سأعرض هنا لقضية شاب واحد(وإن شاء الله ما يكونوا أكتر!!) من كلية الطب
القصة كما يلي فابحثوا له معي عن الحبل(يعني اشتغلوا متل الإطفائية) :
>>>>"طالب طب في السنة الأولى (تخيلوا "سنة أولى"؟؟!!) جاي عالدوام ......(قصة طويلة)
ويوم من الأيام شاف طالبة طب (كمان سنة أولى).
الشب أعجب بها البنت ، بس قال لحاله : "بكير خيّو لسّاتك سنة أولى"،
مرت الأيام والزلمة عبيحاول ينسى.
وعدت السنة الأولى والحمد لله.
في السنة التانية الزلمة طقت الشغلة براسه وقرر يضع حد لهي الأفكار.
قرر في نفسه أنو يطبق ما يلي : " بتحط عينك على هالبنت ، بتبحبش عن جميع العيوب اللي فيها ، وأكيد أنك رح تلاقي من هاي العيوب شي يخليك تنسى وتبطل أفكارك الغبية"
وبدأ المشوار ، يوم ورا يوم ، ...،شهر ورا شهر...وهيك كان كل ما يلاقي شغلة ما عجبته يقرر الانسحاب والنسيان.
المشكلة أنه كان بعد كل انسحاب يرجع بقوة أكبر وقد اعتبر أنه البنت بصراحة ما بتستاهل يظلمها وأنه كل شي ممكن يتعدل (لا تنسوا دور العاطفة).
وهيك عدت السنة التانية وصرنا بالتالتة.
هون الزلمة "قفعت معو" وقرر أنو ينسى تمامًا وقال لحالو :"أي خيّو أنت رجل والرجل لازم هوِّ اللي يسيطر على عواطفه مو العواطف هي اللي تسيطر عليه" وهيك قرر الانسحاب.
(((((((طولو بالكن علينا لسه القصة ما خلصت!!!!!!!!!!!!!))))))))
الشب المسكين ما حسن يقاوم أكتر من الفصل الأول ، وهوِّ قرب 14 شباط والزلمة ساح (تعبير عن المبالغة في الذوبان)، وقال لحاله " خلص، انتهينا، لازم اتحرك ،ضروري احكي معا "، وهيك بلشنا في قضية جديدة: وعدت الأيام والأسابيع والأشهر وهوِّ عبيتهمهم مشان يحكي معها.
وصرنا بالسنة الرابعة والأخ من جديد قرر النسيان وقال لحاله:"خلص خيّو كل واحد في هالدنيا الو (يعني "له") نصيب ، هالبنت مش(بالمصري) من نصيبي ، لو كانت من نصيبي كان الله وفقني وحكيت معها" ، وكالعادة الأخ ما طول أكتر من شهرين ، ورجع قرر ينهي الموضوع بطريقة أخرى.<<<<
العبرة من هالقصة مو الحبكة الفنية ولا غيره ، القضية اللي رح نحكي عنها هون رح تكون موجهة للجنسين(وأرجو من كل طرف أن يلتزم بالشي اللي بيخصه):
الشباب : لو كنت مكان هادا الشخص وصرت بالسنة الرابعة ، ما رح تفكر بشكل جدي أكبر؟
بمعنى آخر : ألا ترى أن طالب السنة الرابعة قادر على الحديث في موضوع الخطبة والزواج أكتر من غيره ؟ وبشكل عام : ما هي الحلول المقترحة لمثل هذه الحالة؟؟
الصبايا السؤال حساس وهام جدًا) لو افترضتي نفسك مكان هاي البنت (بطلة القصة) شو رح تكون ردة فعلك تجاه هالشخص ؟وكتيييييييير مهم رأيك في الخطبة قبل التخرج لو افترضنا انك لقيتي الشخص اللي ممكن يناسبك ؟ وبغض النظر عن "الفعل" و"ردة الفعل" : شو رأيك بهيك شخص ؟ هل يستحق الشفقة ؟أو يستحق التعاطف؟أو يستحق الاحترام والتفكير به بشكل جدي؟...شو رأيك عمومًا؟
انتبهوا يا طلاب السنوات الألى والتانية والتالتة ، لأنه الدور جاييكن .
وأرجو من طلاب الرابع بالذات والخامس والسادس كمان أن يتحفونا بآرائهم في هالموضوع .
وبأكدلكن تمامًا أن القصة حقيقية ، ولولا حساسية الموضوع كنت قلتلكن مين صاحبها.
لذلك أرجو من الجميع التعامل مع الموضوع بشكل جدي تمامًا والابتعاد تمامًا ما أمكن عن التفرعات والتشعبات الجانبية لهذا الموضوع لأنها لا تنتهي......
(بصراحة يا شباب ويا صبايا: اللي لسّا ما حبّ ولا تحبّ ، أرجوه أن لا يشارك في هذا الحوار ، لأنه مستحيل يحسن يقدر شو يعني الانجذاب والعواطف والاستعداد للتضحية بالغوالي والنفائس لأجل عيون شريك أو شريكة حياته المستقبلية)

المشاركة الأصلية بواسطة زين الدين

يا أخي دينغو الله يحفظك و ييسر على صاحبك أموره ...........

