إلى معظم طلاب الطب البشري . . . أنتم لا تفهمون شيئاً عن طب الأسنان
يدور هذا النقاش حول إلى معظم طلاب الطب البشري . . . أنتم لا تفهمون شيئاً عن طب الأسنان في قسم مقهى الملتقى في الملتقى الطبي السوري; هذه هي الحقيقة
فمعظم طلاب الطب البشري يعتقدون أن طب الأسنان هو أحد مواد الطب البشري مستغربين وجود كلية كاملة له .
قال لي أحد طلاب الدراسات لديكم ، وقد
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| استشارات الرازي | مقابلة مع منارة المنتدى ... !!! |
 |
| | LinkBack | أدوات الموضوع |
Dec, 12 2005, 21:41
| |||
| |||
| إلى معظم طلاب الطب البشري . . . أنتم لا تفهمون شيئاً عن طب الأسنان هذه هي الحقيقة فمعظم طلاب الطب البشري يعتقدون أن طب الأسنان هو أحد مواد الطب البشري مستغربين وجود كلية كاملة له . قال لي أحد طلاب الدراسات لديكم ، وقد كنت أدرس في إحدى المواد : حاجتك دراسة يا ، أنا طب الأسنان كلو بدرسو بساعتين وعندما سألت أحدكم عن عدد الأسنان في فمه ماذا قال برأيكم ؟ ؟ حاص ولاص وحاول يتهرب وانهزم عالمراية البعض الآخر منكم يعتقد ( كما العوام ) أن العصب الذي يدخل السن هو نهاية العصب ( يعني شقفة عصب ) ويسأل باستغراب : كيف تسحبون العصب ، ولا يدرك أنه يوجد شيء اسمه لب السن وليس العصب . والكثير الكثير . . . ارجوكم يا شباب وانا جاد في كلامي هذا حرصا على سمعتكم ، ثقفوا انفسكم قليلاً عن طب الأسنان فهو علم مستقل وبعيد كل البعد عما تدرسون ولا يتقاطع مع طبكم إلا بأشياء لا تشكل 20 % منه .  |
|
#21
Dec, 14 2005, 01:05
| |||
| |||
| المشاركة الأصلية بواسطة Wiseman_a معلش بتمون ...
يبدو إنك اليوم مو شربان قهوة الصبح مشان هيك معصب ، لأنو أنا بعرفك زلمة أرقى من هيك ، بس يالله بعتبرها نصائح من أخ لأخوه ...  مشان هيك أنا عم استنى مشاركتك الموضوعية والشفافة عن هذا الموضوع عن جد .. وبتمنى ما تاخد على حاصلك لأنو تباين وجهات النظر موجود في كل المواضيع ، لكن هذا لا يعني أن يتحدث الإنسان بهل الطريقة .. سيدي ... مقبولة منك ... وأنا وانت أكبر من أنو نكبر الموضوع وياخد منحى تاني لأنو هيك حكي مو مستوانا وأنا بعذرك على عصبيتك معي (لأنو بكون صاير شي مشكلة معك وفشيت قهرك فيني) ، لأنو برجع بكرر مستوانا نحن أرقى من هيك ، ولا لأ يا وايز مان ؟؟  |
|
#22
Dec, 14 2005, 01:05
| |||
| |||
| السلام عليكم. يا شباب... حبابين سكروا الموضوع، وبيكفي ردود. الموضوع بدأ بوجهة نظر طـُرحت بموضوعية، وبعدها كبر الموضوع وبدأت الحساسيات، ومتل ما قلت وقال غيري: إنه بالأخير كلياتنا منكمل بعض، وكل واحد فينا ما بيستغني عن التاني. ولازم نضع فكرة عملنا الإنساني أمامنا بدل هالكلام. طلبها قبلي أخي شادي، وهلأ أنا بكرر الطلب.. رجاءً سكروا هالموضوع والتفتوا عشي غيره بينفع. وحبابين يا مشرفين ويا أبو السوم اقفلوا الموضوع أو احذفوه. |
|
#24
Dec, 14 2005, 01:16
| |||
| |||
| ليش يا شباب .. مافي هجوم بالموضوع ، مجرد مزح كان كلو ... يعني معقول ما يكون زميلنا بالطب البشري يمون علينا ويمزح معنا شوي ، عادي أنا بتقبل هيك مزح .. خلونا نناقش الموضوع بعيداً عن الطابع الانفعالي يا شباب .. |
|
#25
Dec, 14 2005, 01:21
| |||
| |||
| بالعكس أنا برأيي مانهرب من شي واقعي لذلك خلونا نناقش فعلا بس بدون تعصب وبدون هجوم نريد أن نصل لمصدر الاشاعة لإبطالها |
|
#26
Dec, 14 2005, 01:23
| |||
| |||
