الفارس المتأخر نحو المقدمة ...
يدور هذا النقاش حول الفارس المتأخر نحو المقدمة ... في قسم لقاءات في الملتقى الطبي السوري; كثيراً ما نحب أشخاص من نظرة ... أو التفاتة ... من كلمة ... أو من حرف ... وهناك في الصفوف الأخيرة ... في المدرجات الحديثة .. شخص جلس على الكرسي
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| استشارات الرازي | مقابلة مع منارة المنتدى ... !!! |
| | LinkBack | أدوات الموضوع |
Mar, 18 2006, 05:42
| |||
| |||
 الفارس المتأخر نحو المقدمة ... كثيراً ما نحب أشخاص من نظرة ... أو التفاتة ... من كلمة ... أو من حرف ... وهناك في الصفوف الأخيرة ... في المدرجات الحديثة .. شخص جلس على الكرسي ... رفع يده مستأذناً ... تكلّم ... فأطرب ... ودخل قلبي على الأقل ... وقبل قلبي ... يبدو أنه قد دخل الكثير من القلوب حتى أنّ موضوع الترحيب كان مؤشراً مبكّراً على ذلك ... عابد الّذي لا أعرفه ... وربّما أعرفه ... لم ألتقِ به وربّما التقيته ... انتزع إعجابي به ... وأثار لديّ فُضولاً آخذاً لاستكشافه ... دعوني أستكشفه معكم ... من هو؟ كيف يفكّر؟ أين يذهب؟ أين يجيء؟ وأسئلة أكثر سطحية من ذلك وأُخرى أعمق ودون قرار ... رحّبوا معي بضيفنا لهذا الأسبوع وليتفضّل وليعرفنا على بطاقته الشخصية كما يُحب أن نعرفها ... |
|
#21
Mar, 18 2006, 20:40
| |||
| |||
| هلا.........و الله وقعت يا حبيبي عابد و راحت عليك.... و لنشوف شو بدك تتحمل لتتحمل!!! ما رح احكي أنا عنك لأنك خزيت العين أشهر من نار على علم و انت بتعرف رأيي فيك  و رح بلش أسئلة من هلأ بس على الخفيف من هون لتاخد ايدك على المقابلة: أول سؤال بيتبادر على ذهني هوي سؤال ظهر فيه من لما شفتك أول مرة.....على كل انت مانك مضطر تجاوب على هاد السؤال (بس هاد السؤال) شقد وزنك  ؟تاني شي بدي ياك تعرف أكتر بهويتك الشخصية: يعني الأسئلة المعتادة و اللي توقعتك تحطها لحالك بالهوية!! مثلا شو هيي هواياتك........أكلتك المفضلة.....مطربك المفضل........فريقك المفضل.....لاعبك المفضل....الخ!! تالت شي و بعد خبرة سنتين في تنزيل المواد الثقيلة......برأيك هالعملية بتزيد من معلوماتك و بترفع مستواك ولا بتاكل وقت أكتر من ما بتقدملك معلومات إضافية- و ان كانت بتجبلك دعوات الطلاب و تقديرهم- رابع سؤال: مين واسطتك بهالمنتدى  خامس سؤال:عرفتني ولا لأ؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟ و لنا عودة انشاء الله[/quote] المشاركة الأصلية بواسطة Ro Ro
نورت يا ((( رورو ))) يا سيدي الله الله يسلمك و هالحكي من ذوقك و طيب أصلك .... و حاج تخوفوني من هالمقابلة يا جماعة لأني كتير مبسوط ... ووعدتكم إني رح أعمل قد ما بقدر لننبسط و نستفيد .. المشاركة الأصلية بواسطة Ro Ro
سؤال كتير حلو و جرئ ... و أكيد رح أجاوب لأني مافي شي مخبى ... وزني 140 كيلو ... بس عميتراجعوا بالآونة الأخيرة ... ادعي تفرط المسبحة و يكرجوا ... عسى يصير ستايلي متل ليوناردو دي كابريو .... |
|
#22
Mar, 18 2006, 20:41
| |||
| |||
