اريد ان اعرف منكم هل الخطوبة أم الزواج اثناء الدراسة الجامعية توفرالاستقرار النفسي وهل هي محبذة؟
اعتقد يمكن يكون الكلام صحيح.
شو رأيك؟
وشكرا
د فيليب حردو _ London

و الله يا دكتور فيليب ضربت على وتر حساس...
يعني فعلا تخيل شاب مفكر بإنسانة , و غرضه شريف, و بنفس الوقت عايش على أعصابو لأنو ممكن بكل بساطة يجي العريس الجاهز المجهز..اللي شهادتو بجيبو و أمورو خالصة..
و بالتالي راح تقضي عمرك تتحسر و تقول..لو إني بادرت..لو إني ضغطت على اهلي شوي...لو...
الله يسامحك يا دكتور...ناقصنا هم؟؟

[B]Dear Terminator
I thought you are a strong man.
Women are soft and lovely to have around. They can be very supportive.
If you are a rich man do it!
Best wishes[/b]

السلام ...


أنا بوقف مع أخي تيرمينيتر بكل كلمة حكاها .......

يعني بظن قلال يلي متزوجين هون وطلاب بنفس الوئت ... لذلك ما فينا نحدد الشي يلي ما جربناه

احترامي ..


والسلام

لألأ يا terminator
الشخص لو كان حاطط عينو على بنت وهو طالب فبرأيي مو ممكن يخطب أو يتزوج إلا ليخلص
ليش لأنو مو معقول تروح عند ابو البنت وتقلو عمو انا طالب وبدي اخطب بنتك وبعد شي سنتين ولا تلاته منتزوج وبعد سنتين كمان بجيب بيت ملك (بأحسن الأحوال اذا الواحد أهلو درويش) ….حتى لو خطبت وانت بهل سن الواحد فينا دوبو يدرس شلون بدو يلحق للخطيبه كمان.. وانا برأيي الخطبه مرحله حلوه وهيك رح ينهضم حقا بوقت بالدراسه …وغير انو الواحد رح يضل ياخد من ابو المصروف الو ولخطيبتو (خطبه ودراسه وشغل بدا سوبر مان)
اما انو تطير البنت أو حتى يطير الشب فهون في شي اسمو الجازه قسمه ونصيب
يعني لو حكيت معا وتفاهمتو وما كانت من نصيبك ما رح تتجوزو أي بصير تتفركش القصه مشان وين رح تعملو العرس ..اما اذا كانت إلك فإدعي الله انو تتجوزو عن قريب
على فكره كلامي ما بينطبق عل كل وفي ناس ظروفن بتسمحلن بهل شي وهنن قادرين على حل المعادله.. وبشوفو راحه نفسيه لما يرطبتوا

الغلط الأكبر بهل القصه هو لما واحد بيجي وبيوعد بنت بأنو رح يخطبا
يمكن يكون صادق والله أعلم بس…أحيانا عبتصير بين هل تنين علاقه ظاهره أمام الناس وهل شي فيو اساءه للبنت أولا وللشب ثانيا اذا ماصار نصيب
وأحيانا عمتكون العلاقه خفيه أو مافي علاقه بس مجرد وعد وبهل حاله بتكون البنت روحت على حالا فرص كتير وارتبطت ولو عن بعد بإنسان يمكن يغير رأيو ويعطي نفس الوعد لبنت تانيه..وهون البنت رح تتدمر نفسيا اذا كانت ضعيفه شوي …وعلى الأغلب هي نهايات الوعود طويلة الأمد
الأفضل أنو نتوكل على الله فكل انسان رح ياخد اللي الو وبس
طبعا الكلام بهل مو ضوع معمم جدا ومتنوع جدا لأنو كل انسان الو طريقتو بالتفكير فرجاء لا حدى يحسبني قاصد شخص معين انا عمبحكي من الزاويه اللي عبشوف فيا

بتعرف mido..الموضوع إلو اكتر من جانب...
من جهة شغلة الوضع المادي و الدراسي بتحكم البني آدم ((ييعني أنا لا يمكن أقبل أرتبط و أبوي يصرف علي..))..
أصلاً شلون هالإنسانة راح تحترمني و انا عم مد إيدي و آخد مصروف...
لكن من جهة تانية...في كتير شباب يا أخي منضبطين أخلاقياً و جديين..ما بدو يتسلى مع بنات العالم..لكن بنفس الوقت هو إنسان و إلو مشاعر و احاسيس..و ما راح يقبل يوجهها بشكل خطاً..و عم يشوف حواليه أشكال ألوان..عالم خاربة الدنيا..فمن حقو يقول: طيب و أنا؟؟
يمكن الموضوع ما كنا نناقشو من قبل كنوع من الحياء.لكن بما إنو سيرة و انفتحت فلازم نتبادل الآراء حتى نوصل لفكرة معقولة..مو صحيح؟؟

