بسم الله الرحمن الرحيم

يا أخ charming
آخر أخبار 2030 ستكون كمايلي بإذن الله:
-الولايات المتحدة الأمريكية وبريطانيا تقوم بتجهيز البعثات لارسالها الى الدول العربية والإسلامية وذلك للدراسة بجامعاتها واجراء البحوث العلمية

-اسلام 5000أسير يهودي اسرائيلي وذلك بعد اجلاء الجيش الاسرائيلي عن فلسطين ، ومئات الآلاف من المسلمين من جميع أنحاء العالم تتجه غداً الى القدس ليصلوا الجمعة في المسجد الأقصى

-انكلترا وفرنسا والمانيا تعمل على تشجيع الوفود السياحية العربية بغرض توفير العملة الصعبة لديها(العملة العربية الموحدة)

-البنك العربي يبحث اليوم في طلب القرض الذي تقدمت به الدول الأجنبية

-أزمة المرور تبدأ في الساعة الرابعة صباحاً حيث يخرج الناس الى صلاة الفجر ثم ينطلقون الى أعمالهم بحيوية ونشاط.

-العثور على بقايا ملهى ليلي يرجع تاريخه الى عام 2005 وجاري الآن تحويله الى مكتبة ضخمة

-القبض على سائح أجنبي قام بانتهاك حرمة البلاد العربية وذلك بشربه الخمر في أحد الأماكن العامة .

-رفضت الرقابة التلقزيونية طلب إعادة عرض أحد البرامج التافهة القديمة التي ترجع الى عام 2005

-وفي حوار مع طلبة الثانوية العامة اللذين التحقوا بكلياتهم هذا العام، قالوا أنهم سعداء لأن كل منهم التحق بالكلية التي كان يتمناها وتتفق مع ميوله وليس حسب المجموع والعدد كما كان الوضع منذ 20 سنة

-وفي دراسة أجريت مؤخراً عن آخر العادات المنقرضة في المجتمع العربي اتضح اختفاء ظاهرة ( الواسطة ) وحلول (التوكل على الله والسعي والإتقان) مكانها، كما تبين اختفاء البيروقراطية والروتين القاتل ونجد الآن ظاهرة تسابق الموظفين لخدمة المواطن وتمشية معاملته

-الدول الأوربية تحاول تطبيق نظام الغاء الحدود السياسية والتأشيرات والجمارك والذي طبق مؤخراً في البلدان العربية.

-وأخيراً ......... الدول الغربية تدفع مبالغ باهظة ثمناً لشراء برنامج [ صناع الحياة ] لتحاول بناء نهضة في بلادها

بإذن الله يا أم النور..
أكيد إنو طالما ماسكين برنامج صناع الحياة.. وعم نطبق التعاليم حرفا بحرف.. وعم نمشي على الهدى..
فانشالله..
رح يجو الفرنسيين ع جامعاتنا.. لا بل رح نعملهن فئران تجارب بمخابرنا..
رح يتعلموا من تلفزيوناتنا.. كيف بنتج البرامج وبنجمع الشباب قدام الداعية لحتى يعلمهم شؤون دينهن وآخرتهن..
أصلا الغرب متعطش ليعرف الحقيقة .. من عندنا.. بعرف بس هو مكابر.. ومتكبر..
ورح تسيل بين إيدنا العملات الكتير صعبة.. أكتر مما بتتصوري..
ورح يكسرو كؤس النبيذ ع رؤوس شاربيها.. والملاهي الليلية.. ما رح قول شو رح يعملو بروادها..
ويقلعوا عين كل مين بطلع عبنت..
ويضربوا 500 عصاية لكل مين بجرب يفتح على الإلبي سي.. و5000 على الروتانا.. ضرب..
ورح تزيد الرقابة التلفزيونية.. لمنع كل مين تسول له نفسه.. إنو يفتح تمه.. أو يتفرج ع غير إقرأ.. والشارجة..
رح تطالع كل القنوات التلفزيونية شباب اهتدوا ولله الحمد.. وصاروا يصلوا الصبح بالجامع..
ويصلوا الجمعة بمكة.. بعد ما صارت الأمة الإسلامية واحدة.. طبعا..
من جمهورية موزامبيق العربية للولايات المتحدة الإسلامية..
ورح يتدرس بالجامعات لطلاب الدكتوراه.. كتاب تنوير القلوب.. لحتى ما يضل بالدنيا ولا قلب ضوه مطفي..
ورح طبعا نتفرج ع صناع الحياة.. كل يوم.. بالـ24 ساعة 25 ..
وناخده قبل الأكل وبعد الأكل.. وقبل الفجر.. وبعد صلاة العصر..
طبعا رح ترجع العزة للأمة.. ورح يمشي الحال..
أكيد بيمشي الحال.
طبعا بإذنه تعالى.. وبجهودكن..

