أهلاً بالسنة الجديدة:
يدور هذا النقاش حول أهلاً بالسنة الجديدة: في قسم اجتماعيات في الملتقى الطبي السوري; -->
السلام عليكم ورحمة الله...
هاهي سنة 2005 تستأذننا بالرحيل ... لتحل مكانها سنة جديدة .... ومرحلة جديدة..
كيف كانت السنة الماضية ؟.... ماذا حققت فيها ؟.... ما الذي كنت
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
|
#1
Dec, 31 2005, 20:22
| |||
| |||
 أهلاً بالسنة الجديدة: السلام عليكم ورحمة الله... هاهي سنة 2005 تستأذننا بالرحيل ... لتحل مكانها سنة جديدة .... ومرحلة جديدة.. كيف كانت السنة الماضية ؟.... ماذا حققت فيها ؟.... ما الذي كنت تتمنى تحقيقه ؟... أولاً ... لابد أن السنة الماضية كانت من الناحية السياسية .... (بتهوي) .... ومع نهايتها .... خيانة جديدة ... كبيرة ومزعجة ..... وضغط جديد على سوريا ...  لندعو الله أن يحفظ هذه البلد وأهلها من تجار الأسلحة ومصاصي الدماء ....... آمين على المجال الشخصي ... السنة الماضية كانت جيدة ومميزة في بعض أيامها ... وأقل جودة في أيام أخرى ... حققت تقدماً جيداً في مجال الثقافة ... والعلوم ..... والكمبيوتر .... تعرفت على أصدقاء أعزاء ورائعين عن طريق المنتدى ...... وهنا لابد من التقدم بالشكر لمنتدى بشري حلب العزيز على هذا ...  كما أنني تعرفت على شخص رائع جداً ..... وأعتبره من أميز ماحصل معي في هذه السنة ....  كما أنني تخلصت نهائياً والفضل لله من مشكلة سابقة ... ربما الرياضة لم تأخذ حقها جيداً هذه السنة ..... إن شاء الله السنة الجاية بتكون أحسن ... أخيراً ..... كل عام وأنتم بألف خير ... وإن شاء الله السنة الجاية بتكون أحسن من سابقتها ... ويحقق الجميع كل مايحلم به ...  |
|
#2
Dec, 31 2005, 23:48
| |||
| |||
| كل عام وانت بخير ... وانشالله يكون عام خير على الجميع ... وانشالله بيتخرجو كل طلاب السنة السادسة بمعدلات منيحة وانشالله يعم السلام في الأرض  يمكن الخطوة التالية الوحيدة والحيدة فقط هي فحص التخرج ... يمكن لازم على مهل نسكر على كلشي مشان يضل الباب الوحيد المفتوح فحص التخرج .... بعدين الواحد بيفكر بمشاريع تانية .... بالتوفيق |
|
#3
Jan, 01 2006, 01:15
| |||
| |||
 كل عام و الكل بألف خير بالنسبة لإلي السنة الماضية كانت سنة متعبة فيها أيام حلوة و فيها ايام متعبة كتير حققت فيها أمور كتيرة ماكنت عاملتها من قبل و كانت ببالي من زمان , بس انحفرت بذاكرتي و بعتبرها بداية جيدة لكتير امور أكيد لسا بدي شغل كتير , بس أي مشروع بيبدا بخطوة حاسة أنو انشالله هل سنة رح يكون فيها تغييرات جديدة كتيرة لإلي و أني رح أتغير كتير , للأفضل يعني رح أسعى أكتر ليكون علمي افضل رح أسعى لتوسيع أفقي اكتر رح اسعى لأكمل الرياضة يلي بلشتها رح أسعى لتكون أخلاقي و ديني افضل رح أسعى لأكون أفضل رح أسعى لألاقي مجتمع أفضل و ناس افضل رح أسعى ...............................لكتير امور و منها صحيح قبلما انسى اقدم فحوصاتي الجاي هلأ بشكل منيح  المهم أنو هلأ دخلنا السنة الجديدة و متل العادة متفائلين بكل يلي رح نعمله المهم أنو نطبق يلي ببالنا و نمشي بخطوات جدية لتحقيق مخططاتنا و ماتبقى مجرد أفكار بتمنى للجميع كل التوفيق بالسنة الجاي و أنو تكون 2006 سنة خير و بركة ( أنا بتفائل بالأرقام الزوجية )تحياتي إيلوني |
|
#4
Jan, 01 2006, 01:51
| |||
| |||
| كل سنة متل هالوقت منقول...انو انشالله السنة الجاي تكون أحسن لأنو السنة اللي قبلها كانت أسوأ من اللي قبل قبلها وهكذا....بس امتى بدا تصير السنة اللي راحت احسن من اللي جاي ؟.....أنا شايف أنو اللي رايح و اللي جاي كلو أسوأ من بعضو....و الأحسن نتشائم و بعدين يجي الخير أحسن من انو نتفائل و ترتفع المعنويات و بعدين يجي السيء على كل حال...كل عام و الجميع بخير....و تذكروني السنة الجاي لما بدكون تتمنوا انو 2007 تكون أحسن من 2006 لأنو 2006 مرت علينا أسوأ من 2005....تحياتي للجميع و الله يوفق الجميع |
|
#5
Jan, 01 2006, 02:30
| |||
| |||
| المشاركة الأصلية بواسطة shareef له يا شريف .. انشالله ما نتذكرك إذا هيك..
