هذه هي الحقيقة

فمعظم طلاب الطب البشري يعتقدون أن طب الأسنان هو أحد مواد الطب البشري مستغربين وجود كلية كاملة له .

قال لي أحد طلاب الدراسات لديكم ، وقد كنت أدرس في إحدى المواد :
حاجتك دراسة يا ، أنا طب الأسنان كلو بدرسو بساعتين

وعندما سألت أحدكم عن عدد الأسنان في فمه ماذا قال برأيكم ؟ ؟
حاص ولاص وحاول يتهرب وانهزم عالمراية


البعض الآخر منكم يعتقد ( كما العوام ) أن العصب الذي يدخل السن هو نهاية العصب ( يعني شقفة عصب ) ويسأل باستغراب : كيف تسحبون العصب ، ولا يدرك أنه يوجد شيء اسمه لب السن وليس العصب .

والكثير الكثير . . .



ارجوكم يا شباب وانا جاد في كلامي هذا حرصا على سمعتكم ، ثقفوا انفسكم قليلاً عن طب الأسنان فهو علم مستقل وبعيد كل البعد عما تدرسون ولا يتقاطع مع طبكم إلا بأشياء لا تشكل 20 % منه .

كلام حلو كتير
بس مو بالأول لازم نكون فهمانين بدراستنا الأساسية
لو بدلت كلمة الأسنان بالعنوان بكلمة البشري كمان بصير
بظن لسع بدنا شغل كتيييير حتى نصل للمرحلة يلي عم تحكي عليها

يا دكتور غوست كلامك سليم بس الله يرضى عليك لا تفتح أمامنا جبهة لأني طلاب الأسنان أقل بكتير من طلاب البشري بهالموقع ... بقا دير بالك

لا كلامك مو سليم ...
أنا برأيي لازم الأمور تتجه للتخصيص أكتر مو ضروري يعرفو عن الأسنان ...ونحنا مو ضروري ناخد عينية وما نتذكر ولا كلمة ...
ليش عنا عقدة نعرف كل شي
حلو الإنسان يعترف أنو ما بيعرف ...وأنو يكون قابل يتعلم

بس يازوربا ... مو معقول ما يعرفو شي ابدا .. على الأقل معلومات عامة .. هلأ نحنا إللا ما يكون عنا معلومات عامة عن البشري .. صح ... بس هنن حتى معلومات علمة عن الأسنان ما عندن ... لك يمكن حتى ما بيعرفو أسماء الأسنان صح....!!!

أمل المستقبل
أول شي بحب أقلك إني فهمت كلامك غلط ( لازم يصير العنوان إلى معظم طلاب الأسنان أنتم لا تفهمون شيئاً عن الطب البشري ) .. وكتبت رد على هالشي .. بس الله ستر إني رجعت فكرت بردك وفهمت قصدك ..
طيب يا ستي طالما إنتو عم تحكو هالكلام ( طالب البشري لا يفهم شيئاً بالبشري فما بالك إذا كان بيفهم بالأسنان ) ..

بينما طالب الأسنان .. عدّي معي لنشوف
الفيزيولوجيا .. النسج العام .. تشريح مرضي عام .. جلدية .. باطنية .. عينية .. أذن وأنف وحنجرة .. تشريح الرأس والعنق .. علم الحياة الحيوانية .. الجراثيم والطفيليات ..
إش بيطلع معك بالأخير ..

ونهايةً .. كل إختصاص وإله ( ناسُه ) الموضوع اللي طرحه drghost برأي مو مشان نشعل الفتن .. بس مشان نلغي متل هالكلام اللي عم يصير ..
ما في إختصاص صعب وتاني سهل .. إنتو الله يعينكم بالنظري ونحنا الله يعيننا بالعملي ..
لإيمتى رح نتعلم نعيش مع بعض بسلام من دون تسميع كلام ..

فعلاً يا Ghost هل المرة كفيت وفيت .. هذا هو الحكي الصح وهذا هو وضع طلاب البشري ...

أنا أؤيد كلامك 100% ...

وأضيف إلى هذا الكلام أن أحد الأسباب هو جنون العظمة والغرور الذي يتغلغل في معظم شخصيات طلاب الطب البشري ، وما شرط يبين أنو شايف حالو ، بس من جوا بكون متل البالونة ... وبكفي دبوس صغير من عنا ليفشو ...

المشاركة الأصلية بواسطة drghost

ارجوكم يا شباب وانا جاد في كلامي هذا حرصا على سمعتكم ، ثقفوا انفسكم قليلاً عن طب الأسنان فهو علم مستقل وبعيد كل البعد عما تدرسون ولا يتقاطع مع طبكم إلا بأشياء لا تشكل 20 % منه .

عى فكرة ... عجبتني كتير هل الجملة ..

drghost :
الله يعطيك العافية على هالموضوع، وفعلا ً هنن مو مطلوب منهم أن يعرفوا بطب الأسنان، لكن كمان لازم يعرفوا أساسيات، يعني مو عيب إذا درسوا عموميات طب الأسنان بمادة واحدة أو بنص مادة.
بس الأهم من هدا كله هو إنه يحترم كل منا الآخر، فلا يتعدى الطبيب البشري على طبيب الأسنان بالكلام وبأن دراستنا سهلة، ولا يتعدى طبيب الأسنان على الطبيب البشري بأنه بصيم وما إلى ذلك.. فطبيب الأسنان ما بيستغني عن الطبيب البشري، والطبيب البشري ما بيستغني عن طبيب الأسنان. فلنحترم الآخرين، ولا يدخلن الغرور إلى أنفسنا.

السلام عليكم

ياشباب الموضوع أخد أبعاد كتيرة وبظن انو شباب البشري فهمو الحكي

فياريت نقفل على هالموضوع ونبتعد عن الحزازات ونصير يد وحدة ضد ما يحاك لوطننا الغالي من دسائس ومؤامرات وأكيد عبتسمعوا الأخبار