ما رأيك في الطالبة الجامعية وبالأخص في كليتنا
ما رأيك في أن تكون شريكة حياتك طالبة جامعية
وماذا إذا كانت طالبة في كلية الطب البشري .... !

القصة أنه لي ابن خال تخرج هذه السنة من كلية الهندسة المدنية جامعة حلب وهو شاب ممتاز برأيي سواءً من حيث السلوك أو الأخلاق أو الدين ... فهو الآن مهندس وهو وحيد أي ليس لديه خدمة علم (عسكرية ) وحالة أهله المادية جيدة والحمد لله فمن الطبيعي أن تخطب له أمه الآن فلا شيء يعيقه وهو ليس معترض على ذلك ولكن الغريب في الموضوع أنه اشترط على والدته أن لا تكون جامعية بل يكفيه أن تكون حاصلة على الشهادة الثانوية العامة فقط
أنا استغربت كثيراً من حديثه وقلت له " أنت الجامعي المثقف الذي درست خمس سنوات في الجامعة تقول هذا والله كل فكري أنو حاطط بنت من كليتك من دفعتك ببالك وبدك أهلك يخطبولك إياها " فقال لي أنت ما بتعرف شي نسع (حتى الآن) بكره سنتين رخار (اخريات ) وبتشوف أنو اللي عبقوله صح 100 %
أنا اليوم حابب أشوف آرائكم وتعليقاتكم ويا ترى أنتو شلون شايفين القصة من منظوركم.
صديقكم قلب الأسد
وشكراً

انثى....مشان متعتك ....تفهمك مشان تبررلك اخطائك..... وتحبك مشان ينعمى عقلبها وماتشوف عيوبك......اكيييييييييييد هادا هو المطلوب

صحيح يا جماعة مو هادا هو المطلوب واللي كل انسان بيتمناه انو يلاقي حدا يقدره ويفهموا ويستبعوا ويبررله حتى لو كان بدافع الحب والأخلاص ؟؟ بلاقي ما حدا علق عهالنقطة

هي نقطة.. يمكن ما حدا شافها لإنها نقطة ببحرك نو ون..
ويعني بحرك كبير.. وبتوه فيه البحار..
أنا بالفعل دورت عليها ما عرفت من وين.. من عندي ولا من عندك؟؟ ولا من غير محل..
إنو يقدرو ويفهمو ويبررلوا بدافع الحب..
هلأ.. يعني الحب هو بكفي ليكون شي حلو.. بين التنين.. يعني الواحد بدور ع الأنثى من شان الحب غالبا لإنو شعور غاية بحد ذاته،
هلأ هو بيدقع الواحد إنو يبرر للتاني، إيه في أخطاء إنسانية( وكلنا بشر.. ) للأسف ما بتم تجاوزها إلا إذا كان الحب موجود.. فإذا منيح الواحد يلاقي مين يسامحه ع هفواته، ومين يداريه..
كمان الحاجة لحدا يسمع ويفهم.. وبالوقت نفسه يشارك ويرد ويحكي.. الحوار التفاعل.. كلها شي حلو..
والتقدير.. طبعا حق قدره، مو أكتر.. يعني ما يقنعه إنو هو ملك ولابس تاج وبالحقيقة هو حمار وعليه جليل!
هيك بكون الحب أعمى.. أو هيك بكون في عمى.. أكتر منه حب..
هدا ما مطلوب..
ما بعرف إذا جاوبت.. !
برجع بقللك إنو زيدينا من بحرك.. لإنو آرائك متل ما قلتلك متميزة..

