الفارس المتأخر نحو المقدمة ...
يدور هذا النقاش حول الفارس المتأخر نحو المقدمة ... في قسم لقاءات في الملتقى الطبي السوري; كثيراً ما نحب أشخاص من نظرة ... أو التفاتة ... من كلمة ... أو من حرف ... وهناك في الصفوف الأخيرة ... في المدرجات الحديثة .. شخص جلس على الكرسي
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| | LinkBack | أدوات الموضوع |
Mar, 18 2006, 06:42
| |||
| |||
 الفارس المتأخر نحو المقدمة ... كثيراً ما نحب أشخاص من نظرة ... أو التفاتة ... من كلمة ... أو من حرف ... وهناك في الصفوف الأخيرة ... في المدرجات الحديثة .. شخص جلس على الكرسي ... رفع يده مستأذناً ... تكلّم ... فأطرب ... ودخل قلبي على الأقل ... وقبل قلبي ... يبدو أنه قد دخل الكثير من القلوب حتى أنّ موضوع الترحيب كان مؤشراً مبكّراً على ذلك ... عابد الّذي لا أعرفه ... وربّما أعرفه ... لم ألتقِ به وربّما التقيته ... انتزع إعجابي به ... وأثار لديّ فُضولاً آخذاً لاستكشافه ... دعوني أستكشفه معكم ... من هو؟ كيف يفكّر؟ أين يذهب؟ أين يجيء؟ وأسئلة أكثر سطحية من ذلك وأُخرى أعمق ودون قرار ... رحّبوا معي بضيفنا لهذا الأسبوع وليتفضّل وليعرفنا على بطاقته الشخصية كما يُحب أن نعرفها ... |
|
#51
Mar, 20 2006, 18:05
| |||
| |||
| الخلاص من حبل المشنقة ... مع حازم ....4 المشاركة الأصلية بواسطة RWTH
shankool ... ما حصل لي الشرف و تعرفت عليه بشكل شخصي ... لكن طريقة إدارته للموقع تلفت الانتباه بشدة .. من خلال فترة قصيرة لي في الموقع ممكن أقول عنه إنه متكلم بارع .. و قيادي من الدرجة الأولى .. و أنا عمبنتظر الفرصة المناسبة لأتعرف عليه عن قرب .. optimisto ... كتير بحبه و بعزه و بحترمه .. مذوق كتير و أكابر كتير .. شطور بالدراسة .. الله يوفقه mr.sam ... للأسف .. أبدا ما بعرفه .. بس شفت بعض مشاركاته ... ذكي .. و أسئلته باللقاءات دائما حلوة و مراوغة .. لسه ما شفناه هون باللقاء ... ما بعرف إذا رح نشوفه ..  kliopatra ... زميلة كتير بحترمها و بقدرها ... ما بعرفها بشكل شخصي لكن احتكيت بشخصيتها من خلال المنتديات ... شخصية قوية و جريئة و أخلاق فوق الوصف .. ذكاء و قدرة هائلة على ربط الأمور ببعضها و قولبتها بصيغة مفهومة ... بتمنى لها التوفيق ... RWTH ... إنسان شغّيل من الدرجة الأولى ... من أطيب الزملاء يلي شفتهم بالكلية ... قلب أبيض و صادق لأبعد الحدود .. بيحب كتير يشتغل على حاله و يتوجه للأفضل ... عندما أكون بحاجة لاستشارة شخصية ... يعتبر أول الخيارات التي أتوجه إليها لطلب المعونة .. بتمنى لك التوفيق بسفرتك بأمريكا .. بتمنى هالستاج يكون انطلاقة قوية لك في المستقبل ..  