سنبدأ اليوم لقاءا جديدا بعد انقطاع طويل، وضيفتنا من اكثر الاعضاء تميزا... سحرتنا بمعلوماتها الطبية المتنوعة، ووقفنا فاغري الافواه امامها في الماراتون النفسي... تفوقت بذكائها على طلاب السادس (يعني نحنا)... تحب استخدام ال(underline) لتوضيح النقاط المهمة... ناهيكم عن عزفها على البيانو (يلي لازم نسمعو)... هنالك الكثير لنسألها عنه... عرفتو عن مين عم احكي؟؟؟ برافو عم احكي عن اللوني خانم...

عم ننتظرك بفارغ الصبر...

المشاركة الأصلية بواسطة d.zf

عرفناها من خلال المنتدى زميلة متميزة
أدهشتنا بتميزها العلمي والفكري
ادهشتنا بمعلوماتها الواسعة
أدهشتنا بسعة اطلاعها
وباسلوبها الرائع في المناقشة والاشراف

الزميلة العزيزة اللوني استحقت منذ زمن ان تكون محورا للقاء من لقاءات بشري حلب
فأهلا بك

أهلين بيك d.zf و بجد خجلتني كتير ( عم احس حالي قليلة ذوق ماعم اعرف كيف بدي أرد )

بصراحة انا يلي سعيدة بالتعرف على كتير من الشخصيات عن طريق هل منتدي و منها شخصيتك ,

كل شخصية إلها لون خاص و فكر خاص و طبيعة خاصة و ثقافة مختلفة
و بحس انو هل شي عم يغنيلي ثقافتي و يوسعلي تفكيري بدونما احس , لهيك بشكر كتير كل يلي عم يتعب لبقاء هل منتدى , بجد لله يعطيهم العافية

و بشكرك كتير
بتمنالك كل التوفيق و النجاح و أنا واثقة أنك رح تكون طبيب ناجح بإذن الله

المشاركة الأصلية بواسطة عابد

أنا بصراحة عجبتني الدردشة و حابب أسأل كتير أسئلة .. بس على اعتبار إني قليل الاحتكاك بالمنتدى فممكن تكون أسئلتي بايخة .. بس ياريت تتحمليها .

أهلين بيك , و بجد أسئلتك حلوة و إلها طابع خاص , و اكيد رح أتحملها ( الشغلة مو بكيفي )

*حبيت أعرف ( إيلوني ) وين بتشوف حالها بعد 10 سنوات من الآن ؟؟؟

بعد 10 سنين , رح أحكي عن الشي يلي حابة اشوفه و انشالله مايكون بعيد عن مستقبلي الحقيقي
: شايفة حالي متزوجة عندي ولدين مرتبين شطورين , بيجوز 3 , زوج متفاهمة معه و مرتاح معي , طبيبة عم تتعب على حالها لتكون ناجحة و لتوفق بين بيتها و عملها
حياة نشيطة و هادئة بنفس الوقت

هادا يلي خطر على بالي اقتباساً من أحلامي , بيجوز يكون بالعكس , الله أعلم بالغيب انا ماني متنبئة , بس لازم أعمل يلي علي هلأ إذا بدي يكون مستقبلي قريب من يلي بحلم فيه

*كمان إذا ممكن تخبرينا شو أكتر شي بتحبيه بكليتنا ... و شو أكتر شي بتكرهيه بكليتنا ؟؟؟

أكتر شي بحبه حديقة الكلية ( بس للأسف انخربت أخر سنة انشالله ترجع تتحسن ) , بحب المكتبة يلي مقضية فيها ساعات و ساعات و بحس انو إلها فضل علي كتير
أكتر شي بكرهه بالكلية و كره شديد أبراج المراقبة يلي كل همهم التلويص و اختراع القصص عل خلق يلي بيهتموا بأمور ما بتعنيهم , يلي كل همهم الغيبة و النميمة

*وفي ظل هالثقافة الواسعة لامفر من السؤال عن آخر كتاب ( طبعا خارج نطاق الدراسة ) إيلوني قرأته ... و فيما إذا كان عندها ميل ( رغم عدم توفر الوقت ) لقراءة الروايات ...؟؟