نو ون
من حق أي إنسان إنه يلاقي شخص يفهمه
وبدافع الحب متل ما ممكن الزوجة تتجاوز عن أخطاء الرجل ممكن كمان الرجل بدافع الحب يتجاوز عن أخطاء زوجته إذا كان هي بدها حدا يفهما
بجوز يكون التعبير أنه وحدة تفهمني مو معبر صح
بس بتوقع إنه لو كان قال أوبيوم وحدة تتفاهم معي وأتفاهم معها بكون أحسن.
وكلمة أنثى فسرتيها مشان متعته، طيب الأنثى نفسها ما بدها ذكر؟ مشان شو ذكر مشان يصرف عليها ولا مشان يسترها (ومن هالحكي البايخ) ولا مشان شو؟
ما بعرف
تصوري بنت تقول: "أنا بدي شب (ذكر ما رح تقولها بس بتقصدها) بحبني ويفهمني"
بجي أنا بقلها شب مشان متعتك وبقلها كمان بحبك مشان ينهبل فيكِ وما يعود يشوف عيوبك ويفهمك مشان يتجاوز عن أخطائك
متل مالك شايفة منعكس الموضوع ومنشوف نتيجة مشابهة
كل إنسان إله عيوب وما في إنسان كامل، وكل شخص بشوف بأي شخص (ركزي أي شخص) أشياء بتعجبه (كتيرة أو قليلة) وأشياء ما بتعجبه (كتيرة أو قليلة).
الحياة الزوجية حياة تفاهم وتعايش بين شخصين متناقضين بكتير أشياء وكل طرف عنده أشياء ناقصة بتتكمل بالتاني، فيا بكون الطرفين واعيين وحضاريين وبعيشوا بهدوء واطمئنان وتعايش وتفاهم
أو بكون الرجال متسلط (حالة شائعة في مجتمعنا) وهون ما مننسا دور المرأة (في الأسرة العربية) اللي وصفه سنفور مرة بوسوسة الليل (كمان حالة شائعة)
أما عن الحب برأيي ضروري جدّاً في العلاقة الزوجية أبداً ما فينا ننكر ضرورته، يعني أنا شخصياً إذا تصورت إني بدي أتزوج إنسانة أنا ما بعرفها هلأ مين هي، بس إذا ما كان في حب وما بعرف من وين بده يجي الحب أصلاً كيف بدي أعيش معها، هداك الوقت بعيش معها بمتعتي متل ما قلتِ تمام
اللي بطلب الحب في التاني مو مشان التاني ينهبل فيه وما يعود يشوف غيره أبداً، الحب ضروري مشان الحياة مشان الوفاق مشان الاستمرارية.
لا تتهمي واحد إذا قال إنه بده وحدة تفهم عليه اتهام بهالشكل هاد
أصلاً اللي ما بحب ما بتجاوز عن الأخطاء يا نو ون
وهالتجاوز مطلوب لأنه إذا أنا بحب زوجتي (فرض أنا بحبها) وأخطأت وما تجاوزت عن أخطاءها (رغم إني بحبها ما بدي أتجاوز عن أخطاءها متل ما بدك انت- بس هون عم بعكس الصورة) بنفصل عنها من أول خطأ بترتكبه !!! ما هيك؟
رغم إني شفت شي مو طبيعي في ردك
بس بكل الأحوال أنتِ كسبتِ احترامي وشكراً إلك
شنكول المشكول

ههههههههههههههههههههههههه ه........





ليش هيك انتي قلبك أسود؟؟؟؟ خديني بحلمك شوي... واضح أنو مو هاد كان قصدي بس انتي ليش هيك فهمتيني مابعرف؟؟؟؟؟:emotions1



هلأ أنا لما قلت أنثى ما قصدت الجانب الحسي من الموضوع (بالرغم من أهميته شئتي أم أبيتي بس بيجي بالمرتبة الثانية) أنا قصدت الجانب المعنوي ..... الأنثى برقتها.....بحنيتها....... بحساسيتها..... بحيائها..... بعقلها ....... شو بدي عد لعد..... بضعفها..... بشراستها..... بدهائها..... بدموعها..... بتضيحتها....بدلالها (بس أكيد مو لحد الميوعة اللي صايرة موضة هالكام يوم).....وكتير شغلات........ أما بالنسبة للأنثى بالجسم فقط فالبنات ما في أكتر منهن و تأمين المتعة مو صعب أبداً (للي عميسعالها).......





و بعتقد كلمة تفهمني ....... ما قلتها لأنو بدي حدا يبررلي أخطائي لأنو شريكة حياتي أمر مفروغ منه أنو رح تتحملني مع أخطائي (و ما قلت تبررلي) و تنصحني للأحسن........ و متل ما قال حبيبي سنفور كلنا بشر!!!!