| أهلا وسهلا يا رورو هلا.........و الله وقعت يا حبيبي عابد و راحت عليك.... و لنشوف شو بدك تتحمل لتتحمل!!! ما رح احكي أنا عنك لأنك خزيت العين أشهر من نار على علم و انت بتعرف رأيي فيك و رح بلش أسئلة من هلأ بس على الخفيف من هون لتاخد ايدك على المقابلة: أول سؤال بيتبادر على ذهني هوي سؤال ظهر فيه من لما شفتك أول مرة.....على كل انت مانك مضطر تجاوب على هاد السؤال (بس هاد السؤال) شقد وزنك ؟تاني شي بدي ياك تعرف أكتر بهويتك الشخصية: يعني الأسئلة المعتادة و اللي توقعتك تحطها لحالك بالهوية!! مثلا شو هيي هواياتك........أكلتك المفضلة.....مطربك المفضل........فريقك المفضل.....لاعبك المفضل....الخ!! تالت شي و بعد خبرة سنتين في تنزيل المواد الثقيلة......برأيك هالعملية بتزيد من معلوماتك و بترفع مستواك ولا بتاكل وقت أكتر من ما بتقدملك معلومات إضافية- و ان كانت بتجبلك دعوات الطلاب و تقديرهم- رابع سؤال: مين واسطتك بهالمنتدى خامس سؤال:عرفتني ولا لأ؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟ و لنا عودة انشاء الله[/quote] المشاركة الأصلية بواسطة Ro Ro
نورت يا ((( رورو ))) يا سيدي الله الله يسلمك و هالحكي من ذوقك و طيب أصلك .... و حاج تخوفوني من هالمقابلة يا جماعة لأني كتير مبسوط ... ووعدتكم إني رح أعمل قد ما بقدر لننبسط و نستفيد .. المشاركة الأصلية بواسطة Ro Ro
سؤال كتير حلو و جرئ ... و أكيد رح أجاوب لأني مافي شي مخبى ... وزني 140 كيلو ... بس عميتراجعوا بالآونة الأخيرة ... ادعي تفرط المسبحة و يكرجوا ... عسى يصير ستايلي متل ليوناردو دي كابريو .... |
|
#23
Mar, 18 2006, 20:43
| |||
| |||
| تابع ... 1 المشاركة الأصلية بواسطة Ro Ro
يا سيدي بنوسع هالبطاقة شوي و بحكي لك ... أنا هواياتي : المطالعة ( يعني بقرأ أي شي بتوقع إيدي عليه ) .. و كمان بحب الطلعات و التسوق .. يعني ما حدا قدي بيطلع و بيدور غم إلتزاماتي الكثيرة .. بس بحب دائما إني أروح و أجي و أدور و انبسط .. طبعا بما يتلاءم مع وقتي ... بقى بتحط السفر بين هواياتي .. أكلتي المفضلة ...  .. الملوخية .. و البشاميل .. ماما بتطبخهم كتير بشكل طيب ... (الله يسلم إيديها و عموما هي رجعت من السعودية يثوم الأحد الماضي مشان تقعد جنبي لأن رجلي انصابت .. فهالأيام عمتطبخ لنا كل الأكلات يلي ببالنا .. ) مطربي المفضل ... هي صعبة .. لأني بسمع لكتير مطربين و مطربات .. يعني ما بترك شي من شري .. بس إجمالا بحب المطربين يلسي بيغنوا شي هادئ ( يعني رومانسي ) و بمقدمتهم وائل كفوري .. إيهاب توفيق عجبتني كتير أغنيته ( ألف كلمة حب ) .. و بعشق إليسا و ماجدة الرومي ( ألبومها الأخير فيه أعنية حبيبي كتير موسيقاها حلوة و بتذكرني بشارة مسلسل نساء صغيرات ... كانت موسيقاه إيطالية رائعة بصوت ميادة بسيليس ... شطحت بالحكي ... يلا بنرجع ) أعشق غناء سيلين ديون ... لأنها من أول المطربات يلي كنت بقدر أفهم كلمات أغانيهم الأجنبية .. و كنت من شي 7 سنين بحب ساندرا ... وقت ماتت كتير زعلت لأن كنت أسمع لها كتير .. بحب برايان آدامز و أناستاشيا ... بالنسبة لكرة القدم بحب كتير المنتخب الإيطالي ... بالبداية