(حب ...... من وراء الأسوار )حكاية طالب طب
يدور هذا النقاش حول (حب ...... من وراء الأسوار )حكاية طالب طب في قسم اجتماعيات في الملتقى الطبي السوري; سأعرض هنا لقضية شاب واحد(وإن شاء الله ما يكونوا أكتر!!) من كلية الطب القصة كما يلي فابحثوا له معي عن الحبل(يعني اشتغلوا متل الإطفائية) : >>>>"طالب طب في السنة الأولى
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
Mar, 08 2006, 10:34
| |||
| |||
| (حب ...... من وراء الأسوار )حكاية طالب طب سأعرض هنا لقضية شاب واحد(وإن شاء الله ما يكونوا أكتر!!) من كلية الطب القصة كما يلي فابحثوا له معي عن الحبل(يعني اشتغلوا متل الإطفائية) : >>>>"طالب طب في السنة الأولى (تخيلوا "سنة أولى"؟؟!!) جاي عالدوام ......(قصة طويلة) ويوم من الأيام شاف طالبة طب (كمان سنة أولى). الشب أعجب بها البنت ، بس قال لحاله : "بكير خيّو لسّاتك سنة أولى"، مرت الأيام والزلمة عبيحاول ينسى. وعدت السنة الأولى والحمد لله. في السنة التانية الزلمة طقت الشغلة براسه وقرر يضع حد لهي الأفكار. قرر في نفسه أنو يطبق ما يلي : " بتحط عينك على هالبنت ، بتبحبش عن جميع العيوب اللي فيها ، وأكيد أنك رح تلاقي من هاي العيوب شي يخليك تنسى وتبطل أفكارك الغبية" وبدأ المشوار ، يوم ورا يوم ، ...،شهر ورا شهر...وهيك كان كل ما يلاقي شغلة ما عجبته يقرر الانسحاب والنسيان. المشكلة أنه كان بعد كل انسحاب يرجع بقوة أكبر وقد اعتبر أنه البنت بصراحة ما بتستاهل يظلمها وأنه كل شي ممكن يتعدل (لا تنسوا دور العاطفة). وهيك عدت السنة التانية وصرنا بالتالتة. هون الزلمة "قفعت معو" وقرر أنو ينسى تمامًا وقال لحالو :"أي خيّو أنت رجل والرجل لازم هوِّ اللي يسيطر على عواطفه مو العواطف هي اللي تسيطر عليه" وهيك قرر الانسحاب. (((((((طولو بالكن علينا لسه القصة ما خلصت!!!!!!!!!!!!!)))))))) الشب المسكين ما حسن يقاوم أكتر من الفصل الأول ، وهوِّ قرب 14 شباط والزلمة ساح (تعبير عن المبالغة في الذوبان)، وقال لحاله " خلص، انتهينا، لازم اتحرك ،ضروري احكي معا "، وهيك بلشنا في قضية جديدة: وعدت الأيام والأسابيع والأشهر وهوِّ عبيتهمهم مشان يحكي معها. وصرنا بالسنة الرابعة والأخ من جديد قرر النسيان وقال لحاله:"خلص خيّو كل واحد في هالدنيا الو (يعني "له") نصيب ، هالبنت مش(بالمصري) من نصيبي ، لو كانت من نصيبي كان الله وفقني وحكيت معها" ، وكالعادة الأخ ما طول أكتر من شهرين ، ورجع قرر ينهي الموضوع بطريقة أخرى.<<<< العبرة من هالقصة مو الحبكة الفنية ولا غيره ، القضية اللي رح نحكي عنها هون رح تكون موجهة للجنسين(وأرجو من كل طرف أن يلتزم بالشي اللي بيخصه): الشباب : لو كنت مكان هادا الشخص وصرت بالسنة الرابعة ، ما رح تفكر بشكل جدي أكبر؟ بمعنى آخر : ألا ترى أن طالب السنة الرابعة قادر على الحديث في موضوع الخطبة والزواج أكتر من غيره ؟ وبشكل عام : ما هي الحلول المقترحة لمثل هذه الحالة؟؟ الصبايا  السؤال حساس وهام جدًا) لو افترضتي نفسك مكان هاي البنت (بطلة القصة) شو رح تكون ردة فعلك تجاه هالشخص ؟وكتيييييييير مهم رأيك في الخطبة قبل التخرج لو افترضنا انك لقيتي الشخص اللي ممكن يناسبك ؟ وبغض النظر عن "الفعل" و"ردة الفعل" : شو رأيك بهيك شخص ؟ هل يستحق الشفقة ؟أو يستحق التعاطف؟أو يستحق الاحترام والتفكير به بشكل جدي؟...شو رأيك عمومًا؟انتبهوا يا طلاب السنوات الألى والتانية والتالتة ، لأنه الدور جاييكن . وأرجو من طلاب الرابع بالذات والخامس والسادس كمان أن يتحفونا بآرائهم في هالموضوع . وبأكدلكن تمامًا أن القصة حقيقية ، ولولا حساسية الموضوع كنت قلتلكن مين صاحبها. لذلك أرجو من الجميع التعامل مع الموضوع بشكل جدي تمامًا والابتعاد تمامًا ما أمكن عن التفرعات والتشعبات الجانبية لهذا الموضوع لأنها لا تنتهي...... (بصراحة يا شباب ويا صبايا: اللي لسّا ما حبّ ولا تحبّ ، أرجوه أن لا يشارك في هذا الحوار ، لأنه مستحيل يحسن يقدر شو يعني الانجذاب والعواطف والاستعداد للتضحية بالغوالي والنفائس لأجل عيون شريك أو شريكة حياته المستقبلية)  |
|
#21
Mar, 09 2006, 20:28
| |||
| |||
| المشاركة الأصلية بواسطة M.S.T ممكن توضحلي وين 30% الناقصة؟؟؟
|
|
#22
Mar, 09 2006, 20:29
| |||
| |||
| المشاركة الأصلية بواسطة M.S.T أهلا وسهلا فيك .
وبالنسبة لتعليقك عالموضوع فأنا ما فهمت وجهت نظرك تمامًا... |
|
#23
Mar, 09 2006, 21:39
| |||
| |||
| رأيي باختصار .... كون الشاب بيعرف أنو البنت بتعرف بحبه لها فما عاد في أي مبرر أنو يبقى ساكت .... يعني هو عم ينتظر شو ؟ بعدا ما يحط بباله أنو البنت واثقة من إعجابه 100% لأنو ما في أكتر من الشباب اللي بتحب تتسلى ( و اعذرونا للصراحة ) ... يعني مو نادر تشوف بنت شب ما عم يشيل عينه عنها كذا سنة بالأخير يطلع عم يتأمل بديع خلق الله فيما صنع !! بعدها بفرض البنت متأكدة 100% أنو البطل حاببها عن جد و رايدها فشو متوقع منها مثلاً ؟ تطلع المبادرة منها و تقله يا عمي أنا بصراحة ببادلك المشاعر ؟ إذا الشب ما طلعت منه ، معقول يتوقع البنت تطلع منها ؟  بعدا ما دام أمره مكشوف و أربع سنين ما بتخبي حالا طيب شو المانع يروح و يأكدلها أنو نيته شريفة ؟ بفرض قبلت فيه كان بها .... رفضته عالأقل بيعرف وين الله حاطه ... عنده إمكانيات الخطبة لا يقصّر ... أساساً ثقته بنفسه لازم تكون أكبر من هيك بكتير .... بعدها مسألة طالب سنة رابعة يخطب لا الدين بيرفضا ( بالعكس بشجع عليها ) و لا العقل .... أدعى للاستقرار النفسي ... أما إذا ما عنده إمكانيات فهاد صار حكي تاني و بتوقع مفروض ما كان ينزل الموضوع من أساسه و يشيل الفكرة من أساسها من باله ! خايف من الخيبة لو حاكاها ؟ في طريقة حضارية أكتر بكتير و أبعد عن التجريح أو الشعور بالخجل للطرفين ... الله خلق شي اسمه واسطة ... أكيد هالشب و هالبنت إلهن معارف ، صحاب ، رفقة ... يتواسط عند وحدة من زميلاتها حتى يعرف رأيها المبدأي و بعدها يمشي على أساسه ... ليه مكبرين القصة كتير ما بعرف ؟ |
