تعالوا نتحدث بكل صراحة مع من نكن لها كل الاحترام...
يدور هذا النقاش حول تعالوا نتحدث بكل صراحة مع من نكن لها كل الاحترام... في قسم لقاءات في الملتقى الطبي السوري; سنبدأ اليوم لقاءا جديدا بعد انقطاع طويل، وضيفتنا من اكثر الاعضاء تميزا... سحرتنا بمعلوماتها الطبية المتنوعة، ووقفنا فاغري الافواه امامها في الماراتون النفسي... تفوقت بذكائها على طلاب السادس (يعني نحنا)...
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| | LinkBack | أدوات الموضوع |
Feb, 20 2006, 19:59
| |||
| |||
 تعالوا نتحدث بكل صراحة مع من نكن لها كل الاحترام... سنبدأ اليوم لقاءا جديدا بعد انقطاع طويل، وضيفتنا من اكثر الاعضاء تميزا... سحرتنا بمعلوماتها الطبية المتنوعة، ووقفنا فاغري الافواه امامها في الماراتون النفسي... تفوقت بذكائها على طلاب السادس (يعني نحنا)... تحب استخدام ال(underline) لتوضيح النقاط المهمة... ناهيكم عن عزفها على البيانو (يلي لازم نسمعو)... هنالك الكثير لنسألها عنه... عرفتو عن مين عم احكي؟؟؟ برافو عم احكي عن اللوني خانم... عم ننتظرك بفارغ الصبر...  |
|
#51
Feb, 23 2006, 14:55
| |||
| |||
| المشاركة الأصلية بواسطة TURBO أهلين و سهلين
|
|
#52
Feb, 23 2006, 14:57
| |||
| |||
| المشاركة الأصلية بواسطة SERA
أهلين بيك أخت SERA و بشكرك كتير على كل تمنياتك بجد خجلتنيني كتير للاسف مابعرفك منيح بس انشالله بالايام بعرفك أكتر و بشكرك على تحيتك كلك ذوق و أنا كمان بتمنالك كل السعادة و التوفيق |
|
#53
Feb, 23 2006, 15:02
| |||
| |||
 المشاركة الأصلية بواسطة neil بالموسيقا عندي مفضلين كتير بس الشي الرئيسي بنوع الموسيقا يلي بحبه فهو انها هادية رومانسية , مابتحمل أبدا ً الموسيقا يلي فيها ضجة
من زمان كتير كنت احب الكلاسيكي هلأ صلي فترة ماعم اسمعه مدري ليش بحب الموسيقا كتير مثلاً موسيقا ياني خصوصاً سيدي WINTER LIGHT, أنيغما , حبيت جو BUDDA BAR كتير , في سيديتين موسيقا هلأ ببالي بعتبرهم من الروائع : SECRET GARDEN , CELTIC TRANQUILITY كل وحدة منهم إلها جو موسيقا كتير حلو الاولى بتخليك تحس حالك عل جبل و البحر مطل عليك من بعيد و نسمة هوا منعشة عم تلفح وجهك , بجد رائعة جدا ً التانية إلها جو خاص مابعرف كيف بدي أوصفه بس بتحس حالك بغابة و الخضار محيط بيك بالنسبة للمغنين فأنا من جمهور سيلين ديون , و خصوصاً بعشق اغانيها الفرنسية القديمة معانيها بجد غير , كتير حلوة إلها غنية اسمها بعد الترجمة لو كان الحب كافي بتجنن , و غنية FLY رائعة كمان بحب إيلين سيجارا بحس أنو معاني أغانيها كتير مختلف عن غيرها و عندها إحساس قوي و بتغني بكل مشاعرها من المغنين GAROU , AZNOVOUR بالنسبة للعرب فبحب فيروز , ماجدة الرومي , جوليا بطرس , عمر دياب , إليسا ,هاني شاكر هاي باختصار ذوقي الموسيقي لو بدي احكي لكنت عبيت صفحات لأنو بجد الموسيقا معبية جزء كتير كبير من حياتي  |
