شريكة حياتك طالبة جامعية
يدور هذا النقاش حول شريكة حياتك طالبة جامعية في قسم اجتماعيات في الملتقى الطبي السوري; ما رأيك في الطالبة الجامعية وبالأخص في كليتنا
ما رأيك في أن تكون شريكة حياتك طالبة جامعية
وماذا إذا كانت طالبة في كلية الطب البشري .... !
القصة أنه لي
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
Mar, 15 2005, 17:36
| |||
| |||
 شريكة حياتك طالبة جامعية ما رأيك في الطالبة الجامعية وبالأخص في كليتنا ما رأيك في أن تكون شريكة حياتك طالبة جامعية وماذا إذا كانت طالبة في كلية الطب البشري .... ! القصة أنه لي ابن خال تخرج هذه السنة من كلية الهندسة المدنية جامعة حلب وهو شاب ممتاز برأيي سواءً من حيث السلوك أو الأخلاق أو الدين ... فهو الآن مهندس وهو وحيد أي ليس لديه خدمة علم (عسكرية ) وحالة أهله المادية جيدة والحمد لله فمن الطبيعي أن تخطب له أمه الآن فلا شيء يعيقه وهو ليس معترض على ذلك ولكن الغريب في الموضوع أنه اشترط على والدته أن لا تكون جامعية بل يكفيه أن تكون حاصلة على الشهادة الثانوية العامة فقط أنا استغربت كثيراً من حديثه وقلت له " أنت الجامعي المثقف الذي درست خمس سنوات في الجامعة تقول هذا والله كل فكري أنو حاطط بنت من كليتك من دفعتك ببالك وبدك أهلك يخطبولك إياها " فقال لي أنت ما بتعرف شي نسع (حتى الآن) بكره سنتين رخار (اخريات ) وبتشوف أنو اللي عبقوله صح 100 % أنا اليوم حابب أشوف آرائكم وتعليقاتكم ويا ترى أنتو شلون شايفين القصة من منظوركم. صديقكم قلب الأسد  وشكراً  |
|
#11
Mar, 17 2005, 00:53
| |||
| |||
| منيح إنو يكون في تحديد أكتر للمعاني.. شو معنى نجاح الزواج.؟ شو معاييره.. هل عدم انفصال الزوجين هو المؤشر الوحيد..؟ كم عدد الأزواج السعيدين.. شو معنى سعادة الزوجين.؟ شو هي أساس معايير القيمة بالجامعة..؟ مين هو الشب المنيح ومين هو الما منيح..؟ يعني قصدي الماشي سوقه، ومقبول اجتماعيا.. وبالتالي بحصل فرصة زواج منيحة.؟؟ تسمى العلاقة بين الزوجين شراكة، فهل هدا المعنى عم يكون على الأرض.. يعني بامرأة عم تقعد بالبيت لحتى بس تجيب أولاد.. وبالتالي قيمتها والنظرة إلها عم تكون بس من خلال أولادها.. (تلغى هي كموجود فرد.. وبتعبر عن نجاحها بنجاح الأولاد) من أهم أسباب كل هالفشل إنو مافي فرصة للشباب من الجنسين إنو يتعرفوا ع بعض.. بلكي المنتدى بخرج عرسان انشالله.. بقولو لولادهن..شي يوم.. أنا يا إبني حبيبت أمك.. يوم قرأتلها هديك المقالة.. |
|
#12
Mar, 17 2005, 11:52
| |||
| |||
| حكيك مظبوط مية بالمية تقدير المجنمع للزواج عم يصير يهالطريقة او يمكن من طريقة مادية بحتة يعني وقت اللي بيحكوا عن وحدة بقولوا والله جوزها مو منقص شي بيت فخم وسيرالانكية وهي من سهرة لسهرة وما بتشوف جوزها وولادها مرة باليوم يعني باختصار الزنكيلة فهي مبسوطة وجوزها يا سلام عالدلال مع اني بكون جوزها الله واعلم وينه بس للأسف حتى تقدير العرسان صار اذا جيبه مليان وابن عيلة فباسلام واذا لأ فتفضل من غير مطرود |