سمعت من رزان المغربي انها بتشجع الطليان ( من شي 7سنين ببرنامج بوبس اند توبس ) فصرت أشوف مباراياته و كتير حبيت لعبهم ... بحسه فريق أنيق على أرض الملعب .. أما بالنسبة للفرق فأنا بحب فريق الهلال السعودي كتير ... مع إنه تراجع مستواه قاريا بالفترات الأخيرة لكن بيبقى (( الزعيم ))) ... و أوروبيا بيعجبني برشلونة لأني أحسست أن هذا الفريق أذل ناصية المتغعجرفين ( ...... ) في وقت كانوا هم فيه متربعين على عرش كرة القدم بالعالم ... أنا بطبعي بحب التحدي و مقارعة الكبار للوصول لهدفي ... بهالشكل بيصير للنجاح طعم آخر رائع و كتير مميز .. لاعبي المفضل ... روبيرتو باجيو الله يرحمه .. بتذكر كيف قعدت أبكي وقت ضيع الركلة الترجيحية الأخيرة بنهائي كأس العالم 94 بأمريكا ... كانت المباراة عندنا بآخر الليل ... كتير زعلت و ما عرفت أنام طول الليل لأن باجيو خيب ظني فيه ... يرحم هديك الأيام ... |
|
#24
Mar, 18 2006, 20:46
| |||
| |||
| المشاركة الأصلية بواسطة Ro Ro
والله لسه ما صار لي خبرة كبيرة مع إني منزل مواد كبيرة صحيح ... بس دائما بيكون في شي جديد لنتعلمه .. تنزيل المواد له طعم خاص ما بيعرفه غير يلي بيجربه ... كونك مسؤل عن دفعة ( إلا كم طالب بيدرسوا من غير مراجع ) فهذا شعور بيحسسك إنك ناضج و بيخلق داخلك تحدي لتكون قد المسؤلية ... هالشي أنا متعود عليه نظرا لأني منخرط في أعمال العائلة من فترة منيحة فمتعود على ضغوط من هالنوع ... و حمزة ( شريكي و رفيقي و حبيبي و أخوي و كل شي حلو بهالدنيا ) كتير متعاون و كتير شغيل و كتير أنا و هو متفاهمين فهالشي بيخلينا نحقق جزء كبير من أهداف تنزيل المادة يلي هي بتتمثل بأن تكون المحاضرات على قدر كبير من الدقة العلمية و شاملة أغلب النقاط يلي بتهم الطلاب ,... و الأهم تكون ماكينة علامات .. يعني ما بتصدق فرحتنا وقت إجى بفحص الأدوية 2 ( 70 سؤال ) من ضمن فقرات نحن كنا كاتبين عليها هام و هام جدا ... هالشعور بالرضى عند الطلاب بيكفينا و بيوصل لنا حقنا و زيادة ... و هالتنزيل بيفيد بأن يقوي لغتنا لأن المراجع المميزة كلها باللغة الأجنبية فنظطر نقرأ و نترجم لنوصل للمعلومة المطلوبة .. ربما هالشي بده وقت أكتر بس مفيد جدا و ممتع إنك تمسك كتاب أجنبي و تقرأه و تتعلم أشياء جديدة .. أحلى شي وقت بشوف الشباب و الصبايا عميقولوا بعد الفحص ( الله يعطيكم العافية .. كفيتم و وفيتم ) بتمنى ينجح مقرر التشريح المرضي العام بنفس الشكل و نستفيد كلنا ... يعني هالمقرر كتير متعب لدرجة إني أنا و حمزة أحسسنا بالقصور أمامه فطلبنا مساعدة زميلة غالية و كفؤة لهالشئ .. الزميلة مرام أبو غدة الله يجزيها الخير ما عبتقصر و هالشي كله في سبيل يكون المقرر جيد نوعا ما .. آسف للإطالة لكن هالكلمات عمتطلع لوحدها ... وكتير حبيت تشاركوني هالشعور .. و تطمحوا لتجربوه بنفسكم . [quote=Ro Ro] رابع سؤال: مين واسطتك بهالمنتدى [/QUOTE والله واسطتي روحي و شخصيتي يلي أنا حبيت الكل يعرفوها .. يبدو إني حاطط رجلي ( السليمة طبعا ) عالطريق الصحيح ... مع إني هالطريق طويل .. بس مع رفاق متلكم أكيد رح يكون حلو و مسلي و مفيد و مشجع ... بتمنى الله يوفقنا جميعا و لا يخجلنا ... قولوا آمين المشاركة الأصلية بواسطة Ro Ro
