الاختصاص في ألمانيا
يدور هذا النقاش حول الاختصاص في ألمانيا في قسم امتحانات الدول الغربية (بشري) في الملتقى الطبي السوري; مرحبا ياجماعة
رح أحكيلكون اليوم عن الاختصاص في ألمانيا و كيفية الحصول على اختصاص في دولة ألمانيا الاتحادية
بتمنى بس تدعولي إنو الله يوفقني و يساعدني على اجتياز المصاعب إللي
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| هل توافق على بيع كليتك؟؟ شاركنا برأيك | من هم الأشخاص الواجب التحري عن إصابتهم بالتهاب الكبد B : | القرحة القلاعية Aphthous Ulcers |
| تخفيض خدمة العلم إلى 21 شهرا اعتبارا من بداية 2009 | ||
 |
| | LinkBack | أدوات الموضوع |
Feb, 14 2006, 18:15
| |||
| |||
| الاختصاص في ألمانيا مرحبا ياجماعة رح أحكيلكون اليوم عن الاختصاص في ألمانيا و كيفية الحصول على اختصاص في دولة ألمانيا الاتحادية بتمنى بس تدعولي إنو الله يوفقني و يساعدني على اجتياز المصاعب إللي ممكن أواجهها و يوفقني للخير "بتدعولي؟؟؟ أمانة ها" المهم لمابدك تفكر باختصاص في دولة ألمانيا الاتحادية بدك تفكر بإيجابيات و سلبيات هالدولة طيب السلبيات هي : 1- اللغة : مسألة اللغة هي عائق مهم ،خاصة كونها صعبة ، و بدهون على الأقل ست مستويات و هناك حديث عن تحويلها ل 12 مستوى يعني إللي مفكر يطلع على ألمانيا لازم يفكر بالتعلم اللغوي من السنة التالتة و أي تفاصيل عن موضوع اللغة أنا جاهز للإجابة بس لا تنسى عمتخسر الانكليزي هون 2- العائق التاني هو الراتب: يعني لما بدك تبتدأ الاختصاص بتبداه كطبيب زائر بدون راتب ممكن تحسن تدبر مناوبات تعيش على أساسها غالباً كافية إذا استطعت تأمينها، بعدين شي ستة أشهر أو سنة ممكن تدبر راتب نظامي 3- العائق التالت : إنو ما بتحسن تستمر في ألمانيا بعد الاختصاص فيها إلا إذا أخذت الجنسية أو تزوجت ألمانية طيب المزايا : 1- معظم الاختصاصات متاحة بس المهم تحاول تساوي ستاجات أكتر ما يمكن في الاختصاص إللي بدك ياه ، يعني الجماعة مو فارقة معهون جراحة ،داخلية، أذنية متل بعضها المهم بدهون دكتور شغيل 2- فيك تسافر بعد التخرج أو حتى بعد الاختصاص منشان تعمقه و الاختصاص السوري معتبر في معظم الأحيان و معدل في ألمانيا 3- المعيشة في ألمانيا مو غالية متل فرنسا أو انكلترا و بالتالي ممكن توفر من أقل راتب بينعطى إلك هي مقدمة صغيرة و أية أسئلة تانية من خبرتي المتواضعة أنا جاهز لأعطيكون ياها دعاؤكم تحياتي حازم  |
|
#11
Apr, 16 2006, 05:51
| |||
| |||
| السلام عليكم عزيزي حازم ، بعرف أنه الموضوع صار له شي شهرين ، بس بصراحة ما في حدا عنده معلومات عن ألمانيا (بقصد من الشباب) ولذلك في كتيير أسئلة حابب أسألك إياها ، بس أرجو أنك تتحملني .. حسب ما بعرف أنه هلأ أنت في أمريكا ، طيب ليش ؟؟ شو صار بشغلة ألمانيا؟ إذا ما كان الموضوع شخصي بتمنى تقللي؟ طيب ، ومشان اللغة ممكن وأنا هلأ سنة رابعة أتعلم من البداية ولحق حالي ، ولا راحت عليّ؟؟ وعلى فرض مشي الحال مع اللغة ، شقد هي الفترة اللازمة بعد التخرج من الكلية لحتى يصير عندي القدرة التحق بشي جامعة بألمانيا؟ مشان الوضع المادي ، أنا كنت متخيل أنه أسوء من هيك بكتيير ، فشكرًا كتيير لأنك طمنتني ... بالنسبة للوضع العلمي ، في ضرورة أنه ندرس مناهج معينة ولا مناهج الكلية بتكفي؟؟ وبالنسبة لتأمين الفبول في ألمانيا صعب ولا سهل ؟ شو هي متطلباته ؟؟ كأني فهمت من كلامك أنه ما أية طلبات خاصة!!! .... لسّا في عندي استفسارات أخرى ، بس بتمنى تجاوبني على هدول بالأول... إذا بدك تسألني ليش عبفكر بألمانيا ونسيان أمريكا ، رح جاوبك أنه طموحي هو الجراحة ، وأنت أعلم شو يعني جراحة في أمريكا ... |
