل إجابات الحلوة


متلما بتعرفوا الأجوبة الموثقة مو موجودة و إنما كل واحد مننا عم يعطي الجواب يلي بيشوفه صح
هيك بنقدر نشوف وجهات نظر بعضنا بالنسبة لبعض الأسئلة المحيرة

طيب رح أنزل أجوبتي هلأ بس لأطبعهم و نقارن الإجابات

و طبعاً عم نستنى اجوبة تانية لنتأكد اكتر و اكتر

بتمنالكم كل التوفيق و انشالله تتوفقوا بأسئلة الامتحان


تحياتي
إيلوني