يمكن من وقت البكالوريا خفت كتير قراءاتي الخارجة عن المجال الطبي
ايام المدرسة كنت على طول اقرالي شي ساعة قبلما انام , بس للاسف ماعاد إلي هلأ مراق
ما رح أقدر احكي عن كل شي قريته لأنو شغلة طويلة إذا بدك آخر كتاب فهو كتاب عن تحفيز الذات لجيل لندنفيلد

بالنسبة للروايات فأنا قريانة كل قصص ادهم صبري ( رجل المستحيل ) و ملف المستقبل للدكتور نبيل فاروق ماني تاركة لغر مو قريانته كنت كتير بحبهم لما كنت صغيرة , سفاري , الاساطير .........
مجموعة المنفلوطي لما كنت صف سابع ( في سبيل التاج , تحت ظلال الزيزفون , الفضيلة ..... ) و بصراحة بنهاية كل قصة كانت تدمع عيني
بصيفية السابع قريانة ألف ليلو و ليلة كلها , كنت اضل لل 4 الصبح عم أقرا لأنو الكتاب ماني قدرانة أنزله من إيدي
العبرات و النظرات , بعتبر أنو افكاره أثرت فيني كتير خصوصاً اني كنت بمرحلة عمرية بنكون فيها كتير عم نبحث عن ذاتنا
كنت مشتركة بمكتبة المدرسة على طول أستعير كتب بس ماعم أتذكر اسماء بالوقت الحالي ....
آخر رواية قريتها بظن أنها كانت رواية فرنسية من النوع الرومانسي , من مجموعة قريانة جزء كبير منها لأحسن فرنسيتي اسمها ( mon oie sauvage) بجعتي البرية
بس بصراحة صارت قراءتي نادرة مقارنة بأيام زمان , للاسف بحس انو نظام التعليم عندنا بيقتل الهوايات

*بطاقة شكر واحدة ستقدمها إيلوني لشخصية واحدة فقط ... لمن ستكون و لماذا ؟؟

يمكن أحق الناس ببطاقة شكر أهلي كتير كتير بحترمهم و بحبهم و بقدر كل شي بيعملوه و بيضحوا فيه لألنا ( أولادهم )
و بجد الله يقدرني أشكرهم كما يجب بالمستقبل

:QUOTE=ammour444]

أوّل شي اسمحولي اتشكّر إيلّوني على رحابة صدرها و تمكنها من استيعاب هالكم الهائل من الأسئلة ....

لاء و لو ammour تفضل و لا تخجل

رح أتابع أسئلتي مع إيلّوني اللي أنا برأيي حسنت تجاوب بنجاح عالقسم الأول منن ....

الحمد لله طمنتني , رح أنتظر نتيجة هل قسم كمان

إيلّوني !! مستعدة ؟؟؟ go ahead !!! answer about the following

يلا جاهزة

1- إيلّوني شعرت بالملل فجأة من المنزل .... و قررت النزول و الذهاب إلى أي مكان تريده (طبعاً بنطاق مدينتنا العظيمة حلب !! )....
ما هو المكان الذي ستقصده بدون تردد ؟؟

بتعرف رغم أنه سؤال مبين أنه سهل بس مابعرف ليش ماعم الاقي مكان معين برحله

صاير الاماكن عندنا محدودة بحلب و ما بطلع على طول لما اكون مشتهية , أو بطلع لمحل ما مشتهية حسب يلي رح يطلعوا معي

على كل المهم بالنسبة لإلي انو أطلع و اغير شكل مو مهم وين

بس أه تذكرت بالعطلة الطويلة ( الأسبوع ) يلي اخدناها , مرتين مليت كتير فاخدت إختي الصغيرة و رحنا على سينما
غيرت شكل

2- ماذا تعني الأمكنة التالية بالنسبة لإيلّوني ؟؟ (الشرح لا يتجاوز ال5 كلمات )

أ-المكتبة ؟

مكان عزيز على قلبي للدراسة

ب-نافورة الكليّة الحزينة !!

بحب كتير أتأمل الرزاز يلي عم يطلع و العصافير الحلوين يلي عم يحوموا حواليها , بحس بسكينة

جـ - درج مشفى الجامعة (على فرض إيلّوني قررت تحضر ستاج داخليّة أو أطفال) !!

