حوار مع الزهرة
يدور هذا النقاش حول حوار مع الزهرة في قسم هديل الروح في الملتقى الطبي السوري; -->
حوار مع الزهرة
زهرة من البستان قد بانت للعيان ..........فتنت كل مارٍّ حتى أصيب بالهذيان
يكاد لونها يخطف بصر الناظرين .......... و إن غادرت لم تغب عن الأذهان
زكية
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
|
#1
Feb, 13 2006, 17:10
| |||
| |||
| حوار مع الزهرة حوار مع الزهرة زهرة من البستان قد بانت للعيان ..........فتنت كل مارٍّ حتى أصيب بالهذيان يكاد لونها يخطف بصر الناظرين .......... و إن غادرت لم تغب عن الأذهان زكية رائحتها, تخفق لها الأرواح ......... بهية طلعتها , و إن لم تبد للعيان تهدئ النفس و لو كانت مضطرمة ........... كأنها برد يطفئ لظى النيران زهرة فتانة , كأن بها سحراً ............. لو أتيت بها النار حالتها إلى بستان عبيرها قد سلب لب العاقلين .............فمكث في عقولهم عقداً من الأزمان و خيالها ارتسم في ذاكرتنا حتى.......... استوطن, فما لنا من محيد عن النسيان اقتربت من الزهرة علّي أكلمها...............فوجدت في قلبها أطيب إنسان سألتها : ما سرّ بهاء طلعتك ؟............... أجابتني : ما سرّ بهاء الإيمان ؟ قلت : و النور الذي يشع في مقلتيك؟..... قالت : ما أروع نور الرحمن ! قلت : و حديثك حِكم لا تُنسى ؟.............. قالت : هذا بيان من القرآن ... كلماتها نهر من عسل جارٍ ..................... ماؤه عذب سائغ قد رواني أغمضَتْ جفنها و تنهدَتْ في سرها......... فسقطت قطرات الندى من العينان لمعت كعقد من اللؤلؤ على خديها............ و تقطرت.. فعجبت لهذا اللمعان!! قلت إن كان في قلبك لوعة.................... فصلي ركعتين و اتجهي للرحمن قالت في قلبي حسرة على إنسان ........ قد بات بعيداً عن الإيمــــان قلتُ دعيه في دنياه يخوض ................... فمثله ليس بجديد على الزمان قالت يموج في اليمّ حتى الغرق ............ أتساءل أين المنقذين في المواني؟ قلت حمداً لله قد أبعدنا عنهم.................. حمداً لله ما زلنا على الشطئان قالت لن أدعهم يخوضون في لعبهم .........سأحاربهم على مرّ العصور و الأزمان قد كانوا زهوراً تسعد الكائنات............... لرؤيتهم .... ماذا حل بالأذهان ؟ انحطت أفكارهم إلى قاع الدّرك ............ و انزاح عنهم بهــــاء الإيمــان ألم يكونوا قد سابقوا النجوم في .......... علوّها .. حتى فرح بهم الرحمـن قالت : حاولت أن أصدهم فمنعوني ........... و اتّهموني بالجنون أو الهذيان أغلقَتْ في وجوههم الأبواب حتى تعبت ........فانسحبت و لم تطغي في الميزان بحثَتْ عن ملاذ آمنٍ لها فوجدت .................. عند ربها خير مأمن و تكلان ودّعتها و في فؤادي حسرة , و قلت ......... اتكلي على خير وكيل و حسبان خسر البستان زهرة فواحة كانت.............. قد جمعتنا بالحب و هدى الرحمن يا لهذا الزمان و ما به من أشواك ............. تؤلمنا فيسيل الدمع حتى الركبتان  |
|
#2
Feb, 13 2006, 23:53
| |||
| |||
| صحي يا جماعة ما يجي حدا و يقلي هذا ليس شعراً اللي كتبته مالو موزون على شي بحر من البحور لأنو شفتها شغلة صعبة و طويلة |
|
#3
Feb, 17 2006, 00:23
| |||
| |||