|
#13
Mar, 17 2005, 17:32
| |||
| |||
| أول شي lion heart أرايبك هاد ......الله ريح منو بنات الجامعه مو العكس(مع احترامي الك والو) و بعدا الئصه مو ئصة بنات جامعه أو لاء,,,متعلمه أو لاء........... هي الطيبون للطيبات و الخبيثون للخبيثات...... يعني أرايبك هاد اذا ع بالو يشوف أخلاق شريكة حياتو ما عليه غير يحط أخلاقوا ادام المرايه(طبعا بجوز يكون أسعد انسان بالدنيي هداك الوءت)....... و بالنسبه ل shankolفأنا معك بأنو الطبيبه كتير صعب توفق بين البيت و براتو.....و هي حقيقه....ما منهرب منا لو كنت أنا معنيه بالئصه..... |
|
#14
Mar, 17 2005, 21:53
| |||
| |||
| عزيزي سنفور بالتأكيد أنا ما عم إحكي بشكل اعتباطي يعني لما بدي أناقش شريكة حياتي بدي أرسي بالأول مفهوم النقاش مفهوم السفينة اللي بتمشي برأيين ( وما بنكر برأي واحد أحياناً رأي دكتاتوري أكيد هو رأيي) أنا أبداً ما عندي مانع أرتبط بإنسانة مو متعلمة بس المهم عندي إنها ما تكون شايفتني دكتور أو مستقبلي باهر أو أي شي تاني يعني بالإضافة إلى التفاهم المنشود لازم تكون تشوف فيني شغلة كبيرة متل ما عم تقول بس مو لدكترتي أو هالكم قرش اللي بدن يجوني من ورا هالدكترة، لشخصي لكياني لتعاملي معها هيك وبس وما بقلك إني بدور عالجمال الباهر أو القاتل مع إني بالتأكيد بفضله بس مو هو المنشود يعني أنا برضى بوحدة علامتها 7 من 10 بمادة الجمال (2) بس بجمال الروح وصفاء الذهن لازم تكون على الأقل 9 من 10 هذا اللي طلع معي حالياً وبالنسبة لموضوع لو كان عندك أخت صغيرة كنت بتمنى تكون عندك وتجوزني ياها حتى أتشرف فيك بس الحمدالله ما عندك أخت صغيرة (كمان لنفس السبب). باي |
|
#16
Mar, 25 2005, 15:25
| |||
| |||
| ما بعرف شو رح احكي..... بس أنا عندي اعتقاد بانو كل واحد متعقد من بنات الجامعة وبدو وحدة مو مكملة دراسة حتى يكون هو المتفوق ...يعني بدو ياها صغيرة ومو شايفة شي حتى ( يربيها على ايدو) .... ما بعرف ايمت رح نخلص من عقدة الرجل الشرقي اللي هو صاحب الكلمة الاولى والأخيرة بكل شي عم يصير في البيت واللي ما بيسمح لمرتو تشتغل مثلا...او تسافر بدونو او تكون احسن منو (سواء ماديا او اجتماعيا) وهو ان حدثت هذه الأشياء فشعوره بالنقص ممكن يخلي يتهمها بالاهمال لبيتها واولادها او حتى يتجوز عليها..... يعني مو عيب اذا افسح الرجل مجال لزوجته تشتغل او تطلع زيارة او تشارك باعمال خيرية مثلا.... وكما قلت في البداية فانا احس ان (بعض وليس كل )اللى متعقد من بنات الجامعة يطلع على حالو اول لأنو متل ما قالت شيري ابصر هو شو عامل لحتى صار يشوف كل البنات هيك... سلام......... |
|
#17
Mar, 26 2005, 01:02
| |||
| |||