بيجنن هو مكان للسباق لاني على طول بوصل عل وقت لهيك لازم اقطعه بسرعة قياسية , بس بصراح
ة ما بتضايق منه لاني بعتبرها رياضية كويسة من الصبح حتى و لو وصلت و أنفاسي مقطوعة

3-اختاري الإجابة الأكثر صحة :

الله يرحم دكتور الادوية

* تشعر إيلّوني بالاستياء عندما :
A-انتظار وصول دورها و هي تدفع القسط الجامعي .
B-في حال رسوبها بمادة (لاسمح الله).
C-نيلها علامة قليلة بمادة كانت متأملّة منها علامة جيدة .
D- ضجيج بالمكتبة أثناء دراسة إيلّوني .
E-شحّاد دبّئ عليها بالساحة !!!

بظن أنو الرسوب ( الجواب b ) أفضل إجابة

بالنسبة ل a فما بتضايق كتير يعني هاي كلينا و لازم نتحمل البيروقراطية ( تعودنا عل بهدلة )

بالنسبة ل c يعني صارت معي و أكيد تضايقت كتير بس في مصيبة اهون من مصيبة اخرى يعني منيح نجحت المادة , بعتبرها وخزة إجتني لأتعلم أدرس و أبذل جهد اكتر لمادة أخرى

بالنسبة ل D طبعاً شي مزعج كتير , بس هادا الموجود و لازم أتعود عليه , و طالما في وكمان فالمشكلة مهونة كتير

بالنسبة ل E و الله شغلة ما بتخلص , يوم بيحن قلبي على شحاد و بعطيه بلاقي انه كل يوم لزقان فيني , لسا الأضرب هاي الشحادة يلي بتجي كل يوم يلي غذا ما عطيتها بتسبك , لهيك أحسن شي التطنيش و خلص , هدول مو فقرا هدول عاملينها مصلحة

*تشعر إيلّوني بالارتياح عندما :
A-مجرّد وصول خبر علامة إليها بعد طول انتظار .
B-بمجرّد وصولها للمنزل .
C- الانتهاء من دراسة قسم صعب بمادة ما .
D- سماع أغنيّة كانت معلقّة عليها طول النهار و هيي تحاول تذكرها طوال النهار و لا تستطيع تذكرها بلحنها الأصلي !!
E-خروجها من محاضرة طويلة !!

و الله ياعمور عم تصعبها علي

هممم رح اختار الجواب الاصح يلي بشوفه بظن أنه الجواب A لأني من النوع القلق و اكيد وصول النتيجة بعد طول انتظار رح يكون أكتر شي يريحني
بالنسة للباقي فكلهم بيرحوني أكيد

*تشعر إيلّوني بالملل عندما :
A-الدش معطّل و القناة الأولى أرضنا الخضراء و الثانية مسكرة !!
B-انقطاع الكهربا بينما إيلّوني تضع اللمسات الأخيرة على طاولة مكتبها لبدء الدراسة ...
C-يوم الجمعة , لأنو ما في دوام ...
D-سؤال في آخر المحاضرة للدكتور بينما تهم إيلّوني بالخروج و اضطرارها للبقاء لينتهي الدكتور من الاجابة ..
E- شيء آخر ستذكره إيلّوني في ردّها ...

بظن بصراحة أنه الجواب c أيام العطلة إذا ماعملت فيها نشاط بمل فيها كتير

بالنسبة ل a يا أنو بتابع القناة الأولى الشغالة أو يمكن أحسن شي بلا التلفزيون كله أمري لله مابده يشتغل

بالنسبة ل b صارت معي وقت الفحص فشعلت شمعات و درست , مو معقول اروح المادة و بصراحة أقلك كانت دراسة حلوة على ضو الشمعة كتير رومانسية و رواق , حتى أني شوي زعلت أنو رجعت الكهربا ( أنا غريبة مو هيك )

بالنسبة ل d بحاول اسمع السؤال بيجوز يلي نزل عليه الوحي بآخر المحاضرة عم يسأل سؤال مهم بركي بستفيد منه
بالنسبة ل e بظن أنو الرتابة بتمللني رغم أنها بتريح نفسياً بشكل عام