يعني ليش مكبرها و هي صغيرة ............

من إيش خايف صاحبك ما بعرف ......... يعني اذا هو فعلا محب لها لازم يكلمها أو يرسل حدا يكلمها يعني متل ما قال شنكول ...زميلة ....ما في زميلة إحدى قريباتك اللي بالجامعة كمان بيصير .....يعني هل هو جبان لهذا الحد .......... لك يا أخي أمر عظيم جدا أنك تلاقي بهالأيام حدا بيستاهل انك تحبه و تتعب و تتعذب منشانه ............صدقا أمر نادر .....

بقا ياعزيزنا قول لصاحبك - و أكرر كلامي - اذا بقي على تردده و خوفه بيكون
مــــــــــــــ بيستحقها ـــــــــــــــــــــــــ ا .............. ويبقى الأمر قسمة و كل انسان بياخد نصيبه

أحد الزملاء أو الزميلات - ما عاد أذكر - قال انها حتى لو رفضت رح يكسب احترامها له انه صادق في مشاعره و وقف وقفه رجل في هيك موقف حسّاس ....

بالنسبة للي عبيقول أن الخطبة مو مزبوطة الآن متل أبو الشود أنا ضده تماما الاستقرار أمر جدا رائع و مشروع الخطبة بهالفترة بظن أنه بيأمن الإستقرار العاطفي بالنسبة للإنسان ...... هذا رأيي .......

يبقى أن أطلب من الزملاء و الزميلات الدعاء لصاحبنا مجهول الهوية اللي عبيدور النقاش حول موضوعه أن ييسر عليه الله سبحانه و يحل عقدته ........ صدقوني أنا شلت هم هالمسكين يمكن أكتر منه ........

الأخ زين الدين :
جزاك الله ألف خير ، بالفعل كلامك كان رائع جدًا ، وأهم شيء فيه (حسب رأيي) كان التسليم التام والكامل وبدون أي اعتراض أو حتى امتعاض لقضاء الله وقدره ، والجملة اللي استخدمتها [زين الدين QUOTE=]
شيل من ذمتك وحط في ذمة الله [/quote]
كانت أروع من الخيال .
وبصراحة بقللك أنه نصيحتك هي اللي نفذت ...

المشاركة الأصلية بواسطة no one

باختصار روح احكي معها وشخصيا بدون واسطة ولا شي البنت بتحب تشوف انو الشب عم يجمع كل قواه وهو عم يصارحها كتير بيكبر بعينها وبتصير تحترمه وقد ماكان التاثير اللي رح تتركه فيك مو متل التاثير اللي رح تنقلك ياه الواسطة ...هادا رايي جرب حظك وخبرنا

ألف ألف شكر على التشجيع NoOne ، بس في الأخير الموضوع أبدًا مو شغلة حظ ، الموضوع هو قسمة ونصيب واللي الله كاتبه ما في شي غيره رح يصير .
وإن شاء الله أحسن خبركن باللي صار...
(شكرًا على استخدام ضمير المخاطب ، وأنا بأكدلك أنه كل الحكي رح يوصل لصاحبنا حرف بحرف) .

المشاركة الأصلية بواسطة عابد

يا جماعة حدا بيعرف وين صاحب العلاقة ؟؟؟


لا يكون صاير له شي ...


طيب دينغو وينه ؟؟؟




بدنا نعرف وين صار الزلمة ...

صار لي شي ساعتيين عم أجل الرد عليك يا عابد ، بصراحة ما عبعرف شو هي الكلمات اللي ممكن عبر فيها عن تقديري الكبييير لعواطفك تجاه صاحبنا (اللي قد تكون غلبتني فيها)
على كل حال دينغو رجع ، واللي بدك إياه رح يصير.

المشاركة الأصلية بواسطة Fiso

يمكن الزلمة طفش بعد كل هالردود ، ولسه اول موضوع بيشارك فيو الزلمة

الموضوع مو شغلة "طفشان" بس متل ما بتعرف الدنيا ومشاغلها .

المشاركة الأصلية بواسطة Shankool

الشب كان عم ياخد رأينا بس ما بتوقع يحكيلنا شو صار أو رح يصير معه ... ويمكن بطل ...

منتمناله كل خير ...

يا سيدي رح خجلك يا شنكول (اعذرني كتييير) واحكيلن للشباب شو اللي صار ...
بس استنوا عليِّ شي كم يوم والرد جاييكن .. .
ســــــــــــــــــــــــ ــــــــــــــلا م

قصتك حزينة و الله يا معلم

هلأ صحيح انو صاحبنا انسان متردد و كل شوي بعقل بس هدا بدل على درجة من الحساسية ورقة مشاعر
وبهالوقت هالأمور بتعذب صاحبها كتييييييييييييير

الصراحة حلوة و بدها جرأة وشو ما كانت النتائج أكيد رح تكون أفضل من حالتو هيك

صدقوني هالدنيا مابتستنى حدا ......فإذا كل قرار بدو ياخد مننا 4 سنين حرام ؟ رح نحس انو ماعملنا شي

قلو يقوي قلبو و شو مابدو يصير .

Trust me : "
alwayes there is a way .