ماذا تريد الولد الأول؟؟؟؟؟؟؟؟؟؟؟صبي أم بنت
يدور هذا النقاش حول ماذا تريد الولد الأول؟؟؟؟؟؟؟؟؟؟؟صبي أم بنت في قسم اجتماعيات في الملتقى الطبي السوري; -->
يسم الله الرحمن الرحيم:>يهب لمن يشاء إناثاً و يهب لمن يشاء الذكور< الشورى 49
المهم الصحة الجيدة]أبغار 15[ و الخلقة التمام و فاتورة المشفى القليلة
ليش العادة عنا إنو
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| عرض نتائج الاستفتاء: ماذا تريد أول ولد؟ | |||
| صبي |     | 15 | 65.22% |
| بنت |    | 8 | 34.78% |
| المصوتون: 23. ربما لا يمكنك التصويت في هذا المنتدى | |||
 |
| | LinkBack | أدوات الموضوع |
|
#1
Feb, 08 2006, 16:17
| |||
| |||
| ماذا تريد الولد الأول؟؟؟؟؟؟؟؟؟؟؟صبي أم بنت يسم الله الرحمن الرحيم:>يهب لمن يشاء إناثاً و يهب لمن يشاء الذكور< الشورى 49 المهم الصحة الجيدة]أبغار 15[ و الخلقة التمام و فاتورة المشفى القليلة ليش العادة عنا إنو أول ولد بدن يا دائماً صبي وليش أمهاتنا وقت بتحبل نسوانا بقولونا:روح يا ابني,الله يبعتلك أول ولد صبي وليش إذا وحدة عندا بس بنات بتم بتحبل حتى تجيب صبي هل لأن الصبي سوف يحمل اسم العيلة أما البنات فلا؟؟؟؟؟؟ أسئلة تدور في خلدي أحتفظ بإجابتي حتى أرى الجو العام  |
|
#2
Feb, 08 2006, 16:41
| |||
| |||
| طيب طول بالك علينا ، لسه موضوع النهنئة بدخولك المنتدى شغال ، وانت بديت تنزل مواضيعك ... بعدين ليش حطيت بس احتمالي صبي او بنت ؟؟ خيو بركي في ناس مابتفرق معها ؟؟ يمكن هي الفكرة متوارثة انو اول ولد لازم يكون صبي ، بس يمكن ما انت ذكرت انو السبب الأهم هو مشان يشيل اسم العيلة ... مع انو في آراء بتقول انو البنت بتكون حنونة اكتر على بنتها ... كأنو الشب ماعندو مشاعر ... بس يبقى الأهم على قولتك ، ابغار 15 ! نحن بانتظار مشاركة باقي الاعضاء ، مشان سامر بيك يعطينا رأيو ...  |
|
#3
Feb, 08 2006, 18:14
| |||
| |||
| بكل بساطة ......بنت وبعدين ابغار بتذكر كان 10 مو 15 ولا انتو جماعة السادسة الكون 5 علامات زيادة  |
|
#4
Feb, 08 2006, 19:34
| |||
| |||
| كنت فكر انو اذا اجا اول ولد صبي أحسن مشان يدير باله على أخواته البنات ويكون سند الهن بحياتن , اذا حدا زعجن بيحميهن...اذا اعتازو شي بلاقوه جنبن..وخاصة انو أنا ما عندي اخ وكنت أتمنى لو عند أخ يتمتع بهالصفات..... بعدا شفت نماذج من الشباب واللي بيعملوه مع اخواتهن البنات خلاني مو بس غير رأيي بأنو اول ولد لازم يكون صبي خلاني كمان قول انو بلا الصبي أحسن اذا بدو يهلك اخواته البنات ويستعرض مرجلته عليهن... بالنهاية قررت ما صوت ..وقول ..اللي بجي من الله منيح سواء ان كان الصبي قبل ولا البنت... بس بدي علق على فكرة...بحس احيانا قد ما هالآباء "خصوصا" بحبو يكون عندن صبي وكأنو هالصبي بدو يمد بعمرن او يخلد ذكرن بعد ما يتوفو...يعني اذا ما اجا الصبي بتضل حسرة بقلبو لأنو ما في من يشيل اسمه بعد موته...طيب ليش كل هاد؟ يعني اش رح يعمله هالصبي ؟ بجوز يطلع مجرم ...بجوز يطلع فاشل ويشرشح اسم العيلة.... ممكن انا ازعل اذا ما اجاني صبي بس لأنو هو صبي...لا...يعني كمان رح اوعل اذا ما اجاني بنت...يعني التنين بسعر بعض... |
|
#5
Feb, 08 2006, 20:34
| |||
| |||
| المشاركة الأصلية بواسطة sunshine و الله يا روحي ما كل الناس هيك
