بعرف إنو هالسؤال عنصري من الجهة الجنسية, بس حبيت إستفتيكم و شوف رأيكم فيه.
كنا هديك المرة عم نتناقش بالجامعة عن هدا الموضوع, وبصراحة أغلب الشباب قالو إنو الشب أحسن من البنت في ممارسة الطب البشري, بينما البنات طبعا قالو العكس. بس في كتير ملاحظات دفعت البعض إنو يفكر إنو الطبيب أفضل من الطبيبة:
- من نادر النوادر أن ترى جَرَّاحة (أنثى), حيث تلاحظ أن قسم الجراحة يخلو تقريبا من النساء.
- الأسماء المشهورة في الطب وأصحاب العيادات المشهورة هي من نصيب الذكور.
- كثير من المرضى يثقون بالطبيب أكثر من الطبيبة.
- من بين المحاضرين الذين يدرسوننا الطب لا يوجد سوى 3 نساء.
- الرجل قادر على إتخاذ قرارات أدق وأصح لأنه غير متأثر بعواطفه, على عكس المرأة.
- المرأة كعضو في المستشفى غير فعال كالرجل, بسبب التغيرات الهرمونية الشهرية للمرأة بالإضافة للحمل والاهتمام الدائم بأطفالها, بينما الرجل فهو ملتزم تماما بالمستشفى.
أنا سوف أدلي بدلوي في النهاية, حابب شوف رأيكم بالأول. ويا ريت تدعمو رأيكم بالأدلة والنقاش المنطقي.
من يشكل طبيب أفضل:
الرجل
المرأة
لا فرق

أنا برأيي لا فرق....لكن الرجل قد يأخذ فرصته بشكل أكبر من المرأة و خصوصا في مجتمعاتنا و بالتالي يستطيع أن يطور من قدراته و إمكانياته العلمية أكثر من المرأة , فمثلا المرأة لا يمكن ولا يسمح لها أن تسافر خارجا للإختصاص بينما الرجل يستطيع ذلك....أما بالنسبة للجراحة المرتبطة بالذكور فمن الطبيعي أن يحدث ذلك....حيث توجد في الحياة أمور تناسب أحد الجنسين فقط حسب تكوينه الفيزيولجي و هي إرادة الله , فالمرأة لا تسطيع أن تعمل في الحدادة أو في مناجم الفحم أو حتى بالجراحة المليئة بالتعب و العمل و الدماء و إلى ما شابه ذلك, و كذلك الرجل لا يستطيع أن يعمل في دور الحضانة أو بدلا عن الممرضة في المشفى .
مع التحيات

مشان تكون المقارنة أدق
منقارن بين طبيب وطبيبة لهما نفس القدرة العقلية ( درجة الذكاء ) وقدموا نفس المجهود والظروف المحيطة بهم متشابهة نوعا ما
طيب.. بهالحالة برأيي أكيد رح يكون الرجل متفوق على الأنثى وبلا منازع (الحق يقال )

هاد الحكي بينطبق كمان على غير مجال الطب وحتى لو كان من اختصاص المرأة يعني مثلا
الطبخ الكل بيعرف انو من اختصاص المرأة بس لو اشتغل رجل بهالمجال ( صار شيف) رح يكون أحسن من أحسن طباخة (حتى لو كانت حلبية ) صح ولالأ؟؟؟؟

ما بعرف أنا حكيت رأيي حسب رؤيتي للواقع

مع احترامي للجميع

أحلى شي بالحلبيات والسوريات هو كيف انن بيعرفوا حالن و قنوعات بهالشي ! ...

بالنسبة لسؤالك ,,, وبحالتنا حصرا ... أكيد الشب رح يكون أحسن من البنت ...

لأنه غالبا عم يدرس وهو حاطط بباله لقدام الاختصاص والجراحات وأميركا وبريطانيا والستيبات والبلابات و ...

أما البنت ... فشو حاطة ببالها للمستقبل ؟ ...