| والله يا زميلة روز كلمات هالقصيدة كتير حلوة والفكرة تبعها أحلى  بس ما بعرف حسيتها شوي ما بتشبه القصائد اللي بنعرفها يعني بيت طويل وبيت قصير والروي كمان عم يختلف احيانا فبيكسر انسيابية القصيدة ولا تقليلي أنو حرف الياء عم يجي بعد حرف النون ومعناتو انو الروي هو نفسو لأنو الياء ما بينحسب حرف بس اذا إجا ضمير متل(قلمي) بينما كلمة(المواني) متلا, حرف الياء فيها هو حرف أصلي وانت هيك غيرتي الروي بس كان بإمكانك أنو تحذفي ياء المواني وتخلي الكلمة (الموان) بالكسرة, وبنمشيلك ياها لأنو ومتل ما تعلمنا من آنسة العربي بالسنة الأولى أنو كل شي يجوز باللغة العربية وتعلمنا منها أنو على طول يجوز الوجهان. وما بعرف حسيت أنو بعض الكلمات مو مزبوطة متل (حالتها) لأنو هي اسم مو فعل فمتلا بتقولي (فلانة حالتها منيحة) بينما الفعل اللي إنت قصدتيه هو (أحالتها) بس رح نمشيلك ياها ولا يهمك. وبليز لا تزعلي من كلامي لأني أكيد ما بيطلعلي اني أنقدك بس هيك من باب الأخد و العطى  بس بشكل عام القصيدة حلوة وفيها احساس كتير حلو وهدا اذا دل على شي فبيدل على أنو طالب الطب وعكس مو معروف عنو ما فقد الاحساس متل ما بيقولو بعض جماعات عننا  بالعكس لأنو الشخص اللي بيشوف آلام الناس وبيساعدن أكيد رح يمتلك احساس بيفوق اللي بيمتلكوه بقية الناس  وشكرا على القصيدة مرة تانية ويا ريت على طول تفرجينا هيك مواهب  |
|
#4
Feb, 25 2006, 21:35
| |||
| |||
| يا سيدي كلمة "حالتها "صحيحة و ما فيها شي غلط طلعت عليها بمختار الصحاح و تأكدت "حالت بمعنى استحالت أي انقلبت عن حالها " أما بالنسبة لهاد اللي عم تقول عنه روي منشان حرف النون المكسورة ( جنان) غير الروي اللي فيو نون و وراؤه ياء ( رواني) طيب اقرأ هالبيتين للشاعر صفي الدين الحلي و عطيني رأيك أَيا مَن ضاعَ فيهِ نَفيسُ عُمري وَصَبري بَينَ إِعراضٍ وَبَينِ أَراكَ مُمَثّلاً بِسَوادِ قَلبي فَمَن لِيَ أَن يَراكَ سَوادُ عَيني بينِ .... عيني ........ اش رأيك؟؟؟ خيو متل ما قلتلك هي ما هي قصيدة سميها شي تاني هو المهم تكون فهمت اش قصدي منها يعني مثلا لما عم بحكي عن الزهرة أنا هون ما عم بقصد شخصية معينة بعرفها .. هيي مجرد شخصية موجودة في بالي شافت الواقع اللي عايشين فيه و زعلت لأجله بتحاول تغيره و لما حاولت تغيره .. قامو كل الناس ضدها بس للأسف ما بيعرفو هنن هيك بهالعمل خسرو كتير هالزهرة في منها كتير من اللي بعرفهن و أول وحدة آنسة من آنساتي ( مو بالمدرسة ) لك آآآآآآآآآآه اش بدي أحكي لأحكي على كل حال شكرا كتير إلك يا magician انشالله تكون فهمت قصدي صح |
|
#5
Feb, 25 2006, 21:46
| |||
| |||
| rose ... قصيدتك كتير حلوة ... و رح نعتبرها متل التفعيلة .. الوزن صفر عالشمال  بي الكلمة يلي استعصت علي هي كلمة ( صحي ) بالمشاركة التانية ؟؟؟  |
|
#6
Feb, 26 2006, 21:49
| |||
| |||
| طولي بالك ما بدها كل هالآه وعذري جهلي وقلة معرفتي يا ست روز وأنا بعتذر يا ستي وحقك علي..بس لا تنسي انا قلتلك أنو القصيدة حلوة وهدا معناتو أنو قريتها كويس,فما في داعي ترجعي تحكيلي قصة القصيدة يعني صح أنا ما بعرف متلك بالشعر بس مو لدرجة إني ما أفهم شو عم أقرا  وكمان قلتلك أنو ما بيطلعلي أنقدك لأني ما بحسن أكتب متل اللي كتبتيه,بس انا قلتلك اللي بعرفو,وشكلو طلع اللي بعرفو غلط وأنا بعتذر..... اما مشان بيت صفي الدين الحلي فيا ريت ترجعي تقري اللي كتبتو مزبوط ... لأنو كلمة(بين) وكلمة (عيني) بتأكد الشي اللي قلتلك ياه ... لأنو الياء في (عيني) ضمير متل مانك