بسم الله الرحمن الرحيم

يا أخ charming
آخر أخبار 2030 ستكون كمايلي بإذن الله:
-الولايات المتحدة الأمريكية وبريطانيا تقوم بتجهيز البعثات لارسالها الى الدول العربية والإسلامية وذلك للدراسة بجامعاتها واجراء البحوث العلمية

-اسلام 5000أسير يهودي اسرائيلي وذلك بعد اجلاء الجيش الاسرائيلي عن فلسطين ، ومئات الآلاف من المسلمين من جميع أنحاء العالم تتجه غداً الى القدس ليصلوا الجمعة في المسجد الأقصى

-انكلترا وفرنسا والمانيا تعمل على تشجيع الوفود السياحية العربية بغرض توفير العملة الصعبة لديها(العملة العربية الموحدة)

-البنك العربي يبحث اليوم في طلب القرض الذي تقدمت به الدول الأجنبية

-أزمة المرور تبدأ في الساعة الرابعة صباحاً حيث يخرج الناس الى صلاة الفجر ثم ينطلقون الى أعمالهم بحيوية ونشاط.

-العثور على بقايا ملهى ليلي يرجع تاريخه الى عام 2005 وجاري الآن تحويله الى مكتبة ضخمة

-القبض على سائح أجنبي قام بانتهاك حرمة البلاد العربية وذلك بشربه الخمر في أحد الأماكن العامة .

-رفضت الرقابة التلقزيونية طلب إعادة عرض أحد البرامج التافهة القديمة التي ترجع الى عام 2005

-وفي حوار مع طلبة الثانوية العامة اللذين التحقوا بكلياتهم هذا العام، قالوا أنهم سعداء لأن كل منهم التحق بالكلية التي كان يتمناها وتتفق مع ميوله وليس حسب المجموع والعدد كما كان الوضع منذ 20 سنة

-وفي دراسة أجريت مؤخراً عن آخر العادات المنقرضة في المجتمع العربي اتضح اختفاء ظاهرة ( الواسطة ) وحلول (التوكل على الله والسعي والإتقان) مكانها، كما تبين اختفاء البيروقراطية والروتين القاتل ونجد الآن ظاهرة تسابق الموظفين لخدمة المواطن وتمشية معاملته

-الدول الأوربية تحاول تطبيق نظام الغاء الحدود السياسية والتأشيرات والجمارك والذي طبق مؤخراً في البلدان العربية.

-وأخيراً ......... الدول الغربية تدفع مبالغ باهظة ثمناً لشراء برنامج [ صناع الحياة ] لتحاول بناء نهضة في بلادها

Charming أي واحد فينا لما بيكتب عن أي شي حتى لو كتب 1+1=2 فإن هناك البعض اللي بدو ينتقد وهاد شي طبيعي , لذا لا تيأسي وكملي بمواضيعك اللي في حدا سبقني وقال انو هي مهضمومة ورايقة وهاد شي واضح للعيان. So Go On

يا حسون...يا حبيبي...انا جبت سيرتك
اصلا ما بسترجي
ولو ......دلولنا انت


بعدا ولا (والله غزل و عم ؤولا عالموانة) انا ئلت انو نكتفي بعمر خالد و ما نعود نشوف غيرو ...انا ئلت انو طالما عم يشتغل لمصلحتنا فلازم نصف مع الزلمة...مو نكسرلو مئاديفو ..(وانا هون ما ئصدت من كلامي حدا معين..بس اللي نازلين بعمر خالد و كأنو الزلمة رح يخرب الدنيا و يحرف الاسلام اذا دفش الامة كم متر لئدام )...و شي اكيد انو اذا غيرو عم يشتغل صح فهو كمان جدير بالاحترام و التأييد...و برد بؤل مو ضروري كيف نبدا المهم انو نبدا

لك تسلملي يا evereve يا كبير
والله يا حبيبي انا ما بختلف معك (ولا بقيد أنملة) انا معك تماما بانو كل مين بيشتغل لازم نحترمو ونقدرو ونشجعو وما نكسرو مئاديفو... هاد الشي مافي خلاف عليه

المهم انا بشكرك على عواطفك الجياشة وعم استنى رجعتك بالسلامة قريبا

عزيزي حسن


كلامك معي اليوم دفعني إلى قراءة ردي في هذا الموضوع مرة ثانية !!!!..... حقا أفكاري مرتبة و منسقة , و لساني يبدو أنه بطول لا بأس له !!!!!!!! .....

و لهذا أصبحت مقتنعا بأمر واحد يتلخص بكلمتين : مشكلتي هي أنني أكثر ذكاء مما يوحي به مظهري، لكني اقل ذكاء مما توحي به كلماتي ...