المشاركة الأصلية بواسطة TERMINATOR

بتعرف mido..الموضوع إلو اكتر من جانب...
من جهة شغلة الوضع المادي و الدراسي بتحكم البني آدم ((ييعني أنا لا يمكن أقبل أرتبط و أبوي يصرف علي..))..
أصلاً شلون هالإنسانة راح تحترمني و انا عم مد إيدي و آخد مصروف...
لكن من جهة تانية...في كتير شباب يا أخي منضبطين أخلاقياً و جديين..ما بدو يتسلى مع بنات العالم..لكن بنفس الوقت هو إنسان و إلو مشاعر و احاسيس..و ما راح يقبل يوجهها بشكل خطاً..و عم يشوف حواليه أشكال ألوان..عالم خاربة الدنيا..فمن حقو يقول: طيب و أنا؟؟
يمكن الموضوع ما كنا نناقشو من قبل كنوع من الحياء.لكن بما إنو سيرة و انفتحت فلازم نتبادل الآراء حتى نوصل لفكرة معقولة..مو صحيح؟؟

Dear Terminator
I like your reasons
Good night from the cold and damp London

يا سيدي حطيتو إيدكن على الوجع..
رح أحكي إللي ببالي واللي بدو يصير يصير...
أولا في هالأيام صايرة الدنيا كلها بالمقلوب .. مابعرف ليش ... أغلب الحياة الزوجية في هذا المجتمع تبوء بالفشل أو بالركود وذلك بسبب عدم التوافق الكامل أو حتى النسبي بين الرجل وزوجته وصار الزواج بس (حطي أكل وإجلي الجلي واغسلي الأرض ووين الطبخة ) وما عاد فيو بحبك ولا تجدد أصبح يرتكز فقط على الروتين.... فأغلب الأزواج يكتشفون أنهم قد أخطؤوا في اختيار شريكهم والسبب هو عم التعرف عليه بشكل جيد تماماً (خطبة قصيرة أو لف ودوران من الخطيب أو الخطيبة يعني كولكة الخطبة وإلى آخره)
وبعد الزواج بفترة يصدم أحد الشريكين بأنه غير متوافق فكرياً مع شريكه وهنا تقع الطامة الكبرى ..عم بحكي واقع لأني أمي محامية وبشوف بعيني إِش عم يصير بهالدنيا...
هي المقدمة السابقة ما هي خروج عن الموضوع وإنما هي في صلب الموضوع ليش ؟؟ لأني إذا حدا من بيناتنا حط عينو على شي بنت (من كليته مثلاً) وبدي يزداد إعجابو فيها يوم بعد يوم وحاول يدرس شخصيتها و يحكي معها وهي ممكن توافق ... بس هون الشب اتبع مشاعره وعاطفته بس.. وما فكر بالناحية المادية .. لأني الحب عماه ... كيف بكرة إذا تخرج بدو يأمن مستقبلو ومستقبلها.. وهنا يكمن معنى الحب الحقيقي.. فإذا كان الحب الذي نشأ وترعرع بصدق وتفاهم وتوافق فكري وعن دراسة جيدة وكان هناك اتفاق في وجهات النظر وتطابق بين الإثنين أنا برأيي ليس هناك شيء مستحيل في الدنيا.. فمثلاً طبيب يمكن أن يتخرج ثم يخطب وإذا كان مخلص في حبه يعمل جهده (ولو طالت الخطبة سنة أو أكثر يمكن أن يتعاون كلاهما في العمل ويمكن أن يتلقوا مساعدة من الأهل (من أهلها أو أهله) لأني الحب الحقيقي والتفاهم الحقيقي حرام ما ينتهي بزواج ...لازم كل العيلة توقف جنبو من شان يتحقق ..وأنا شخصياً بعرف كتير قصص من هذا النوع ... والأشخاص متفاهمين إلى اليوم بعد سنين طويلة من الزواج ... وليس من المنطق أبداً القبول بالعريس الجاهز بدون تفكير (خلص عندو مصاري وبيت وإجا نصيبك يا بنتي.. وما إلى ذلك من هذا الكلام ) يعني صار الزواج بس مصاري وبيت وخلص .. وبيصير تفاهم بعد الزواج... متى سيحدث التفاهم ؟؟؟ بعد الزواج؟؟؟
نحنا موضوعين في مجتمع تغيرت فيه كل القوانين ولازم كل واحد يعرف حالو شلون يشتغل وشلون يفكر .. فالكذب أصبح كثير والنفاق أصبح أكثر وما عاد يبين الصالح من الطالح ..
صدقوني ليس هناك أجمل من الزواج بين شخصين متطابقين مهما كانت الظروف وأنا برأيي يتحمل الأهل مسؤولية كبيرة حول هذا الموضوع لأني بدون يأمنو مستقبل بنتن عن طريق تزويجها بشخص غني .. وما بيسألو عن شي مهم كتير وأكثر من مهم ألا وهو الحب الذي يدوم أكثر من المال وأكثر من البيوت ..
وأنا برأيي أنو آخر شي لازم نفكر فيه هو المال ... وكل شي وإلو حل والله ما بينسى حدا ..
وأنا برأيي الخطبة لازم تصير بعد التخرج أفضل وخاصة بالنسبة إلنا (عنا دراسة كتير) ويمكن إنو حدا يختار قبل التخرج بس يكون ذكي باختياره ...
أنا هذا رأيي بالموضوع هل رأيي صحيح؟؟ أم لا ؟؟ أفيدوني بآرائكم..