fiso ... من أول شباب السادسة يلي تعرفت عليهم ... حبيته كتير ... أكتر شي بيميزه تواضعه ... ممكن أوقف مع كل الطلاب الكبار و أحس إني صغير إلا هالشاب .. لا يمكن أحس إنه أكبر مني أو يحاول يزعجني بأي شي .. علاقتي فيه قوية .. خدوم كتير و بيساعدني بالدراسة كتير ..بتمنى يكون هو بيحبني قد ما بحبه كتير كتير أسعدني بموضوع الترحيب يلي حطه أول ما سجلت بالمنتدى ... ألماسة ... ((( الماس يظل إلى الأبد ))) هيك هي بتحب تحكي عن حالها ... و بيلبق لها ... بنت بحترمها كتير ... و بعزها ... عقل المرأة الواعي المتجسد في روح طفلة ... إنسانة كتير بريئة و كتير رومانسية و حساسة ... الكلمة عندها بتعمل كتير ... و دمعتها بتنزل بسرعة ... كتير بفكر بالحزن المبهم المطل من عينيها .. و بتساءل عن سببه ... الله يوفقها و لا يخجلها .. . ألماسة .. إلك مني تحية و عمبنتظر تشريفك لهون !!! |
|
#52
Mar, 20 2006, 18:14
| |||
| |||
 كونان ... المتحري الصغير .. المشاركة الأصلية بواسطة كونان
المشاركة الأصلية بواسطة كونان أهلا و سهلا بكونان ... أبدا مو متأخر .. أهلا و سهلا بأي وقت ..
المشاركة الأصلية بواسطة كونان
الله يسلمك .. بس أكيد قصدك إنك انت القمر ... بيطلع لك ... بتمنى أتعرف عليك قريبا ... لا تحرمني من طلتك .. أنا بإنتظارك . المشاركة الأصلية بواسطة كونان
أنا حاضر بأي وقت ... أهلا و سهلا بأسئلتك |
|
#53
Mar, 20 2006, 19:51
| |||
| |||
| عابد منطقك حلو كتير وأنا يزداد إعجابي فيك خاصةً في الصفحات الأخيرة من اللقاء ... ذكرت إنك تتمنى منذ بدايتك في المنتدى أن تجلس على كرسي الاعتراف في غرفة التحقيق ... السؤال إذا انتهى اللقاء يا تري بدنا نضل نقراك؟ ولا خلص حصل المطلوب؟ طبعاً بتمناك تضل دايماً ... أسئلتي لسه ما جهزت بدي أقرأ الموضوع منذ البداية لأني سـ " أنكش " قليلاً من الأسئلة ... فانتظرني ... |
|
#54
Mar, 20 2006, 20:25
| |||
| |||
 إلى شنكول ... مع التحية المشاركة الأصلية بواسطة Shankool
المشاركة الأصلية بواسطة Shankool يا سيدي شهادة أعتز بها جدا .. و أنا مرتاح لأني حاسسكم مبسوطين باللقاء ... بتمنى يبقى للأخير حلو ... بس ممكن يتغير النمط شوي لأني مازلت أنتظر الأسئلة يلي فيها حس فكاهة ... لأنه جانب كبير بشخصيتي ...