|
#24
Mar, 09 2006, 21:42
| |||
| |||
| بصراحة يا دينغو أنا كتير زعلان زعلان على صاحبنا يلي صار له عبيتعذب 4 سنين ... و ما بعرف ليش ... رغم إنك طلبت من طلاب التالتة يتفرجوا و مو مهم رأيهم ... بس بصراحة أنا مضطر أن أضع رأيي بالموضوع ... ما بعرف ليش حسيت إنه حرك داخلي شعور بالشفقة على صاحبنا .. حبيبي والله الأمر محلول تماما ... و أنا برأيي إنه إذا حاسب الأمور بشكل صحيح ( يعني حاطط العمر ... القدرة المادية ... وضعه الاجتماعي ... رأي أهله << و هذا هام جدا >> .. ... ) فلديه ( برأيي المتواضع ) أحد حلين لتنتهي أزمته و يقفز من فوق الأسوار .. الحل الأول : ( أفضله مشان إذا وقع من عالسور ما ينزل على خندق رقبته ) ببساطة يبعت أهله ليطلبوا البنت بشكل تقليدي ... و هداك الوقت بيعرف أجوبة عن تساؤلات أقضت مضجعه و بللت مخدة نومه على مدى أربع سنوات .. بهالطريقة بيترك خط الرجعة لأنه دخل من أسلم الطرق .. ( يعني رح أنشر هالشي لأول مرة .. أنا والدي طلب أمي من أهلها 3 مرات بدءا من السنة التانية و حتى التخرج ) و هكذا إذا حصل نصيب ستتحول دموعي الحزينة إلى دموع فرح و أهلل طربا لفرحك و سعادتك .. أما إن لم يكن .. فلن تكون قد خسرت شيئا .. بل كسبت احترام الفتاة .. و هذا جوهر الحل الأول . الحل الثاني : ( لا أحبذه لأنه محرج .. عواقبه غير مضمونة ... يفسر عادة على أنه طيش ) يكمن الحل بانك تروح لعند البنت و تعرفها عن نفسك .. و تتعرف عليها .. و إذا كانت هي ما بتحكي مع شباب أبدا فهالفرصة لن تتكرر مرتين مشان ما تفتكرك عبتتسلى .. و هنا من المرة الأولى بتطرح عواطفك و مشروعك المستقبلي على مسامعها ... و تتبع ذلك مباشرة بمهلة للتفكير نصيحتي : لا تسمح لها أبدا بأي رد فعل تجاه الحدث لأنها ستكون تحت تأثير صدمة ... فقط لأنك تجرأت و تحدثت عن ذلك .. لذلك انسحب و عد بعد أسبوع من الزمن .. و اسمع منها ردها ... و كمان بيعجبك أو لا .. وهنا إن لم يعجبك الرد فستكون غير قادر على العودة مرة أخرى بأي حل و هذا جوهرر آخر للحل الأول الذي يسمح بإعادة المحاولة .. الهام هو أنا لا تسمح لها برد فوري لأنها حتى و إن كانت تكن لك المشاعر ستكون سلبية تجاهك .. لأنها تحت صدمة .. و مو معقول بعد 5 دقايق من تعرفها عليك تصارحك بشئ أو حتى تلمح لك بإعجاب متبادل ... لذلك بدها أسبوع لتمتص الصدمة وتفكر بشكل تام و تقلب الأمور بعقلها و تطلع بالجواب المناسب الذي يتناسب مع تفكيرها . |
|
#25
Mar, 09 2006, 22:52
| |||
| |||
