(حب ...... من وراء الأسوار )حكاية طالب طب
يدور هذا النقاش حول (حب ...... من وراء الأسوار )حكاية طالب طب في قسم اجتماعيات في الملتقى الطبي السوري; سأعرض هنا لقضية شاب واحد(وإن شاء الله ما يكونوا أكتر!!) من كلية الطب
القصة كما يلي فابحثوا له معي عن الحبل(يعني اشتغلوا متل الإطفائية) :
>>>>"طالب طب في السنة الأولى
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
Mar, 08 2006, 10:34
| |||
| |||
| (حب ...... من وراء الأسوار )حكاية طالب طب سأعرض هنا لقضية شاب واحد(وإن شاء الله ما يكونوا أكتر!!) من كلية الطب القصة كما يلي فابحثوا له معي عن الحبل(يعني اشتغلوا متل الإطفائية) : >>>>"طالب طب في السنة الأولى (تخيلوا "سنة أولى"؟؟!!) جاي عالدوام ......(قصة طويلة) ويوم من الأيام شاف طالبة طب (كمان سنة أولى). الشب أعجب بها البنت ، بس قال لحاله : "بكير خيّو لسّاتك سنة أولى"، مرت الأيام والزلمة عبيحاول ينسى. وعدت السنة الأولى والحمد لله. في السنة التانية الزلمة طقت الشغلة براسه وقرر يضع حد لهي الأفكار. قرر في نفسه أنو يطبق ما يلي : " بتحط عينك على هالبنت ، بتبحبش عن جميع العيوب اللي فيها ، وأكيد أنك رح تلاقي من هاي العيوب شي يخليك تنسى وتبطل أفكارك الغبية" وبدأ المشوار ، يوم ورا يوم ، ...،شهر ورا شهر...وهيك كان كل ما يلاقي شغلة ما عجبته يقرر الانسحاب والنسيان. المشكلة أنه كان بعد كل انسحاب يرجع بقوة أكبر وقد اعتبر أنه البنت بصراحة ما بتستاهل يظلمها وأنه كل شي ممكن يتعدل (لا تنسوا دور العاطفة). وهيك عدت السنة التانية وصرنا بالتالتة. هون الزلمة "قفعت معو" وقرر أنو ينسى تمامًا وقال لحالو :"أي خيّو أنت رجل والرجل لازم هوِّ اللي يسيطر على عواطفه مو العواطف هي اللي تسيطر عليه" وهيك قرر الانسحاب. (((((((طولو بالكن علينا لسه القصة ما خلصت!!!!!!!!!!!!!)))))))) الشب المسكين ما حسن يقاوم أكتر من الفصل الأول ، وهوِّ قرب 14 شباط والزلمة ساح (تعبير عن المبالغة في الذوبان)، وقال لحاله " خلص، انتهينا، لازم اتحرك ،ضروري احكي معا "، وهيك بلشنا في قضية جديدة: وعدت الأيام والأسابيع والأشهر وهوِّ عبيتهمهم مشان يحكي معها. وصرنا بالسنة الرابعة والأخ من جديد قرر النسيان وقال لحاله:"خلص خيّو كل واحد في هالدنيا الو (يعني "له") نصيب ، هالبنت مش(بالمصري) من نصيبي ، لو كانت من نصيبي كان الله وفقني وحكيت معها" ، وكالعادة الأخ ما طول أكتر من شهرين ، ورجع قرر ينهي الموضوع بطريقة أخرى.<<<< العبرة من هالقصة مو الحبكة الفنية ولا غيره ، القضية اللي رح نحكي عنها هون رح تكون موجهة للجنسين(وأرجو من كل طرف أن يلتزم بالشي اللي بيخصه): الشباب : لو كنت مكان هادا الشخص وصرت بالسنة الرابعة ، ما رح تفكر بشكل جدي أكبر؟ بمعنى آخر : ألا ترى أن طالب السنة الرابعة قادر على الحديث في موضوع الخطبة والزواج أكتر من غيره ؟ وبشكل عام : ما هي الحلول المقترحة لمثل هذه الحالة؟؟ الصبايا  السؤال حساس وهام جدًا) لو افترضتي نفسك مكان هاي البنت (بطلة القصة) شو رح تكون ردة فعلك تجاه هالشخص ؟وكتيييييييير مهم رأيك في الخطبة قبل التخرج لو افترضنا انك لقيتي الشخص اللي ممكن يناسبك ؟ وبغض النظر عن "الفعل" و"ردة الفعل" : شو رأيك بهيك شخص ؟ هل يستحق الشفقة ؟أو يستحق التعاطف؟أو يستحق الاحترام والتفكير به بشكل جدي؟...شو رأيك عمومًا؟انتبهوا يا طلاب السنوات الألى والتانية والتالتة ، لأنه الدور جاييكن . وأرجو من طلاب الرابع بالذات والخامس والسادس كمان أن يتحفونا بآرائهم في هالموضوع . وبأكدلكن تمامًا أن القصة حقيقية ، ولولا حساسية الموضوع كنت قلتلكن مين صاحبها. لذلك أرجو من الجميع التعامل مع الموضوع بشكل جدي تمامًا والابتعاد تمامًا ما أمكن عن التفرعات والتشعبات الجانبية لهذا الموضوع لأنها لا تنتهي...... (بصراحة يا شباب ويا صبايا: اللي لسّا ما حبّ ولا تحبّ ، أرجوه أن لا يشارك في هذا الحوار ، لأنه مستحيل يحسن يقدر شو يعني الانجذاب والعواطف والاستعداد للتضحية بالغوالي والنفائس لأجل عيون شريك أو شريكة حياته المستقبلية)  |
|
#31
Mar, 10 2006, 02:55
| |||
| |||
| Bashari will not change , unfortunately will not change Regards Hazem |
|
#32
Mar, 10 2006, 23:40
| |||
| |||
| تساؤلات دكتورة Sunshine المشاركة الأصلية بواسطة sunshine هي النقطة أنا بأيدك فيها تمامًا
المشاركة الأصلية بواسطة sunshine أنا معك أنه المحاولة ضرورية ، بس ممكن توضحيلي شو قصدك بــ >> رفض قطعي <<؟؟؟
ما بعرف إذا كنت غلطان أو لأ إذا فسرت كلامك أنه البنات بيحبّو الدلال وبيحبّو يعرفو كمان إذا الشب مصر على موقفه منها ولاّ رح ينهار من أول الطريق ... كمان سمحيلي قلِّك أنك كرّيتي شريط القصة شوي لقدام وافترضتي أنه صاحبنا حكا معها وهي >>ما رفضت رفض قطعي<< ، وأنه لازم يرجع يحاول ... على فرض أنه افتراضك صحيح : كيف برأيك لازم يرجع يحاول؟؟؟ المشاركة الأصلية بواسطة sunshine عن أي إحساس عم تحكي ؟؟؟ متل ما بتعرفي في مليوون إحساس وإحساس...
سؤال تاني مهم : لما قلتي : المشاركة الأصلية بواسطة sunshine ، أنا معك تمامًا بالفكرة ، بس ليش كلمة >>يحاول<< أنا رأيي أنه ما لازم يحاول نهائيًا ، لازم ينساها وبس.
المشاركة الأصلية بواسطة sunshine هو من ناحية >>مو معقول<< فعلا مو معقول وما أظن إطلاقًا أنه الشخص اللي عم نحكي
عنه ((الله يوفقه)) رح يسمح لنفسه ولو بمجرد أنه يفكر فيها بعد ما تقلّو أنه ما في نصيب . |
|
#33
Mar, 10 2006, 23:52
| |||
| |||
| شكرًا للجميع شكرًا عابد عالعواطف الجياشة شكرًا لشنكول على تواسطك شكرًا لرورو ، حكيك منطقي فعلا شكرًا Dr.Nas على مشاركتك الرائعة جدًا شكرًا Sadekly ، حكيك كتيييير حلو شكرًا مريام شكرًا لجميع الآخرين الذين لم يتسنّى لي ذكرهم أقول للجميع (كما قالت Sunshine : المشاركة الأصلية بواسطة sunshine
|
|
#34
Mar, 10 2006, 23:55
| |||
| |||
| what do u mean?? المشاركة الأصلية بواسطة RWTH I anderstand nothing...