 انشالله منشوف الخير على هل سنة الجديدة.. بس أنا عندي أمنية وحدة بس.. هيه إنو إقدر ولو شي سنة وحدة عيِِد فيها على راس السنة..خصوصي إنو آخر أربع سنين كنت بعيدة فيها عن أهلي بهل عيد  يللا شدو الهمة يا طلاب السادس و انشالله نشوفكن السنة متخرجين بأعلى المعدلات و كل عام و الكل بألف خير  |
|
#7
Jan, 01 2006, 04:40
| |||
| |||
ما تمنينا فيها تكون اللي بعدها أحسن....على كل حال اذا في عنّا خيارين : اذا تتذكروني والسنة تكون بشعة...أو تنسوني بس السنة تكون حلوة.....فأنا أول واحد رح انسى حالي  و عشان امنيتك أنو تعيدي فيها على راس السنة...فأنا بظن رح تتحقق...بس بالسنة السادسة انشالله...وقتها ما بيكون في عندك فحص بهالوقت.و بتاخدي راحتك.....وانشالله الجميع يحققوا أمنياتون |
|
#8
Jan, 01 2006, 13:24
| |||
| |||
| أول شي كل عام والجميع بخير واتمنى للجميع سنة سعيدة في طاعة الله بالنسبة لي السنة الماضية كانت عادية جدا وما حققت فيها شي كتير خصوصا من الناحية الدراسية والدينية اتمنى السنة القادمة تكون افضل...وادعوا الله انه يوفقني ويوفق الجميع لتحقيق اهدافهم تحياتي |
|
#9
Jan, 01 2006, 15:26
| |||
| |||
| وداعا" 2005.... المزعجة....اللي كانت مليانة أحداث بتحط العقل بالكف.... ويا أهلا" وسهلا" بالـ 2006 ..... بس ان شاء الله بتكون هالسنة سلسة.... وحلوة .... وفيا تقدمات على جميع الأصعدة.... الدراسي والمهني والعاطفي والمادي والاجتماعي والسياسي والـ.... والـ..... باختصار.... ان شاء الله يتحقق كل شي انقال ببرجي.... لأنو أغلبية أهل الأبراج أجمعوا على أنو السنة الجاية راح يكون وجها خير عليي.....(مع أنو ما بآمن بالأبراج.....بس على الأقل بتخليني اتفائل...)..... وبالتوفيق للجميع.......... |
|
#10
Jan, 01 2006, 17:36
| |||
| |||
| سنة 2006 بتمنى تكون سنة خير على الجميع ب2005 كنت كتير مزعوج حسيتها سنة غليظة دايقتني حسيت إنو عمأخسر أحلام خلالها لكن بالأخير ربي عميعوضلي ياهون بأحسن حاولت أعمل كتير ما بنكر نجحت بعدة أمور و فشلت بأخرى هالسنة خلتني متأكد إنه مبدأ كن مع الله و لا تبالي هو المبدأ الصحيح قريت و تعلمت شفت كتير و تنورت بلشت أتلمس معالم منهج حياة بفتخر إنو رح أمشي عليه رح حاول وصل لنهايته يومها بموت و أنا مرتاح يومها بحس حالي ما بقيت على السطح عشت إنسانيتي عشت ديني عشت حياتي بتوازن لا تمرد و كنت عامل لسعادة الآخر أو على الأقل ماكنت سبب لتعاسته هالسنة رح تابع كتير مشاريع بديتها و رح أبدا فيها مشاريع جديدة ادعولي تحياتي حازم |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| إصابة المسافرين بالجفاف أحد مخاطر قيود الطيران الجديدة | mr.yellow | الطب الوقائي والصحة العامة | 6 | Aug, 14 2006 21:54 |
كل الأوقات حسب GMT +2، والوقت الآن 05:59.