بالعكس تماما أنا عندي أخ أكبر مني و التاني أصغر مني و كتييييير بحمد ربي و بشكره على هالأخين ... يمكن أو أكيد لولاهن ما كنت ضليت على قيد الحياة رح أحكيلك ليش ؟؟ مرة كنت رجعانة من الجامعة عالبيت و أنا بنص الطريق شفت إنو الكهرباء مقطوعة من عند شارع النيل و إنت طالعة عالشهباء .. وشارع بيتنا لما بتنقطع الكهرباء بصير مرعب ... و بنفس اليوم الصبح كانت الجارة عنا و عم تحكيلنا إنو انسرقت شنتايتها بالطريق ( يعني بشارع بيتنا ) تخيلي ... الحمد الله إني اتصلت بأخوي الصغير كان بالبيت أجى و أخدني .. ولولاه ما بعرف اش كان صرلي مع العلم إنو أخوي الأكبر مسافر يعني بحمد ربي إني عندي أخين شباب مو أخ واحد ما بنكر إني بتضايق (شوي مو كتير ) من تدخل أخوي الكبير على هيك بصير و هيك ما بصير بس برجع بقول عم يحكي هيك لأنه بخاف علي ومن ناحية تانية بستفيد منه كتير خصوصي لما بسأله عن نظرة الشباب للبنات الراكزات يعني أنا مدينة لأخواتي الشباب كتير .. طبعا و هنن كمان مدينين إلي بيخطرلي البيت بيبقى أحلى لما بيكون فيو من الجنسين بكل الأحوال تفاهم الأخوة البنات مع الشباب بيرجع لتربية الأهل بالنسبة إلي بتمنى إنو يكون في من بين ولادي صبي على الأقل و ما شرط يكون الأكبر و بنفس الوقت بتمنى يكون في بيناتن بنت على الأقل حتى تكون متل رفيقة إلي ... بس ما بيطلع بإيدنا شي ... [SIZE="4"]أنا أريد ... و هو يريد ... و الله يفعل ما يريد[/size] |
|
#6
Feb, 08 2006, 20:40
| |||
| |||
يعني مو من نماذج يحكم على الفكرة الأخ بعتبره شغلة منيحة، معلش اسمحيلي أنطلق من تجربتي أنا كتير حلو الأخ يسمع اخته ، يتحملها شوي، و تتحمله شوي كتير حلو الأخ يكون عون لأخته ، سند إلها بالمواقف كلها و الأهم و الأهم و الأهم مشاعرها ينتبه إلها منيح ، وما يؤذيها بالعكس لازم يعرف إنو الأنوثة اللي رب العالمين حطها فيها بما تحمله من مشاعر "مرهفة أكتر من الرجل افتراضياً و لا يلغي وجود المشاعر في الرجل" هي الأنوثة لازم تكون محط حمايته و رعايته و اهتمامه ما بعرف أنا بفتخر بدوري كأخ و بعتبر حالي مع ذلك مقصر بشوف خواتي البنات جواهر و ما بعرف شلون بدي دير بالي عليهون ما رح أحكي كتير لأنه بعتبر الشي إللي عمأعمله مع خواتي البنات هدفه إنو رب العالمين يرضى عني و يسعدني بالدنيا و الآخرة منشان ما يروح الثواب بس بقللك شهادة خواتي فيني بتكفيني تحياتي حازم |
|
#8
Feb, 08 2006, 20:53
| |||
| |||
| شكرا لحازم وروز على هالمشاركات... انا هي هي الصفات اللي بحبها بالأخ...الحنان والحماية...مشان هيك كنت اتمنى لو كان عندي أخ...بس بشرط ما توصل هالعناية والعطف لحدود الاستبداد وفرض الرأي ...لأنو اخي "هاد لو كان عندي أخ" لازم يعرف انو انا ممكن أختلف معو بوجهات النظر وممكن انا كون الصح...وكونه هو الذكر ما بيعني انو يفرض على أفكاره لأنو شايفها صح وأحسن لي ممكن انا شوف غير شي....لازم يحترم رأيي تماما متل ما بيحترم رأيه.. بالنهاية هالشي بعود لتربية الأهل يعني حسب ما هنن عودو هالصبي وعلموه يتعامل مع أخواته البنات... |
|
#9
Feb, 08 2006, 21:14
| |||
| |||