بس أنا قلتها لأني بحلم أنو وصل أنا وشريكة حياتي لمرحلة من التواصل أنو نتفاهم بالنظرة..... باللمحة... كل هدفي كان قول أنو إذا كان التواصل مقطوع بيني و بين شريكة حياتي... بمعنى أنو لما منحكي بكون أنا بوادي و هي بوادي ما بظن أنو هالشي رح يكون صحي أو طبيعي و معناتا كان في شي خطأ باختياراتنا.........



و أخيرا بالنسبة لكلمة "بتحبني" ما بعرف شو بدي قلك!!!! بس أكيد كلمة "حب" أسمى من المعنى اللي حضرتك ذكرتي.....

كلمة حب ما بتعني "ينعمى عقلبا" بتعني أنو تقبلني متل ما أنا.... بكل شي فيني....... بعيوبي و مزاياي .... تحبني لدرجة أنو تخاف علي من عيوبي لحتى تحاول تغيرني و تساعدني أنو أتخلص منن....

و أخيراً يمكن كتيرين أخدو ردي على أنو أنانية ومطالب بس..... ولكن أخطؤوا..... أنا حكيت الشي اللي بتمنى أنولاقيه في "أنثى" لحتى تكون شريكة حياتي.... وإذا كان فيا هالمواصفات أنا بضمنلها وبضمنلكن (ولو أنو ما دخلكن!!!!!!! ) أنو أوتوماتيكيا رح حبها......و رح أعلن استسلامي أمامها... و أنا بالانتظار.......





و السلام..........

فعلا الحب أسمى من هيك....
ضروري التفاهم ....
الكل عندون عيوب.ما حدا كامل.
لكن ليش خلق الحب مشان الواحد يتحمل التاني ويستر عيوبو متل ما قالو

أنا رح آخد من أبويوم حبيبي..
كلماته..((((( الأنثى .. برقتها.....بحنيتها....... بحساسيتها..... بحيائها..... بعقلها ....... شو بدي عد لعد..... بضعفها..... بشراستها..... بدهائها..... بدموعها..... بتضيحتها....بدلالها )))))
وبوجهها للفتيات يللي بالمنتدى..
وحابب أسمع بصراحة..
إنو هدا الرأي هنن بشوفوه بحالهن.. شي حلو..
يعني إنو الأنثى هل ترى أن من ميزاتها..: الرقة، الحنان، الحساسية، الحياء، التعقل، الضعف والشراسة، الدهاء، الدموع، التضحية ، الدلال..)) كل واحدة على حدا..

طبعا هدا السؤال فيهن يجاوبو عنه الشباب.. هل هيك الأنثى.؟
وهدا تكميل لموضوعنا عن المرأة أنا وحبيبي وايزمان.

طبعا يا سنفور الأنثى هيك وطبعا هذا لا يعني انو الذكرما ممكن يكون حنون وحساس بس بظل ضمن اطار ذكوري اما الأنثى فهي بتظهر هالشي اكتر يمكن بدمعتها يمكن بعواطفها او بنعومتها بس الذكر بحاول يخبي هالمشاعر وبيظهر جانب قوته

بجاوبك شو هي الأنثى في هل موضوع بس استناني
يا جماعة مشان ما تتشتت الأفكار
الحديث شو هي الأنثى في هالموضوع
هذه هي المرأة

السلام عليكم
من ناحية التوافق الثقافي بين الزوجين والكلام هذا انا اشوف انه الجامعيات (معظمهم) لا تزيد ثقافتهم عن اقرانهم من غير الجامعيات حتى انهن يكونوا اقل ثقافة ووعي بكثير من الحالات للاسف ولا يستفيدوا من الجامعه سوى المزيد من العلاقات مع هذا ذاك (يعني تزيد خبرتها )

لذلك لا أرى انه من العيب ان يأخذ الشخص واحده اقل منه بالشهادات العلمية مادامت واعية وخلوقه

طبعا الكلام السابق لا اعممه على كل البنات فهناك من هم قمه بالاخلاق وقدوة ويتمناها اي شاب لأخلاقها وأدبها في الجامعة وانا رأيت من هذا النموذج الكثير

والأمر عائد بالنهاية للشاب وما يريده لكن يجب ان لا يعمم اخلاق فتاة او مجموعة من الفتيات على جميع الجامعيات لان هذا ظلم

تحياتي