سنبدأ اليوم لقاءا جديدا بعد انقطاع طويل، وضيفتنا من اكثر الاعضاء تميزا... سحرتنا بمعلوماتها الطبية المتنوعة، ووقفنا فاغري الافواه امامها في الماراتون النفسي... تفوقت بذكائها على طلاب السادس (يعني نحنا)... تحب استخدام ال(underline) لتوضيح النقاط المهمة... ناهيكم عن عزفها على البيانو (يلي لازم نسمعو)... هنالك الكثير لنسألها عنه... عرفتو عن مين عم احكي؟؟؟ برافو عم احكي عن اللوني خانم...

عم ننتظرك بفارغ الصبر...

ولي شو عم يصير مع عمور ؟؟ صاير

طول بالك علي شوي

على كل أنا جاهزة للإجابة رغم تصعيبك الامور علي , أنا قدها

هاي إللوني..كيفيك..؟؟ بعرف مأخرة .. بس أنا اليوم لشفت الموضوع لظروف..
بصراحة أنا ما في سؤال حاضر بذهني هلق..
بس حبيت حيي عليكي.. و هنني مستر سام على هالاختيار الحلو..
ما بعرف شو بدي ضيف عللي انحكى عنك.. الكل كفوا و وفوا.. ما فيني قول غير جد إنك زينة الكلية.. و بتمنالك كل التوفيق بحياتك ..و انشالله تضللي متل ما عرفناكي..
و أكيد إلي مرور تاني.. سلام..

المشاركة الأصلية بواسطة ammour444

أوكي إيلّوني ....... نجاحاتك بالإجابات مارح يطول !!!
رح ترسبي بهالفحص !!! هاهاهااهاهاهاهاهاهاهاهاها اهاهاهاهاهاها (ضحكة الشر و هو يحاول هزم الخير !! )
خلينا نشوف سوا كيف رح تجاوب إيلّوني عهالأسئلة :

السؤال الأول : وقفت إيلّوني أمام المرآة في آخر يوم حافل بالأحداث ... كانت إيلّوني طوال اليوم تشعر بأنها فعلت الأفضل في ذلك اليوم ..... و لكن ... كلنا ننقد أنفسنا في آخر مثل هكذا يوم .... إيلّوني في هذه اللحظات تراودها الشكوك بأنها لم تفعل الأفضل .... مالذي تفعله إيلّوني بهكذا حالة ؟؟؟
A- تحاول الاتصال بصديقة من صديقاتها التي تعتبرها إيلّوني صاحبة القرارات الأكثر صحة في حياتها العمليّة و تسرد لها الأحداث و تأخذ تقييمها عن ما فعلته ..
B- تفضل إيلّوني الجلوس لوحدها و نقد نفسها بعيداً عن أي تأثير آخر ...
C- تلجأ إيلّوني إلى العزف على البيانو بمعزوفة لطالما أثبتت إيلّوني أنها قادرة على تأديتها بشكل رائع ..
D- تستمع إيلّوني إلى بعض الأغاني الهادئة التي تريح الأعصاب ....
E- (الصباح رباح ) ... تخلد إيلّوني للنوم و ترى نتائج تصرفاتها في اليوم التالي (على اعتبار أن الأفكار السوداء دائماً تنهال على الشخص آخر الليل ) ..

هممم بصراحة أنت مقسم الجواب كتير , منيح في إجابة متعددة
أنا لما أحاسب نفسي فبعمل هل شي قبلما انام بجو هادئ و بعيد عن تأثيرات اخرى , و على الأغلب بكون حاطة موسيقا هادية لأقدر اروق و أفكر منيح , و بحاول انام و أخفف عني قلق التفكير على أمل انو الصباح رباح و انشالله بكرا بيبين أذا الشي يلي ممكن اكون عملته صح و لا غلط بس أكيد النوم مارح يكون سهل إذا في قلق
فبظن أنو الإجابات B,D,E مناسبة لإلي و بالترتيب

بالنسبة للجواب A فهو بعيد عن أول شي ممكن افعله , أما C فهو وسيلة للترويق بس مو مساعد للتفكير بنفس الوقت , يعني لما أعزف لازم افضي مخي من باقي الأفكار , فكيف رح أقدر أحاسب نفسي و أعمل حصيلة اليوم !!!!
ممكن بعد ما أعزف و أروق و أكون فضيت ذهني من الأفكار يلي عم تجيني لفترة معينة , أرجع افكر و بشكل آخر موضوعي اكتر