| والله صرلي زمان عم حاول فسر (الطيبون للطيبات) و ماعم يطلع معي شي بس بدي اعرف وين عايشين انتو ?? يعني البسمعكون بؤول بحياتكون مالكون شايفين وحدة عائلة مافي منا و جوزا عونطجي و نسونجي و من سهرة لسهرة...... او العكس واحد كويس و اخلائو منيحة و مرتو مبيعتو الفوئو و التحتو و من بيت شئاع لبيت رئاع.... هدول متلون متايل بمجتمعنا ....... و لو كان حكيكون صح ما كان في داعي انو اهل العروس يسألو عالعريس ئبل ما يوافئو عليه .... يعني اللي بيعرف تربايتو لبنتو منيحة بجوزا لاول واحد بدء بابون ... لانو الطيبون للطيبات.....!!! بعدا وين مشكلة الرجل الشرقي ?? طالما معيش مرتو عيشة منيحة و كريمة ?? ضروري يعني يعرضا عفترينة شي محل لحتى ينئال عنو متحضر ... او لازم يتركا دايرا على حل شعرا... و مو ضروري يعرف وين عم تروح و وين عم تجي و مع مين ....... لحتى ينئال عنو عصري و سبور ....!!!!! و اخيرا عمل المرأة اكيد رح يلهيا عن بيتا و جوزا وولادا.... يعني ايمتى بدا تلحئ تطبخ .....??? و يا ترى رح تتفضى لتدرس ولادا و تربيون صح .... ?? و اهم الشي انو الواحد بحب لما يرجع بعد الشغل عالبيت يلائي مرتو عم تستنى بوش بشوش .... مو يرجع يلاقيها رجعانة من الشغل و هلكانة بدها تنام .... هي اذا رجع عالبيت و شافها اصلا .... يعني بعبارة تانية من الاولويات انو الوحدة تدير بالها عجوزا و ولادا لا تطلعولي عالمرأة الغربية لانو كتيرات حياتهون مزرية و علاقاتون الاسرية اغلبها فاشلة |
|
#18
Mar, 26 2005, 03:01
| |||
| |||
| ياجماعة اختصروا القصة وحاج مُنادمات الزبدة: الزواج قسمة ونصيب، حتى بوجود كل المحاولات والأسس لإختيار الطرف الآخر المناسب ( لتحقيق فتاة الأحلام ، أو رجل الأحلام) يعني الجازة جبسة بدك تكسرا بالأول وبعدين بتعرف اذا كانت حمرا ولا بيضا (زواج ناجح أو لأ). |
|
#19
Mar, 26 2005, 13:23
| |||
| |||
| أنا برأيي انو الجامعة بوقتنا الحالي ليست المصدر الوحيد للثقافة او الفهم و التعامل مع المجتمع .... ليس كل مثقف هو بالضرورة جامعي و أيضاَ ليس كل جامعي سيكون مثقف..... و نحنا ما فينا نعمم أي قاعدة على كل الناس يعني يلي بيشوف انو الطالبة الجامعية متعالية و متكبرة هو مخطئ جداً و كمان اللي بيشوف الطالبة اللي حاصلة على شهادة البكالوريا فقط هي إنسانة متواضعة..... يعني شرط اذا كان الإنسان غير حائز على شهادة جامعية يكون غير مثقف!!!!.... في كتير ناس انا على معرفة معهم و لقيت عندهون من المعلومات و الأمور الفكريةو الثقافة شي كتير عالي المستوى ما لقيتو عند ناس حائزين على أعلى معدلات بالجامعة..... يعني بالنهاية الشيء المهم باختيار شريك الحياة ليس أن يكون جامعيا او غير جامعيا و إنما أن يكون قادر على الانسجام مع مبادئك و أخلاقك و معرفتك و ثقافتك و يكون قادر بالدرجة الأولى و الأهم أن يشعرك بقيمة ذاتك..... سواء كان جامعي او غير جامعي |
|
#20
Apr, 02 2005, 01:45
| |||
| |||
| أنثى .......تفهمني و تحبني ........ هذا هو المطلوب... |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| ما رأيك في الفتاة الجامعية و بخاصة طالبة الطب | rose | اجتماعيات | 36 | Oct, 01 2005 14:50 |
| خربش معي.. وخبرني عن الحياة، حياتك | سنفور | هديل الروح | 22 | Sep, 20 2005 22:33 |
كل الأوقات حسب GMT +2، والوقت الآن 23:09.