والله يا رورو أنا آسف كتير كتير كتير إني عن جد ما عرفتك .. بس يبدو لي إني علاقتنا جيدة ... انشالله .. و إن ما كنت بعرفك على أرض الواقع فأنا أشكر شنكول الذي أتا ح لي الفرصة للتعرف على فرد آخر من أفراد دفعتي .. بانتظار عودتك |
|
#25
Mar, 18 2006, 23:22
| |||
| |||
 صار لازمني منقذ يا جماعة الخير ... يبدو إني رح أنشرح بالحكي بهاللقاء .... لأني مبسوط ... لكن في مشكلة الاقتباس عامل لي أزمة ... و عبيعذبني بتمنى من عناصر الخبرة يعطوني طريقة سهلة لأقتبس الأسئلة عن طريقها و أجاوب مباشرة ... بانتظاركم ... |
|
#26
Mar, 19 2006, 03:47
| |||
| |||
| عابد اقرأ هذا الموضوع شفرات الـ vB ... ما حكيت عن الاقتباس بس بتوقع فيك تفهمه منيح وأي سؤال اطرحه في ذلك الموضوع ورح اساعدك بقدر ما أستطيع بالتوفيق وانتظر أسئلتي |
|
#27
Mar, 19 2006, 11:45
| |||
| |||
| السلام عليكم ... همممممم .. من أرى على كرسي الاعتراف إنه عابد !!يبدو أن موجة السنة التالتة بدأت تجر بقايا الرابعة (عذرا).استمتعت بقراءة ما سبق من أسئلة وأجوبة وترحيبات و و و ...وبشكل عام, فشخصية الزميل عابد فعلاً خفيفة .. لننظر إلى ما يمكننا الاطعلاع على شخصية برج السرطان: بسيط - خفيف ظل - يعبد الجمال ويحب الطبيعة - عاشق للفن - وهناك ميّزة قد تكون سلبية للبعض وإيجابية للآخرين .. أن مواليد برج السرطان يخبئون الكثير في روحهم دون إبرازه للآخرين, أي (((كتوم))) ... سنرى ذلك مما يأتي .. ولكن ... هل أنت نفسك تعتبر أنك كتوم ؟ .. وهل تفضل معاشرة الناس الصريحين (دجني دجتك العافية) أم المتكتمين (الأفضل ألا يعرف أحد عني ما لست أريد تبيانه) ؟ وأهلا وسهلا مجددا ... والسلام عليكم |
|
#28
Mar, 19 2006, 14:22
| |||
| |||
| و طلت كليوباترا ...1 المشاركة الأصلية بواسطة Kliopatra
أهلا وسهلا بكليوباترا ... نورتي اللقاء ... المشاركة الأصلية بواسطة Kliopatra
يا ستي الله لا يحرمنا من كلامك الحلو ... لكن السنة التالتة ( و لا فخر ) من زمان مدهم عالي و أكبر دليل على ذلك اللقاء القديم مع charming ... بنت دفعتي يلي ما بعرفها عن قرب لكن بحترمها كتير ... بس بتبقى الرابعة على عيني و راسي ... هدول كباريتنا و منحبهم .... و لا غنى عنهم .. المشاركة الأصلية بواسطة Kliopatra
يا ستي انشالله بتبقي مستمتعة لآخر اللقاء ... و بتكون أسئلتك كالعادة... ذكية .. و مبتكرة ... و أهم شي خفيفقة و سهلة  |
عذرا).|
#29
Mar, 19 2006, 14:23
| |||
| |||
| و طلت كليوباترا ... 2 المشاركة الأصلية بواسطة Kliopatra
(( كذب المنجمون و لو صدقوا )) .. لكن عن جد كتير أيام بحس إني برجي بيطبق على شخصيتي .... ما بعرف إذا كان الأمر مجرد صدفة أو إقناع للنفس ... لكن هذا هو الواقع ... المشاركة الأصلية بواسطة Kliopatra ِ
