هذه ست صور حجمها 79.5 كيلو بايت ضمن ملف مضغوط.
أتمنى من طلاب الطب البشري أنّو يتجرّؤوا و يشاركو معنا و يفرجونا شطارتهم بالتشخيص
لا تخافو ما بروحلكم علامات على أخطاءكم .
و الأسئلة ما هي تخصصية في مجال طب الأسنان فقط , فأي طبيب بشري شاطر قادر على وضع تشخيص مبدئي لهذه الحالات قريب من الصحّة.

إى والله ما لنا واثقين من الإجابات لأنو بالصورة التالتة ( الملائكية ) .. البنت اللي عاليمين ما فيها شي ليش محطوطة بالملائكية ؟؟؟؟

nader
ما صفي غير يحكيلنا إش اسم المرض ..

لا عن جد الحق معك .. أحياناً الصورة ما بتكون واضحة .. وبالتالي بعض المعلومات عنها رح تفيد ... هي عدا عن إنو المعلومات الإضافية ( متل العمر ، الأعراض ، الصور النسيجية متل ما وضّحو الصور الشعاعية ... إلخ .. ) رح تساعد بالتشخيص ..

المجد:
صورة الملائكية اللي عاليمين هي فعلاً ملائكية، بس حالة خفيفة مو مثالية متل الطفلة اللي عاليسار.
وأكيد هو الصور الشعاعية و..... بتساعد عالتشخيص بس في العيادة، أما ونحن طلاب فمطلوب منا قدر الإمكان نعرفها من الصورة السريرية حتى نقوى بتشخيص الأمراض المختلفة.

Ghareeb

أما ونحن طلاب فمطلوب منا قدر الإمكان نعرفها من الصورة السريرية حتى نقوى بتشخيص الأمراض المختلفة.

طيب هيك صعبة شوي .. يعني بأحد الصور اللي حكى عنها صادقلي ( لو بيقدر يجس الإصابة ) عالأقل لنعرف إذا مرتفعة عن سطح الجلد ولّا لأ ..
بالنظر فقط صعب نحدد .. أو بالأحرى صعب إنتو تحددوا .. أنا والتميمي مالنا مشمولين معكم .. لسه ما أخدنا تشخيص .. ولو إنو أخدنا جلدية .. بس ما بعرف أجاوب متلكم ..

المجد:
يا ستي أنا معك، أكيد الأفضل إنه نتعلم متل ما عبتقولي، بس وين؟ بعمرك إجا حدا وفرجاكِ آفة سريرية على مريض، وبكرة بالعيادات بتشوفي شلون الوضع بالتشخيص، بيجي واحد معه حالة مميزة، بياخدوه الدكاترة وبيصوروه، وبس...
مع إنه لازم يقولوا لكل الفئة الموجودة عالحالة مشان يشوفوها ويميزوها، وأنا مثلا ً إجتني حالة حزاز، وشفت إن الدكاترة ما سألوا عن شوفة الطلاب إلها، وأنا عن نفسي بتمنى أشوف هالآفات سريرياً مشان نميزها وتعلق بذهننا، فرحت ودرت عاللي بحسن من فئتي وقلتلهم مريضي معه حزاز، فإجا شي نص الفئة وشافوه.
ومعليش عفيناكِ إنتِ والتميمي هلأ، بس وين لح تروحوا السنة الجاية؟ ما بيتم إلكم عذر وقتها.

Ghareeb
الله يعطيكم العافية .. كل واحد بيعمل بأصله .. متل ما الواحد بخاف على مصلحته لازم يخاف على مصلحة غيره ..
يالله استمروا بمجموعة ( امتحن نفسك ) .. نحنا بانتظارها ..

المجد :
أولاً أنا بشكر عبد الحليم لأني جاوبك عني , بس الصورة السريرية الموجودة في أطلس ما و اللي بتعبر عن حالة ما بتكون هي أكثر صورة انتشاراً و تعبيراً عن هالحالة و مع ذلك فهي لا تكفي لتشخيص الحالة إلا بالاستعانة بفحوصات تأكيدية و لا تنسوا أن هذا التشخيص هو تشخيص مبدئي فقط يعني مو ضروري أبداً يكون تشخيص صحيح و الخطأ لا يدل على ضعف في معلومات الطبيب لكن الصحة تدل على شطارة الطبيب .

و بعتذر من كل الشباب اللي عما ينتظروا الاجابات بسبب تأخري عليهم.

أما بالنسبة للاجابات فهي :
1- bluenevus
2- bulla
3- cherubism
4-fibroma
5- melanosis
6-paget

و قد أرفقت ملف يحوي بعض التفاصيل عن كل حالة.
لا تنسونا من دعائكم.

المشاركة الأصلية بواسطة Adeeb

و ليش لهلأ طلاب البشري بيدخلو و بيشوفوا الموضوع و ما بيتجرؤوا يحطوا اجابات ؟؟؟.

يا جماعة عن جد بدكن تعذرونا فحصنا ووضعنا صعب للغاية وعن جد أنا مستغرب كيف إلكم قلب تحاولوا تدرسوا شي غير أول مادة في الامتحان

بعتذر عن الخروج عن الموضوع بس هو تعليق على العنوان وعلى مشاركة الأخ أديب
ولنا لقاء في الفصل الثاني بإذن الله

الله يعطيك العافية يا أديب عالحلول.
و100 السلامة يا شنكول، وقبلنا عذركم. وشدوا الهمة عالدراسة.
وبالتوفيق للجميع...

Adeeb ، Ghareeb
والله الله يعطيكم العافية .. عم تتعبوا كتير بهالسلسلة وبالتوضيحات لأشخاص متلي ..

يالله موفقين .. وادرسوا منيح ..

: بسم الله الرحمن الرحيم
سلام يازملائي ادعو الله انه يوفقكم كلم انا حابب اتعرف عليكم لاني بصراحة غريب عن البلد صحيح ا نه سوريا بلدي الثاني لكن من دون الاهل والله صعب اعتبروني اخا لكم في الله راسلوني على واقابلكم في الكلية
e-mail:MD84_75@HOTMAIL.COM]