والله يا جماعة مشكلة الزواج مشكلة هالأيام, خاصة من الوضع المادي, فإذا المتخرجين و اللي عندهم شغل و مدخول ما عم يقدروا يتحملوا تكاليف الزواج, فكيف باللي ما عنده مدخول وفوق منها عم يدرس.
لازم نسوي مقارنة ما بين ميزات ومساوئ الزواج خلال الدراسة.
المميزات:
- استقرار نفسي وعاطفي.
- إشباع الغرائز والحاجات الإنسانية.
- تحسن المستوى الدراسي ( قد يتفاجأ البعض ولكن مع الاستقرار النفسي والإشباع الغرائزي تتحسن رؤية الأنسان للحياة ويتحسن تقدمه الأكاديمي, ولا تنسوا أن ما يقارب من40 % من طلاب الطب في أمريكا متزوجين)
- يتحول الشخص المتزوج إلى شخص مسؤول و معتمد عليه (في معظم الأحيان).
المساوئ:
- المطلبات المادية, من توفير المنزل أو متطلبات البيت الأساسية.
- إذا لم يكن الشخصان متوافقان (وجود مشاكل في الزواج) فإن هذا سيؤثر على وضع الشخص الأكاديمي والنفسي سلبا.
وبصراحة أنا لا أرى أي مشكلة في أن يعيلك الأهل-إذا كان الأهل أغنياء-- ( أهل الرجل أو أهل المرأة أو الإثنان معا) إلى أن يستطيع الزوجان إعالة أنفسهما, وإذا فعلا الزوجان متحابان ومتفهمان, لن يقل إحترام المرأة للرجل.
يعني حتى وقت ما الواحد بيتخرج وبيشتغله تلات أربع سنين وبده يتزوج, مين برأيكم حي يجيب البيت ومين حيدفع لتجهيزات العرس ومين حيجيب المقدم والمأخر ومين حيشتري الدهبات ومين ومين ومين؟ الأهل طبعا, فلا يقعد الواحد يقول: لأ أنا ما رح إتزوج لحد ما وقف على رجلي ووفر كلشي لزوجة المستقبل. إذا فعلا كان هادا إللي حيصير, فهادا يعني إنك ما رح تتزوج ليصير عمرك 35 سنة.
ومتل ما قال دكتور هاردو: إذا كنت غني, إتزوج.
وأنا ماني شايف أي مشكلة بإعالة الأهل لولادهم إذا كان الأبناء ما يقدروا يعيلو أنفسهم. وإذا المرأة ما احترمتك لأنك عم تاخد مصاري من أهلك فهدا يعني أنو ما بتحبك, و إنو ما بدها ترتبط معك إلا منشان المصاري.
وبصراحة أنا من أمنياتي إني لائي طالبة طب تعجبني وإعجبها, نعيش سوا, تفهمني وأفهمها, تحبني وحبها, تحترمني وإحترمها, نتشارك أحزان و هموم ومصاعب الحياة والدراسة ونواجها معا, إنسانة تخليني أنظر للحياة من منظار غير منظار الحياة الوحدانية الكئيبة, منظار المحبة والتفاؤل.
تحياتي وإحتراماتي للجميع.