NB : الاجابة وحيدة !!! اختاري الأكثر صحّة !!!
أسئلة غليظة ما هيك ؟؟؟ بس بدّي أجوبّة !!
I'm sorry Elloni .....

ammour يلي عرف حاله ( تعلمت الغلاظة منك )
هاي اجوبتي انشالله آخد عليها علامة كويسة

رح أعطيكي حق الرد إذا ساووا معي مقابلة شي مرّة !!
منتظرين الاجابات منّك ..... شكراً لطولة بالك علينا !! ::

[/quote]

أهلين و سهلين بيك

المشاركة الأصلية بواسطة Fiso

يمكن شي حلو لما بتدخل أول مرة لتقرا موضوع وبتشوف كم هائل من الردود خلال وقت قصير ... دليل إما على نجاح باهر للموضوع أو لصاحب الموضوع ..
وهنا صاحب الموضوع هو Elloni ....

يمكن اعضاء المنتدى ماخلو ولا بقو من خلال 60 مشاركة ، ...

مرحباً أخ fiso و أهلين بيك
واخ معقول صاروا 60 مشاركة , بجد ماخلوا شي الجماعة

بس بصراحة ماحسيت فيهم دوبي الحق أفكر بالاسئلة

بس ماعندي اسئلة ، (او بالأحرى ماضل اسئلة )، بس حبيت ان اشارك في هذا الموضوع تعبيرا عن احترامي لشخص ، هو واحد من اشخاص في الكلية قد لم تتح لنا فرصة التعرف إليهم عن قرب ، ولكن اثبتو (ببعض المواقف وبعض التفاصيل الصغيرة ) عن شخصية جميلة ، واعية ومتفتحة ،
وقد اتيح لنا في إطار هذا الحوار الصغير ان نتعرف على جانب آخر من جوانب Elloni ...
نتمنى لك التوفيق !

شكراً لإلك و لمشاركتك
و انشالله تكون مستمتع بالمقابلة

بتمنالك كل التوفيق

طرفة وسؤال .
- بتعرفوا ليش ما سألت شي في المساهمة الأولى ؟ !
لأنو كانت بيوم الأربعاء والحديث مع حمصية ، لذلك خفت أسأل يطلع الجواب حمصي بحت............(بس ما يكون حدا زعل)
- ما هو الاختصاص الذي تفضليه ؟؟ (بالطبع هذا السؤال من النمط الأمريكي لأنو كلن شي 33 احتمال فقط لا غير ..بس المطلوب إجابة أو أكثر <يهودي>)
- وفي أي البلدان تفضلي أن يكون هذا الاختصاص ؟

المشاركة الأصلية بواسطة Abdo-farah

طرفة وسؤال .
- بتعرفوا ليش ما سألت شي في المساهمة الأولى ؟ !
لأنو كانت بيوم الأربعاء والحديث مع حمصية ، لذلك خفت أسأل يطلع الجواب حمصي بحت............(بس ما يكون حدا زعل)

أهلين أخ abdo بشكرك كتير انك راعيت أنو يوم الأربعاء كان عيد و خفت أني اتبهدل , بس دير بالك ما ينهدر دمك عند الحماصنة أنا مالي علاقة

- ما هو الاختصاص الذي تفضليه ؟؟ (بالطبع هذا السؤال من النمط الأمريكي لأنو كلن شي 33 احتمال فقط لا غير ..بس المطلوب إجابة أو أكثر <يهودي>)

على أساس الأسئلة أمريكي ؟؟!!! على كل عمور استلم الأسئلة الأمريكي اليوم

عودة للجد

بالنسبة للاختصاص فحاطة ببالي عدة اختصاصات و لسا في إمكانية أغير رأيي يعني حسب شو ممكن يطلعلي بالمستقبل

بالوقت الحالي مفكرة بالنسائية و العينية

فلست أدري إذا مارح أغير رأيي بالمستقبل حسب يلي ممكن اشوفه من كل اختصاص

-

وفي أي البلدان تفضلي أن يكون هذا الاختصاص

؟

بصراحة مفكرة بعدة احتمالات منها انو اختص هون و أعمل ستاجات برا , او أنو أطلع لبرا و أختص هنيك ....................
فكرت بعدة بلدان أمريكا , فرنسا , انكلترا
بالوقت الحالي حاطة انكلترا ببالي

hello again

the interview is so far so good... some good questions and great answers...

