سأعرض هنا لقضية شاب واحد(وإن شاء الله ما يكونوا أكتر!!) من كلية الطب
القصة كما يلي فابحثوا له معي عن الحبل(يعني اشتغلوا متل الإطفائية) :
>>>>"طالب طب في السنة الأولى (تخيلوا "سنة أولى"؟؟!!) جاي عالدوام ......(قصة طويلة)
ويوم من الأيام شاف طالبة طب (كمان سنة أولى).
الشب أعجب بها البنت ، بس قال لحاله : "بكير خيّو لسّاتك سنة أولى"،
مرت الأيام والزلمة عبيحاول ينسى.
وعدت السنة الأولى والحمد لله.
في السنة التانية الزلمة طقت الشغلة براسه وقرر يضع حد لهي الأفكار.
قرر في نفسه أنو يطبق ما يلي : " بتحط عينك على هالبنت ، بتبحبش عن جميع العيوب اللي فيها ، وأكيد أنك رح تلاقي من هاي العيوب شي يخليك تنسى وتبطل أفكارك الغبية"
وبدأ المشوار ، يوم ورا يوم ، ...،شهر ورا شهر...وهيك كان كل ما يلاقي شغلة ما عجبته يقرر الانسحاب والنسيان.
المشكلة أنه كان بعد كل انسحاب يرجع بقوة أكبر وقد اعتبر أنه البنت بصراحة ما بتستاهل يظلمها وأنه كل شي ممكن يتعدل (لا تنسوا دور العاطفة).
وهيك عدت السنة التانية وصرنا بالتالتة.
هون الزلمة "قفعت معو" وقرر أنو ينسى تمامًا وقال لحالو :"أي خيّو أنت رجل والرجل لازم هوِّ اللي يسيطر على عواطفه مو العواطف هي اللي تسيطر عليه" وهيك قرر الانسحاب.
(((((((طولو بالكن علينا لسه القصة ما خلصت!!!!!!!!!!!!!))))))))
الشب المسكين ما حسن يقاوم أكتر من الفصل الأول ، وهوِّ قرب 14 شباط والزلمة ساح (تعبير عن المبالغة في الذوبان)، وقال لحاله " خلص، انتهينا، لازم اتحرك ،ضروري احكي معا "، وهيك بلشنا في قضية جديدة: وعدت الأيام والأسابيع والأشهر وهوِّ عبيتهمهم مشان يحكي معها.
وصرنا بالسنة الرابعة والأخ من جديد قرر النسيان وقال لحاله:"خلص خيّو كل واحد في هالدنيا الو (يعني "له") نصيب ، هالبنت مش(بالمصري) من نصيبي ، لو كانت من نصيبي كان الله وفقني وحكيت معها" ، وكالعادة الأخ ما طول أكتر من شهرين ، ورجع قرر ينهي الموضوع بطريقة أخرى.<<<<
العبرة من هالقصة مو الحبكة الفنية ولا غيره ، القضية اللي رح نحكي عنها هون رح تكون موجهة للجنسين(وأرجو من كل طرف أن يلتزم بالشي اللي بيخصه):
الشباب : لو كنت مكان هادا الشخص وصرت بالسنة الرابعة ، ما رح تفكر بشكل جدي أكبر؟
بمعنى آخر : ألا ترى أن طالب السنة الرابعة قادر على الحديث في موضوع الخطبة والزواج أكتر من غيره ؟ وبشكل عام : ما هي الحلول المقترحة لمثل هذه الحالة؟؟
الصبايا السؤال حساس وهام جدًا) لو افترضتي نفسك مكان هاي البنت (بطلة القصة) شو رح تكون ردة فعلك تجاه هالشخص ؟وكتيييييييير مهم رأيك في الخطبة قبل التخرج لو افترضنا انك لقيتي الشخص اللي ممكن يناسبك ؟ وبغض النظر عن "الفعل" و"ردة الفعل" : شو رأيك بهيك شخص ؟ هل يستحق الشفقة ؟أو يستحق التعاطف؟أو يستحق الاحترام والتفكير به بشكل جدي؟...شو رأيك عمومًا؟
انتبهوا يا طلاب السنوات الألى والتانية والتالتة ، لأنه الدور جاييكن .
وأرجو من طلاب الرابع بالذات والخامس والسادس كمان أن يتحفونا بآرائهم في هالموضوع .
وبأكدلكن تمامًا أن القصة حقيقية ، ولولا حساسية الموضوع كنت قلتلكن مين صاحبها.
لذلك أرجو من الجميع التعامل مع الموضوع بشكل جدي تمامًا والابتعاد تمامًا ما أمكن عن التفرعات والتشعبات الجانبية لهذا الموضوع لأنها لا تنتهي......
(بصراحة يا شباب ويا صبايا: اللي لسّا ما حبّ ولا تحبّ ، أرجوه أن لا يشارك في هذا الحوار ، لأنه مستحيل يحسن يقدر شو يعني الانجذاب والعواطف والاستعداد للتضحية بالغوالي والنفائس لأجل عيون شريك أو شريكة حياته المستقبلية)

