| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| Try to know the right diagnosis | مقاربة مريض بألم مفصلي | نحتاج إلى مشرفين (للأقسام ولكل الموقع) |
| تعالوا نشخص التهاب الكبد B مصلياً | (ادرس والقط صورة)خلونا مع بعض لنقوى .... |
 |
| | LinkBack | أدوات الموضوع |
|
#1
Feb, 16 2006, 17:54
| |||
| |||
 عطونا من وقتكن لحظة وخبرونا.... كيف الحال يا جماعة.  فكرت نبدا موضوع جديد ندردش فيه ونحكي عن موضوع اكيد تبادر لأذهاننا أو على الأقل أكيد انسألنا عنو. ببساطة هو: شو مفكر تختص.  يعني هالسؤال ما في شخص منا الا وانسأل عنو ومن السنة الأولى كمان.يعني منكون بشي مجلس وبس شي حدا يعرف انك عم تدرس طب فورا بيسألك عن الاختصاص واذا جاوبت ما بعرف بيطلع فيك .....  خلينا نتعرف على الأفكار يلي عم بتدور بأذهان زملائنا وزميلاتنا ولو كانت بعض هالأفكار رح تتحطم على صخور الواقع ...( متل فحص دراسات او معدل او فحوص steps و plab .....) وكمان زملائنا من طب الأسنان والصيدلة و حتى من غير كليات- اذا عم يفكروا يختصوا - خلي يشاركونا وينورونا بالتوفيق   |
|
#3
Feb, 16 2006, 21:47
| |||
| |||
| يعني لما حدا بيسألني اش بدك تختصي مرة بقول عينية المرة اللي بعدها بقول جلدية... شي بقول لحالي .. اشبو اختصاص المخبر سهل و مريح ؟؟ أما اختصاص النسائية حذفته من القائمة من زمان بس أنا اش بحب ؟؟؟ بحب التشريح المرضي أما اش بدي اختصاص؟؟ بدي اختصاص يكون مرتب و مريح طيب وين بدي أختص هون و لا برا ؟؟؟ هاد هو السؤال اللي ما لاقيتلو جواب لهللأ ... من هون ل 3 سنين يخلق الله ما لا نعلم خيو ما بعرف اللي بيختار لي ياه الله هو الخير و خلص. |
|
#4
Feb, 16 2006, 21:48
| |||
| |||
| ليش ما نحكي بشو السبب اللي دفع كل واحد لاختيار اختصاص معين ؟؟ في كتير اسباب ، ناس بيقللك شغلة مراق ، وانو هالاختصاص عجبو ، مع انو بصير مايكون داوم بالقسم ولا يوم ، وناس بيقللك لانو الاختصاص مريح ، يعني good lifedtyle وناس بدون اختصاص بيطالع مصاري لو كان bad lifestyle متل جراحة او نسائية ، مع انو في اختصاصات لم تتح لنا فرصة التعرف على اسرارها ، بس من بعيد لبعيد .. وناس مو عرفانة شو رح تختص ، وناس عالمفاضلة .. وناس وناس ... شو رأيكون ؟؟ |
|
#5
Feb, 16 2006, 21:53
| |||
| |||
| المشاركة الأصلية بواسطة Doctor معك حق DOCTOR .. يعني كل ما بدي إنسئل عن هالموضوع بنحرج.. بتعرف ليه؟؟
لأني كل مرة بجاوب شكل .. يعني مرة بقول أطفال, مرة أشعة, مرة عينية.. مرة أبصر شو..أصلا" نحنا لسا ما اتطلعنا على كل الاختصاصات.. باعتبارنا لسا سنة رابعة.. يعني لسا ما أخدنا فكرة واضحة عنها.. فطبيعي ما نكون قررنا نحنا شو منحب أكتر و شو منرغب أكتر.. ناهيك عن إنو ما منعرف إذا رح يطلعلنا يللي بدنا ياه أو لاء.. و شو هية الظروف يللي رح تخلينا نطلع لبرا أو لاء.. يعني خليها لربك.. |