السؤال الثاني : س= شخص (ذكر أو أنثى ) من كليّة الطب البشري .
إيلّوني لطالما نظرت لـ (س) بأنه/ها شخص رائع بكافة المقاييس ..... و خلال موقف ما في الكليّة أو خارج الكليّة , لاحظت إيلّوني أن (س) أخطأ/ت في شيء ما (الخطأ لم يكن موجهاً تجاهها و إنمّا خطأ خاص بـ س) ... المهم أن هذا الخطأ قد يحرف س نحو الأسوأ ...
الجميع لم يلاحظ هذا الشيء .. لم يلاحظه سوى إيلّوني .... مالذي من الممكن أن تفعله إيلّوني هنا ؟؟
A-تسأل إيلّوني عن (س) بشكل غير مباشر أمام أصدقاءها للتأكد من ملاحظة أصدقاءها الشيء نفسه ..
B-تبقى إيلّوني صامتة لحين التأكد من أن (س) وقع/ت في الخطأ مجدداً معتبرة نفسها أخطأت في تقدير تصرّف (س)...
C-تحاول إيلّوني التحدث إلى (س) مباشرة و الاستفسار عن تصرفه/ها...
D-الأمر لا يعني إيلّوني ..... (س) حر بتصرفاته/ها , (س) بالغ/ة راشد/ة ,عمره/ها 18 سنة (أو أكثر) و هو/هي مسؤول/ة عن تصرفاته/ها .. ستغيّر إيلّوني نظرتها تجاه (س) فحسب ...
E-تصرّف آخر ستتطرّق إليه إيلّوني في ردّها ...

همممم بالنسبة للأجوبة و حسب الحالة يلي هون فرح أختار B و D
بالنسبة للجواب B يعني أنا إذا شفت شي سيئ من شخص بعرفه فأكيد أني مارح أسأل عنه و إلا بكون عم أنشر هل شي و أسئ لهل شخص و بديننا لازم نستر على أغلاط الناس مو نفضحها لهيك A ما ممكن أختاره
اصلاً بيجوز أكون أنا شايفة شي و فهمانته غلط أو مو شايفة شي كامل و أفسر قصة غلط بذهني ( هل شي كتير بيصير )
فأحسنلي اسكت و أخلي هل شي بقلبي لشو الحكي و اللوص عل خلق ؟؟!!!! و حتى لو تأكدت من هل خطأ فما رح احكي عنه لأنو الحكي ما بيجلب غير الإساءة و مارح يفيد ابداً الشخص ( س)

و اخترت D الأمر لايعنيني طالما هل شخص اصلاً ما اخد رايي بالموضوع , اكيد لو انه سألني رأيي فرح أعطيه بكل صراحة بس رح اعطيه بيني و بين هل شخص و مارح أعطي رأي لغير ناس , ياجماعة خلوا كل واحد بحاله , يعني كل شخص إله أهل و ناس ربوه , و صار عمره مناسب ليقدر يقدر افعاله و يعرف إذا كانت صح و لا غلط , أكيد نظرتي رح تتغير بعدما أكون تأكدت انو هل شخص غلط , بس أكيد أنا بعرف انو ماحدا ما بيغلط و مارح احط X على هل شخص

بالنسبة ل E فتلما قلت إذا اتاخد رأيي , او أنو فعلأ كان في غلط كبير عم يصير و هل شخص قريب مني كتير ( صديقة مقربة ) و في موانة و بتهمني مصلحتها كتير , فممكن اني آخدها على جنب و أحاول أقلها انو صار شي غلط و لازم تدير بالها ماتوقع مرة تانية و باسلوب مناسب
بس بشكل عام بسكت إذا ما انسألت بشكل مباشر من صاحب العلاقة , يعني كل مين حر بنفسه و خليني اهدي و أنصح حالي الأول بدلما اقعد اقيم الناس و شغلة تانية في ناس ما بتتقبل النقد او إبداء النصح و بتعتبر انو ممكن يكون إلي غاية أخرى سيئة من هل شي