|
#54
Feb, 23 2006, 21:26
| |||
| |||
| ما قدرت ما أشارك أول شي مرحبا للكل و خصوصا Ellony ... يعني أنا طالب بالتالتة ... و ما لي أي مشاركة بالمنتدى هون من قبل ... بس كنت بحب أتابع اللقاءات من بعيد لبعيد .. لكن بصراحة اللقاء اليوم ممتع كتير و بصراحة أكتر شدتني الإجابات اللبقة و المرتبة و الموزونة من ضيفة هالأسبوع ... لذلك قررت إني تكون أولى مشاركاتي ضمن لقاءها إذا بتسمح لي ,,, و بدي أسأل أول شي ... اسمك الحقيقي كتير حلو ... و كمان اسم إيلوني حلو .. ممكن أعرف شو بيعني لك هالاسم ؟؟؟ و ليش هو بالذات ؟؟ تاني شي ... ذوقك بالموسيقى كتير راقي ... و ثقافتك الموسيقية كمان واسعة ... ياترى بالمقابل السينما لها مكان في حياتك ؟؟؟ يعني شو نوعية الأفلام يلي بتتابعيها ... و شو آخر فيلم حضرتيه ؟؟؟ و شو ممكن يبكيكي أكتر ؟؟ معزوفة موسيقية متل passacaglia أو مشهد مؤثر من شي فيلم ؟؟؟ لسه في كمان أسئلة ... بس حبيت أخلي هالمرة دردشة عالخفيف  |
|
#55
Feb, 23 2006, 21:53
| |||
| |||
 [quote=عابد]
يعني أنا طالب بالتالتة ... و ما لي أي مشاركة بالمنتدى هون من قبل ... بس كنت بحب أتابع اللقاءات من بعيد لبعيد ..
بصراحة اسم إيلوني هو الاسم يلي بيدلعوني بيه أهلي ( لما بيدلعوني  ) , لهيك لما دخلت المنتدى حطيت هل ID و بصراحة لأني بلاقيه حلو و قريب من اسمي يعني معبر عني بدونما اكون حاطة اسمي الحقيقي بشكل مباشر
بحب أكتر شي الأفلام الاجتماعية , البوليسية , مخابرات , الأفلام التخيلية يعني الأفلام يلي فيها أفكار غريبة جديدة مثلاً هلأ صايرة موضة جديدة عم تطلع سلاسل أفلام عن شخصيات بتقدر تشوف جزء من الحقيقة بمجرد لمس قطعة من مكان الجريمة , أو الوسطاء يلي بيشوفوا الاموات بمنامنهم و بيحكوا معهم و بيطلبوا منهم المساعدة ........................( يعني الأفكار غير المؤلوفة يلي بتشغل الخيال ) , الافلام العلمية , الأفلام المضحكة الظريفة , الأفلام الحربية و خصوصاً الحربية القديمة حضورها رائع بالسينما فبشكل عام بحب كل انواع الأفلام يمكن ماعدا أفلام الرعب و القتال مالي كتير مراق فيها
موفق |
|
#56
Feb, 23 2006, 22:43
| |||
| |||
 المشاركة الأصلية بواسطة Yasminana من ناحية أنه سؤال على بيعة فياعيني عل بيعة تمام ( حسابك عندي بكرا )
