مشهد رومنسية مثالي جدا تخيلته:

================================================== ==
قال: أحبكِ

قالت: برهن

قال لها:

أنتِ سبب أرقِ

أنتِ حلمٌ يُطيل إيقاظي

أنتِ حزني وفرحي




أراك طيفاً متألقاً

يأتي ويذهب مبكّراً




أنتِ سماءٌ فيها أطير،

أنتِ جملة أتوه في معانيها،

فتأخذني كلماتك وأبحر،

فأنسى نفسي وأنسى شخصيّتي،

ثم أعود فأجدني أسير هواكِ.




ثمّ قال: وأنتِ

قالت: وأنا أيضاً

قال: أيضاً ماذا؟

قالت: يعني أيضاً

قال: لا وأيضاً ماذا؟

قالت: أحبك، (واحمر وجهها وانسحبت مسرعة، ثمّ أبطأت)


فلحقها قائلاً: لقد حصلت على برهاني، أنت عمري وفيك أراني.


قالت: سألتك بعشقنا وهوانا، لاتزد عليّ، ودعني أستوعب ما دهانا.


قال: أفصحي

قالت: أتدري..!؟، أحببتك، وأحبّك، وسأحبك.


فأنتَ سرُّ حياتي

أنتَ الآه في آهاتي




في أحلامي الوردية أنت البطل

وفي حياتي اليومية أنت الأمل




وها أنت حلمي الذي تحقق

فدعنا ننام ولانقلق.
===========================

يا جماعة عطونا رأيكن من حيث الكلام نفسه، ومن حيث انّو ممكن الواحد يلاقي حب حقيقي صادق أو لأ.؟؟؟؟

خلّو التفاؤل صاحبكن==> بتفوزوا بحياتكن

بصراحة حكي كتير معقد ومافهمت منو شي ، يمكن مو العطل من القصيدة أو المقالة أو مابعرف شو اسمها ، بس نتيجة ارتباطي الضعيف بالشعر ....
بركي بيساعدني الزميل العزيز سنفور على فهم شيء ولو بسيط من متاهات الشعر ... ، يمكن أول مابشوف حكي مصفوف على شكل قصيدة ، مابقراه شو ماكان ، بس مابعرف شو سبب هالعداوة بيني وبينو ...
على كل شكرا على مساهمتك ، لأنو مبين انو حلوة من عنوانها

كل شي بهالدنيه ممكن الا هي..........

يعني بتصير بنسبة 5 % بس في كلية الآداب
أما في كلية الطب بتصير كمان بنسبة 100 %

بعتقد الموضوع ما بهالتعقيد يا صديقي فيصل.
يعني القصيدة حلوة وبسيطة بس..
والسيدbad Angel عنده موهبة حلوة بالتعبير,,
بالفعل القصيدة حلوة، وجرئية.. وبتعبر عن تجربة حلوة..

أنا بحب إنك تضل عم تكتب.. لإنو كتاباتك حلوة..
أفكارك حلوة..
بالنسبة لطريقة التعبير.. أو الصور..
الفكرة يللي عم تطرحها بسيطة يمكن ما بتستحمل كتير الواحد يشتغل عليها.. باللغة.
بس بعتقد إنو ممكن بكل قصيدة لو أعيد كتابتها مكن الشاعر يكتب شي أحلى منها..
يعني رجاع حاول بكل قصيدة إنك تعيد ترتيب الصور، تغير بالكلمات..
بيطلع حلو..
بتمنالك التوفيق من كل قلبي

Fiso

أول شي هالكلمات يلي كتبتها انا تسمى خواطر، وهي عادة مانتتج عن تجارب شخصية أو تخيّلات يكتبها الفرد بصيغة أدبية.

تاني شي: الكلمات جدا بسيطة وسهلة وهي عمتوصف مشهد مثالي رومنسي بين تنين من نسج الخيال.

تالت شي بنصحك ما تترك حاجز بينك وبين الكلام الحلو سواء كان شعر أو قصيدة أو أي شي لأنو الكلام الحلو يا أبو الفيص بفتح عند الواحد الجوانب الرومنسية التي لا غنى عنها

رابع شي شكرا فوق الشكرا تبعيتك.



Shery

شو بتقصدي بكل شي ممكن إلا هي

اذا كان قصدك الخواطر يلي كتبتها فهي بتضل خواطر، وهي غير مستحيلة الحدوث وإنما انا معك يمكن انّو نادرة

أما اذا كان (خلّو التفاؤل حليفكن، بتفوزوا بحياتكن) فرأيي الشخصي التفاؤل ضروري لحتى نعيش، يعني متلو متل الهوا والمي.

أما عن الحب الصادق اذا كان موجود أو لأ، فبحب طمنك أنّو موجود، بس مسكين هالحب الصادق انّو ما عبيحسن يناضل ادام الحياة الواقعية ومتطلباتها، بس بتم موجود أكيد!.



شنكول

حبيبي ابو الشناكل، لك طلاب الطب كلن رومانس، ياعسل.



سنفور

عزيزي سنفور انت لازم تكون ابو السنافر كلها من حيث النقد البنّاء والموهبة الشعرية

وانا كتير مبسوط لوقفتك جنبي وتشجيعك، كلامك مزبوط 100%، كل كاتب اذا اعاد النظر بكتاباته بكتشف تغييرات بتخلّي كتابته أحلى.

وبصراحة الخواطر الآنفة الذكر هي ّ أول انتاج بعد انقطاع طويل جدا عن الكتابة.

وانشاء الله القادم يكون أفضل.



آخر شي لأبو الفيص وسنفور معاً

طولو بالكن

وبالنسبة لترجمة اسمي كنت بتمنى ماتكون هيك، ممكن تنقال بترجمة ألطف (الملاك السيء) أو تنكتب **bad_angel مو متل ما قال سنفور وجيت حضرتك يا فيسو عميتها بدال ماتكحلا وأكدت عليها بذكرك إلها مرة تانية، (وعلى فكرة بعرف ترجمة اسمي منيح)



Thank u all anyway

نعم الحب الحقيقي موجود لكنه يصطدم بالظروف
يعني ممكن يكون شرط الحب عند بنت إنه الشب يكون غني !!!! أو حلو !!!!
طيب المستورين والبشعين راحت عليهن؟؟
ما بعرف أنا بالنسبة إلي مرتاح من كل هالقصة
سلام