ماذا تريد الولد الأول؟؟؟؟؟؟؟؟؟؟؟صبي أم بنت

Feb, 08 2006, 16:17

يسم الله الرحمن الرحيم:>يهب لمن يشاء إناثاً و يهب لمن يشاء الذكور< الشورى 49
المهم الصحة الجيدة]أبغار 15[ و الخلقة التمام و فاتورة المشفى القليلة
ليش العادة عنا إنو أول ولد بدن يا دائماً صبي
وليش أمهاتنا وقت بتحبل نسوانا بقولونا:روح يا ابني,الله يبعتلك أول ولد صبي
وليش إذا وحدة عندا بس بنات بتم بتحبل حتى تجيب صبي
هل لأن الصبي سوف يحمل اسم العيلة أما البنات فلا؟؟؟؟؟؟
أسئلة تدور في خلدي
أحتفظ بإجابتي حتى أرى الجو العام

#11 Feb, 08 2006, 23:44

المشاركة الأصلية بواسطة Doctor

بكل بساطة ......بنت
وبعدين ابغار بتذكر كان 10 مو 15 ولا انتو جماعة السادسة الكون 5 علامات زيادة

طالعتنا بالخجلة يا ابو سمرة ، قلتلك عالتلفون بيطلع ابغار شي عشرة وغلاسكو 15 ، قلتلي لا 10 قليل ...

على كل فيك تصلح الخطأ بدون ماحدا يحس

بعدين ماقلتلنا كم رد لازم يكون في حتى تتنازل جنابك وتعطينا رأيك في الموضوع ؟

#12 Feb, 08 2006, 23:57

المشاركة الأصلية بواسطة RWTH

و الأهم و الأهم و الأهم مشاعرها
ينتبه إلها منيح ، وما يؤذيها بالعكس لازم يعرف إنو الأنوثة اللي رب العالمين حطها فيها بما تحمله من مشاعر "مرهفة أكتر من الرجل افتراضياً و لا يلغي وجود المشاعر في الرجل" هي الأنوثة لازم تكون محط حمايته و رعايته و اهتمامه

حلو كتير هالكلام
أنتو هيك خليتوني أتذكر اللحظات الحلوة
لما بكون مريضة بيجي أخوي بيعملي كاسة زهورات مع حباية السيتامول " لوحدو من دون ما أطلب منه "
و شوية حكي حلو و ذكرياتنا لما كنا صغار ببيتنا القديم
هيك حتى انسى حالي إني مرضانة
و اليوم أخوي الصغير نزلت عندن مادة و طجت معو .. يا حرام .. رايحة أواسيه

#13 Feb, 09 2006, 00:19

المشاركة الأصلية بواسطة sunshine

خلاني كمان قول انو بلا الصبي أحسن اذا بدو يهلك اخواته البنات ويستعرض مرجلته عليهن...

يا أخت sunshine يلي بدو يعمل مراجل على خواتو البنات هادا مو أخ او بالأحرى مو رجال لأنو يلي بدو يتمرجل فعلى رجيل متلو مو على حريم
و أنا بعتبر إنو يلي بعمل هيك ففي ضعف بشخصيتو
أنا برأيي إنو الأخ ضرورة كتير كبيرة مشان تحس أختو إنو في وراها جبل تستند عليه إذا جار فيا الزمن
مثلاً الأخت rose >الله يخليلا أخواتا< تصوري إنو تنحطي بنفس موقفا >الله لا يقدر طبعاً< شقد كنت بتتمني إنو يكون عندك أخ تخبري ينزل يلخدك
و تحسي باللأمان لوجودو جنبك}ستي بكرا إنشاء الله , الله بعوضك برجال يدير بالو عليك{
يا جماعة ليش الكذب الأخ غير شي, هو مزبوط الأب شغلة كبيرة بس متل ما منعرف ما حدا مخلد
فعلى سبيل المثال أنا خالي وحيد عتلت بنات ,توفى جدي >الله يرحمو< فنانتي دائماً بتقول: الحمد لله, الله بعتلي هالشب يدير بالو علينا من بعد أبو , لولا كان اتاكل حقنا و ضاع
فبرأيي اعتمادا ًعلى كل هالحكي بتريد الناس يكون أول ولد صبي

#14 Feb, 09 2006, 00:37

المشاركة الأصلية بواسطة Fiso

طالعتنا بالخجلة يا ابو سمرة ، قلتلك عالتلفون بيطلع ابغار شي عشرة وغلاسكو 15 ، قلتلي لا 10 قليل ...

وينك فيسو لا تغضب علي الله يخليك بس حتى غلاسكو صار أكتر من 15

ما بذكر وين مرة اريت أنو كان 15 بعدين ضافو شي 5 علامات تانية. بس ما لي متأكد

بعدين ماقلتلنا كم رد لازم يكون في حتى تتنازل جنابك وتعطينا رأيك في الموضوع

ومن شان راي أبو سمرة مع أني مع بعرفوالا من خلال كتاباتو وكتابتكون بس مبينة يا أخي ابو سمرة ما بدو لا صبي ولا حتى بنت
أبو سمرة بدو صبيين سوا

ما تاخد على خاطرك ابو سمرة والله انا حباب ومبينتك بتحمل مزززززززززززززززح
وفي شغلة كمان انا الوحيد لهلأ الي مصوت .........بنت