i have a question here, i'd like to have detailed answer for, how old are Elloni? i mean how old do u really feel u r? and if it's up to u, and u can choose a certain age to stay at, what would u choose?

and these questions are from shankool

المشاركة الأصلية بواسطة Shankool

إلّوني ... شخص ينتزع الاحترام منك انتزاعاً ...
شو ما حكيت ما فيني أوصف احترامي لإلك ... لذلك وفوراً خلينا نبدأ مع الإسئلة ...

المشاركة الأصلية بواسطة Elloni

يمكن المقابلات مو انتهاك للشخصية بس هي فتح كامل للشخصية و كشف لإلها من الداخل و هل شي اكيد مو سهل , بس رح أحاول أفتح يلي بقدر أفتحه لأني بطبعي صريحة

أستقرأ في كلامك شخصاً لا يغطي وجهه بالأقنعة ... ومستعد لقول الصراحة ... إلى أي مدى أنتِ صريحة؟ وشو هي الحدود اللي بتتخلى إلوني بعدها عن الصراحة؟

المشاركة الأصلية بواسطة Elloni

فيلي بيتحلى بهيك صفات يتطمن كل البنات حاططته ببالها جنب الحصان الابيض

الحصان الأبيض ... ضروري يكون موجود؟ طيب إذا شخص ليس لديه حصان أبيض ولا حتى أسود ... هل تقبلين به؟ وما هو حجم هذا الحصان؟

طبعاً من الواضح إني لعبت برمز الحصان الأبيض على أساس أنه المتطلبات التي لا تنتهي

waiting for answers

المشاركة الأصلية بواسطة Mr.Sam

hello again

the interview is so far so good... some good questions and great answers...

i have a question here, i'd like to have detailed answer for, how old are Elloni? i mean how old do u really feel u r?

سؤال حلو مستر سام , عم أنتظر اسألتك النفسية المتقنة بس حباب لا تتقلها أنا مو قدها

بصراحة من صغري كان الجميع ( الاقرباء و الأهل ) حوالي بيقارنوني مع يلي أكبر مني بدلما يقارنوني مع يلي بعمري
لهيك تعلمت على طول انو لازم أسابق الزمن لأصير اكبر و أكبر لأكون على قد المقارنة

يمكن كان في امور بتساعدهم على هل شي فما بآخذ حدا , طولت بسرعة , وجهي نحيف كان بيعطي كبربالعمر , كنت هادية و متزنة من صغري ,........ و أمور كتيرة , لهيك لما كنت بال 15 بتقارن ببنت ال 20

بالوقت الحالي عمري 21 , بسؤالك عم تسألني قديش عمري الداخلي , طبعاً سؤال مو سهل , بس بصراحة ما بظن أنو هل جواب أنا يلي لازم يطلع معي , انت قلي قديش عمري إذا بيطلع معك ؟؟!!! صعب

على كل بحياتي ماحاولت أقدر عمر محدد لنفسي

برأيي عمري الداخلي 21 , و غلط أقول اني أكبر

تعلمت بهل سنين أمور كتيرة , و غلطت كمان أغلاط كتيرة لازم أتعلم منها , لسا بدي خبرة بهل حياة , لسا بدي ابحث عن ذاتي اكتر وأكتر , لسا بدي اتعلم أثق بنفسي اكتر , يعني لسا بدي كتير كتير ...................

لهيك مارح اعطي لنفسي عمر اكبر من عمري الحقيقي

الافضل اعيش كل عمر بوقته
و ما أتابع الغلط يلي صار علي بتقدير عمري

and if it's up to u, and u can choose a certain age to stay at, what would u choose?