المشاركة الأصلية بواسطة مريام

من كلامك يبدو ان بطلة القصة اصلا لا تعرف بمشاعر صديقك

وبطل القصة لا يملك الشجاعة لمصارحتها...

..وبما انه اصلا يملك مشاعر تجاهها

فعليه ان يقرر ..الدنيا قصيرة واربع سنين من عمره تكفي لكي يحدد موقفا..وهذا هو السبيل الوحيد ليخرج من دوامته ..

التي بصراحة اراها مصطنعة...


اما عن رأي الفتاة فلا اعتقد ان هنالك من يرفض في الحياة حبا صادقا...

تماما

كلام مريام صحيح 70%


لأنو بعد أربع سنين تانية بكون هر شعره و بطلت توافق عليه

(على فرض كانت موافقة هلأ )

عفوا

نسيت أرحب فيك

بس الحق عليك انت ما خليت مجال مشان الترحيب
و طرحت ها لموضوع

أهلا و سهلا دينغو

أنا رأيي انو الشب لازم يصارحها ...حرام يضل هيك معلق ومو عرفان وين الله حاطه..
لازم يصارحها ...واذا شاف انها ما رفضت رفض قطعي لازم يرجع يحاول...
بس اذا حس او مافي أمل وانو البنت رافضته تماما لازم يقتنع باللي صار ويحاول ينساها...
لأنو مو معقول يضل متعلق فيها بعد ما تفهمه بوضوح انو ما في نصيب....

على كل كل موقف او حالة الها شروط خاصة وظروف معينة وما ممكن نعمم او نتوقع الفشل
او النجاح لأي علاقة....بس المحاولة ضرورية...أنا هيك بشوف....

أولا دعني أرحب بك عزيزي ( دينغو ) في موقع بشري حلب وأهنيك على هالدخلة القوية .....
ثانيا .... وللدخول في الجد فورا سأبدي وجهة نظري مع القليل من النقد والذي أتمنى أن تتلقاه بكل صدر رحب فضلا عن ردك عما أذكره من أسئلة .....
تحدثت عن حب من السنة الأولى ..... معقول أنو حب يبقى مجمدا أربع سنوات دون أي تحريك منك ( لأنك الشب ) ولو بالحديث مرة واحدة مع تلك البنت وبالتالي واتخاذ قرار بوجود حب أو عدمه من ناحيتها !!!!!
ما وجدته في البنت من عيوب تبحث عنها ألم تجعلك تتراجع عن حبك لها ؟؟؟
هل تعتقد أن حبا رسمت أنت أبطاله من السنة الأولى الجامعية هو حب عقلاني أي حب قد يتماشى معك ومعها ؟؟ يعني قرار طالب سنة أولى عمره لا يتجاوز 18 سنة يرسم مستقيل زواج لا يتورط فيه أنت فقط بل أنت وهي للأسف !!
هل ترى أن طالب سنة رابعة قادر على تحمل أعباء الزواج وما يلحقه من أسرة وعائلة وأطفال و... و.... في هذه الظروف المعيشية وخاصة أنك طالب وطالب شو ؟؟ طالب طب .... يعني لسى مشوارك طويل كتييييييييييير حتى تقص العملة (( إذا أصيتها !!! )) :
على فكره ... ألم تسمع بالحب أحادي الجانب ؟؟ شائع هالأيام ....وأظنك واحد من أصحاب هالحب ؟؟ يعني وبالمشرمحي أش عرفك أنو البنت بتحبك أو حتى عبتفكر فيك واحد بالألف ؟؟؟؟
يعني من قلة قصص عمنسمعها عن كتييييييييييير من مشاريع حب فاشلة لطلاب وطالبات في كليتنا وبرات كليتنا ؟؟؟؟