| بعد كل النقاش والذي سمعته ..لا اعلم هذا الشاب يضع نفسه موضع الالم ويعيش العذاب..ألم يُفكر يوما ان تلك الفتاة تحبه مثلا..ألا يتوقع ان تكون تتعذب اكثر منه ..أن تكون تعلقت به بعد كل تلك الفترة من المراقبة والنظرات..الم يضع هذا في الحسبان..والمشكلة ان كان هو قادرا على الكلام فهي يستحيل ان تستطيعه.. نصيحة يا اخي..تكلم انهي ذلك الغموض ..بعض السكون قاتل..والانتظار ابشع إنهُ سفاح.. تكلم لانك ان لم تفعل ومرت الايام ستندم يوما لانك لم تفعل..الانسان يعيش حياته مرة واحدة لا تنسى ذلك.. وانا واثقة ان الله سيكون معك..طالما تحمل الصدق..في مبتغاك.. اتمنى لك كل الخير.. |
|
#26
Mar, 09 2006, 23:06
| |||
| |||
| والله يا صاحبي أنا بنصحك تعد للـ 100 قبل ما تحكي معها.. بنصحك تحب بعقلك وما تحب بقلبك.. أو على الأقل بالأول حب بعقلك بعدين افتح المجال لقلبك... إذا كنت قد هالمسؤولية لا تتردد أبداً لأني برأيي ما رح تلاقي هالبنت بعمرا حدا يحبها أكتر منك (أربع سنين يا ظالم!!!) شلون عايش إنت .. كم شيبة صار في بشعرك.. لحق حاك قبل ما تكسد يا زلمة.. موفق إن شالله وإذا صار معك شي حلو .. خبرنا وسمعنا أخبراك الطيبة .. بس متل ما قلتلك حسبها منيح.. سلاماتي  |
|
#27
Mar, 09 2006, 23:16
| |||
| |||
| يا أخي والله زعلت عليك ... لأنك ما عرفت تتصرف ... أولاً يبدو إنك تعاني من حاجز نفسي يمنعك من الحديث معها ... ممكن يكون عندها زملاء وممكن تكون انت زميلها لو ما كنت حاطط الحاجز النفسي بينك وبينها ... شوف يا سيدي ... أنا بنصحك ومن أقرب الطرق وأسهلها ... إما حل عابد الأول .. وهو كتير منيح إذا كنت قد حالك ... أو حل أفضل من حل عابد التاني وحل كل شخص قال روح وأحكِ معها. ابعت وحدة من زميلاتك المضمونات واللي بتثق فيهن وهنّن قد المسؤولية ... يشوفوا البنت ... ويحكوا معها ... وانتهينا ... إذا بدك أنا بحكيلك معها ... (رغم أني لست بخطّابة) أو وحدة من زميلاتنا الموثوقات بيحكوا معها ... والحق يُقال ... حل عابد الأول أفضل وأروع أنا بعرف واحد من زملائي ... حكى مع وحدة رفضته ... بعت أهله قبلته ...  يعني دخول البيوت من أبوابها أفضل الطرق ... إذا كنت قادر مادياً فلا توقف ... انطلق فوراً ... إذا كنت غير قادر ماديّاً .. فنصيحة أخ إلك: "لا تورّط نفسك وتضع أملك في سراب" إلا إذا كانت الفتاة مستعدة للصبر والمجاهدة معك ... |
|
#28
Mar, 09 2006, 23:20
| |||
| |||
| أنا بدي أقول لك يا عمري شغلة .. لا تتأخر بقرارك أبدا ... يعني بيكفي 4 سنين ... و زيادة .. بكره بتلاقي ألف واحد بده ياخد هالمنزلة و انت قاعد .. و لا تستغرب انك تشوف أعز رفقاتك أول الناس يلي متعلقين بهالبنت ... يعني بيجوز دينغو بحاله يجيك شي نهار و يقول لك أنا بحب فلانة و ما عمبقدر أنسى التفكير بها .. و هداك الوقت إذا حاولت ( فقط حاولت ) أن تبدي أبسط أنواع الإنزعاج و الدهشة رح يكون جوابه على راس لسانه .. شفناك 4 سنين و ما عبيطلع بإيدك شي ... يعني شفناك فوق و شفناك تحت ... بقى عن جد انتبه و لا تخاف ... بالتوفيق ... صار لازم بعد كل تشجيع الزملاء انك تملك الجرأة لتقرر ... خبرنا شو بيصير معك |