المشاركة الأصلية بواسطة أمل المستقبل

الطبخ الكل بيعرف انو من اختصاص المرأة بس لو اشتغل رجل بهالمجال ( صار شيف) رح يكون أحسن من أحسن طباخة (حتى لو كانت حلبية ) صح ولالأ؟؟؟؟

لأ ومية لأ
أسوأ طباخة حلبية بتعلم أحسن شيف بالعالم
بهي ماحدا بيطلعلو مع النسوان خصوصي الحلبيات

بالنسبة لسؤالك ,,, وبحالتنا حصرا ... أكيد الشب رح يكون أحسن من البنت ...

لأنه غالبا عم يدرس وهو حاطط بباله لقدام الاختصاص والجراحات وأميركا وبريطانيا والستيبات والبلابات و ...

أما البنت ... فشو حاطة ببالها للمستقبل ؟ ...

يعني أكتر شي بيدايقني بهيك آراء شغلة وحدة
إنو بينغلق عندنا مفهوم الطبيب الناجح
و بينفتح مفهوم أين يتحقق مثل هذا الطبيب
طيب يا أخي إذا بتعرف :
1- الطبيب مجموعة خبرات سريرية ، معلومات، ممارسة، طيب كتير من هالأمور بتتحقق هون
2- الأساتذة بجامعة حلب"على فكرة المميزين منهون" اختصوا هون و بعدين سافروا ، إضافة إلى إنه بيجوا و بيعلموا شبابنا و بناتنا الخبرة اللازمة
3- إذا فعلاً انت إنسان مهتم بجعل الطبيبة موازية للطبيب و بدون التأثير على وظيفة ،رب العالمين خلقها منشانها "كونها إمرأة و هاد بحاله غير قابل للنقاش" فتعا انت على هالبلد بعد اختصاصك و ساعدهون ليكونوا أحسن هي أولاً و ساعد جامعتك لتكون شهادتها معتبرة هي تانياً
بس و الله أحسس البنت بالنقص أو أحسسها إنو الشب بيحسن يعمل أحسن منها بهالموضوع فهاد غلط و قمة الغلط
كتير من الشغلات الشباب ما بيحسنوا يعملوها و مافي غير البنت تساويها
و حتى الطب صح في شغلات ممكن تكون صعبة عالبنت ، بس كمان في شغلات ما في أفضل من البنت تعملها
طيب منشان شهادة أجنبية؟؟؟ يا بنات إللي بدها شهادة أجنبية تثبت فيها نفسها و خبرتها بس بشرط تكون تعبانة على حالها هون و مشتغلة على حالها منيح تسألني و أنا بدلها على الطريق منيح هيك

لذلك في فرق بس الفرق بيكون للرجل بمجالات و للمرأة بمجالات كأطباء ممكن يكون المجالات للطبيب أكتر بس هاد ما بينفي إنو للمرأة نجاحات باهرة في مجالات طبية تانية ، دائماً تذكروا مشهد من المشاهد
فتاة عندها حليموم تناسلي ، تخجل منه بشدة، شقد بيكون هون طبيبة الجلدية دورها مهم ، شقد مهمة صعبة على بنت ممكن تكون على قدر كبير من الخجل "بدون ضغوطات اجتماعية منشان ما تستغل هذه الكلمة في مجال خاطئ" شقد صعبة تعرض حالها على طبيب
أهم شي في علاج المريض راحته النفسية و هاد مو عيب
طالما في عندي إنسانة طبيبة ممكن تريح هالمريضة ليش لأ
و كثير من الأمثلة الأخرى

تحياتي
حازم

بصراحة الموضوع مبين و ما بده سؤال

الطبيب بيصحله أنو يشتغل أكتر , يداوم أكتر بالمشفى , يلتزم أكتر
يسافر لبرا بكل سهولة ليعمل ستاجات أو اختصاص
يداوم إضافي بالمشافي
يناوب اكتر

.......................................