همممم لو بإيدي يمكن بحب ال 30 , لأنو بتجتمع فيه ضجة الشباب مع الحكمة و الاتزان , حب الحياة و النظرة المتفائلة مع الركازة و المنطقية و زوال احلام اليقظة ,
يعني هو العمر يلي بتتلاقي فيه نهاية مع بداية , و هاي هي حلاوته لأنو بيصير فيه تحولات كتيرة بالشخصية و النفسية , فبعتبر تلاقي هل تحولات النفسية كتير حلوة و كويسة لحياة أفضل

مارح أحكي كتير لانو لسا ماصرت بال 30 , بس عم أحكي عن يلي بظنه هل عمر , بيجوز يتغير رأيي بعدين
و اصير بدي اضل بالعشرين

على كل مابدي أضل بعمر معين , كل عمر إله حلاوته و لازم نعيشه و نعطيه حقه

and these questions are from shankool

اقتباس:
المشاركة الأصلية بواسطة Elloni

يمكن المقابلات مو انتهاك للشخصية بس هي فتح كامل للشخصية و كشف لإلها من الداخل و هل شي اكيد مو سهل , بس رح أحاول أفتح يلي بقدر أفتحه لأني بطبعي صريحة

أستقرأ في كلامك شخصاً لا يغطي وجهه بالأقنعة ... ومستعد لقول الصراحة ... إلى أي مدى أنتِ صريحة؟ وشو هي الحدود اللي بتتخلى إلوني بعدها عن الصراحة؟

سؤال جميل , أنا صحيح صريحة بس بحدود و لما ما اقدر اطالع صراحتى فالأفضل اني أسكت او احط قناع , فلست صريحة لأبعد الحدود

و من حدودي :

بتخلى عن صراحتي لما تكون صراحتي مو بمحلها
مو بوقتها
مع ناس ما بتلبقلهم الصراحة
مع ناس ما بيفهموا الصراحة و بيجوز يفهموها مني غير شي
لما تكون الصراحة جارحة و مافي إلها داعي
لما إذا بدي اعبر عن نفسي بشغلة بصراحة ممكن أنفهم غلط لأنو يلي حواليي ما بيعرفوني صح أو مو مستعدين لتقبل صراحتي
أو مجتمع ما بيتقبل صراحات معينة , او أمر بيعتبرها شو اسم الكلمة بالعربي ........ ( tabo) يعني امور متكتم عليها

بس بتمسك بالصراحة لما انسأل عنها
لما بتكون لمصلحة يلي قدامي حتى و لو رح تزعجة شوي بس معلش مصلحته اهم من أنو يزعل مني ( لرفقاتي مثلاً ) أحسن مايزعل بعدين و يحاسبني و بيكون هل شي من حقه
لما اكون عم احكي شي عن نفسي متعودة احكي الصدق , إذا مضطرة أكذب فأحسن حل هو أنو اسكت , الكذب حبله قصير و همه كبير
........................................
....................

اقتباس:
المشاركة الأصلية بواسطة Elloni

فيلي بيتحلى بهيك صفات يتطمن كل البنات حاططته ببالها جنب الحصان الابيض

الحصان الأبيض ... ضروري يكون موجود؟ طيب إذا شخص ليس لديه حصان أبيض ولا حتى أسود ... هل تقبلين به؟ وما هو حجم هذا الحصان؟
طبعاً من الواضح إني لعبت برمز الحصان الأبيض على أساس أنه المتطلبات التي لا تنتهي

سؤال مباشر بطريقة غير مباشرة , حلو

طيب أنا لما قلت هل جملة كنت عم أدل بالحصان على انه شي خيلاني و مو واقعي , و مرتبط بشي بنقوله على طول , فيعني انو رح يكون يلي بيحمل هيك مواصفات بخيال و أحلام أي بنت

على كل ظريف التفسير يلي طالعته عن الحصان الأبيض

طيب لنحكي الصراحة و كل الصراحة , وجود الحصان الأبيض ضروري , أكيد هو مو كل شي بس لازم يلي بده يرتبط يكون على الأقل مهيأ أموره للارتباط , هادا واقع
و بجد يلي ماعنده حصان لا أبيض و لا أسود على حد قولك فبرأي و بكل صراحة يطول باله شوي للارتباط , هيك على الأقل بيقدر يوصل لحاله بسهولة أكبر , بدلما يصير في شخصين مع بيجوز كمان أولاد عم يحاولوا يوصلوا لشي حصان
و لا شو رأيكم ؟؟
العائلة بدها حصان لتقدر تعيش و بدونه أمورها رح تكون عسيرة كتير , كل شخص يتطلع حواليه و يشوف أهله شو مأمنيله و بيفهم علي

