الاعدام ممنوع في بريطانيا بسبب الأخطاء القضائية التي حصلت في الماضي ولكنه ممارس في كثير من دول العالم "وباختلاف واسع" مع بعض الأخطاء حيانا.....
A minimum of 23 wrongly convicted people are reported to have been executed in the USA this century. Another study shows at least 349 people in the USA wrongly convicted of murder, but not executedمثلا في امريكا اعدم خطئا 23 انسان بريئ وحكم خطئا بالقتل على 349 هذا القرن.
فما رأيك انت؟
اريد ان اعلمك ان حوالي 68.56% من الانكليز يوافقون عليه!!!
تحياتي
د. فيليب حردو UK

لك اخي إذا الشباب بمنتدى ثاني اتهموك بشي من هالنوع

ولا مفكرني ما بعرف أن كارل ماركس عاش في الغرب

فموضوعنا هاد مختلف ..
بعدين الجناح المؤيد للإعدام و المعادي للإجهاض و المتبني لقيم الأسرة راجع حالياً بقوة و مو بس بأمريكا..
صدقني من هون لعشر سنين الصورة النمطية تبع الغرب اللي بذهنك راح تتغير بشكل جذري..
في كتير معطيات موجودة بكتب فوكوياما و هنتنجتون و غيرهن بتأكد هالشي..

لك اخي إذا الشباب بمنتدى ثاني اتهموك بشي من هالنوع

رجاء لا يكتر الحكي ...

قاعدتك بالحياة: سوء الظن من حسن الفطن..
قصدت بالجملة إنو انا ماني من النوع اللي بيتصيد الأخطاء و بيعلق عليها..
لك شبكن صايرين الكل
يعني إذا الواحد بكل حوار بدو يراقب كل كلمة فبلا الحوار احسن...
حسبي الله على هالشغلة..

يا جماعة بتمنى تروقوا
مو كل مرة بدنا نتقاتل و نستنى البعض عالكلمة

تحياتي
حازم

هادا هو مثال على (ميني) مجتمع أخي حازم

ومتل ما قال أرسطو : المدينة هي اجتماع "غير متشابهين" (أضداد - متناقضين)... !! ..


مع التحية والاحترام

لما شفت فلم حياة دافيد غيل (أكاديمي أمريكي، ضحى بنفسه مع صديقته (وكانومن الناشطين ضد عقوبة الإعدام من شان يثبت إنو ممكن عمليا يصير خطأ وينفذ حكم الإعدام بأشخاص غير مذنبين.. )
وبنصح الكل إنو يشوفو الفلم.. لإنو أكتر من رائع.. جدا..
تأثرت كتير.. بالموقف..
يمكن ما عندي القدرة إني أضحي بنفسي من شان هي القضية بالذات اليوم.. (لإنو في قضايا أخرى.. هلأ أهم..)
بس..
أنا مع إلغاء العقوبة بكل قواي..
لكل الأسباب يلي قيلت..
1- موت إنسان واحد خطأ، هو جريمة لا يمحوها شيء..
2- ليس من حق المجتمع أو أي بشر. .أن ينهي حياة أي كان.. لما سأبينه..
القاضي هو إنسان (ولو كان يختم على أحكامه باسم الرب) والمجتمع تجمع لبشر..
وقطف حياة آدمي، هي حق لما هو فوق آدمي..(الإله، بالنسبة للمؤمن.. ،واللا أحد.. بالنسبة للملحد..)
وبالحالتين .. طالما أن الله لن يأتي بذاته ليأخذ حياة عبده..
لا يحق لأي من عبيده أن يرسل عبدا إلى عند ربه..
3- لا داعي له بالمرة،.. المذنب.. يعاقب بالسجن، فيكون للمجتمع أن يستفيد من طاقاته، وأن يصلحه، أو أن يتركه لخدمة غيره كأداء لدين أو حق عام

