انه لمن المؤسف ان نبتدئ المحاضرات الاولى للفصل الجديد بسماع جمل خارجة عن حدود اللياقة والادب تطال الجنس اللطيف الشفاف الرقيق ،تفوه بها اشخاص لطالما حرصوا على وجود الانثى خارج اطار الطب او اي ممارسة اخرى قد تؤذي ملامحها المرهفة,دون ان يعلموا انهم بجملهم تلك قد آذوا هذه الملامح بطريقة اشنع وافظع مما تفعلها رؤية الجثث المتفسخة او الجروح المندحقة.
وانني فعلا لاحسد كل طالب لم يتسنى له حضور محاضراتنا اليوم التي تجرأ هؤلاء الى تحويل اطارها العلمي البحت الى نافذة لاطلاق عبارات آذات سامعيها كان من المفترض الا تصدر من طلاب محترمين نالوا شرف الجلوس على مقاعد مدرجات كلية الطب.
ـــــــــــــــــــــــــ ــــــــــــــ
مع فائق احترامي وتقديري

بالله!!!
ليش شو صار ..انا ماحضرت اول يوم .
يعني الحكي حكا طلاب وللا دكتور...وبأينا ماده؟؟
ياريت اذا بتقدري تكتبيلنا تفاصيل ..لأنو عن جد ماسمعت ابدا عن هل قصه...
ع كل حال شي مؤسف

شكرا جزيلا لك venus
لقد وفرت علي البدء بطرح الموضوع.......
الا انني وجدتك للاسف لم تعطه حقه بالوصف..
فهل من المعقول ان يتجرأ على وصفنا بعديمي الاحساس؟؟؟؟؟؟؟؟
وكل هذا لمجرد اننا لم نقهقه ضاحكين لتعليقاتهم السخيفة وتقبلنا الموضوع كما هو <<علمي بحت>>
وانني لاتساءل من هو الانسان الذي لا يحس؟الذي يتفوه بالكلمات ولا يراعي شعور الآخرين ام الذي يسمعها؟؟؟؟؟!!!"]NOTE
لقد ذكر الدكتور بان الحليب الوالدي يحتوي على حمض الاراشيدونيك الذي يتمتع بخاصية التنمية السليمة لدماغ الوليد
وهنا اتساءل؟؟!!؟؟!!
على اي حليب اعتمدت امهاتكم في تغذيتكم؟؟؟؟؟!!!!!!!![/
SAD SMILE

رجاء الذي يريد التكلم بمثل هذه المواضيع أن ينشر بعض التفاصيل ليتسنى مداركة الموقف وعدم تكراره إن حصل
ولكني شخصياً حضرت كل محاضرات اليومين الأول والثاني ولم أشاهد أية مشاكل من هذا النوع خلال المحاضرات

يمكن ما شاهدت
لانو ما في شي للفرجة
بس في شغلات للسمع يا اخي الكريم
SAD SMILE

السلام عليكم ...
أولاً شكراً يا فينوس ع الموضوع .... فعلاً شغلة قابلة للنقاش و بشدة و هي أنو ليه لما بينطرح موضوع علمي طبي بحت فيه محتوى ممكن يكون فكاهي يمس أحد الجنسين بالصميم .... ليش الجنس الآخر ما بقدّر أنو الجنس الآخر محرج و ما لقيان يسمع كلمات و تلطيشات و يأجّل شوي نكته لتخلص المحاضرة و يحكيها مع زملاءه ( أو زميلاتها ) على انفراد بعدين ؟؟؟
عن جد يعني شي غريب .....

و بالنسبة لتساؤل الزميل ...