المشاركة الأصلية بواسطة Shankool
أنا ذكرت إني أتمنى ... و لم أقل أن هدفي كان هالشئ ... لأني بصير شخص مغمور عبيحاول الظهور و التألق ضمن سماء المشاركات ... و أنا بصراحة لست ممن يهتمون بالتألق الإلكتروني ... أنا أول ما سجلت بالمنتدى من فترة قبل ما أبدأ المشاركات تصفحت كامل لقاء RWTH و كتير حبيته و عجبني و كمان كانت أولى مشاركاتي بالمنتدى في لقاء العزيزة (( إيلوني )) __ يلي لسه ما شفناها هون  ___عبشوفها هالأيام كتير بالمطالعة عمتدرس .. الله يوفقها .. واضح انها مشغولة .. كمان لقاءها كان رائع ... الشئ يلي جذبني بهاللقاءات هو إني الشخص يلي عبيتحقق معه عبتتاح له فرصة كبيرة لتسليط الضوء على زوايا من شخصيته و تفكيره لا يمكن رؤيتها من خلال المشاركات العامة .... و الأهم إني هالشخص هو شخصيا عبيعرف حاله أكتر ... يعني كتير أسئلة بصفن فيها و بفكر ... فعلا أنا كيف ما كنت أسأل حالي هالسؤال ؟؟؟ ياترى شو كنت بعمل ؟؟؟؟ فعلا بحس إني عمبعرف حالي أكتر ... من هالمنطلق كانت أمنيتي بأن أحل ضيفا على أحد لقاءاتك المميزة .. لهدف إني أقدر أعبر عن بعض الأفكار التي تراودني و لا يمكن للجميع رؤيتها من خلال بقية الأقسام في المنتدى ... بالنهاية الهدف الأساسي هو إن العضو يكسب احترام و تقدير بقية الزملاء ... و يكون تواجده مقبول بينهم ...طبعا مع أهمية أن يكون له لمساته الخاصة في مختلف المواضيع ... بس ينتهي هاللقاء من المؤكد إني بقيان أكتر من أي وقت مضى (( و كل يلي مضى شهر تقريباً )) لكن أكيد بقيان معكم لأن بهاللقاء مو بس انتم رح تعرفوا مين بيكون عابد ... بهاللقاء عابد عبيعرف مين بيكونوا أعضاء هالمنتدى المميز .. و عبيعرف قديش وجوده مفيد بالنسبة له .. علميا و اجتماعيا و حتى نفسيا ... بتمنى للجميع التوفيق ... و أشكرك مرة أخرى لإتاحة الفرصة لي من خلال هالموضوع ... المشاركة الأصلية بواسطة Shankool
نكّش على كيفك .. و اسأل ... بس تذكر إني لسه عودي طري  بانتظارك و انتظار باقي الأعضاء الفاعلين يلي لسه ما شفناهم ..... |
|
#55
Mar, 20 2006, 21:22
| |||
| |||
| السلام عليكم من جديد ... أنا كمان من راي شنكول !!!
مُحاور ممتاز ... !!! طيب شو بتحب تقرا أخ عابد ؟ مين كاتبك المفضل ؟ شو رأيك بالأدب العربي والأجنبي ؟ شو أكتر كتاب حبيتو ؟ إلخ .. هيك يعني لحالك احكيلنا شوي عن المطالعة في حياة عابد والسلام عليكم |
|
#56
Mar, 20 2006, 21:24
| |||
| |||
| وصفلنا الصفات الحميدة لعبد .... هيك مع شيء من نفش الريش !! .. يعني لو اجيت عبيت حماك لأول مرة شو بتحكي عن نفسك لحتى يقتنعوا ويعطوك ؟بالانتظار والسلام |
|
#57
Mar, 20 2006, 22:04
| |||
| |||
| أجى دوري...... اي يا عابد أول شي اشو شعورك بعد ما ثبتوا الرحلة يوم السبت وخاصة انو نحن طالعين.؟ هدا السؤال السهل تاني شي السعادة بالنسبة الك اشو؟ هل هي الحب ؟ أم الاستقرار؟ أم التفوق؟ أم كلن سوا؟ تالت شي بما انو بتكره الخيانة أكيد ما ممكن تخون(أنا ما عم بحكي بس عن حبيبة) شو شعورك أو شو ممكن تعمل لما أي شخص بتهمك بالخيانة؟ رابع شي ؟؟؟؟؟؟؟؟ ما بعرف هادا اللي خطرلي هلأ برجع |
|
#58
Mar, 20 2006, 22:37
| |||
| |||
| حبيت عدي ع الموضوع بما انو اليوم عرفت مين عابد.... الي بدي قولو...عابد من الشخصيات المميزه بالكليه..والي الا حضورا دايما.... و يبدو انو هيك كمان هون بالمنتدى... وبما انك اليوم ع كرسي الاعتراف...بدي اسالك.. شو الشي الي بتحبو بدفعتك..؟و شو الشي الي بتكرهو فيا...؟و شو الشي الي بتتمنى لو كان فيا..؟ ولي عوده... |
|
#59
Mar, 20 2006, 23:33
| |||
| |||
 كليوباترا مصرة على تصعيد الموقف ... 1 المشاركة الأصلية بواسطة Kliopatra
المشاركة الأصلية بواسطة Kliopatra
شكرا عالإطراء .... يسعدني رأيك و يخجلني ... المشاركة الأصلية بواسطة Kliopatra سبق إني قلت بحب المطالعة كتير ... و بقرأ أي شي بتوقع إيدي عليه ... أكتر شي بيشدني للقراءة هو الروايات ... بس رح أحكي عنها بعد شوي ...