4- قد يكون الخطأ فعلا شاذا عن طبيعة المجرم.. في لحظة .. قرر، ونفذ.. أو في أيام.. (حالة عابرة.. * )
5- حتى لو كان طبع المجرم. الإجرام، فإذا أردت حسابه،÷ عليك أن تحاسب كل الناس..
كل البيئة التي كونته، بدءا من أسرته،أبيه الذي عذبه، أمه التي أهملته، مدرسة لم تعلمه جيدا، مسجد لم يعطيه معنى لحياته، أنت.. لم تقدم له شيئا..
فإذا دفع كل المجتمع له أولا، الدين.. وثمن التقصير فله أن يحاسبه..
6-طالما أن أحدا لن يفعل، فلا يحق لأحد أن يحاسب.. قبل أن يحاسب كل المقصرون في الدنيا، من بوش الذي احتل العراق، إلى ميكروسوفت التي احتكرت الأسواق، إلى أستاذ الرياضيات الذي ضربه 5 عصايات.. إلى. إلخ
7- وفر الفرصة لحياة أفضل للناس. .سيقل الإجرام والسرقة..
دليله، تنتشر الإجرام، والمخدرات والسرقة، في مدن الصفيح.. وفي الأحزمة.. الفقيرة..
كل هي أسباب للجريمة.. حلها قبل ما تحاسب الفرد بالذات..

.. 8- لما بكون في حكم.. (وهدا رد ع يلي بقولو هيك الحكم من السما.. بدنا نعمله لإنو من السما..)
نزل بفترة بشكل ما، ما يعني بدنا نعمله للأبد بنفس الشكل..
البشرية بتتطور..
بفترة ما كان فيهن غير يعدمو.. طيب، يعني أكيد الله ما بيفرح بمنظر الدم يلي عم يجري من ع إيد السياف،
ولامن مناظر الإيدين المقطعة..
في سبب وغاية، الردع، حماية المجتمع..
وفي شي أهم هو حياة الإنسان..
11- الجريمة لا تبرر الجريمة، وكون المجتمع هو من يأمر بالقتل، فهذا لا يعني أنه ليس جريمة..
كل موت لآدمي عن قصد هو جريمة..
ولا شيء يبيح الدم البشري

الآن لنقارن بين أمرين:
1. إلغاء الإعدام لأنه من الممكن أن يعدم أشخاص خطأ ... ولكن هذا سيزيد عدد الجرائم وعدد القتلى الأبرياء على أيدي المجرمين ...
2.الإبقاء على الإعدام ... وبالمقابل سنحصل على كبح أكبر للجريمة وقتل أقل .. ولكن سنحصل على أشخاص قد يعدمون خطأ...

مين مستعد إنو يكون كبش فداء.؟
يعني يلي مستعد يموت خطأ.. من شان الناس المناح..(هدا ممكن تكون إنت وايزمان.. يلي تعدم بالخطأ..)
طيب.. ومن شان الردع..
عطي رادع ع القد..
أهم مبدأ بالعلاج الحيوي.. بالصادات .. إنك تعطي باضيق طيف ممكن..
المشكلة إنو أطباء المستقبل عنا.. الله يحميهن.. متعودين، ع إنو.. أوسع طيف ممكن لحتى تقضي ع كل الجراثيم .. وترجعه كيوم خلقته أمه.. وما تتركله شي..ليش؟.
مين قال إنو الردع ما بيكفيه المؤبد.؟ بعيدين..
إمشي ع خطين متوازيين.. عميل ردع أخف، وعالج أسباب المشكلة..
هلأ.. دايما عم تاخد الإكستريم.. إنو واحد اغتصب 30 بنت.. (لاحظ الوتر الحساس.. جدا..، وعالعالي.. )
طيب.. هدا الشخص احبسه انفرادي (بعد ما تحسن العدالة العامة، والقضاء وإدارة السجن، لحتى تخلي السجن مو خمس نجوم..) وما تخليه يشوف بنت بحياته.. منيح..؟ برأيك ما بيرتدع؟
أو أساسا عالجه.. شوف شو وجعه.. وداويه.. وإذا معاق نفسا، حطه بالمصح..

لك فيلو هاردو..
عم تعجبني كتير.. لا تكون أخوي ومالي خبر.؟
ما خبرني إنو رح يشارك..
بس يالله فيك تعتبر حالك أخوي من هلأ..

أنا لما كتبت الرد.. ما كنت لسا قرأت كل الردود.. فعذرا ع التكرار