المشاركة الأصلية بواسطة Abdo-farah

رجاء الذي يريد التكلم بمثل هذه المواضيع أن ينشر بعض التفاصيل ليتسنى مداركة الموقف وعدم تكراره إن حصل
ولكني شخصياً حضرت كل محاضرات اليومين الأول والثاني ولم أشاهد أية مشاكل من هذا النوع خلال المحاضرات

فيا أخي الفاضل الزميلة فينوس أكيد بتقصد الشي اللي صار اليوم بمحاضرة الأطفال لما بلّش الدكتور مقارنة الإرضاع الوالدي بالإرضاع ( الاصطناعي ) ع حد تعبير الدكتور ....و بين شو هو نوع الحليب الأقرب للحليب الوالدي ........ طبعاً صار في تعليقات من أسخف ما يكون .... ممكن تكون ما سمعتا بس أكيد صارت و الضحك شغال ....
طبعاً البنت اللي ساوت حالا ما سمعت شي و ما ابتسمت ممكن تكون اتهمت بأنها حيط !!!!!!!! ما بستغرب هيك موقف لأنو كتير بصير ....

بس عملياً الشخص المسيء ما بكون أساء غير لنفسه لأنو ما قدر يأجل نكته لبعد المحاضرة و ما يسمعا للزميلة اللي قاعدة حواليه ..... و ما بقصد بحكيي حدا محدد !!!
و سامحونا

المشاركة الأصلية بواسطة Dr.Nas

فيا أخي الفاضل الزميلة فينوس أكيد بتقصد الشي اللي صار اليوم بمحاضرة الأطفال لما بلّش الدكتور مقارنة الإرضاع الوالدي بالإرضاع ( الاصطناعي ) ع حد تعبير الدكتور ....و بين شو هو نوع الحليب الأقرب للحليب الوالدي ........ طبعاً صار في تعليقات من أسخف ما يكون .... ممكن تكون ما سمعتا بس أكيد صارت و الضحك شغال ....

فعلا صار كتير تعليقات بلا طعمة اليوم بمحاضرة الأطفال وإن كنت ما سمعت التعليق اللي عبتحكو عنو يمكن بسبب الضجة بس اللي لفت نظري أكتر شي هو تعليق الدكتور نفسه لما قال إنو البنات مو زعلانين وعبيضحكو ومن هالحكي
وما بعرف إش أحكي .
حسبي الله ونعم الوكيل

مرحبا

أنا للاسف مافهمت شو يلي انقال

بس على كل بهل محاضرة أو بغيرها هل شي بيتكرر كتير

عدة مرات وصل لمسامعي ضحك من زملاء و تلاطيش حكي على موضوع ممكن يكون محرج و متعلق بالإناث

يعني نحنا بكلية طب و أكيد متلما بتعرفوا عم ناخد علم مفتوح و عم يحكي عن كل نواحي الجسد الأنساني , فبرأيي لازم كل جنس يحترم الجنس اللآخر و يخبي شوي تعليقاته إذا كانت ممكن تكون محرجة او مزعجة

على كل برأيي مالازم نوقف عند هيك أمور , صرنا سنة رابعة يعني نصف دكاترة

يعني بس شوية نضوج ياجماعة و حاج ولدنة

حلو انو حدا يزت نكتة حلوة و مناسبة و الكل يضحك بس الاحلى انو تكون النكتة أو المسخرة بمحلها و ما بتأذي حدا , و لا شو رأيكم ؟


لاتاخدوا على خاطركم فينوس و SMILE OF SADE و خدوا الأمور بحكمة أكبر أنا واثقة من هل شي , الله يكبرهم


موفقات و بداية موفقة للنصف التاني من السنة الرابعة

ليش الدوام بدي ؟؟
انا لهلأ ما نزلت على الكلية
بس على كل حال شي مؤسف انو يصدر من بعض الزملاء بعض التعليقات بحق زميلاتنا

المشاركة الأصلية بواسطة Elloni

حلو انو حدا يزت نكتة حلوة و مناسبة و الكل يضحك بس الاحلى انو تكون النكتة أو المسخرة بمحلها و ما بتأذي حدا , و لا شو رأيكم ؟

هاد الحكي اللي بدنا ياه ...... يسلم هالتم يا إيللوني