بالنسبة لإلي بعتبر انو يلي بده يرتبط و لساته بأول حياته فأكيد مارح يكون عنده هل حصان الكبير , و عيب اصلاً ينطلب حصان كبير , هاي حياة و لازم أبنيها مع شريك حياتي مو معقول اطلب شخص جاهز و خالص و عنده أحصنة كبيرة كمان !!!!!
و بصراحة في أمور كتيرة بتهمني قبل الحصان منها يلي ذكرتهم بردي على سؤال no one عن فتي الأحلام


اكيد لو إجاني عنده مزرعة أحصنة و ماني حاسة أنو أخلاقه كويسة أو مأني ماني متفاهمة معه أو حاسة أنو مشاعري متجهة ناحيته فما رح أرضى بيه , على الرغم أنو كتير بنات رح يرضوا و يغمضوا عيونهم , هيك الحياة لاحدا ينصدم

أما إذا أجاني شخص عنده أحصنة و متوفرة فيه الصفات يلي بريدها و ذكرتها و .................. فمارح اقول لاء مع أنو بيجوز تخوفني هل احصنة ( لا تستغربوا الاحصنة بتخوف و بتخلني احسب حسابات أكتر ) , بس بنفس الوقت بتريح البال من امور كتيرة

بالنسبة لإلي الحياة مو بس أحصنة , أكيد بتشكل جزء مهم و كلنا بنعرفه و غلط أنو نتجاهله لو بنفكر بعقلنا , بس عدم توفر الامور الاخرى بيخلي الأحصنة بلا فائدة

لهيك المهم ابحث عن الأساسيات يلي بريدها و بعتبرها اساس لعلاقة زوجية سليمة و بعدين عنده أحصنة و لا لاء , حصانة كبير و لا صغير ..... هادا حكي آخر و بيجي بآخر افكاري

مابعرف إذا عبرت عن يلي ببالي بشكل مزبوط , بس أكيد عبرت بكل صراحة

waiting for answers

هاي الاجوبة انشالله ما أكون حكيت كتير

يا جماعة ساعدوني !! عطوني أسئلة صعبة أخلّي إيلّوني تلوص فيهم شوي !!
ملاحظين اجاباتها عم تكون متقنة و فنّية ؟؟ و الله عم تكون أجوبتها هيي الأجوبة اللي أنا برأيي أفضل الشي !!
طيّب يا إيلّوني !!! أنا غليظ ما هيك ؟؟؟؟ أوكييييييييييييييي
رح أجهّزلك أسئلة من أقوى ما يكون ...... و إذا بتغلطي بسؤال واحد رح اعتبرك راسبة بالفحوصات التلاتة !! (بيروقراطية ! )
جهزي حالك , رايح أكتبهن !!
لا تهربي

أوكي إيلّوني ....... نجاحاتك بالإجابات مارح يطول !!!
رح ترسبي بهالفحص !!! هاهاهااهاهاهاهاهاهاهاهاها اهاهاهاهاهاها (ضحكة الشر و هو يحاول هزم الخير !! )
خلينا نشوف سوا كيف رح تجاوب إيلّوني عهالأسئلة :

السؤال الأول : وقفت إيلّوني أمام المرآة في آخر يوم حافل بالأحداث ... كانت إيلّوني طوال اليوم تشعر بأنها فعلت الأفضل في ذلك اليوم ..... و لكن ... كلنا ننقد أنفسنا في آخر مثل هكذا يوم .... إيلّوني في هذه اللحظات تراودها الشكوك بأنها لم تفعل الأفضل .... مالذي تفعله إيلّوني بهكذا حالة ؟؟؟
A- تحاول الاتصال بصديقة من صديقاتها التي تعتبرها إيلّوني صاحبة القرارات الأكثر صحة في حياتها العمليّة و تسرد لها الأحداث و تأخذ تقييمها عن ما فعلته ..
B- تفضل إيلّوني الجلوس لوحدها و نقد نفسها بعيداً عن أي تأثير آخر ...
C- تلجأ إيلّوني إلى العزف على البيانو بمعزوفة لطالما أثبتت إيلّوني أنها قادرة على تأديتها بشكل رائع ..
D- تستمع إيلّوني إلى بعض الأغاني الهادئة التي تريح الأعصاب ....
E- (الصباح رباح ) ... تخلد إيلّوني للنوم و ترى نتائج تصرفاتها في اليوم التالي (على اعتبار أن الأفكار السوداء دائماً تنهال على الشخص آخر الليل ) ..

