السلام عليكم

بالأمس كنت قاعد أقلب بالمنتدى و فجأة و بدون سابق انذار ايش اللي حصل ؟؟؟؟؟

على غير المعتاد انقطع التيار الكهربائي ...........

المهم كانت الساعة 8:30 و الظلام شديد جدا بشكل مو طبيعي يعني حطيت ايدي أمام وجهي ما حسنت شوفها ......

و ابتدأت رحلة البحث عن الشمع ...... ما بتصدقوا يا جماعة كم تعذبت عبال ما لقيت موبايلي لحتى ضوي فيه ......

فتت بالحيط مرتين و دست على نفاضة السجاير بالأرض و ضربت رجلي بالدنابل " أوزان الحديد " تبعات أخوي رغم أني عبتحرك على البطئ...... و بالأخير لقيت الموبايل و شعلت الشمع ........ صدقا كانت معاناة رغم أنها ما استمرت أكثر من تلت أربع دقايق طلعت روحي .......

فكرت بعدها كم في ناس ضريرين ما بيشوفوا ......... كم بيعانوا لحتى يقضوا حوايجهم اليومية ....... ؟؟ و بنفس الوقت كم أنعم الله سبحانه و تعالى علينا ......و كم نحن غافلين عن شكره .

هل فكرنا مرة بمدى نعمة البصر ..؟؟ أو بحالنا لو فقدناها -أنا مبارح عن جد كنت أعمى تماما لمدة خمس دقايق

هل نشكر الله على نعمائه ...... {وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ} (7) سورة إبراهيم

ياجماعة نحن ما النا على الله شي ليجعلنا أصحاء سليمين و يجعل غيرنا مريض أو مصاب ....... كل مافي الموضوع انه اختبار اللي بيشكر بيباركله الله بنعمه عليه و بيثيبه على شكره و اللي بيكفر بنعمة الله يعاقبه ......

هلّا نكون من الشاكرين ؟؟؟؟؟؟؟؟

الانسان طبعه انو ينسى ...بينسى كيف الله أنعم عليه بنعم كتيييييييييييييرة.....
مشان هيك نحن دايما بحاجة لشي يذكرنا بنعم الخالق علينا...

شكرا الك زين الدين....

اللهم متعنا باسماعنا وابصارنا ابداما احييتنا واجعله الوارث منا.................. واعنا على ان نستخدمها على النحو الذي يرضيك

الحمد لله على نعمة الإيمان
الحمد لله على نعمة البصر
الحمد لله الذي أنار دربنا بهداه


يا جماعة الأعمى ليس أعمى البصر ، فقط
رب أعمى أبصر من ألف مبصر
كم من أناس في هذه الدنيا عميت قلوبهم عن الحق حتى ضلوا الطريق
أرجو لهم الهداية



أبو صالح
فهمت عليك
قصدك تقلي أنك بطلت التدخين
ولا قصدقك تقلي أنو أخوك عبيلعب حديد
ولا قصدك تقلي أنه في عندك شمع
أكيد مو هيك قصدك
بس ليش هيك عبيصير معك
الحمد لله الكهربا عندنا ما بتنقطع
كان صار فيِّ متلك
الله يستر
سلملي على أحلى أبو حفص
وقلّو(Gulf United) ما بتكمل من غيرك
سلام

الحمد لله رب العالمين ....
الحمد لله على كل نعمة من نعمه أنعم بها علينا فأكرمنا بها ...
البصر و السمع و اللمس و الشم و الذوق و العقل ...
الحمد لله ....

الحمد لم ولن يكون بالكلام فقط
من لم يطابق قوله عمله فحذار من أن يكون من المنافقين

الحمد لله رب العالمين
يا رب لا تحرمنا نعمك

الحمد لله على كل نعمه ...التي لا تعد ولا تحصى..


الحقيقة عني متعودة على انقطاع الكهرباء الدائم...كم ساعة باليوم تكفي...

او هذا حال الكهرباء بالعراق..

الله يديمك يا كهرباء...

أولا الحمد لله رب العالمين على كل نعمة نشعر بها أو لا نشعر!!
ثانيا بدي اذكر حادثة صغيرة صارت معي مبارح كمان بتدل على أنه العمى بكون بالقلب مو بالعين دائما:
مبارح و أنا طالع من البيت طلبت سيارة التكسي و حملت حالي و فتحت الباب....و قفت ثواني عم اتفقد أغراضي الاساسية....المفاتيح....جزدان الهوية و المصاري...الجوال....الساعة!!! ما لقيتها على ايدي...العمى وين راحت؟؟؟
ركضت على طاولة الكمبيوتر محل ما بشلحها على طول جنب التلفون بالضبط مافي شي!!!! طيب طاولة التلفزيون...المراي...الحمام.. .. بلشت السيارة تزمر برة و أنا متل الملطوش عم ابحت....رجعت لطاولة الكمبيوتر...دققت ...فركت عيني...أنا متأكد إني تركتها هون بس مافي شي.....قلت خلص بلاها...و أنا طالع بالباب نظرة أخيرة على طاولة الكمبيوتر و اذ الساعة متربعة محلها بالضبط!!!!
الله وكيلكن طلعت من الغرفة و أنا عم اذكر الأية (فانها لا تعمى الأبصار و لكن تعمى القلوب اللتي في الصدور)

يا سيدنا بتصير معي كتيييييير

و دايما بيطلع الغرض محل ما أنا حاطّه لكن فعلا (فانها لا تعمى الأبصار و لكن تعمى القلوب اللتي في الصدور)

صدق الله العلي القدير