الأخت أم النّور:
انت عم تقولي أشياء برومانسية كتير عالية
بتعرفي؟
أنا واثق إنه الواقع رح يكون أقرب لهالموضوع الفكاهي
وما رح يتحسن الوضع وكل مالنا من سيئ إلى أسوأ ومن أسوأ إلى الأسوأ
يعني بتتصوري إنّه الغرب يبعت وفود طلابية لعنا بعد 25 سنة؟؟!!
أصلاً يا ريت نصل للغرب في وضعه الحالي بعد شي 500 سنة
بجوز بعد 1000 سنة متل ما كنا نحن مركز إشعاع حضاري تدور الدورة ونرجع متل ما كنا من أكتر من 1000 سنة
بس ما بتوقع أبداً بعد 25 سنة يصير هالشي
أنا شخصياً رح أعمل جهدي بس أهج من هالبلاد
بدي أعيش
بدي أشم ريحة الحياة
ريحة الإنسان
ريحة نفسي إذا صرت أنا إنسان
إذا حققت أحلامي وآمالي
بس إذا بقيتهون ما رح أحسن أحقق أحلامي
بتعرفي ليش؟
لأنه أنا هون غلط
وأبي غلط
ومجتمعي غلط
وكل شي ....... غلط

يعني بدي أفهم يا ست أم النور ليش ما عاجبك برنامج صناع الحياة..؟؟؟؟
يعني كإني فيك عم أقرأ بين سطورك إنو يعني ما بيسوى شي..؟ لحتى عم تاخديه بهزء إنو يعني أمريكا رح تشتريه من عنا..
والأكتر من هيك.. كمان بتبدي حديثك ب كلمة بإذن الله.؟؟؟؟؟
وبتشبعينا سخرية على العالم العربي والإسلامي..
بلهجة مبطنة.. عن المقاومة..
وعن تحرير فلسطين.. وعن المشاريع العربية كإنك عم تقولي ما رح توصلكن لشي.؟؟
وللا هي السخرية من العملة العربية يللي ممكن تكون..
يعني كإننو نحنا بحكيك أمة ميؤوس منها..
لأ.. وبتبدا الحديث ببإذن الله.. هي يللي زاعجتني.. وبتشبعنا تهكم على وضعنا العربي..
والإسلامي..
حتى عمرو خالد ما بيسلم من الغمز. والحكي التحتاني..

ولا يا شنكول.. أنا شامة ريحة ما طيبة من حكيك..؟؟
وما عرفانة شو بدك تقول..
كمان كإنك قرفان من الشعب.. ومن البشر.. ومن الناس..
ليش عم تنشر ثقافة الإحباط يا أخي
إنت وللا أم النور..
بعدين تعا لهون.. شو نازل بأبوك.. وبالغلط وبالمجتمع.؟.؟ شو هالحكي هدا؟؟
شو بدك تقول.؟
يعني أبوك يلي عم يصرف عليك عرق جبينه.. بالأخير هيك..
آخ.. على هالجيل..

هدو اللعب يا شباب....
يعني الشغلة ما بدها كل التشاؤم يا شنكول, ولابدها كل هالمبالغة يا أم النور....
واذا نحن اطباء المستقبل فكرنا هيك شو تركنا للي ما تعلمو؟
الدنيا كل ما لهاعلى احسن...ويمكن بيوم من الأيام نوصل للتطوراللي وصللو الغرب
ولا تنسو انهم بيوم من الأيام أخدو الطب من عنّا بوقت كانت فيه الكنايس تحرم العلم على الناس وتعاقبهم بالحرق احيانا ...!
يعني هنن بشر ونحن بشر..واللي عم يعملو هلق مش مستحيل.