مابدي أطول عليك وباختصار شديد :
عيد النظر في موضوعك

ومابدي حتى يحسب إني ضد الحب .... بالعكس .. نحن بدون الحب ولا شيء بس كل شي في أوانه طيب

ربما أكون على خطأ وأن تقدمك للبنت هو صواب ....لكن كان لابد من طرح التساؤلات السابقة كي لا يتورط أحد في مشروع حب مريب وأن يعيد النظر في الإستراتيجية التي يتبعها في الحياة لأنو الشغلة مش لعبة

أرجو لمن خالفني الرأي في أحد الأفكار السابقة أن ينوه لها ويكتب ما يجده صوابا حسب وجهة نظره

المشاركة الأصلية بواسطة shadi heraki

أولا دعني أرحب بك عزيزي ( دينغو ) في موقع بشري حلب وأهنيك على هالدخلة القوية .....
ثانيا .... وللدخول في الجد فورا سأبدي وجهة نظري مع القليل من النقد والذي أتمنى أن تتلقاه بكل صدر رحب فضلا عن ردك عما أذكره من أسئلة .....
تحدثت عن حب من السنة الأولى ..... معقول أنو حب يبقى مجمدا أربع سنوات دون أي تحريك منك ( لأنك الشب ) ولو بالحديث مرة واحدة مع تلك البنت وبالتالي واتخاذ قرار بوجود حب أو عدمه من ناحيتها !!!!!
ما وجدته في البنت من عيوب تبحث عنها ألم تجعلك تتراجع عن حبك لها ؟؟؟
هل تعتقد أن حبا رسمت أنت أبطاله من السنة الأولى الجامعية هو حب عقلاني أي حب قد يتماشى معك ومعها ؟؟ يعني قرار طالب سنة أولى عمره لا يتجاوز 18 سنة يرسم مستقيل زواج لا يتورط فيه أنت فقط بل أنت وهي للأسف !!
هل ترى أن طالب سنة رابعة قادر على تحمل أعباء الزواج وما يلحقه من أسرة وعائلة وأطفال و... و.... في هذه الظروف المعيشية وخاصة أنك طالب وطالب شو ؟؟ طالب طب .... يعني لسى مشوارك طويل كتييييييييييير حتى تقص العملة (( إذا أصيتها !!! )) :
على فكره ... ألم تسمع بالحب أحادي الجانب ؟؟ شائع هالأيام ....وأظنك واحد من أصحاب هالحب ؟؟ يعني وبالمشرمحي أش عرفك أنو البنت بتحبك أو حتى عبتفكر فيك واحد بالألف ؟؟؟؟
يعني من قلة قصص عمنسمعها عن كتييييييييييير من مشاريع حب فاشلة لطلاب وطالبات في كليتنا وبرات كليتنا ؟؟؟؟

مابدي أطول عليك وباختصار شديد :
عيد النظر في موضوعك

ومابدي حتى يحسب إني ضد الحب .... بالعكس .. نحن بدون الحب ولا شيء بس كل شي في أوانه طيب

ربما أكون على خطأ وأن تقدمك للبنت هو صواب ....لكن كان لابد من طرح التساؤلات السابقة كي لا يتورط أحد في مشروع حب مريب وأن يعيد النظر في الإستراتيجية التي يتبعها في الحياة لأنو الشغلة مش لعبة

أرجو لمن خالفني الرأي في أحد الأفكار السابقة أن ينوه لها ويكتب ما يجده صوابا حسب وجهة نظره