شايفة وانا قلتلك لمن بتكون الياء ضمير وقتها بنكون ما غيرنا الروي,مو متل كلمة مواني (سمعانة مواني مو رواني ويا ريت ترجعي وتقري اللي كتبتو منيح) مواني اللي انت مستعملتيها واللي فيها حرف الياء هو حرف أصلي ما بتقدري تستغني عنو وانا قلتلك لو حذفتي ياء المواني للتخفيف وقتها بتمرقي من هالغلط وبيبقى الروي نون وبس.. بس برجع بقلك أنو ماني متأكد من هالشي بس هدا اللي بتذكرو ويمكن يطلع غلط,وانا ما حكيت هالحكي من باب انقدك(لا سمح الله لأنو ما بسترجي وما بيطلعلي) بس متل ما قلتلك بالأول من باب الاخد والعطى وكمان نستفيد وننهل من معلوماتك القيمة بليز لا تزعلي مني وحقك علي |
|
#7
Feb, 26 2006, 23:10
| |||
| |||
| ببساطة القصيدة حلوة و ظريفة بدون ما فوت بتعقيد الشعر و البحر و الوزن اللي ما بفهم فيه كتير!! بعدين حتى لو ما كانت قصيدة فهيي كتابة أدبية حلوة أنا ما بتصور حالي اكتب متلها!! |
|
#8
Feb, 27 2006, 06:02
| |||
| |||
| المشاركة الأصلية بواسطة magician لا و الله ما عم بقصدك
هي الآآآآآه ما قصدي عليك بس تذكرت حالي لما كتبت هالقصيدة تذكرت شغلات كتيرة بهالدنيا تذكرت الأشخاص اللي قصدتن خسارة بس عنجد ما زعلت منك .. على قولتك أخد و عطا أصلا لما كتبت هالكلام ما سألت حالي اش عم بكتب صح و لا غلط بس فيك تقول متأثرة شوي بالشعر على أد ما بقرأ أشعار يا سيدي فهمت عليك منيح بس يمكن أنا ما حطيت شواهد كافية يللا منرجع لموضوع الروي يا سيدي كمان المواني مزبوطة و بتصير كمان رح أعطيك كم بيت لصفي الدين الحلي بس هالمرة زهرة أخرى من بستان آخر دَقَّ شَوّالُ في قَفا رَمَضانِ وَأَتى الفِطرُ مُؤذِناً بالتهاني فَجَعَلنا داعي الصَبوحِ لَدَينا بَدَلاً مِن سُحورِهِ الأذان في ظِلالٍ عَلى الأَرائِكِ مِنها وَالدَوالي ذاتِ القُطوفِ الدواني بِسَجايا رَضَعنَ دَرَّ المَعالي وَمَزايا رَصَّعنَ دُرَّ المعاني أَنتَ بَينَ الأَنامِ لَفظَةُ إِجما عٍ عَليها اِتِفاقُ قاصٍ و دان هالقصيدة بجد كتير حلوة 60 بيت ... فيها معاني حلوة كتيرعن شهر رمضان إذا كمان هي بتصير إن كان حرف الياء من أصل الكلمة أو لأ... معلش لا لي زعلانة و لا شي و بجد ما بدها اعتذار .. و بتشكرك كتير كتير إنك قرأت هالقصيدة: و انشالله أبقى عند حسن ظنك |
|
#9
Feb, 27 2006, 06:16
| |||
| |||
| المشاركة الأصلية بواسطة Ro Ro شكرا كتير يا رورو
بتعرف شغلة أنا كمان ما كنت بتصور إنو أقدر أكتب جملتين من هدول بس جربت و هيك طلع معي و إنت كمان جرب و شوف .. يمكن يطلع معك شي أحلى كتير حلو إنك تكتب شي من قلبك يعني بكل بساطة حاول تترجم شعورك إلى كلام تكتبه ع الورقة أحلى شعور لما بتقرأ شي طالع من قلبك جرب... و أنا متأكدة رح يطلع معك شي حلو |
|
#10
Feb, 27 2006, 14:50
| |||
| |||
| هدا الحوار خصوصي الي ماهيك شكراااااااا كتير إلك مرسي كلك ذوق عمترحبي فيي ماهيك مرسي إلك |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| وزير الصحة في حوار السقف المفتوح مع (الثورة) | Shankool | الإخباري | 1 | Jul, 05 2006 15:51 |
| حوار مع مو حافظ - محافظ معزول | سوري أصيل | اجتماعيات | 0 | Apr, 25 2006 23:36 |
| حوار مع البدر | dr.mohi | هديل الروح | 17 | Mar, 15 2006 15:11 |
| حوار مع حبيبتي !! | ammour444 | هديل الروح | 21 | Mar, 04 2006 20:54 |
كل الأوقات حسب GMT +2، والوقت الآن 21:22.