|
#12
Apr, 22 2006, 03:19
| |||
| |||
| Please dr. RWTh :Answer me....  |
|
#13
Apr, 22 2006, 05:25
| |||
| |||
| لك يا اخي أمريكا كويسة و فيها علم كويس و قوية و متل ما بيقولو خطين أحسن من واحد ليش يعني ما أستغلها و بعدين الخبرة الأمريكية بتنفع بكل مكان ما بقرر وين بدي أختص لأرجع عسوريا عمي ما راحت عليك بتحسن ليش لأ بلش من هلأ و طلاع ستاج عالسادس و خلص و حاول تكون متمكن منشان الدكتور يعطيك قبول كطبيب ضيف بالمستقبل و تصير مهمتك أسهل يا سيدي ما بدك فترة إذا بلشت من هلأ فيك تلحق حالك يعني وين المشكلة بتطلع بعد التخرج بشي 3 أشهر و بتزبط معاملتك و بتنزل و بعدها بتطلع الطلعة الأخيرة يعني الموضوع بده شي ست أشهر و الله يا معلمي لازم تدرس شوي من مناهجهون على كل طالما طموحك جراحة فعندي كتاب جراحة بعطيك ياه تصوره بتحب تستناني لأنزل أو بحكيلك مع أخوي بيعطيك ياه القيول مو صعب و لا سهل يعني الصراحة حظ يعني على كل يعني إذا الله قدرلي يكون هونيك مصيري فسيدي الكريم بحطك بعيوني وقتها و ما بقصر متطلباته : منحكي لأنه شغلة طويلة أكتبها هون فلا تاكل هم بنزل على سوريا و بحكي معك و بفهمك كل شي بانتظار استفساراتك اسف انو ما جاوبتك فوراً لا تواخذني بس ما عم أدخل كتير عالمنتدى بس هالأسبوع رح أدخل خصوصي منشان استفساراتك |
|
#14
Apr, 22 2006, 05:26
| |||
| |||
| بس أمانة تدعيلي تحياتي حازم |
|
#16
Apr, 23 2006, 23:53
| |||
| |||
| مع خالص التمنيات بالتوفيق السلام عليكم شكرًا جزيلاً دكتور حازم... بقية الاستفسارات رح أجلها حتى قدومك إن شاء الله بالسلامة... بتعرف أنه الامتحانات قربت وصار لازم نحضرلها ... كنت بدي أسألك عن بعض التفاصيل متل كيف ووين بدي أتعلم ألماني..وغير ذلك... لكن وتبعًا لانشغالي حاليًا بمواد الكلية ...وتبعًا لوجودك في أمريكا فرح أجّل ما تبقى من الاستفسارات لبعدين... بصراحة ما عبعرف كيف بدي أشكرك على استجابتك لأسئلتي وحرصك على ... يعني عن جد حسّيت حالي عبحكي مع أخي... جزاك الله كل خير ... ومن ناحية الدعاء إن شاء الله ما رح أنساك ...والله يعطيك العافية السلام عليكم محمد الحمادي |
|
#17
May, 05 2006, 19:37
| |||
| |||
| مرحبا هاى اول مشاركة لالى و انا سنة خامسة وحابب اكمل في المانيا فشو بتنصحوني ابلش |
|
#18
May, 06 2006, 10:49
| |||
| |||
| أخي الكريم حازم .. شكرا لهذه المعلومات .. انا حاليا طالب طب أسنان سنة رابعة ... بجامعة حلب طبعا .. طالع ستاج على انجلترا بالصيف ، بس متل ما بتعرف الأوضاع تبهدلت هنيك ، بس بضل وضعنا أحسن من جماعة البشري .. المهم ، بدي أطلب منك طلب وتوعدني بالمساعدة ، إذا بتعرف حدا من أطباء الأسنان السوريين اللي عم يكملوا اختصاص حالياً في ألمانيا بتمنى انو تعطيني عنوان إيميلاتهون ، أو أي وسبلة اتصال ممكنة ، مشان أعرف الوضع مزبوط ، ولك جزيل الشكر والامتنان .. تحياتي .. وســـام .. |
|
#19
May, 06 2006, 13:55
| |||
| |||
| وسام تكرم بس بدك تستناني لأنزل بسألك قرايبي بألمانيا و بفهم منه الوضع و بجيبلك أسماء اطباء الأسنان اللي معه و عناوينهن بس شغلة 12 يوم تحملني تحياتي حازم |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| أُخرى الاختصاص في إسبانيا | Mr.Sam | امتحانات الدول الغربية (بشري) | 27 | Apr, 28 2008 16:58 |
| مركز لعلاج " لوعة الحب" في ألمانيا | Wiseman_a | اجتماعيات | 12 | Jan, 12 2007 10:49 |
كل الأوقات حسب GMT +2، والوقت الآن 13:23.