يعني نحنا كان في مبدأ بالعيلة "Extended family not the nuclear one" إنو دائماً تنسمع كلمة الأخ الكبير طيب أنا ما حسنت أقتنع بهالفكرة مع انها كانت لصالحي مارضيت بالعكس استخدمت طريقة الحرب اباردة و النقاش الهادي ووصلت أهلي لهالنتيجة إنو ممكن و بالعكس كتير ممكن يكون حكي أختي صح و بالفعل تم تغيير المبدأ و صارت العلاقة مع خواتي صحية أكتر صدقيني إذا بقللك باخد رأي أختي الصغيرة في كتير من الأحيان ، أول شخص بسأل عنه بعد أمي في ألمانيا هنن أخواتي البنات . حلو كتير يسمعوا آرائي و توجيهاتي بس مو من منطلق الاستبداد و السيطرة بس من منطلق خبرة ، على العكس أنا مستعد و بكل حبور و محبة أسمع رأيهون في أمور هنن أكثر خبرة مني فيها ، لأ و بنفذها بحرفيتها كل شي من عند رب العالمين خير ، الأخت مافي أحن منها عالشب قبل ما يتجوز "ما بعرف مفروض مرتو تاخد هالدور ماهيك؟؟؟؟ طبعاً بأسلوب تاني" و الأخ مفروض يكون كمان و الأهم ما تغريه الحياة و تنسيه أهله و عيلته و خواته حتى وقت بيكبروا لأنو الولاد بيتعلموا بيشوفوا الأهل و بيتعلموا منهون نحنا كتير من الأخطاء إللي وقعوا فيها أهلنا تجاوزناها لحالنا ، تثقفنا و قرينا و تعلمنا بظن إنو نحنا بحاجة لجيل أفضل أنا عمأحلم بجيل أفضل مني جيل يتعلم مني الشي اللي تعبته على حالي و يضيف زيادة كمان و هيك بتتطور الحياة خيتو طولت حكي آسف المهم الانسان يرضى باللي ربه كاتبله ياه و يشوف الإيجابية منو لأنو صدقوني رب العالمين ما بيريد لكل واحد مننا إلا كل الخير تحياتي حازم |
|
#10
Feb, 08 2006, 23:34
| |||
| |||
| فكرة الصبي قبل ولاالبنت بشوفها مو مشكلة كبيرة المهم الله يطعم الانسان من الطرفين...التنين نعمة... لأنه لا الصبي بحل محل البنت ولا العكس كمان صحيح أما موضوع الأخ وأخته يلي طرحته sunshineفأظن بيختلف حسب الأخ على سبيل المثال أنا عندي أخ أكبر مني بسنتين قعدنا مع بعض مدة 3 سنين في بيت لحالنا بحكم الاعدام يلي اصدروه أهلي.... قصدي بحكم دراستنا -هو عم يدرس حقوق - والله كنا متل السمنة والعسل نحكي لبعض أسرارنا واش صار معنا خلال اليوم ولو متخانق هو ورفقاته يجي يحكيلي ويستشيرني بتصدقي حتى كان يستشيرني بلبسه يلي كان يشتريه واذا ما عجبني كان يبدله!!! وأحيانا كنا ننزل نتمشى مع بعض عند منكون ميلين الصراحة كان كتير منيح معي متل ما أنا كنت منيحة معه كانوا يسمونا بالعيلة الثنائي المرح ما بعرف بحس أنو هو أقرب شخص إلي في البيت حتى أكتر من خواتي البنات مع أني كنت بتمنى يكون الشخص القريب مني أخت يعني لأنو في كتير شغلات ما بتنحكى للشب قضينا كتير أيام حلوة (رغم أنها لا تخلو من بعض المشاجرات وطبعا هاد شي كتير طبيعي) طبعا هلأ خفت علاقتي فيه بعد ما انضمينا مؤخرا لبيت العيلة لكنه لا يزال أقرب شخص لي يعني أحيانا بكون وجود الأخ في الحياة نعمة (متل ما أحيانا بكون نقمة) سلام  |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| هل أنت جزرة .. أم بيضة .. أم حبة قهوة ؟؟ ؟؟ | moneerkanj | اجتماعيات | 2 | Sep, 10 2006 11:18 |
| حنان الأم وجفاء الولد | Abdo-farah | قصص وروايات | 11 | Aug, 16 2006 21:33 |
| الولد المعذب | mhiri sahbi | اجتماعيات | 1 | Jul, 22 2006 04:19 |
| رسالة إلى (بنت) الماما !!!!؟..... مع تحياتي لفيصل !!!!...... | drfiras007 | اجتماعيات | 0 | Mar, 08 2005 12:13 |
كل الأوقات حسب GMT +2، والوقت الآن 09:06.