مع محبتي !!!!.....

من شان هيك يا كتور فراس.. قالوا إذا بدك تعمل شي عميل ,.. ولا تطنطن..
وإذا بدك مساعدة من حدا.. قول يا ناس بدي هيك..
إذا عطوك كان بها.. وإذا لأ.. فاشتغل لحالك..

كتير واضح إنو في توجهات عامة ما كتير مختلفين فيها... منيح إنو نرجع نقرأ المشاركات من الأول.. ونشوف بشو متفقين ,, وبشو مختلفين..
أنا بتفق مع أم النور على النهضة.. السؤال كيف.؟
طبعا هدا يمكن نفس السؤال القديم الجديد.. لماذا تأخرنا وتقدم غيرنا..
بدكن نحكي فيه.. ولا بس نخلص عمرو خالد.؟

ع حد علمي، إنك مشارك بخمس مشاركات، وأنا مشارك ب240،
فطبيعي تشوفني كتير، بس إنو عم نطلك أوما عم نطلك،
بالحقيقة وما قصدي إهانة، أنا ما شايفك من قبل لنطلك..
يا أبو يوم.. ما بعرف شو بدي قللك جواب ع سؤالك..
يللي منيح إنك تحدده أكتر..
بسألك..
ماذا تقصد بقولك: الاسلام هو الحل؟؟ غير الكلام الطنان الرنان الشعاراتي، يللي بيحكوه الكل، بدون ما حدا يعرف شو بيعني على الأرض..
طبعا سؤالك التاني ليش أنا مختلف مع شي .؟ ما إله معنى.. لإنو على فرض أنا مختلف مع هالشي فما مضطر أبررلك ليش أنا ما باكل البندورة قبل النوم، أو ليش ما بتابع برنامج عالم الأطفال، أو ليش ما بآمن بفكرة العوالم الفضائية. السؤال بكون إذا كنت بآمن بشي فيعني من حقك تسألني ليش، إذا كنت عم حالو أقنعك..
بس إذا كنت ما مقتنع بفكرة.. بتقللي.. ليش مانك من أنصار حزب الخضر بألمانيا.؟
الحل (بعترض ع كلمة البديل، لإنها عم تفترض وجود حل بالأصل مقبول ، وأنا عم أفرض بديل.. وبالحقيقة كل الأفكار "وهي أفكار ما حلول" متساوية بالقيمة..) عم نحكي فيه.. بيجي ع دفعات ماني مع الحل الجاهز.
لإني بكره الشعارات..
اللبرالية هي الحل
لا.. الاشتراكية هي الحل
لا الاسلام هو الحل
لا، العلمانية هي الحل..
هدا كله حكي فاضي..

حبيب قلبي سنفور.......



أول شي أنا نسيت شو كتبتلك و للأسف حذفولي ياها بمنتهى الديمقراطية لذلك رح أكتب ردي من حكيك و ما رح اقدرارجع لحكيي و اقراه.........

تانيا أنا للمرة المليون رح برر (وأنا ماني مضطر) أنو أنا كان حكيي باطار المزح وليس الإهانة......(يبدو أنو انتو أو نحنا (ليش أنتو؟؟) طلاب الطب نسيتو من زمان معنا كلمة مزح يمكن من كتر الضغوط اللي عايشين فيا أو فارضينا ع حالنا بما أنو نحنا قشدة المثقفين و قمة المجتمع و مخلصين البشرية......

و انت بتعرفني!!! فكر كام متلجي بيدخلو عالنت بكليتنا بتعرفني........وأنا مو خجلان قلك اسمي بس خلياحرقة بقلب اللي ببالي.........

الكلام الطنان الشعاراتي أنا بحياتي ما استخدمتو لا معك ولا مع غيرك بس عكل رح قلك شو بقصد

أنا برأيي (اذا سمحتلي) أنو الاسلام هو الحل الوحيد و الأبقى ليش؟؟؟؟

لأنو الاسلام بعيدا عن كونو دين سماوي خلينا نعتبرو منهج حياتي عام نظملك كل شي ممكن انت تفكر في لإقامة مجتمع قوي بدءاً من القواعد الشعبية اللي كل دولة ناجحة ما قامت إلا على هل الأساس...

بكلام آخر لما بتحاول تحلل ليش هالأمة أو الدولة قامت و سادت العالم بتلاقي أنو من أهم أسسها هو الشعب المؤمن بفكرة الساعي لتحقيقا....أميركا قامت على أساس بلد الحرية و الديمقراطية هي الفكرة الأساس للامبراطورية الحالية.....