#15 Feb, 09 2006, 01:53

المشاركة الأصلية بواسطة Doctor

وينك فيسو لا تغضب علي الله يخليك بس حتى غلاسكو صار أكتر من 15
ما بذكر وين مرة اريت أنو كان 15 بعدين ضافو شي 5 علامات تانية. بس ما لي متأكد
ومن شان راي أبو سمرة مع أني مع بعرفوالا من خلال كتاباتو وكتابتكون بس مبينة يا أخي ابو سمرة ما بدو لا صبي ولا حتى بنت
أبو سمرة بدو صبيين سوا

1-لأ خيو بدي بنات مشان يشيلو شوي عن كتف أمن ويريحولي مرتي>حبيبة قلبي,الله يبعتا بسرعة< مشان تفضالي
2-هون ميزة الطب ,إنو في تجدد دائم>خيو أيامنا كان أبغار15 متأكد أنا 48+2 أطفال 1< وفي أيامكن صار 10

#16 Feb, 09 2006, 09:39

المشاركة الأصلية بواسطة Sindebad

لأ خيو بدي بنات مشان يشيلو شوي عن كتف أمن ويريحولي مرتي>حبيبة قلبي,الله يبعتا بسرعة< مشان تفضالي

إي لبين ما يكبرو ويشيلو بكون ما ضل حدا لحدا... وين رايح بهالزحمة...

#17 Feb, 09 2006, 11:15

لأ خيو بدي بنات مشان يشيلو شوي عن كتف أمن ويريحولي مرتي>حبيبة قلبي,الله يبعتا بسرعة< مشان تفضالي

ليش انت كتير واثق انو بناتك رح يشتغلو بالبيت ويحوسو ويطبخو مشان يساعدو أمهن؟
بعدا ليش بس البنات؟ الولاد الشباب يعني ما خرج يساعدو أمهن؟ وينضفو شوي البيت او يرتبو غرفهن مثلا..
والله انا سمعت عن ولاد صبيان وبساعدو أمهاتن...ليش لا؟

#18 Feb, 09 2006, 11:32

المشاركة الأصلية بواسطة sunshine

ليش انت كتير واثق انو بناتك رح يشتغلو بالبيت ويحوسو ويطبخو مشان يساعدو أمهن؟
بعدا ليش بس البنات؟ الولاد الشباب يعني ما خرج يساعدو أمهن؟ وينضفو شوي البيت او يرتبو غرفهن مثلا..
والله انا سمعت عن ولاد صبيان وبساعدو أمهاتن...ليش لا؟

كلامك صحيح 100%
ومحسوبكن أكبر مثال ....مو مدح بحالي بس على مبدأ مكره أخاك لا بطل
يعني والدتي ما بترجع من الدوام للمسا ومن الطبيعي تكون تعبانة أكتر مني بحكم السن فأكيد أنا مطالب بخدمة نفسي بنفسي + المساعدة بأعمال المنزل قدر المستطاع عدا عن الأعمال خارج المنزل اللي هية بالأصل ملقاة على عاتقي
ويا أخ سندباد الله يستر ما تجيك مرة تخلي بناتك يشيلو كتف عنك مو عنا هداك الوقت مين بدو يتفضا لمين؟!

شغل الشب بالبيت شيء أنا بعتبرو واجب ما بعرف يمكن البعض بخالفني الرأي....

#19 Feb, 09 2006, 14:58

بسم الله الرحمن الرحيم
الكل علق أنو الابن الأول صبي مشان يدير بالو على خواتو البنات
بس أنا أختي الكبيرة بنت وبصراحة هي بدير بالها علي كتيرولها فضل كبير
كتير من عند ما دخلت على المدرسة. وعند ما تَزوجتْ حسيت أنو
البنت الكبيرة مهمة كتير وشو لها تأثير على كل شيء بالبيت حتى على تصرفاتي منذ الصغر حتى اليوم
فتحية لكل بنت بتهتم بأخواتها ولكل شب بيهتم بأخواته خاصة في حال غياب أحد عمودي الأسرة الأب أو الأم

#20 Feb, 09 2006, 15:02

المشاركة الأصلية بواسطة drmohi

يا جماعة طولو بالكن مو لتجي بنت الحلال بالأول

يا أخي ما عجبني غير رأيك... وانا معك....

عرض نتائج الاستفتاء: ماذا تريد أول ولد؟
صبي	15	65.22%
بنت	8	34.78%
المصوتون: 23. ربما لا يمكنك التصويت في هذا المنتدى

المواضيع المشابهة
الموضوع	مبتدئ الموضوع	المنتدى	الردود	آخر مشاركة
حنان الأم وجفاء الولد	Abdo-farah	قصص وروايات	14	Jul, 20 2008 21:32
هل أنت جزرة .. أم بيضة .. أم حبة قهوة ؟؟ ؟؟	moneerkanj	اجتماعيات	2	Sep, 10 2006 11:18
الولد المعذب	mhiri sahbi	اجتماعيات	1	Jul, 22 2006 04:19
رسالة إلى (بنت) الماما !!!!؟..... مع تحياتي لفيصل !!!!......	drfiras007	اجتماعيات	0	Mar, 08 2005 12:13


الرئيسية المنتديات الألبوم مواقع المعجم المدونات مجتمع أحداث مدونتنا جديد

أدوات الموضوع
عرض نسخة سهلة الطباعة أرسل هذه الصفحة بالبريد الإلكتروني