بس على فكرة يا أم النور charming

اخت وليس اخ....مع تحياتي....

يا عزيزي سنفور, هلأ مافي اختلاف انو كلام الاخت الموقرة ام النور هو احلام بالغة الوردية وفيها كتير من البساطة والعفوية! , بس برأيك هل كان ردك مناسب؟ يعني ومن خلال مشاركاتك السابقة (والقيمة) في المنتدى توقعت انو يكون ردك مثلا ( لن يغير الله قوما حتى يغيروا ما بأنفسهم) أو (انو لازم على العرب انو يحاولوا يشتغلوا حتى يلحقوا ولو شوي بالقطار العالمي اللي سابقهم بمليارت السنين الضوئية والصوتية!) بعتقد انو هالكلام أحسن من التحامل الشديد والغير مبرر (برأيي) اللي ورد بردك.

بجوز من فرط تفائل الأخت أم النور
ظهرت أنا بمظهر سلبي كتير
بجوز!

بسم الله الرحمن الرحيم

يا جماعة ليش كلكم فهمتوني غلط ، فأنا لا استهزىء ولا أسخر معاذ الله ، وإنما أعبر تماماً عما أراه بعد 20 أو 25 سنة ، وهذا ما يملأ فكري وكياني وخيالي ، ولا تفكروا أنني أحلم فقط فنحن صناع الحياة بدأنا نهضة أمتنا بالأحلام لكننا الآن على أرض التنفيذ ومعاً بإذن الله سنعيد للأمة العزة والكرامة.

يا أخت غيفارا كيف لا يعجبني صناع الحياة وقد أصبح هو حياتي ذاتها
يبدو أنك لست متابعة جيدة لصناع الحياة ، فأنا في مشاركتي ذكرت بعضاً من أحلام الشباب العربي ومنها ما ذكرها الأستاذ عمرو خالد في حلقات المرحلة الثانية وإذا ما زرت موقع www.amrkhaled.net ستجدينها ضمن ال700000 حلم التي أرسلها الشباب لنهضة أمتهم.
أنا أغمز وألمز على الأستاذ عمرو خالد؟؟؟ ماذا تقولين ده أنا بفديه بروحي لأنو بموتي ما رح تفقد الأمة الكثير لكن إذا راح عمرو خالد من أين ستأتي الأمة بهذه التحفة؟ بل وكيف سنصنع نهضتنا؟؟؟؟؟؟؟؟؟
يا جماعة الأمل كبير، عارفين حديث النبي صلى الله عليه وسلم عن الفاروق عمر رضي الله عنه(إذا سلك عمر طريقاً سلك الشيطان طريقاً آخر)
أما نحن فنقول (إذا سلك صناع الحياة طريقاً سلك اليأس طريقاً آخر)

أما أنت يا شنكول فخليك يائس لوحدك يا أخي لا تحبط الناس، صحيح ناس بيبنوا وناس بيهدموا
وبعدين شو هي أبي غلط ، ما كنت بتوقع تطلع هالعبارة من طالب طب .
الأب على رأسنا من فوق شو ما عمل ، وأنا وأنت والكل شو بنسوا بدونه يا أخي لا تقارن نفسك مع أبيك لأنو المقارنة هنا مستحيلة (شو ما عملت هو أفضل منك ) يا أخي قول الحمد لله عندي أب عايش للآن ولحق دخول الجنة ببره فقد قال رسول الله عليه الصلاة والسلام( رغم أنف ثم رغم أنف ثم رغم أنف من أدرك أبويه عند الكبر أحدهما أو كليهما ، فلم يدخل الجنة) أي ببرهما

وشكراً يا سنفور على تتأييدك ومارح اسيء الظن بمشاركتك

وعفواً يا أخت charming مجهودك واضح في المشاركة وما شاء الله عندك اطلاع وخيال خصب ولكن حبذا لو نستخدمه للفائدة والنفع.:emotions1
وآسفة إن بدا كلامي قاسياً ولكنني والله يشهد أحب لكم الخير جميعاً وأغير على طلاب وطالبات الطب بشكل خاص
والسلام عليكم