السؤال الثالث : إيلّوني جالسة في حديقة في صباح يوم صيفي جميل ... تستمتع بجمال الطبيعة من حولها ...
في هذه الأثناء ..... طفل عابث يقترب من الأزهار الجميلة التي أسرت نظر إيلّوني إليها و بدء يقطفها ...
إيلّوني ..... ماذا تفعلين ؟؟
A-(لا حول ولا قوّة إلا بالله !! ) تلك الكلمة الوحيدة التي تقولها إيلّوني ...
B-تقوم إيلّوني إلى ذلك الطفل و تعطيه 5 ليرات أو أكثر (خاكن الولاد بهالأيام ما بئا يعترفو بشي اسمه 5 ليرات ) لكي يذهب و يشتري أي شيء يلهيه عن الأزهار ...
C-تقوم إيلّوني إلى ذلك الطفل و تستفسر عن سبب قطفه الأزهار و تحاول افهامه أن هذه الأزهار ليست ملكاً له ...
D-تلجأ إيلّوني مباشرة إلى أهل الطفل و تطلب منهم بكل أدب أن يتوقّف الطفل عن قطفها ..
E-تغيّر إيلّوني مكانها في الحديقة و تذهب إلى ناحيّة أخرى مليئة بالأزهار و بعيدة عن الأطفال ...

عمور قلي ليش بهل سؤال بدك تصعبها علي
طيب على الأغلب الجواب A رح أقول لاحول و لاقوة بالله , هادا طبعاً لو انو الشغلة قطف وردة وردتين
إذا القصة فيها تخريب كامل فما رح أقدر اسكتله و على الأغلب رح أروح أحكي معه مباشرة يعني الجواب C
أنت هون مو محددلي الحالة تماماً لهيك رح اعتبر انو الولد لحق يقطفله شي وردة ورديتين قبلما يجي الحارس و يهرب الولد و بما انو الإجابة وحيد فجوابي هو الاول

ممكن من مكاني أقله انو يبعد عن الورد , بس بيني و بينكم هل شي ما بيفيد , هيك أولاد بدهم يجي الحارس معه عصاية و يخوفهم ليبعدوا و هادا يلي بيصير بالعادة لهيك ما بضطر انتقل لمراحل اخرى بالتعامل

هاهاهاهاهاهاهاهاهاهاهاهاه اها !!! فرجينا شطارتك يا إيلّوني هون !!!
3 أسئلة من أصعب ما يكون ...

NB: الاجابة وحيدة في السؤال الثالث , و متعددة في السؤالين الأول و الثاني (بحقلّك تنقّي أكثر من جواب في أوّل سؤالين , أمّا بالثالث فما بحقلّك أكثر من إجابة وحدة ) ...
أي خطأ يستوجب رسوبك بالفحص !!! هاهاهاهاهاهاهاهاهاهاها (ضحكة الأشرار تبعت شرشبيل و ساتولا و توم و .....الخ)
بانتظار الأجوبة ....

و هاي الإجابات , انشالله تكون واضحة

موفق شرشبيل

تحياتي
سنفورة

المشاركة الأصلية بواسطة tartousieh

هاي إللوني..كيفيك..؟؟ بعرف مأخرة .. بس أنا اليوم لشفت الموضوع لظروف..
بصراحة أنا ما في سؤال حاضر بذهني هلق..
بس حبيت حيي عليكي.. و هنني مستر سام على هالاختيار الحلو..
ما بعرف شو بدي ضيف عللي انحكى عنك.. الكل كفوا و وفوا.. ما فيني قول غير جد إنك زينة الكلية.. و بتمنالك كل التوفيق بحياتك ..و انشالله تضللي متل ما عرفناكي..
و أكيد إلي مرور تاني.. سلام..

أهلين بيك TARTOUSIEH ر يسلمو كتير على مرورك

بشكرك كتير

و لا تاكلي هم عل تأخير , اللقاء مفتوح الاسبوع كله مين ما إجا وإيمتا ما أجا أهلين و سهلين بيه

و أنا كمان بتمنالك كل التوفيق

يعني ammour معلق عالأسئلة الأمريكي و الله يستر ما يصير دكتور بالكلية .. لأن أسئلته مو هينة أبدا


أنا حبيت أكمل بكم سؤال فرنسي ..


1/ متل ما بتعرفوا عيد الأم الشهر الجاي ... و إيلوني حابة تجيب لوالدتها هدية حلوة ... اشترت إيلوني الهدية و قدمتها لأمها بس كأنها حست إني أمها ماكتير عاجبتها هديتها ... شو بتعمل إيلوني ؟؟؟


2/ ما هو الظرف الذي قد يدفع إيلوني للإستغناء عن دراستها لأجله ؟؟؟


4/ آخر سؤال لليوم ... CD التشريح المرضي يلي نزلتيه السنة الماضية صوره كلها من المخبر و الا في شي من المراجع ؟؟؟ ( قلت لك عندي أسئلة بتفلج _ بعيد الشر عنك )

المشاركة الأصلية بواسطة عابد

يعني ammour معلق عالأسئلة الأمريكي و الله يستر ما يصير دكتور بالكلية .. لأن أسئلته مو هينة أبدا

بجد الله لايستر

أنا حبيت أكمل بكم سؤال فرنسي ..