طيب رح أحاول أختصر الحب ................ سبحان الله شقد هل كلمة صغيرة و ناعمة بس هي كلمة خاربة الدنيا و مسيرة الحياة و عاطيتها طعم آخر , و بدونها مابعرف كيف كانت الدنيا مشيت إن كنت بدي أحكي عن حب الله , أوحب الأم لأطفالها , أو الأولاد لأهلهم , او حب الأخوات لبعض , أو حب الشب للبنت , فكله اسمه حب و كله بالمضمون متشابه بس التعبير يلي بيختلف شوي الحب هو عطاء بدون حساب الحب هو شعور صادق نابع من أعمق أعماق القلب الحب هو تذكر دائم و خوف على من نحب الحب دقة و رفرفة قلب إذا بدي اخصص لأحكي عن الحب يلي عم تسأليني عنه فبصراحة هل ايام عم نغلط و نحط تسمية الحب بكل مكان لدرجة صارت فيها كلمة الحب مبتذلة برأيي الحب الحقيقي ما بيظهر بحق و حقيق غير بعد الارتباط و عند مواجهة صعوبات الحياة هون بجد بينعرف يلي حب من يلي مفكر حاله حابب الحب رابطة قوية و بعتبره حجر الأساس لأي علاقة زوجية صحيحة , ما بتستمر بشكل سليم بدونه أكيد الحب مو كل شي و لا هو أول شي , التفاهم و الألفة بيشكلوا نوع نوع من الحب و هنن يلي بيقوا الحب يلي ممكن ينتج عنهم بس برأيي الحب بده جهد و تنمية دائمة و من الطرفين و خصوصاً ببدايته لأنه متل الغرسة إذا ما رعيناها و سقيناها بتدبل و بتموت و ما بنحس غير بعد فوات الأوان بهل شي بس لما تصير شجرة قوية ساعتها و لو قسي الطقس عليها و تعرضت للضغوط فبتكون قادرة على الوقوف و مد أغصان جديدة مابعرف إذا عبرت منيح بس هادا يلي خطر ببالي , إذا بدك كمالة ياسمينانا بحكيلك بيني و بينك المهم المحبة شغلة عظيمة زرعها رب العالمين بنفوس البشر الله يديم المحبة للجميع |
|
#57
Feb, 23 2006, 23:57
| |||
| |||
| الزميلة العزيزة عرفناها من خلال المنتدى زميلة متميزة أدهشتنا بتميزها العلمي والفكري ادهشتنا بمعلوماتها الواسعة أدهشتنا بسعة اطلاعها وباسلوبها الرائع في المناقشة والاشراف الزميلة العزيزة اللوني استحقت منذ زمن ان تكون محورا للقاء من لقاءات بشري حلب فأهلا بك |
|
#58
Feb, 24 2006, 01:45
| |||
| |||
| عودة سريعة أنا بصراحة عجبتني الدردشة و حابب أسأل كتير أسئلة .. بس على اعتبار إني قليل الاحتكاك بالمنتدى فممكن تكون أسئلتي بايخة .. بس ياريت تتحمليها . *حبيت أعرف ( إيلوني ) وين بتشوف حالها بعد 10 سنوات من الآن ؟؟؟ *كمان إذا ممكن تخبرينا شو أكتر شي بتحبيه بكليتنا ... و شو أكتر شي بتكرهيه بكليتنا ؟؟؟  *وفي ظل هالثقافة الواسعة لامفر من السؤال عن آخر كتاب ( طبعا خارج نطاق الدراسة ) إيلوني قرأته ... و فيما إذا كان عندها ميل ( رغم عدم توفر الوقت ) لقراءة الروايات ...؟؟ *بطاقة شكر واحدة ستقدمها إيلوني لشخصية واحدة فقط ... لمن ستكون و لماذا ؟؟ |
|
#59
Feb, 24 2006, 02:54
| |||
| |||
 عودة لـ Elloni التي تتعرّض لقصف عنيف بالأسئلة !! أوّل شي اسمحولي اتشكّر إيلّوني على رحابة صدرها و تمكنها من استيعاب هالكم الهائل من الأسئلة .... رح أتابع أسئلتي مع إيلّوني اللي أنا برأيي حسنت تجاوب بنجاح عالقسم الأول منن .... إيلّوني !! مستعدة ؟؟؟ go ahead !!! answer about the following 1- إيلّوني شعرت بالملل فجأة من المنزل .... و قررت النزول و الذهاب إلى أي مكان تريده (طبعاً بنطاق مدينتنا العظيمة حلب !! ).... ما هو المكان الذي ستقصده بدون تردد ؟؟ 