| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| Try to know the right diagnosis | مقاربة مريض بألم مفصلي | نحتاج إلى مشرفين (للأقسام ولكل الموقع) |
| تعالوا نشخص التهاب الكبد B مصلياً | تقربر مفصل عن فحص الكيمياء العضوية العملي لطلاب ابو بكر |
 |
| | LinkBack | أدوات الموضوع |
|
#1
Feb, 10 2006, 14:29
| |||
| |||
 لماذا الإنسلاخ من الهوية من أجل المظاهر؟؟؟؟ ليش منشوف أكتر الناس لما بسيفرو ليدرسو برة لما برجعوا بتشوف صاحبنا رجع كأني مو ابن هالبلد بصير بحكي بصيغة:نحن عنا بأميركا.......و انتو عندكن بسورية و انتو بتتصرفوا هيك و نحن منتصرف هيك وليش عندكن هيك و ليش عنا هيك>بأميركا أو ألمانيا.....< و بصير الأخ ما بيحكي غير انكليزي أو الماني او فرنسي>المهم يورجينا حالو صار من غير طينة< لك حتى مع أمو بصير ما يكي عربي ليش كل هالشي؟ مشان يقول أنا صرت أحسن منكن و إذا أخد الجنسية اللأميركية أو اي جنسية أجنبية يا سلام يمكن يشق اسمو من دفتر العيلة ويصير إنو هو أميركي و بصير الأخ ما بقى يحسن يلبس لبس وطني>لأنو بتحسس جلدو< تعود عالأجنبي و شغلتو بس يساوي بلادنا زبالة وبلاد برة هي الجنة و أنا بقول: و الله لو بحطوني بنص شارع الشانزيليزي أو في البيت الأبيض >الله يهدُو< ما رح أحكي إلا سوري حلبي وبفتخر إنو أنا ابن هالوطن يلي ما ببدلو لو ملكوني الأرض أنا عندي شارع باب النصر أحسن من كل شوارع أميركا وفرنسا لك صحن كبة أو محشي من إيدين أمي >الله يديما فوق راسي< بسوى ميت ماكدونالد و ألف كنتاكي و بدعي ربي إنو ما أموت إلا بحلب وأندفن بحلب حلب فداك الروح  |
|
#2
Feb, 10 2006, 14:47
| |||
| |||
| لالالالا ما كل هاد ...مو كل هالأنقلاب بس ما فيها شي اذا واحد رجع وحكالنا شو شاف برة شوفي شغلات غريبة او شو بتصير مواقف هنيك ما بتصير هون... بالعكس حلو انو تنتقل الفكرة عن عيشة اهل برة انا طبعا ما بحب اللي بيعوج لسانه او هيك ....بس الحكي عن البلاد اللي صار عايش فيها مافيها شي ابدا ليش نتحسس انو هو هيك بيحكي وانو هلأ ما بقى تعجبه بلاده....لأ اكيد بتعجبه بلاده ولو ما بحبها ماكان رجع نزل ولا ضل بيحكي مع ولاد بلده ولا صاحب ولاد بلاد اللي بالغربة ...بس شي طبيعي لدرجة ما انو واحد ممكن يستاء من اوضاع موجودة هون خصوصا انو نحن دكاترة يعني بقصد عمستوى المشافي والتعامل مع الطبيب وطبيعة الشغل وانا متاكدة وقت بكون هنيك كمان بيمدح ببلاده وبذم النقص الكبير اللي بشوفه ببلاد برة زبضل بحن وبحن وبحن انا هيك تصوري عن اللي بسافر وانا كنت عايشة بالغربة من لما كنت ضغيرة وبعرف شلون كنا هنيك وشلون كنا نصرعن بسوريا وحلاوة سوريا وجو سوريا ... انا هيك رايي |
|
#3
Feb, 10 2006, 15:01
| |||
| |||
| المشاركة الأصلية بواسطة no one ها يا هيك يلي بعتز ببلدو يا بلا>فعلاً أصيلة<
معلش واحد يحكي اش شاف اشو أحسن هنيك >خصوصاً في الطب< بس المهم يتم يعرف إنو هو ابن بلدو و أنا قلت ما كل الناس بس أكترن هيك للأسف |
