ليش منشوف أكتر الناس لما بسيفرو ليدرسو برة لما برجعوا بتشوف صاحبنا رجع كأني مو ابن هالبلد
بصير بحكي بصيغة:نحن عنا بأميركا.......و انتو عندكن بسورية
و انتو بتتصرفوا هيك و نحن منتصرف هيك
وليش عندكن هيك و ليش عنا هيك>بأميركا أو ألمانيا.....<
و بصير الأخ ما بيحكي غير انكليزي أو الماني او فرنسي>المهم يورجينا حالو صار من غير طينة<
لك حتى مع أمو بصير ما يكي عربي
ليش كل هالشي؟
مشان يقول أنا صرت أحسن منكن
و إذا أخد الجنسية اللأميركية أو اي جنسية أجنبية
يا سلام يمكن يشق اسمو من دفتر العيلة ويصير إنو هو أميركي
و بصير الأخ ما بقى يحسن يلبس لبس وطني>لأنو بتحسس جلدو< تعود عالأجنبي
و شغلتو بس يساوي بلادنا زبالة وبلاد برة هي الجنة
و أنا بقول: و الله لو بحطوني بنص شارع الشانزيليزي أو في البيت الأبيض >الله يهدُو< ما رح أحكي إلا سوري حلبي
وبفتخر إنو أنا ابن هالوطن يلي ما ببدلو لو ملكوني الأرض
أنا عندي شارع باب النصر أحسن من كل شوارع أميركا وفرنسا
لك صحن كبة أو محشي من إيدين أمي >الله يديما فوق راسي< بسوى ميت ماكدونالد و ألف كنتاكي
و بدعي ربي إنو ما أموت إلا بحلب وأندفن بحلب

حلب فداك الروح

المشاركة الأصلية بواسطة Sindebad

هدول بقى بدن أنا برأيي نفي من البلد لأنو حدى سمع منكن بشي فلم أجنبي أي كلمة عربية
حدى شاف مقطع ولد عمبقلى لأمو: Mam, can i go with you ? قامت جاوبتو : طبعاً او ما في مشكلة
أكيد الجواب لأ
فهنن ما بلجؤوا لتقليد غيرن بينما في ناس عنا مشان المظاهر برأين>مع أني ما بشوف فيا أي شي برفع الراس< بصيروا متل ما قال فيصل ما بقولوا إلا: i can't و Never never و it's cool و i like it
هادا يلي بقصدو

مزبوط كلامك عزيزي سندباد وهؤلاء الاشخاص بيكون عندهم عقدة نقص بيحسوها وبالتالي بيحاولوا يعوضوها بانهم يحكوا كم كلمة انجليزي او فرنسي على اساس انهم صاروا اميركان او اوروبيين...
وياريت بطلع معهم

تحياتي

بعرف واحد راح على أوربا ... وفظع والله أعلم ... رجع خالي الوفاض .... لا علم ولا شي ....
ومع هيك ... حسب حالوا بيفهم ... ووصلت فيه أنه مابقى يبرك مع أهله على سفرة الطعام .... هنن بيبركوا على الأكل .. وهو بيبرك جنبهم لحالوا على طاولة صغيرة ... وطبعاً ما بقى يلبس بالبيت إلا .... لأ وكمان يرد على الباب وهو لايرتدي إلا ...

هذا الشخص حصل معه هذا لأنه ... كان ببلده جربان ..... وحسب حالوا صار بيفهم لما سافر .... بس هيهات
فلا يستغرب منه هذا ...هو آخد كلشي سيء ببلده ولما راح كمل بكل شي سيء عند الغرب ... يعني شي مو معقول ...

و بالمقابل في كتير ناس بتروح على الغرب , بترجع أحسن مما كانت بألف مرة ....
ويعود هذا لأنه بالأساس بيفهم وراح يكمل فهم ...

هذه الظاهر و الحمد لله موجودة و في منها الكثير.
للأسف انو إذا شخص طلع يدرس (بأمريكا مثلاً) بترجع بتلاقي عم يحكي غير حكي، و عم يتصرف غير تصرف.
برأيي انو لا بأس بأن الواحد منا يتصرف في الغرب كما يتصرف الغربيون (في حدود أخلاقه و دينه و قيمه)، و إذا أحب يغير (أخلاقه و دينه و قيمه)، عندها لا أحد يستطيع أن يمنعه. لكن المشكلة أن يرجع لبلده و هو يطبق تلك القيم و المبادئ كنوع من التميز.
و اسمحوا لي أن اقول أن هذا يعتبر كنوع من حب الظهور، يظهر كنتيجة لنقصية من نقائص التكوين التربوي أو العقلي، يحاول فيه (الشخص المصاب) أن يستعيض عن ذلك النقص في التميز الخارجي. و هذا أمر نراه كثيراً في حياتنا و لا يقتصر على الدراسة في الشرق أو الغرب، فقد نرى شخصاً يحوال التعديل في سيارته بطريقة غريبة، لتصدر صوتاً أعلى أو تظهر (كطفرة) وسط السيارات، و شخص آخر يحاول أن (يتفزلك) في موضوع لا يعرف فيه شيئاً ليظهر اجتماعياً كشخص (فهمان). و هنا أذكر شخصاً رافقني في سفر و كان لا يفقه شيئاً من امور العلم (و الحياة أيضاً)...... المهم، كان هذا الشخص يحاول أن يظهر لي أنه افهم مني في الفيزياء و الكيمياء و الذرة و حتى الطب !! مع انه لم يكن يحمل شهادة التاسع (الكفاءة)!!.

في الغرب، انعتق الناس من مفهوم القوميات (القوميات ظهرت أو تبلورت بعد الثورة الفرنسية بالتحديد)، و دخلوا في مفهوم الوطنية. و الحمد لله أن الشعب في بلادنا قد طلّق السياسة (بعدما عجز عن حفظ أسماء أحزاب الجبهة الوطنية التقدمية)، و كان نتيجة هذا الطلاق أن مفهوم الوطنية و القومية و حتى الديمقراطية، لم تأخذ المجرى المناسب لها و لم تُفهم بالشكل الصحيح، فظهر القومويون ، و القومجيون و ...إلخ.
- ما علاقة هذا المقدمة (المملة) بموضوعنا؟
بعض من يدرسون في الغرب قد يحصل على الجنسية الأجنبية، و بالتالي يتوجب عليه أن يكون ولاؤه لتلك الدولة الأجنبية (حسب مفهوم الوطنية)، يتوجب على ذلك الشخص أن يبحث عن مصالحها و يحرص على تقدمها، و ربما يدافع عنها عسكرياً (هذا يفسر وجود بعض الجنود الأمريكيين ذوي الأصول العربية في الجيش الأمريكي في العراق).
هنا نقطة قد لا يتفهمها بعض زملائنا، فهم ما زالوا عالقين في الانتماءات القومية (البالية)، هذا إن لم يكونوا ذوي انتماءات ما قبل قومية (عشائرية و قبلية).

شرح المفردات:الفكر القوموي: فكر قومي شوفيني, مراوغ وديماغوجي, يستغل الشعارات لتحقيق مصالح تحت وطنية, فئوية وشخصية.
الفكر القومجي: فكر قومي كاريكاتوري تافه, صراخ مشين وزوبعة في فنجان, يتكرر فيه الصياح بكلمة الأمة كلازمة غير لازمة.

الله يبارك فيك فيا زميل على هالمشاعر