نظرًا لصعوبة الأ سئلة المطروحة وحساسيتها فقد تم استدعاء الشخص المعني بالأمر ، ومنك إلو دبروا حالكن ..
مسيو شادي : يبدو أنك لا تفقه من الحب إلا كما يعرف الممرض عن مهنة الطب .
وسأثبت لك بالأدلة من حديثك :
أولا :
>>حب يبقى مجمدا<<<
يا أخي ما بعرف من وين جبت هالكلام.
لو ما كنت بتعرف كل التفاصيل مو معقول تألف على كيفك وتفترض أنه في جمود!!
الظاهر أنه عقلك هو اللي عبيعاني من الجمود (عزرني بس هاي هي الحقيقة).
أنا ما كنت بتمنى نهائيًا ينفتح هدا الموضوع للنقاش العام أو حتى يعرف أي حدا عنه ، والظاهر أني سأضطرآسفًا لكشف أشياء ما كنت بحب أحكي عنها .
ليش أنا شو اللي خلاني بعد كل مرة بنساها فيها تمامًا أرجع أنكس ؟؟
لو ما كنت من فترة وأخرى بشوف علامات قد تدل على بعض الإعجاب أو الاهتمام ما كنت إطلاقًا استمريت للآن ......وبعدين كل الدراما اللي في القصة ما عبت عينك ، يا أخي أرجوك شغل مخك شوي.
ثانيًا :
>>> اتخاذ قرار بوجود حب أو عدمه من ناحيتها !!!!!<<<
يا ابن الحلال من جديد أثبتللي قصور تفكيرك....
يعني كلامك هادا معناته أنه الطبيب ممكن يعرف التشخيص من مجرد التأمل وبدون ما يسمع القصة حتى ......وفهمكم كفاية.
ثالثًا :
>>> ألم تجعلك تتراجع عن حبك لها ؟؟؟<<<
واحد من اتنين :
إما حضرتك ما قرأت المشاركة الأصلية أو أنك حابب تتفلسف وبس...
وكمان هادا دليل قاطع أنه حضرتك ما بتعرف نهائيًا شو معنى الحب...
رابعًا :
>> حب عقلاني<<
فعلا فعلا حضرتك ما بتعرف شي عن الحب .
ليش في شي اسمه حب عقلاني ؟؟؟؟؟
عيب عليك تحكي متل هالكلام .
والله ما عبتصور أنه لسا في طلاب بهالعمر بيحكوا هيك.
خامسًا :
>>>قرار طالب سنة أولى<<<
أي قرار وأي بطيخ ، يا بني آدم مين قللك أنه الحب بيصدر بقرار بشري؟؟؟(أكيد ما قصدي شنكول)
سادسًا :
>>>حب قد يتماشى معك ومعها<<<
يا مسكين ، ليش الحب بيتماشى ولا بيمشي ، الحب شي أسمى بكتييييير مما قد تعبر عنه الكلمات.
سابعًا :
>>>أعباء الزواج وما يلحقه<<<
ولك بدي أفهم مين جاب سيرة الزواج ...
احنا عم نحكي عن الخطبة قبل التخرج مو الزواج يا محترم.
وعلى كل حال : الأمور المادية مستحييييل تكون هداك العائق الكبيييير أمام حب متبادل حقيقي من الطرفين. ، وخصوصًا لما تكون أمور الشب منيحة والحمد لله.
ثامنًا :
>>>على فكره ... ألم تسمع بالحب أحادي الجانب ؟؟ شائع هالأيام ....وأظنك واحد من أصحاب هالحب ؟؟ يعني وبالمشرمحي أش عرفك أنو البنت بتحبك أو حتى عبتفكر فيك واحد بالألف ؟؟؟؟ <<<
والله حيرتني معك ، بتعرف أنه أخي اللي بصف رابع ابتدائي بيحسن يرد عليك.
بدي أعرف منيييييييييييييييييييين جبت معلومات عن مشاعر الطرف الآخر؟؟؟
ولك لو بعرف شو هيي مشاعرها تجاهي كنت قعدت هون وعلكت معك؟.؟؟
كنت ما ترددت لحطة في الحكي معها ؟؟
استوعب PLEEEEEEEEEEEEAAASe
أخيرًا :
>>>عيد النظر في موضوعك<<<
فعلا حل منطقي ورائع ؟؟؟
لا يكونك صدقت حالك ، أنا لو كنت قدران أنساها ما كنت وجعت راسي واجيت لهون.


((الله رحمك يا شادي لأنه الحكي اللي مكتوب في الأعلى هو الكلام المعدل عن ردي عليك في المرة الأولى ، بصراحة كنت شاويك شوي بالحكي بس نتيجة خطأ تقني طار عزاب نص ساعة))
وسلام

المشاركة الأصلية بواسطة مريام

من كلامك يبدو ان بطلة القصة اصلا لا تعرف بمشاعر صديقك.

لأ ما بتصور هالشي ، يعني واحد من أربع سنين ما رح ينكشف ، ما أظن .

المشاركة الأصلية بواسطة مريام

وبطل القصة لا يملك الشجاعة لمصارحتها...

الموضوع مو جبن أو خجل الموضوع أكبر من هيك بكتيييير

المشاركة الأصلية بواسطة مريام

اما عن رأي الفتاة فلا اعتقد ان هنالك من يرفض في الحياة حبا صادقا..