 |
|
#35
Mar, 11 2006, 00:07
| |||
| |||
| المشاركة الأصلية بواسطة Dingo بكل بساطة الحل هو التالي
يشوف أهلو ايمتى ممكن يروحوا يخطبوا و بعدين يروح يقلا: أنا هيك هيك ظروفي طبعا دون مقدمات ليش لأنك بالطب وافقت كان بها ما وافقت انا برأي تدور بغير محل طالب السنة الرابعة غير قادر لا على خطبة و لا على جازة يا البنت بدا تستنى يا أما ما يحكي قبل السنة السادسة اذا ضمنان انو البنت ما يجي نصيبها |
|
#36
Mar, 11 2006, 13:32
| |||
| |||
 أصغي إلى عقلك أولا !! تحياتي لك مرة أخرى عزيزي ( دينغو ) في منتدى بشري حلب .... : لقد كتبت في رأس مشاركتي السابقة أن الأسئلة التي طرحتها ماهي إلا وجهة نظر خاصة فيني لكن للأسف .... فوجئت بما لم أكن أتوقعه........  جاء درك السابق بهدف التجريح فيني ( وأنا لا أقبل ) ولم تجب بشكل منطقي عن جل الأسئلة التي أورتها في مشاركتي السابقة ....لماذا ؟؟ لا أعلم لكن ربما هو هروب من الواقع والغوص عميقا في المجهول والأحلام والتي لا ريب من صحوتك منها عاجلا أو آجلا ؟؟؟؟؟؟؟؟؟؟ هل تعلم أن كل من تبنوا موقف الجرأة ( إن سميناها جرأة ) وأيدوا المصارحة وذلك بالحديث مع البنت التي تعجبك يريدونك أن تقع في مطب أنت لا تعلمه !!!! أخي ... كرر وعيد النظر فيما تمتلكه من مقومات ..... أنت طالب سنة رابعة .... هل أنت قادر على الحديث في هالموضوع بهذا الأسلوب دونما إعادة تأمل واستفكار ؟؟؟  وعم المؤاخذة .... في ردك على sunshine طلبت معنى الرفض القطعي .... ما ضرورة ذلك ؟؟ أي بمجرد ابداء البنت رفض ولو 1 % بلاها يا سيدي وعلى قولة المثل ( إلي بريدك ريدو )  يعني ليش حتى ترميها واطيه ؟؟ أصلا البنات (( للأسف )) ما شافوا حالن وتكبروا علينا إلا لأنو نحن عمنركد وراهن وهنن (( يعني )) مساوين حالن مطنشين =====<< كيف عرفت أنو البنت بتبادلك المشاعر وأنت ما حكيت معها مره وحده ؟؟؟؟ لا تقلي من النظرات ؟؟!!!! لأنو النظرات بعمرا ماطعمت خبر ...... وأكيد هون مالك حجة أبدا .... ولاكيف؟؟ لماذا رددت على مشاركات من أيد موقف المصارحة مع البنت ..... أما من حاججك بالمنطق والعقل والبرهان والخبرة الاجتماعية تجاهلته ولم تزدي له شكرا ... هل هذا هو جزاء من يفتح عينك على حقيقة أنت تجهلها ؟؟ أم الاستمرار بحب حكمك به قلبك ولم تصغي لمشورة عقلك ؟؟؟ أنتظر منك الرد والذي أتمنى أن يكون موضوعيا وشفافا وأن تتجنب فيه الإساءة لشخصنا .. لتجعل من النقاش منبرا راقيا وألا تتقبل أراء معينة أمن بها قلبك وهواك مسبقا - قبل طرح المشاركة وطلبك للاستشارة من المشتركين - وتصم أذنيك وعقلك والمنطق الحقيقي لواقع أظنك (( إلى الآن )) لا زلت تجهلها .. أكرر التزام الموضوعية والخطاب اللائق في النقاش ..... |
|
#37
Mar, 11 2006, 16:21
| |||
| |||
| المشاركة الأصلية بواسطة dingo قصدي من كلامي انو الشب ممكن حاول مرة مع البنت وما اقتنعت او هو ما عرف