1/ متل ما بتعرفوا عيد الأم الشهر الجاي ... و إيلوني حابة تجيب لوالدتها هدية حلوة ... اشترت إيلوني الهدية و قدمتها لأمها بس كأنها حست إني أمها ماكتير عاجبتها هديتها ... شو بتعمل إيلوني ؟؟؟

رح أستاء كتير أنو ماعملت يلي علي صح , يعني كان لازم احاول أعرف شو ممكن يعجبها قبلما أخدلها ياها
على كل إذا ماعجبتها فالافضل اني احاول ابدلها ياها و آخدلها شي أكيد بيعجبها

بس بيني و بينكم بعرف شو بيعجب الماما لهيك الحمد لله على طول انبسطت من الهدية ( انشالله يدوم هل شي )

2/ ما هو الظرف الذي قد يدفع إيلوني للإستغناء عن دراستها لأجله ؟؟؟

سؤال صعب كتير

ماعم ألاقي ظرف بيدفعني لترك دراستي , يعني بالعكس أي ظرف سيئ لازم يدفعني لانو أتمسك بدراستي لأنو شهادتي هي اقوي سلاح لإلي , و إذا كنت باي ظرف كويس و مو محتاجة أبداً اني أتعب و ادرس , فأكيد أني مارح أتخلي عن دراستي يلي بعتبرها اساسية كتير لإلي كإنسانة و إلا رح أفقد احترامي لنفسي و اعتبر نفسي انسانة فاشلة , المثل يلي حاططته بتوقيعي معبر عن الشي يلي بفكر فيه

4/ آخر سؤال لليوم ... CD التشريح المرضي يلي نزلتيه السنة الماضية صوره كلها من المخبر و الا في شي من المراجع ؟؟؟ )

سيدي التشريح المرضي صوره أنا مصورتها بنفسي من مخبرنا , و ما ضفت صور من المراجع لأنو ماكنت بحاجة ( يعني هل سيدي خصوصي لعملي مخابرنا )
و لما حاولت أضيف صور من المراجع يلي عندي ياها كشكل ملحق للاسف مساحة السيدي ماعطتني مجال

( قلت لك عندي أسئلة بتفلج _ بعيد الشر عنك

لا الحمد لله لا بتفلج و لا شي بالعكس صاير الفرنسي اسهل من الأمريكي ( غيرت رايي من ورا راس عمور )

"كثير من الفاشلين في الحياة هم أناس لم يدركوا كم كانوا قريبين من النجاح
حين قرَّروا الانسحاب "
شكرًا جزيلا Elloni لأني لأن أستطيع أن أعبر لك عن مدى الدعم الذي كنت أحصل عليه حين كنت أتذكر هذه المقولة
فجزاك الله خيرًا

مرحبا elloni
من خلال مشاركاتك أولا و ما كتبة الزملاء الاعزاء عنك ثانيا أحترمك و أقدر ثقافتك الواسعة و رايك السليم.
أتمنى أن أتعرف عليك بالمستقبل...
عندي طلب صغير..طبعا الرأي رأيك..كان الحديث عن اسمك جميل و لكن لا أعرف ما هو اسمك و الان انا متشوقة لمعرفته(اذا ما عندك مانع)؟
و سؤال صغير: لو ما كنت عم تدرسي الطب الان (يعني مجموع البكالوريا ما ساعد لا سمح الله) شو كنتي درستي و لماذا؟

سلام

السلام عليكم ورحمة الله

مع إني سألت من قبل سؤال وما تلقيت جواب (على ما أظن) بس مو مشكلة ..

طيب .. إيللوني خانم ..... لو عطوكي موقع web .. وقالوليك (انتي حرة التصرف فيه ولكن لازم تبنيه) .. شو المجال يلي كنتي اخترتيه لهالموقع ؟

لنا عودة

المشاركة الأصلية بواسطة Elloni

بشكرك كتير و بجد انت يلي صاحب الذوق و الأخلاق و العلامات الحلوة كمان
الله يوفقك يارب

اهئ..... انفضحنا.....