أنا أعتبر نفسي شخص كتوم ... و كتوم جدا .... السبب في ذلك هو طبيعة الجو يلي أنا بعيشه خارج الجامعة ... يعني أنا بساعد والدي في أعماله و بحاول أشيل عنه كتف ... هالأمر بيضطرني أكون دائما حذر من تسريب أي كلام لا يجوز للشخص المقابل معرفته ... يعني ممكن تقولي إني متعود أخبي مشاعري بالدخل ( خصوصا الغضب و الحنق ) و أتمالك أعصابي مهما كان الظرف ... هالأمر انعكس على شخصيتي العامة ... فقلة من الأشخاص في هذا العالم يعرفون كل شئ عني ... و أكثر من يعرف همومي هو القلم و الورقة ... منفذ روحي نحو الراحة ... يعني لما بكون زعلان و مقهور و معصب ... بحس إني مستحيل أوصف الشي يلي بداخلي إلا بالقلم ... فبقعد بغرفتي و بقفل الباب و بشغل موسيقى هادية و ببدأ بكتب ... الهموم ... المشكلة ... رأيي بأشخاص .. رأيي بالوضع ... كيف رح أحله ... يعني بحاول أفرغ كل أفكاري على الورق ... و بس أخلص بطلع عالبلكون و بشق هالورق و برميه ... بحب أراقبه و هو عبيطير بعيدا مع الهواء ... هالشئ بيريحني و بيساعدني عادة على إني ما أحكي كل شي بيصير معي ... عموما ربما يكون هالتفكير و هالشي خاطئ ... لكن أنا هيك مرتاح .. و السبب إني حتى الآن ما لاقيت الشخص يلي ممكن أعطيه ثقتي بنسبة 100 % و أحكي له كل شئ ... يعني الشخص يلي كنت مفتكر إني ممكن أحكي له كل شي و أشكي له همومي للأسف ما بقيت أقدر أفتح له قلبي لأسباب خاصة جدا جدا ... (( و ما رح أحكيها )) فالورق حاليا هو أنسب الطرق بالنسبة لي .. و أنا مرتاح بهالشكل .. أما بالنسبة للناس يلي بحب أتعامل معهم فسبق إني قلت إني بحاول تكون شخصيتي مرنة قدر المستطاع لتتلاءم مع عدة نماذج من الناس ... لكن هدول الناس يلي بيدجوا الكلمة متل ما هي و بدون تفكير .. لاأستطيع التعامل معهم على الإطلاق ... بفضل يكون الشخص صريح و ما يكذب علي لكن ما يرفع لي ضغطي كل شوي بكلام و أفعال غير واعية و تقيلة دم .. بحب الصراحة كتير و أقبل النقد مهما كان ... لكن حتى الشجار ممكن يكون بطريقة مؤدبة و محترمة و غير جارحة .. فما بالك بالنقد أو المصارحة بموضوع ما ؟؟؟؟ بالنهاية أنا وقت بقول إني متكتم فهالشي ما بيكون بالأمور العامة ... يعني بحب كتير إني الناس يعرفوا شخصيتي و طباعي و شو بحب و شو بكره و كيف بتصرف ... و الدليل على هالشي هو تصرفاتي مع رفقاتي .. يعني فعلا بحاول دائما إني أكون عفوي و طبيعي بلا تصنع ... و أكيد بدون أي شي مخبى لكن هالشي ما بيضطرني و لا بيلزمني إني كل الناس تعرف أعماق حياتي الخاصة لأن هالنقطة من شخصيتي هي شئ خاص و هي المنطقة يلي بجرب فيها خبراتي المتراكمة نتاج تعاملي مع المجتمع ... |
|
#30
Mar, 19 2006, 14:31
| |||
| |||
| المشاركة الأصلية بواسطة Shankool شنكول ... شكرا كتير كتير عالرابط ... أفادني كتير و عرفت الطبخة كلها ... الله يعطيك العافية و يسلم إيديك ...
و عموما أكيد أنا بانتظار أسئلتك ... |
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| نحو بشري حلب أفضل | Shankool | مقهى الملتقى | 45 | Oct, 02 2005 19:11 |
| من الأسفل .. نحو الأعلى .. | خوليو | هديل الروح | 1 | Jul, 11 2005 01:21 |
| من يقودك نحو قرارك | syria star | اجتماعيات | 0 | Jun, 30 2005 15:50 |
كل الأوقات حسب GMT +2، والوقت الآن 01:39.