كيف يقدم ( عرض ) ملائم ... وبالمرة تانية اذا صارت عنده ظروف أحسن او عرف السبب اللي منع البنت من الموافقة أول مرة وحاول يتلافاه ...ممكن يرجع يحاول لحتى يحس او يبلش يقتنع او حدا يحسسه انو خلاااااااص ما في أمل ..والبنت مو من نصيبه....هاد كان قصدي من الحكي... يعني الشب عنده حق المحاولة أكتر من مرة ...لحتى يوصل للرفض أو القبول ...بس لما بصير الرفض بعد ما يكون الشب عمل كل اللي عليه لازم يبلش بمرحلة جديدة... أصعب مرحلة ....مرحلة النسيااااااااان .....مشان ينهي عذابه ويلتفت لغير مواضيع ... |
|
#38
Mar, 11 2006, 19:36
| |||
| |||
| المشاركة الأصلية بواسطة sunshine انا بختلف معك تماما دكتورة سن شاين لانو مرحلة النسيان بتكون صعبة عالشخص الضعيف فقط , يعني وقت الشب بيعمل اللي عليه وبيقدم نفسه للبنت وهية بترفض فلازم يحترم الشب اسباب الرفض اذا كانت جوهرية اما اذا كانت اسباب الرفض تافهة فلازم ما يزعل ابدا على هكذا فتاة ...؟
كمان حضرتك ذكرتي جملة ينهي عذابه ...يعني معقول صار معنى العذاب عند الشباب هو قبول او رفض فتاة له ...؟ يعني انا ما كان ردي عليكي بقدر ما هو رد على عبارات اسمعها كثيرا من اشخاص كثر .. وشكرا الك |
|
#39
Mar, 11 2006, 19:49
| |||
| |||
| المشاركة الأصلية بواسطة The Man يا دكتور مان
مو الشخص الضعيف هوه اللي بيتعذب من مشاعرو لأ.......بالعكس الشخص صاحب المشاعر القويه هوه اللي رح يتعذب.....ولما البنت بترفض شب على سبب تافه فمو ضروري تكون تافهه أو مو منيحه يمكن هيه مابدا يا وبس (يعني ماهضمتو) ومي مضطره تعطي سبب جوهري وكمان ما رح تقللو ماهضمتك--ماحلوه-- |
|
#40
Mar, 11 2006, 20:33
| |||
| |||
| [quote=sunshine]قصدي من كلامي انو الشب ممكن حاول مرة مع البنت وما اقتنعت او هو ما عرف كيف يقدم ( عرض ) ملائم ... وبالمرة تانية اذا صارت عنده ظروف أحسن او عرف السبب اللي منع البنت من الموافقة أول مرة وحاول يتلافاه ...ممكن يرجع يحاول لحتى يحس او يبلش يقتنع او حدا يحسسه انو خلاااااااص ما في أمل ..والبنت مو من نصيبه....هاد كان قصدي من الحكي... يعني الشب عنده حق المحاولة أكتر من مرة ...لحتى يوصل للرفض أو القبول QUOTE] يا دكتوره سن شاين أكيد كلنا منتوقع انو عند هل شب كبرياء وعزة نفس وكرامه وهنن من أغلى الأشياء عندو سواء كان عايش بهل مجتمع الشرقي او بهداك الغربي…..فشلون بدك بعد ما تكسر هل بنت قلبو وتجرح مشاعرو أول مره (لأنو ومتل مابتقول القصه ولهان كتير فيا) يروح مره تانيه ويعرض قلبو—المكسور أساسا-- من جديد لصدمه تانيه ….؟؟؟ البنت مو ضروري تحب هل شب أو تكرهو بس لازم انها ما تجرحو او تحاول تعمل هيك……أكيد لو قالت لأ قاطعه بغض النظر عن السبب بالأول رح يتعذب ويعاني كتيركتير بس بالأخير ما سمعنا عن واحد مات لأنو التاني رفضو أكيد أنا مو مع الاستسلام أو اهمال المشاعر أو انو الواحد يقول بلاها وبدوس على قلبي…. لأنو بهداك الوقت بكون أصلا مابحب البنت بس بدو يجرب حظو….بس كمان انا مو مع هل طريقه |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| قرار مهم جداً يهم كل طالب طب | syria star | قبل أن تدرس الطب أو الصيدلة | 22 | Oct, 13 2007 03:30 |
| حكاية | Fiso | اجتماعيات | 11 | Apr, 05 2005 01:05 |
كل الأوقات حسب GMT +2، والوقت الآن 21:26.