كل هل شي باعتباره ذكر

في نقطة مهمة بالمجتمع الشرقي و هي انو الذكر هو المسؤول عن الناحية المادية و بشكل رئيسي للأسرة , فأكيد رح يكون مطلوب منه أكتر من المرأة و رح ينفتحله باعتباره رجل كل قيود المجتمع يلي المرأة بتعاني منها

بس كمان متلما قال الأخ حازم , في اختصاصات خاصة بالنساء و بتنجح فيها النساء اكتر منها النسائية , حتى التجميل
إذا بدك دلائل : في دكتورة تجميل بحلب بتطالع أكتر من أحسن طبيب بأي اختصاص , و عيادتها على طول مليانة عل أخير ( إذا كان هادا هو معيار النجاح )

أكيد الانثى هي المسؤولة بشكل رئيسي عن اولادها و عن عائلاتها , و وجودها كتير ضروري ,
و البنت يلي بتتأخر لتتجوز بينظر إليها المجتمع بسوء
و البنت مرباية على أنو همها الزواج و إذا وحدة ببالها تدرس و تكمل دراسات عليا معناها رح تروح عليها راحة و عم تعذب حالها عل فاضي طالما نهايتها لبيتها و جوزها و أولادها ( مو هيك بينظر المجتمع ؟؟ )
أما الرجل وجوده بالمنزل أو وجودة جنب اولاده مو مطلوب منه متلما مطلوب من المرأة أصلاً الرجل ما بيعتبر أنو هل شي من مسؤولياته لنكون صريحين

برا الوضع مختلف باعتبار القيود مو نفسها و الحياة المشتركة بين الرجل و المراة مختلفة ,
فهنيك طبيبات ناجحات و ألهم اسماء كبيرة موجود بشكل شائع
و على فكرة أخي عم يدرس بفرنسا و قلي انو عدد البنات يلي عم يدرسوا طب أكبر بكتير من عدد الشباب
( الشباب توجهوا اكتر للمعلوماتية )

عم أذكر هل نقطة لأقول أنو مو المشكلة من الأنثى بحد ذاتها و إنما من اجتماع الظروف ,, و القناعات و المجتمع .....

بالنهاية كل مين حسب اختصاصه بيشتغل , في اختصاصات خصوصية بالرجل , و في اختصاصات خصوصية بالمرأة
فبنشوف أنو حتى بالحياة العملية الرجل و المرأة بيكملوا بعض شايفين سنة الكون

فبجد بشوف المقارنة مو ظابطة , لنقارن بدنا نقارن شيئين متوازيين و متساويين

شكراً عل موضوع

تحياتي
إيلوني

لنضع تأثيرات المجتمع والتأثيرات الجانية على جنب حاليا ( مع أنها مهمة جدا) ولنتحدث عن الفرو قات الفيزيولوجية.
عقل الرجل و المرأة وطريقة تفكيرهما تختلف.
والفروقات الدماغية هي كالتالي.
- دماغ المرأة يحتوي على ( white matter ) - بتوقع ترجمتا المادة البيضاء - أكثر من الرجل ب 10 أضعاف.
- دماغ الرجل يحتوي على ( gray matter ) - المادة الرمادية - أكثر من المرأة ب 6.5 أضعاف.
- في دماغ المرأة:
86 % من white matter متواجدة في الفص الأمامي (frontal lobe).
84% من gray matter متواجدة في الفص الأمامي (frontal lobe).
- في دماغ الرجل:
0 % من white matter متواجدة في الفص الأمامي (frontal lobe).
46% من gray matter متواجدة في الفص الأمامي(frontal lobe).
ما أهمية كل من gray matter و white matter في عملية التفكير؟
White matter : تمثل شبكة الاتصالات وتوصيل المعلومات بين مراكز معالجة المعلومات في الدماغ.
Gray matter : تمثل مركز معالجة المعلومات في الدماغ.
من الملاحظات السابقة نستطيع أن نستنتج:
- تفكير المرأة مركز في الفص الأمامي من الدماغ, بينما تفكير الرجل موزع في الدماغ بشكل أكثر من المرأة ويتركز في الفصوص الجانبية.
- المرأة قادرة على تجميع وتركيب المعلومات المختلفة أكثر من الرجل, بينما الرجل قادر على التفكير والمعالجة المركزية أكثر من المرأة.
من هنا أستطيع أن أستنتج أن المرأة قادرة على تشخيص الأعراض المرضية وربطها بالمرض أكثر من الرجل, بينما الرجل قادر على اتخاذ القرار بالطرق العلاجية للمرض و فهم ميكانيكية المرض أكثر من المرأة.
يتبع......
احتراماتي وتحياتي للجميع