2- ماذا تعني الأمكنة التالية بالنسبة لإيلّوني ؟؟ (الشرح لا يتجاوز ال5 كلمات ) أ-المكتبة ؟ ب-نافورة الكليّة الحزينة !! جـ - درج مشفى الجامعة (على فرض إيلّوني قررت تحضر ستاج داخليّة أو أطفال) !! 3-اختاري الإجابة الأكثر صحة : * تشعر إيلّوني بالاستياء عندما : A-انتظار وصول دورها و هي تدفع القسط الجامعي . B-في حال رسوبها بمادة (لاسمح الله). C-نيلها علامة قليلة بمادة كانت متأملّة منها علامة جيدة . D- ضجيج بالمكتبة أثناء دراسة إيلّوني . E-شحّاد دبّئ عليها بالساحة !!! *تشعر إيلّوني بالارتياح عندما : A-مجرّد وصول خبر علامة إليها بعد طول انتظار . B-بمجرّد وصولها للمنزل . C- الانتهاء من دراسة قسم صعب بمادة ما . D- سماع أغنيّة كانت معلقّة عليها طول النهار و هيي تحاول تذكرها طوال النهار و لا تستطيع تذكرها بلحنها الأصلي !! E-خروجها من محاضرة طويلة !! *تشعر إيلّوني بالملل عندما : A-الدش معطّل و القناة الأولى أرضنا الخضراء و الثانية مسكرة !! B-انقطاع الكهربا بينما إيلّوني تضع اللمسات الأخيرة على طاولة مكتبها لبدء الدراسة ... C-يوم الجمعة , لأنو ما في دوام ... D-سؤال في آخر المحاضرة للدكتور بينما تهم إيلّوني بالخروج و اضطرارها للبقاء لينتهي الدكتور من الاجابة .. E- شيء آخر ستذكره إيلّوني في ردّها ... NB : الاجابة وحيدة !!! اختاري الأكثر صحّة !!! أسئلة غليظة ما هيك ؟؟؟ بس بدّي أجوبّة !! I'm sorry Elloni ..... رح أعطيكي حق الرد إذا ساووا معي مقابلة شي مرّة !!  منتظرين الاجابات منّك ..... شكراً لطولة بالك علينا !! |
|
#60
Feb, 24 2006, 11:22
| |||
| |||
| يمكن شي حلو لما بتدخل أول مرة لتقرا موضوع وبتشوف كم هائل من الردود خلال وقت قصير ... دليل إما على نجاح باهر للموضوع أو لصاحب الموضوع .. وهنا صاحب الموضوع هو Elloni .... يمكن اعضاء المنتدى ماخلو ولا بقو من خلال 60 مشاركة ، ... بس ماعندي اسئلة ، (او بالأحرى ماضل اسئلة )، بس حبيت ان اشارك في هذا الموضوع تعبيرا عن احترامي لشخص ، هو واحد من اشخاص في الكلية قد لم تتح لنا فرصة التعرف إليهم عن قرب ، ولكن اثبتو (ببعض المواقف وبعض التفاصيل الصغيرة ) عن شخصية جميلة ، واعية ومتفتحة ، وقد اتيح لنا في إطار هذا الحوار الصغير ان نتعرف على جانب آخر من جوانب Elloni ... نتمنى لك التوفيق ! |
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| تعالوا نتعلم اللياقة على اصولها | dr.nour | الطب الوقائي والصحة العامة | 13 | Mar, 16 2007 04:35 |
| الأنف الأحمر والدم الشفاف .. مأساة لا بد لها من حل .. | BigBoss | أنف - أذن - حنجرة | 7 | Sep, 06 2006 01:56 |
كل الأوقات حسب GMT +2، والوقت الآن 20:53.