ياريت تكون آراء البنات كلهن هيك

المشاركة الأصلية بواسطة no one

طيب اربع سنين ومو متاكد اذا البنت شايفته ولا لأ؟؟؟؟؟؟؟؟؟ا

والله أنا متأكد أنه صاحبنا متأكد أنه البنت شايفته ، بس شو الفايدة؟؟

المشاركة الأصلية بواسطة no one

طيب بلكي بعد هالعمر حكا معها وطلعت البنت ما بيعجبها الشب شو بيعمل؟؟؟؟؟ الحقيقة هي مشكلة وما فينا نقوله احكي او ما تحكي .....لأنو ما مننسى انو لساته سنة ربعة ....قضية معقدة خلينا نفكر اولا

بصراحة صار قرأت مشاركتك شي عشر مرات مشان أفهم شو قصدك بس ما فهمت / أرجو التوضيح...

المشاركة الأصلية بواسطة TITAN

تحية للشباب والصبايا
أنا بقول أنو الحل سهل كتير
كيف؟؟؟؟؟؟
أنا بجاوبكونمادام الشب طاير عقله بالبنت
وصارلو 4 سنين عشقان
معناها أنو استوى الزلمة
وأكيد هذا الشي عمينعكس عليه
وخاصة في التحصيل العلمي
(سألوا مجرب)
الحل ياجماعة هو التالي
يحمل حالو ويروح لعند هالبنت
ويصارحها
بدون تردد أو خجل
لأنو صرنا صف رابع وصرنا قادرين
نكون مسؤولين عن قراراتنا
ولا يخاف أنو ترفضو البنت
لأنو أنا متأكد حتى لو
رفضت الفكرة ما رح تجرحو
أكيد رح تحترمو لصراحتو
وشجاعتو ولا لأ يا صبايا؟؟؟
وشكراً للجميع

ممتاز
كلام رائع ومنطقي تمامًا ، وواقعي جدًا جدًا جدًا جدًا.
بتمنى من الصبايا يجاوبوا على السؤال التالي:

المشاركة الأصلية بواسطة TITAN

ولا يخاف أنو ترفضو البنت
لأنو أنا متأكد حتى لو
رفضت الفكرة ما رح تجرحو
أكيد رح تحترمو لصراحتو
وشجاعتو ولا لأ يا صبايا؟؟؟

يمكن لأني انا نفسي ما بعرف الحل ...يعني قصدي انو مو انا بقدر اقله يحكي او لأ ....يعني هو ادرى بظروفه ...هو لسه سنة رابعة وهي نقطة سلبية الا اذا هو شايف حاله انو مستعد يرتبط ويتحمل هالمسؤلية

المشاركة الأصلية بواسطة Ro Ro

ببساطة أنا مع رأي أنه يصارحها و يخلص.....الموضوع ما بده كل هالخوف المفروض الشب و البنت بالسنة الرابعة يكونو على قدر من المسؤولية و الوعي تخلي هيك خطوة ممكنة
يمكن كلنا لما بيصل الأمر لأكتر شخص منحبه منتردد و منخاف تكون محاولتنا هيي الأولى و الأخيرة و لهيك منستنى و نعيش على أمل انها ما تكون الأخيرة بدال ما نحاول.....يعني من باب على الأقل ما نخسره....بس لو فكرنا رح نلاقي حالنا خسرانينه بكل الأحوال و لو ضلينا هيك يمكن يحب أو ينخطب و يتجوز و نحنا لسا عم نقدم رجل و نأخر رجل
بعدين لما بيتحرك أخيرا و بيحصل على جواب رح ينهي هالمشكلة...إما يتحقق اللي بباله و ينبسط أو يزعل يومين كلاتة...لك خليهن سنة بس بيرتاح بعدين و هو هيك هيك رح يزعل هالزعلة!!

كلامك أحلى من العسل ، بس أظن أنه قصة مزمنة متل هاي ما رح تنحل بهالبساطة..
لا تنسى أبدًا دور العواطف وكيف الإنسان ممكن يتغير رأيه من يوم لآخر.

المشاركة الأصلية بواسطة Ro Ro

ببساطة أنا مع رأي أنه يصارحها و يخلص.....

هيك مفكر الشغلة ، لا تنسى أنه ممكن ياكل كم بيسوا عمره ، ولا شو رأيك؟؟