|
#6
Feb, 16 2006, 23:09
| |||
| |||
 المشاركة الأصلية بواسطة drmohi موهي انا حضرتي ما بدي اختص .يا أخي ما لك شايف صرت دكتور وخلصت
 وبالنسبة للزملاء والزميلات يعني ما ضروري نكون حددنا اختصاص معين بذاتو وغيرو ما بيصير بس عل الأقل- نحن خصوصا طلاب الرابع فما فوق- لازم يكون تكونت في اذهاننا صورة ولو جزئية عن بعض الاختصاصات بالنسبة الي انا مابعرف شو بدي بالتحديد.. بس عل الأقل بعرف شو ما بدي : جراحة يمكن لأ لأنو ما كتير بحب الوقفة والسهر. نسائية  .جلدية  .تشريح مرضي  .طب نفسي بمكن داخلية وبعدها تحت اختصاص على التيسير  |
|
#7
Feb, 17 2006, 01:30
| |||
| |||
| المشكلة عندي إني بحب القلبية بحبها بشكل عارم ياجماعة يعني مابعرف أي مرض بيصدف معي بحب أعرف إش بيصير على القلب بحالته بحب الإيكوكارديوغرافي كتير و القثطرة القلبية الاحتمال التاني بس أقل بشوي هو الجراحة العظمية وين ماكان ما بهمني عالتيسير إذا ربي يسرلي أميركا ما بقول لأ و ألمانيا موجودة كل وقت و بلدي في حال تسكرت الأبواب ما بتتخلى عني و بالنهاية الله بيختار الخير و نحنا مؤمنين باللي بيختاره تحياتي حازم |
|
#8
Feb, 17 2006, 03:55
| |||
| |||
| أنا عم فكر بالجراحة القلبية أو التجميلية التنين حلوين بس متعبين و بدهن معدل عالي على حسب ما سمعت |
|
#9
Feb, 17 2006, 09:45
| |||
| |||
| زملائي بالسنين الرابعة و الخامسة .... لك و حتى السادسة بتوعدكون انو لايمكن و لا بأي شكل من الاشكال تتعرفو عطبيعة اختصاص ما بهالبلد الا اذا داومتو بشي مشفى بشي ستاج معين لمدة شهر كامل .... بس مو دوامنا اللي ما بعرف من وين مبتكرين طريئتو ... لازم الواحد يداوم مالا يقل عن 6-8 ساعات يوميا .... هيك عفترة شهر بتكون تعرفت عالاختصاص مظبوط ... و بعدا بس بتئدر تؤول هاد حبيتو و هاد ما حبيتو بعرف ظروف الدراسة والدوام عنا بجوز ما تسمح بهالشي بس في عطلة الصيف (شهرين ) و السنة السادسة كلا (11 شهر لا شغلة و لا عملة ) بنصحكون تبلشو بشهر داخلية بعدا شهر جراحة عامة بعدا شهر بشهر اطفال و نسائية بعدا اذا عجبكون شي متل القلبية مثلا داومو اسبوعين بالعناية المركزة القلبية مثلا او بعيادة عند دكتور قلبية ... هيك بتكونو فكرة مظبوطة عن الاختصاص اما نصيحتي الكون فديرو بالكون تدخلو اختصاص ما بتحبو لانو بتكرهو عيشتكون بعدا ... و ساعتها لا ينفع الندم  انا كنت ؤول اني مستحيل اختص جراحة بس بعد ما عملت جراحة برا ما عاد بدي اي شي غير الجراحة ... اذا صحلي طبعا ... اذا ما صحلي فالداخلية حلوة و بالذات القلبية .... انشااله ما كون كئبتكون بس شو بدكون تعملو ... الله كتب عليكون هالكلية  |
|
#10
Feb, 17 2006, 13:35
| |||
| |||
| والله هو شي بيحير.... بس على الأغلب شي داخلية أو جراحة...(قلبية أو هضمية..) أو أي شي الله بيسره.... |