|
#4
Feb, 10 2006, 15:09
| |||
| |||
 حرام ؟؟ السلام عليكم .. ما شاء الله الزميل السندباد فايت فوتة قوية  ولكن ........... ليش أسلوب التهجم هاد ؟ 
 أو متخلي عن عروبتو ؟؟
أن الله يسامحك .. طلعنا مالنا وطنيين كمان  (يلي ما بيعترف بأصلو مالو أصل ...... )
الله يسامحك كمان مرة ... بس لو هشت الغربة ما كانت أصابيعك قدرت تتحرك لتكتب هالأفكار ....... وتشملون بكلمة (أكتر الناس) ..... ((( لا تنهرن غريبا حال غربته ... الدهر ينهره بالذل والمحن))) شو مشان ؟؟؟؟؟؟؟؟؟؟؟؟؟؟؟؟ احترامي .. والسلام عليكم ..... |
|
#5
Feb, 10 2006, 15:11
| |||
| |||
| أكيد سوريا فداها الروح وحلب فداها الروح.. و العيشة بين اهلنا والموت على ارض بلادنا شغلة يمكن الغالبية بتتمناها بس التنور والمعرفة شغلات كتير ضرورية.. انتقاد الوضع الموجود بالبلد ومقارنتو مع الوضع برا شغلة مزعجة كتير.. بس بتصير شغلة كويسة ومفيدة لما بتقترن مع النية والعمل من اجل تحسين الوضع عنا بالبلد.. فما في مشكلة أبدا لو رحنا لبلاد برا مشان نتعلم منهن الشغلات اللي ما عنا ياها ونحاول نفيد بلدنا فيها.. بينما هدول المتبجحين.. اللي عم تحكي عنن فأصلا هدول حقن فرنك مصدي.. وأصلا ما حدا بيسمعلن.. وشكرا يا سندباد عهالموضوع الحلو وفعلا المنتدى كان ناقصك لانو مواضيعك عن جد حلوة وعم تحط ايدك عالوجع.. |
|
#6
Feb, 10 2006, 15:13
| |||
| |||
| عزيزي سندباد حلو الواحد يفتخر بوطنه ويحبه ويكون في عينه احسن من كل البلاد لانه بالاول والاخير مسقط رأسه بس ما يوصل هدا الحب الى درجة التعصب الأعمى بحيث يعميه عن السلبيات او يغض الطرف عنها.. في كل مكان في سلبيات لازم الواحد يعترف فيها... وما بظن انه عيب لو الواحد نقل الصورة الجميلة التي رآها بالخارج الى وطنه ليحاول تحسين بلده.. انما العيب انه نضل متقوقعين ونقول نحن احسن شي ...ونحن بالواقع العكس كمان بالجهة المقابلة اوافق على كلامك انه ما بيصير الانسان ينسلخ من اصله اذا راح عاش كم شهر او كم سنة بالخارج ويرجع كأنه من غير كوكب. ويتبرى من اصله فالموضوع يجب ان يؤخذ بدون افراط او تفريط...فخير الامور اوسطها وشكرا لك تحياتي |
|
#7
Feb, 10 2006, 15:15
| |||
| |||
| الله لا يدوقك الغربة ... !!! يوم السفر ودعونا ويا ريت ما كنا .. ساعة وداعون وغاب القمر عنا .. غنيت لأهلي فحلب العتابا ومعنا صارت دموع الأهل سيل ووصل لعنا وبدعي لرب السما اللي في الغربة جمعنا ما موت إلا فحلب .. ليئولوا ودعنا .. يا يابا -=-=-=-=-=-=-=-=-=-=-=-=-=-=-=-=-=-=-=-=-=- يعني يا زميل سندباد الرحال ما بتلاحظ الادب المهجري أكثر وطنية ؟؟ |
|
#8
Feb, 10 2006, 15:19
| |||
| |||
