أسئلة لتزييت الدماغ

#1 Feb, 25 2006, 18:28

بسم الله الرحمن الرحيم

هل لاحظ أحدكم مرة أن دماغه قد توقف عن العمل أو تجمّد
في حياة الكلية كل ما نقوم به هو الحفظ والاستذكار ومن ثم النسيان والحفظ وهكذا
ولكثرة ما ننشغل بحشو أدمغتنا بالمعلومات ننسى أحياناً أننا قادرين أيضاً على حل المسائل الرياضية وتشغيل أدمغتنا بغير الحفظ البصم
ولكن هل هذا مفيد ؟
أظن أنه مفيد جداً أن نقوم من حين لآخر بتزييت عقولنا الصدئة وتشغيل محركاتها ونفض الغبار عنها أو كما يقال بلغة الكمبيوتر أنا نقوم بعمل refresh لعقولنا
لذلك فقد خطرت ببالي هذه الفكرة
نقوم بطرح مسائل تعتمد على المنطق والرياضيات ونقوم بتشغيل عقولنا للوصول إلى حلول
سأقوم بطرح أسئلة الآن وإذا لاقت الفكرة قبولاً سأستمر بذلك

السؤال الأول:
ما هو العدد الذي يأتي مكان إشارة الاستفهام في سلسلة الأرقام هذه:
1-3-8-19-42-?

السؤال الثاني:
ما هو العدد الذي يأتي مكان إشارة الاستفهام في سلسلة الأرقام هذه:
1-8-27-64-?
السؤال الثالث:
في سباق من النقطة س إلى النقطة ع وبالعكس المتسابق الأول قطع المسافة من س إلى ع بسرعة 30 كم بالساعة والمسافة من ع إلى س بسرعة 10 كم بالساعة أما المتسابق الثاني فقد قطع المسافة بالاتجاهين بسرعة 20 كم بالساعة فأي المتسابقين يربح السباق؟

life

#2 Feb, 25 2006, 21:05

اول شي مرحبا انا جديدة بالمنتدى
بس مابعرف اذا انت طالب منا نجاوب
عكل حال
الجواب الأول : 89
الجواب التاني:125
الجواب التالت :التنين بفوزو اذا أصدك بقطع المسافة روحة ب20 ورجعة ب20
ردلي اذا صح ولا لأ بأقصى سرعة 0

#3 Feb, 25 2006, 21:16

والله يا عزيزي شكله مخي صدأ تمام
المهم اجابة السؤال الثالث انه الاتنين بيوصلوا بنفس الوقت
باعتبار انه متوسط سرعة الاول 20كم/س وكذلك التاني

الباقي خليهم بعدين على رواق

تحياتي

#4 Feb, 25 2006, 21:41

سؤال 1 : 89
سؤال 2: 125
سؤال 3: المتسابق التاني يربح

#5 Mar, 02 2006, 21:44

يعطيك العافية على الاسئلة بس أنا ما عرفت على أي أساس عرفتو الارفام؟
يا ريت حدا يقلي كيف...وشكرااااااااا

#6 Mar, 02 2006, 21:54

الله المستعان ........

يعني ما صدقنا على حالنا ايمت خلصنا من الرياضيات بترجعنا الها ...........انا الصراحة ما حاولت فكر فيهن لأني بكره الرياضيات .......... لأني اذا رح حاول فكر اني فكر بحل المتتاليات اللي حاططها رح يصير المحرك تبع دماغي يطلع دخان و يصير معه صرفية و يحرق زيت بعدين ما منعود منخلص ......... بقا خليني هيك الله يبارك فيك

و على كل شكرا لك لمحاولتك انك تفيق العقول النايمة رياضيا ......

#7 Mar, 02 2006, 21:59

المشاركة الأصلية بواسطة sunshine

يعطيك العافية على الاسئلة بس أنا ما عرفت على أي أساس عرفتو الارفام؟
يا ريت حدا يقلي كيف...وشكرااااااااا

انا اخيرا اكتشفت حل الاولى
والمتسلسلة على الاساس التالي:
الرقم الاول 1
نضربه بـ 2 بعدين نضيف 1 بيصير 3

الـ 3 نضربها بـ 2 =6 ونضيف 2 بتصير 8

الـ 8 نضربها بـ2=16 ونضيف 3 بتصير 19
الـ19 نضربها بـ2 = 38 ونضيف 4 بتصير 42
اخيرا الـ 42 نضربها بـ2=84 ونضيف 5 بتصير 89

اذا بتلاحظي كل مرة ضربنا بـ 2 ثم اضفنا اعداد بالتسلسل من 1 الى 5 لكل وحده حسب الترتيب

ما بعرف اذا واضح الشرح ما عرفت اعبر احسن من هيك

تحياتي

#8 Mar, 02 2006, 22:12

والله الواضح ما في امل

شكلو دماغنا صدى على الاخير والف علبة زيت ما بتمشي الحال

الحل الوحيد انو نشتري دماغ جديد فاللي عندو من الشباب شي دماغ مو مستعمل يا ريت يدلني عليه

#9 Mar, 02 2006, 22:16

السلام عليكم ..

1-8-27-64-125

إليكم الطريقة:

1= 1x1x1
8= 2x2x2
27 = 3x3x3
4x4x4 = 64
5x5x5 = 125

والسلام عليكم

#10 Mar, 02 2006, 22:59

اش هااااااد كليوبترا اخيرا حليتِ هالمعضلة

وفعلا بسييييييييطة

يسلمو كتير

Try to know the right diagnosis	مقاربة مريض بألم مفصلي	نحتاج إلى مشرفين (للأقسام ولكل الموقع)
تعالوا نشخص التهاب الكبد B مصلياً	تقربر مفصل عن فحص الكيمياء العضوية العملي لطلاب ابو بكر

المواضيع المشابهة
الموضوع	مبتدئ الموضوع	المنتدى	الردود	آخر مشاركة
أكبر (10)عشر عادات تدمر الدماغ	moneerkanj	الثقافة	14	Feb, 21 2008 10:43
آلام الظهر المزمنة تسبب تغيرات بنيوية مجهرية في الدماغ	Shankool	آخر المستجدات الطبية	1	Mar, 22 2007 12:08
اكتشاف العلاقة بين دوبامين الدماغ وإدمان المخدرات	Shankool	آخر المستجدات الطبية	0	Mar, 06 2007 12:50
كيف يتعرف الدماغ الى الوجوه؟	Shankool	آخر المستجدات الطبية	1	Apr, 09 2005 13:03

		الملتقى الطبي السوري > العموميات > مقهى الملتقى
أسئلة لتزييت الدماغ

أدوات الموضوع
عرض نسخة سهلة الطباعة أرسل هذه الصفحة بالبريد الإلكتروني