السلام عليكم ورحمة الله وبركاته

اليوم عملنا امتحان فزيولوجيا .... وللأسف صار اللي الكل حذرني منو ورحت لعند ناظم ....
الشي البيقهر أن الأسئلة كانت سهلة جدا من المستوى الوسط ودون الوسط ، ولكن الدكتور ما بيخليك تكمل حكيك ..أبدا .
كأنه الامتحان لحتى ينقصلك علاماتك ... مو لحتى يختبرك ..
الأسئلة كانت سهلة ومو محتاجه هالدراسة الكتيرة لتجاوبها . بس طريقة الامتحان وطريقة طرح السؤال ومحاولته لتغليطك هي اللي بتخليك لتغلط ... حتى لو أنك بلشت بالجواب صح وماكملت (لانو ما خلاك تكمل ) بيجاوب زميلك ، وبيقلك شفت هدا الجواب الصح
وتذكر دائما أن الحق معه ، وهو ما بيغلط رغم أنو سألنا سؤال وجوابنا كلنا صح ومتأكد من الجواب 100% بيجي بعدين بيقلنا انا سألتكم سؤال تاني ، وانتو غلطانين ، واذا بدك تحكي معه شوي وبدو يعملك اللازم

ما بعرف اش اقلكم ، ماني رايد أحبط حدا ، بس حبيت أنوه بالفعل قالولي كتير شباب واليوم شفت بعيني مو اذا كنت فهمان او اذا درست منيح ، شرط أنك تجيب علامة ....

الحمد لله درسنا كويس وفهمنا الماده كويس وما بدنا من الفزيولوجيا تبع الدكتور ناظم الا ننجح المادة وخلص .


نصيحتي للكل برجع وبأكد ... الي بيصحلو يروح عند الدكتورة الهام ، لايقصر .لأنو بتعطيه حقه كويس.
مو متل فحصنا حسيت حالي بالاتجاه المعاكس أو بجلسه تحقيق ...
ملاحظة (طلاب الدكتورة الهام عادة بتاخد اللي بيخلصو اول شي فشدو حالكم ...)
الله يوفق الجميع

اهلا اخي الكترون
اول شي ما تزعل ولا على بالك اللي حصل حصل والمهم انك -متل ما قلت- فهمت فزيولوجيا، ما مهم كم العلامة اللي جبتها ... متل ما بتعرف العلامات خصوصا عندنا ليست مقياس لمدى فهم الطالب
وان شاء الله تطلع المادة بعلامة كويسه

سمعت انه اسئلة الدكتور خلدون كويسه كمان عادية (يعني اذا دارس بتاجوبه) بدون تلاعب متل الدكتور ناظم

انا عندي الفزيولوجيا يوم الاربعاء ... ادعولنا بالتوفيق وانه ما اطلع عند ناظم

وشكرا لك
تحياتي

على فكرة لمن لم يعمل فحص الفزيولوجيا بعد
هدا موقع حلو ممكن تراجع فيه بعض تجارب العملي (هيماتوكريت - زمر دموية - زمن التخثر- جزء من تجارب التنفس) يتيح لك تشتغل هذه التجارب بشكل تفاعلي رائع (مصنوع بالفلاش)
http://www.getbodysmart.com
انا وضعت هالموقع بموضوع سابق واكرره مره تانيه لأهميته

تحياتي

السلام عليكم
و أخيرا ارتحنا من هم فحص الفيزيولوجيا أخ الكترون و إن كانت ما مضت على خير لأني كمان كانت مقابلتي عند الدكتور ناظم حيث كانت أسئلته مي صعبة و أغلبيتها فهمية متل ماقلت بس كان بستخدم نوع من حرب الأعصاب على الطالب و متل ما قلت بخربطنا بالسؤال و إن كان سهل
طبعا كان أريح فحص مقابلة هو عند الدكتورة الهام بتسأل من كتاب العملي
طبعا كان فحص الدكتور خلدون ليس أحسن حالا من فحص الدكتور ناظم أسئلته كانت من النظري و إذا الطالب مو دارس نظري منيح بروح فيها
الحمد لله على كل حال انشاء الله نكون طلعنا فهمانين المادة و مل بدنا العلامات
أتمنى التوفيق لطلاب باقي الفئات و أن يكون حظن أحسن من حظنا
واذا حدا حابب يتزود من نصائح حول امتحان الفيزولوجيا يزور الصفحة التالية
هي بالأساس مشاركات من أعضاء الموقع و فادتني كتير
كونان