السؤال الثاني : س= شخص (ذكر أو أنثى ) من كليّة الطب البشري .
إيلّوني لطالما نظرت لـ (س) بأنه/ها شخص رائع بكافة المقاييس ..... و خلال موقف ما في الكليّة أو خارج الكليّة , لاحظت إيلّوني أن (س) أخطأ/ت في شيء ما (الخطأ لم يكن موجهاً تجاهها و إنمّا خطأ خاص بـ س) ... المهم أن هذا الخطأ قد يحرف س نحو الأسوأ ...
الجميع لم يلاحظ هذا الشيء .. لم يلاحظه سوى إيلّوني .... مالذي من الممكن أن تفعله إيلّوني هنا ؟؟
A-تسأل إيلّوني عن (س) بشكل غير مباشر أمام أصدقاءها للتأكد من ملاحظة أصدقاءها الشيء نفسه ..
B-تبقى إيلّوني صامتة لحين التأكد من أن (س) وقع/ت في الخطأ مجدداً معتبرة نفسها أخطأت في تقدير تصرّف (س)...
C-تحاول إيلّوني التحدث إلى (س) مباشرة و الاستفسار عن تصرفه/ها...
D-الأمر لا يعني إيلّوني ..... (س) حر بتصرفاته/ها , (س) بالغ/ة راشد/ة ,عمره/ها 18 سنة (أو أكثر) و هو/هي مسؤول/ة عن تصرفاته/ها .. ستغيّر إيلّوني نظرتها تجاه (س) فحسب ...
E-تصرّف آخر ستتطرّق إليه إيلّوني في ردّها ...

السؤال الثالث : إيلّوني جالسة في حديقة في صباح يوم صيفي جميل ... تستمتع بجمال الطبيعة من حولها ...
في هذه الأثناء ..... طفل عابث يقترب من الأزهار الجميلة التي أسرت نظر إيلّوني إليها و بدء يقطفها ...
إيلّوني ..... ماذا تفعلين ؟؟
A-(لا حول ولا قوّة إلا بالله !! ) تلك الكلمة الوحيدة التي تقولها إيلّوني ...
B-تقوم إيلّوني إلى ذلك الطفل و تعطيه 5 ليرات أو أكثر (خاكن الولاد بهالأيام ما بئا يعترفو بشي اسمه 5 ليرات ) لكي يذهب و يشتري أي شيء يلهيه عن الأزهار ...
C-تقوم إيلّوني إلى ذلك الطفل و تستفسر عن سبب قطفه الأزهار و تحاول افهامه أن هذه الأزهار ليست ملكاً له ...
D-تلجأ إيلّوني مباشرة إلى أهل الطفل و تطلب منهم بكل أدب أن يتوقّف الطفل عن قطفها ..
E-تغيّر إيلّوني مكانها في الحديقة و تذهب إلى ناحيّة أخرى مليئة بالأزهار و بعيدة عن الأطفال ...

هاهاهاهاهاهاهاهاهاهاهاهاه اها !!! فرجينا شطارتك يا إيلّوني هون !!!
3 أسئلة من أصعب ما يكون ...
NB: الاجابة وحيدة في السؤال الثالث , و متعددة في السؤالين الأول و الثاني (بحقلّك تنقّي أكثر من جواب في أوّل سؤالين , أمّا بالثالث فما بحقلّك أكثر من إجابة وحدة ) ...
أي خطأ يستوجب رسوبك بالفحص !!! هاهاهاهاهاهاهاهاهاهاها (ضحكة الأشرار تبعت شرشبيل و ساتولا و توم و .....الخ)
بانتظار الأجوبة ....