| أوّل شي لازم نفرق بين رأي موضوعي ورأي استعلائي يعني لما بيجي واحد بقول والله أنا بدرس طب الأسنان بساعتين بكون عم بيتمسخر وبيستعلي وهذا لا يُؤخذ بكلامه ... لأنه طب الأسنان بده دراسة خمس سنين بعدين أنا شفت السريريات في كلية الأسنان على مساوؤه هو أفضل من العملي والتدريب السريري في الكلية عنا بكل بساطة كل طالب مسؤول عن مريض هو بجيبه وبيفحصه وبقدمه للدكتور يا ريت يكون نحن عنا هيك شي بس الموضوع بكون صعب بالنسبة إلنا نجيب مثلاً مريض معه سرطان مشان نفحصه طالب الأسنان بيتخرج وعنده قدرة يشتغل فوراً بينما طالب الطب محتاج للاختصاص حتى يشتغل فعلاً هي بعض مزايا الأسنان حكيتها  وبالنهاية طالب الأسنان اللي بيتخرج بكون بيعرف نفس كمية العلم اللي متذكرها طالب في كليتنا يعني نحن دراستنا وين عم تروح بالأخير؟ الواحد ما بيذكر غير اللي بيلزمه أو اللي مركز في ذهنه منيح وخريج الأسنان بكون متل طالب الطب اللي تخرج وخلص اختصاص بيعرف ما يذكره عن الداخلية أو العينية وفي النهاية ما بتلزمه. خلونا نكون موضوعيين ما حدا معه حق يقلل من قيمة طب الأسنان لأنه اختصاص متل أي اختصاص تاني بالتوفيق يا جماعة |
|
#27
Dec, 14 2005, 01:24
| |||
| |||
| أنا برأيي أنو دكاترة الطب البشري اللي عم يدرسو عنا ماهنن دكاترة أكفاء باستثناء البعض ، مشان هيك ما أخدو فرصتون ومالون مكانة كبيرة بكليتون ، وعم يطالعو الفرق بكليتنا ، لأنو في دكاترة على سبيل المثال دكتور وجيه سباعي ، يا أخي دكتور بكل مافيها الكلمة ، حتى أنو شارك معنا بالملتقى العلمي الرابع لخريجي طب الأسنان بمحاضرة عن مضادات الالتهاب الغير ستيروئيدية ، وبالرغم من أنو دكتور جبار ، ما شاف أي مشكلة أنو يلقي محاضرة في مؤتمر بكليتنا ويضيع وقتو عنا .. المهم .. المشكلة بالدكاترة اللي عم يدرسونا ... رغم بعض الحكي القاسي الخارج منهون ، لكن لا يعكس حقيقة كل الدكاترة التانيين متل د . أنور دندشلي أو دكتور هيثم جواد (متل ما قلت انت يا عبد الحليم) .. |
|
#28
Dec, 14 2005, 01:31
| |||
| |||
| شكراً شنكول على المداخلة الحلوة ... وأحلى شي أنو نحن منشتغل قبلكون ... يعني مهنتنا بتجيب مصاري قبلكون .. يعني نحن منحسن نشتري سكودا وانتو بتكونو لسى ما عندكون غير حق سيارة Cheery  بتمنى أنو يصير قسم للحوار بين طلاب الأسنان والبشري ( حوارعلمي فقط) لأنو البعض عم يستغل هيك مواضيع للتحدث بطريقة هجومية وتفويت كلام ما لو داعي على الموضوع .. مشان نحن نستفيد من معلوماتكون وبنفس الوقت نفيدكون بمعلوماتنا ، وبالنتيجة الوصول لمستوى علمي للشباب يكون عالي مع معرفة علمية شاملة ، يعني طرح المواضيع من وجهة نظر ممارسة سنية سريرية وممارسة طبية سريرية وتكون مدعمة بالقواعد العلمية والأساسيات النظرية من طرفنا ومن طرف شباب البشري .. شو رأيكون ؟ |
|
#29
Dec, 14 2005, 01:33
| |||
| |||
| فكرة حلوة ... وسام حطها ضمن الجلسة اللي بدنا نعملها بعد الامتحانات النظرية ... فعلاً فكرة حلوة إذا حدا عنده سؤال حول فكرة سنية أو حول فكرة بشرية بيطرحها بالقسم خلص رح نطبقها بعد الفحص فوراً عزيزي |
|
#30
Dec, 14 2005, 01:36
| |||
| |||
| shankool شكرا عهالكلام الحلو فعلا نحن هنا بالمنتدى لكي نتبادل وجهات النظر وتوحيد لمعلومات وليس فرد العضلات موهيك شباب ؟؟؟؟ انا اؤيد فكرة وسام وّshankool التميمي |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| إلى طلاب البشري والأسنان | Ghareeb | اجتماعيات | 18 | Sep, 30 2007 01:44 |
| مأساة طلاب طب الأسنان | Ghareeb | اجتماعيات | 11 | Dec, 23 2005 02:10 |
| لكل طلاب الطب البشري الذكور , غير الوحيدين , سنة رابعة أو أدنى حصراً | ammour444 | مقهى الملتقى | 14 | Sep, 11 2005 18:59 |
كل الأوقات حسب GMT +2، والوقت الآن 07:38.