|
#29
Mar, 10 2006, 01:18
| |||
| |||
| المشاركة الأصلية بواسطة Dingo بالنسبة للكم فأكبر كم اكله هو الحاله اللي فيها حاليا من التردد و الحيرة و اللوعة......يعني لو شو ماصار بضل أحسن
بالنسبة لحل عابد ممكن يكون ناجح بس يا ترى لو طلعت البنت مو منتبه لهالشب و تفاجئت بأهله عم يدقو الباب بدون ما يكون صارحها ما في خوف يكون ببالها شب تاني .....يمكن حتى متفقين و لو مبدئيا....طبعا رح ترفض سواءا بعت أهله أول لأ....بس على الأقل بكون تجنب محاولة فاشلة خصوصا أنه على الأقل ليقنع أهله بدو نفخة قلب....يمكن الأفضل أنه يسألها عن رأيها بالخطبة مثلا....هل هيي مرتبطة بشكل أو بأخر؟؟؟ هل عندها استعداد للارتباط حاليا و لما بياخد الok بيبعت أهله على الحارك.....و اذا كان خايف يصارحها بنفسه أو يتلبك و يضيع الكلام و ما يعرف يعرض الفرصة.... فحل شنكول هو الأفضل بأنه يبعت رفيقة لإلها تجس النبض أو حتى تفتح الموضوع كله..... و عندك كمان متطوع اسمه شنكول  بركي بصير نصيب عن طريقهو السلام |
|
#30
Mar, 10 2006, 02:30
| |||
| |||
| وين صاحب العلاقة ؟؟؟ و الله يا رورو أنا أتوقع إنه حتى لو رفضته الفتاة و كانت عبتفكر بغيره فهذا يعتبر حل للمشكلة عن جد حاولوا تكونوا بمكان هالشخص و عايشين بصراع نفسي على مدى 4 سنوات من التقلب بين الحب و اللا حب .. و الله شي بيمقت و بيمرض ... و هدا هو نفخ القلب الحقيقي .. يعني لو أهلها صرفوه بإحسان بيعرف إنه ما في نصيب .. و على الأقل إنه عرف رأيها فيه ... و ممكن يخرج من حالته و يتابع حياته و لو بجرح ... و لكن سيندمل حتما في يوم من الأيام لأن دوام الحال من المحال ... يعني وقت بيبعت أهله ليخطبوها بيكون عمل يلي عليه بدون أي إزعاج لهالفتاة إن كانت تسمي اعترافه إزعاج ... بصراحة أنا بالنسبة لارسال بنت تحكي معها فعندي تحفظ على هالشي ... لأن متل ما بتعرفوا .. كل بنت لها بيت سر من زميلاتها .. فستمتلئ بيوت الأسرار بهذه القصة سريعا .. و بصراحة بعد 3 سنوات في هالكلية أنا اأصبحت على يقين تام بأن أغلب العلاقات فيها تنسف قبل أن تبصر النور بسبب الزملاء و الزميلات و الحكي يلي ما له طعمة ... بقى أنا الآن حابب أسمع صوت رفيقه لدينغو ليخبرنا عن رأيه و شو عبيفكر لأن بصراحة كتير حابب إننا كلنا ندعمه .. و ما بتعرفوا ممكن نرسل لها رسالة من المنتدى باسم الأعضاء عن الموضوع و نشوف رأيها  لا تستغربوا شي |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| قرار مهم جداً يهم كل طالب طب | syria star | قبل أن تدرس الطب أو الصيدلة | 22 | Oct, 13 2007 03:30 |
| حكاية | Fiso | اجتماعيات | 11 | Apr, 05 2005 01:05 |
كل الأوقات حسب GMT +2، والوقت الآن 01:58.