| طولوا بالكن يا جماعة... يمكن سندباد ما قصد هيك.. أو يمكن على الاقل انا ما فخمت منو هيك... الزلمة عم يحكي عن واقع (فيو شوية مبالغة ماختلفنا) بس في عالم متل ما عم يقول ما بتستنى تطلع لبرا حتى تنتفض وتنتكر لكل شي.. بعدين لا تنسوا أنو يمكن أحلى الابداعات الشعرية في حب الوطن دايما بكون مصدرا من شعراء بالغربة.. ومو بس هيك ياما في عالم بالغربة بتعمل مشاريع وشغلات لفايدة الوطن يعني مو كل الاصابع متل بعضها.. |
|
#9
Feb, 10 2006, 15:21
| |||
| |||
| اها.. وهي كليوباترا سبقتني عمرك اطول من عمري.. |
|
#10
Feb, 10 2006, 15:23
| |||
| |||
| عزيزي سامر ... بدك تطول بالك اول شي ، يعني عدم المؤاخذة متل ماقالت كليوباترا انت ماطلعت لبرا وشفت وجربت ، وماشفت كيف العيشة هونيك ، وشو ممكن يصير للواحد تغييرات ، وشو ممكن يأثر عليه ... كمان متأكد انو كل واحد بيطلع لبرا بيحكي للعالم عن بلدنا وشو فيها شغلات حلوة وشو فيها شغلات مو منيحة .. بعدين مايخطر ببالك ولو لحظة انو في بلد بالدنيا كاملة ومو ناقصها شي ، كل بلد وفيها مشاكل بتكفيها ، ومايخطرلك الحضارة اللي عايشينها برا مبسوطين عليها .. كمان مابقلك انو بلادنا جنة ... يمكن العبرة اللي الواحد بيشوفها من الدنيا ، انو متل مافي شي كامل بهالدنيا .... بعدين بتضل شغلة العواطف والحنين إلى الوطن والتعلق بالبلد شغلة نسبية ، بعرف واحد ضل 12 سنة مسافر برا فرد سحبة ، وقللي ماضل عندي أي ذرة شوق او حنين للبلد او لأهلو او لرفقاتو ، يعني على مبدأ البعيد عن العين بعيد عن القلب ... ومتل ماانت متعلق بوطنك ، الفرنسي متعلق بوطنو والألماني متعلق بوطنو ، يعني استغربت مرة دكتور بألمانيا عم يقول انو صعبة فكرة الهجرة برأ ألمانيا على اميركا مثلا ، وذلك نظرا للفروق الكبيرة في الحياة الاجتماعية بين البلدين ، وهدول نحن منشوفون فرد هوا ، اوربا واميركا ... قصدي انو ماحدا بيهون عليه يترك بلدو ، شو ماكانت ... ولوين ماكان .. مابقللك انو مافي ناس مابيتنكرو لأصلون ، متل ماحكالنا إيهاب انو شاف دكتور سوري بأميركا دارس بحلب ، وكان عم يحكي معو ، قام قللو هداك الدكتور بالانكليزي : it happened once upon a time that i've studied medicine in Aleppo وكان كتير قرفان ، وخجلان وهو عم يقول ، انو صارت مرة من بعيد انو درست طب بحلب .. وفي ناس بيرجعو من برا بينعوج لسانون ، مع انو بيكون مالون شهر طالعين ، ولما بيكونو برا مابيعرفو يحكو كلمتين اجنبي وبس يرجعو لهون بيبلشو التقسيم متل i can't و Never never و it's cool و i like it و بونجور وارفوار ومن هالتقسيمات هدول  ومتل ماقالت كليوباترا بالخير اللي مابيعترف بأصلو مالو أصل ... أدام الله المحبة ... |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| من أجل اعدادات أفضل في برنامج الضغط WinRAR | le poete | علوم وتكنولوجيا (حواسب واتصالات) | 0 | Feb, 26 2007 09:26 |
| من أجل حياةٍ أجمل ... (1) ثقافة التسامح | Shankool | الثقافة | 2 | Oct, 22 2006 15:25 |
| صفحات مطوية من أجل حرية الشعب السوري | سوري أصيل | اجتماعيات | 0 | Apr, 14 2006 22:24 |
كل الأوقات حسب GMT +2، والوقت الآن 13:23.