طلع عالشعب المسلم هلأ.... صحيح بتلاقيه منجر حاليا ورا الشيخ وكل شي بيقولو الشيخ هو الصح و مخدوع بالتدجيل أو أنا بحب سمي "التدجين" المشيخي لصالح الحكومات....بس العيب مو معناتا بالاسلام العيب هو بالجهل و الانقياد الأعمى ورا العمامة مهما كان عميقول صاحبا.... بس انت لما بتوعي هالشعب و بتحاول تستفيد من هالإيمان و بتوجهو باتجاه اسلام صحيح متل ما أنا و انت منعرفو...رح شو هو الاسلام الصحيح؟؟؟(موقلتلك حفظانك؟؟؟) رح قلك بتطبيق تعاليم القرآن الكريم والسنة كمنهج حياة ومو ساعة إلك ساعة لربك..... هون بتنقلب الآية و بتلاقي الاصرار على تحقيق أفضل ما يليق بأمة الاسلام و القرآن الكريم بيدعو أو بيشجع عهالموضوع بطريقة رائعة لما بيخاطب الله المسلمين و ليس العرب متل ما بيقول البعض: (كنتم خير أمة أخرجت للناس"ص.... هو ما بيقصد الاسلام بعصر الرسول (ص) بس هو بيقصد أنو كل ما انتو تمسكتو بالسلام رح تكونو في مقدمة الأمم.... أصلا شو كان الرسول(ص) غير قاد فذ عرف كيف يقود هالأمةضمن تعاليم هالدين اللي أسسلن نظام حياة....طبعا بالإضافة لقدسية شخصه كرسول وصفاتو النفسية الأخرى اللي جمعت الناس حوالي....

بدك تقلي هادا كلام نظري و ما في اثبات علي ....أنا رح قلك لأ في....

طلع عباقي النظريات اللي ذكرتا بتلاقي كل وحدة كانت نقاط ضعفها بتنبع من ذاتها....الاشتراكية مثلا كان سبب انهيارا هو التطبيق الأعمى لقوانينا صحيح الشعب عايش بس معفوس فوق راسو....العلمانية سحبت من الناس البعد الروحاني لحياتن و حيدتو و هي بنظري نوع من أنواع الإرهاب الفكري لأنو فرضت بالإجبار إبعاد الدين عن السياسة.....وشوف شو صار بالاحزاب الاسلامية بتركيا مثلا....

بينما الاسلام هو خلينا نقول (تجاوزاً) "النظرية" الوحيدة اللي نظمت المجتمع تنظيم خلا الدولة الاسلامية من أقوى الدول (أو الدولة الوحيدة القوية)اللي قامت في هذا الجزء من العالم وكان السبب الوحيد و أشدد على كلمة الوحيد في ضعف هالدولة على مر الزمن و انهيارا في النهاية هو الابتعاد عن تعاليم هذا الدين و رجاع لتاريخ الدولة الاسلامية بتلاقي كلامي صحيح...بلش الضعف ابتداءا من الدولة الأموية وحتى انهيار الدولة العثمانية....مع مرور مراحل قوة كانت بسبب الخليفة المؤمن ايمان صحيح بالاسلام خلا الزكاة ما تلاقي حدا ياخدها في عهد عمر بن عبد العزيز مثلا....

الليبرالية؟؟؟؟؟ بالأول شو مفهوم الليبرالية بالضبط لأنو هي كلمة مطاطة.... أن برأيي الليبرالية لهلأ ما قالت شو هي الأسس اللي لازم يمشي عليها المجتمع لحتى يبني دولة قوية ولا القاعدة هي أن لا قاعدة؟؟؟؟....قللي شو هي الليبرالية برأيك....

عكل حال البعد الروحاني عند الناس مهم شئت أم أبيت ...لأنو اذا الشعب ما آمن بشي ما في شي رح يصير....

انت لما بتختلف معي بأي فكرة لازم تعطيني أسباب لحتى تقنعني أو اقنعك وإلا هالنقاش بالأخير كلو بيطلع بلا طعمة....
وبالذات لما أنا بحسك ضد دين (و أنا ما عم كفرك لأنو مو شغلتي) أو خلينا نقول مختلف مع فكرة دور الدين السماوي المنزل من عند رب العالمين بقيادة مجتمعنا نحو النهضة فانت مضطر تبررلي لأنك عمتخالف الأغلبية كمان بالإضافة للسبب السابق... أما ليش ما بتاكل بندورة أو بتتفرج عالكرتون فهي مو شغلتي و أظن أنا أنضج من أنو حاسبك عهيك شغلات.............. وسلملي عالعوالم الفضائية...

مستر opium رح قلك شو هيي آخر اخبار هاللحظة أنا عرفت مين أنت... ما بدها شطارة

مو مشكلة بس ليش نظرة المكر بعيونك؟؟؟