تأثيرات المجتمع (وخاصة الزواج) من أهم الأسباب التي قد تجعل المرأة تتراجع والرجل يتقدم.
والزميلة Elloni ذكرت الموضوع.
يعني – وللأسف- المجتمع ينظر للمرأة التي تجاوزت 26 من العمر ولم تتزوج على أنها امرأة عانس وغير جيدة.
هذا يؤدي إلى استعجال المرأة إلى الارتباط والزواج ( بالنسبة لدارسة الطب البشري عادة بيكون بعد التخرج بما لا يقل عن سنة إذا ما انخطبت قبل كمان).
عندما تتزوج المرأة, عادة ما ينتهي تحصيلها الأكاديمي, وينتهي طموحها حول الاختصاص أو الشهادة العليا, ويتحول اهتمامها إلى عائلتها, وإذا كانت تعمل في مستشفى أو عيادة (هدا إذا ما استقالت كمان منشان تربي الولاد وتنضف وتجلي وتطبخ) فهي تتقبل وتقتنع بما لديها ولا تحاول أن تتطور.
أما إذا اختصت و وصلت لشهادات عليا ( سواء استطاعت أن توافق بين الدراسة والزواج – صعب كتير – أو تأخرت في الزواج حتى بداية الثلاثينات) وتعينت بوظيفة ممتازة أو أصبح لها عيادة ناجحة, وأصبح الناس يشيرون إليها بالبنان. فإنها تكون في أغلب الأحيان مقصرة في أعمالها المنزلية ( يعني يا دوب تشوف ولادها باليوم ساعة, ما بتعرف شي عن دِرَاسِتهون, بتجيب لفاية من شان تطبخ وتنضف).
يعني المرأة ( حسب نظرة مجتمعنا) لديها وظيفة أساسية وهي البيت وتربية الأولاد.
أما الطبيبة فيصبح لديها وظيفتين, الطب و البيت والأولاد.
وبالنسبة للطبيبة فإن نجاحها في أحد المجالين يجب أن يكون على حساب المجال الآخر.
هذا سبب أساسي لتفوق الرجل على المرأة في الطب.

لنضع تأثيرات المجتمع والتأثيرات الجانية على جنب حاليا ( مع أنها مهمة جدا) ولنتحدث عن الفرو قات الفيزيولوجية.
عقل الرجل و المرأة وطريقة تفكيرهما تختلف.
والفروقات الدماغية هي كالتالي.
- دماغ المرأة يحتوي على ( white matter ) - بتوقع ترجمتا المادة البيضاء - أكثر من الرجل ب 10 أضعاف.
- دماغ الرجل يحتوي على ( gray matter ) - المادة الرمادية - أكثر من المرأة ب 6.5 أضعاف.
- في دماغ المرأة:
86 % من white matter متواجدة في الفص الأمامي (frontal lobe).
84% من gray matter متواجدة في الفص الأمامي (frontal lobe).
- في دماغ الرجل:
0 % من white matter متواجدة في الفص الأمامي (frontal lobe).
46% من gray matter متواجدة في الفص الأمامي(frontal lobe).
ما أهمية كل من gray matter و white matter في عملية التفكير؟
White matter : تمثل شبكة الاتصالات وتوصيل المعلومات بين مراكز معالجة المعلومات في الدماغ.
Gray matter : تمثل مركز معالجة المعلومات في الدماغ.
من الملاحظات السابقة نستطيع أن نستنتج:
- تفكير المرأة مركز في الفص الأمامي من الدماغ, بينما تفكير الرجل موزع في الدماغ بشكل أكثر من المرأة ويتركز في الفصوص الجانبية.
- المرأة قادرة على تجميع وتركيب المعلومات المختلفة أكثر من الرجل, بينما الرجل قادر على التفكير والمعالجة المركزية أكثر من المرأة.
من هنا أستطيع أن أستنتج أن المرأة قادرة على تشخيص الأعراض المرضية وربطها بالمرض أكثر من الرجل, بينما الرجل قادر على اتخاذ القرار بالطرق العلاجية للمرض و فهم ميكانيكية المرض أكثر من المرأة.
يتبع......
احتراماتي وتحياتي للجميع

يعطيك العافية
بس ممكن تحددلنا المرجع إللي استقيت منه هالمعلومات
تحياتي
حازم