في كتب بتشد الشخص ليقرأها من مقدمتها .... بتذكر آخر كتاب قرأته كان للدكتور سلمان بن فهد العودة و كان بعنوان ((( لا تحزن ))) ... هالكتاب كتير رائع و بيحكي عن الحياة العامة و المجتمع المحيط و كيفية التعامل مع الظروف المحيطة بشكل هادئ بعيدا عن العصبية ... لأن متل ما بتعرفوا ... الغضب فالتهور بيضيعوا كتير فرص عالإنسان كان ممكن يستفيد منها بشكل أفضل لو تعامل معها بروية و حنكة ... و اتزان . هالكتاب عجبني كتير .. و أكبر دليل على نجاحه هو ترجمته للغة الإنجليزية .. و تحقيق مبيعات جيدة .. على اعتبار صار الكلام بالثقافة العامة فأنا كتير بيعجبني الدكتور طارق السويدان ... و مكتبة المنزل عندي حافلة بسلاسل مسجلة صوتيا للمواضيع يلي بيناقشها ... هالشخص مميز و يمتاز بنظرة حديثة تتلاءم مع واقع عالمنا المحيط ... موسوعة في العلوم الدينية و الأخلاقية و السياسية و الإجتماعية ... و أسلوبه لا يعتمد على الحشو الجامد بل يتسلسل بالمعلومات حتى تصل لنقطة تقتنع بها من تلقاء نفسك بالمعلومة الرئيسية التي يهدف لإيصالها دون أن يتحدث بها صراحة ... أنا شخصيا أعتبره من أفضل المفكرين في عالمنا المعاصر ... و بهالشكل إذا سمعت عن كتاب حلو نازل فبحب أشتريه و أقرأه بأوقات الفراغ ((( القليلية جدا بالنسبة لي ))) فأغلب قراءاتي بتصير بالصيف ... بنجي عالأدب ... لست بارعا في كتابة الشعر على الإطلاق ... لكن بحب أكتب مقالات ... ( أو بالأحرى كنت أكتب مقالات و خطب ) .. وقت كنت بالمدرسة شاركت في مسابقة خطابة و حزت المركز الأول على مستوى مكة المكرمة ... بصف التاسع .. كمان بصف التاسع شاركت بمسابقة القصة القصيرة و كان مركزي الثالث على مستوى مكة المكرمة .... لكن واضح بالنسبة لي إني بحب أقرأ أكثر من أن أكتب ... بحب أقرأ شعر ... لكن بحب الروايات أكتر ... من زمان و أنا بقرأ الروايات الصغيرة يلي بيكتبوا عليها ... للجيب ... و أكتر شي كنت أقرأ ( رجل المستحيل ) .. يعني بعرف قصة حياة أدهم صبري أكتر منه شخصيا ... شو بيحب و بيكره و كيف بيتصرف و كتير كانت تعجبني شخصيته و أفكاره و أحاول أتقمصها و أتعلم منها .... بالنهاية الكاتب د. نبيل فاروق حول بطله الأسطوري إلى آلة لا تقهر و صار متل جيمس بوند يلي ما حدا بيقدر يفلحص قدامه ... بدأت القصص تبتعد عن الواقعية شوي شوي .. و أنا صرت أبتعد عن هالقصص بسرعة بسرعة .. أول رواية أجنبية _ مترجمة _ قرأتها كانت ( بائعة الخبز ) يلي اسم كاتبها صعب لكن المحفور في ذهني اسم بطلتها (( حنة فورتييه )) ,,, رمضان الماضي صوروا مسلسل سوري ((( الغدر ))) مأخوذ عن هالقصة .... كتير عجبني المسلسل رغم إني كنت متوقع النهاية من نصفه ... بس شو بدنا نعمل ؟؟؟ دنتفرج .. آخر رواية قرأتها الصيفية الماضية مكانت بعنوان (( 100 عام من العزلة )) للكاتب الكولومبي غابرييل غارسيا ماركيز ... رواية رائعة أعاد صياغتها 36 مرة خلال 18 شهر من التفرغ المطلق لهالرواية ... بيحكي فيها عن بلدة (( ماكوندو )) و قصة عائلة تعيش ثورات داخلية على مدى 100 عام بشكل منعزل عن العالم ... هالرواية أهلت ماركيز بكل جدارة لينال جائز نوبل للآداب من بين 4 جوائز عالمية حصل عليها بفضل هالرواية .. ليس هذا ما دفعني لاقتناء الرواية بل ما دفعني لذلك أن أحد الأصدقاء عندما كان يبحدثني عن ماركيز أخبرني أنه كتب الكثير من الروايات غيرها .. و أفضل ما حققه هو مبيع 800 نسخة للرواية التي سبقت روايتنا التي نتحدث عنها ... فتشجعت لأن الكاتب كان يعيش حالة حزن داخلي فجرت داخله طاقات إبداعية هائلة .. كالعادة شطحت بالحكي ... بس انت وسعتي السؤال كتير و أنا حبيت أفيد شوي ,,,, و أشجعكم لتقرؤا هالرواية إن كنتم لم تقرؤها بعد .. |
|
#60
Mar, 21 2006, 00:32
| |||
| |||
| كليوباترا مصرة على تصعيد الموقف ...2 المشاركة الأصلية بواسطة Kliopatra
أنا أول مرة بسمع إني العريس بيروح و بيحكي عن حاله ببيت حماه ....  بعرف إني الوالدة الغالية بتروح و بتحكي عن ابنها و بعدين إذا في قبول مبدئي بيروح العريس ... و معلومكم الأم شو بدها تحكي عن ابنها .... لكن إذا اضطريت أحكي عن حالي فأنا في ورطة لأني مو شاطر كتير بهالشغلة .. و الأكيد إني ما رح أنفش ريشي قدامهم لأني مو بحاجة لهالشي  ما رح أقول إني حباب و طيوب و مخلص للناس يلي بحبهم و وفي و مرح و دمي خفيف و ... و .... و ...... لأني ما رح أقدر أحكي هيك شي أبدا ... يعني ممكن أشرح لهم وضعي و أقول ... إني طبيب متخرج حديثا من كلية الطب بجامعة حلب ... بيشرفني أناسب هالعائلة من خلال بنتهم (( فلانة )) ... رح أقول لهم إني عمبفكر أكمل إختصاصي ((( في حلب أو خارجها .. الله أعلم !! )) .... و بشرح لهم إني هالشي ما رح يأثر سلبا على حياتنا لأن الإختصاص ما له علاقة بمصدر رزقي .... يعني بحكي لهم شوي عن عملي و وضعي يلي انشالله رح يكون تحسن أكتر من الآن لهديك الأيام ... و الله لا يحرمنا من أهلنا و يخليهم فوق راسنا ... ما بيقصروا انشالله ... يعني هدا هو الشي يلي أظن إني لازم أقوله ... و أما إذا بدهم يعرفوا عن أخلاقي فلازم يسألوا عني بالجامعة ... بمنتدى بشري حلب ...  ... يعني هيك شي ... طبعا رح أجاوب على أسئلتهم يلي بيطرحوها علي (( في التحقيق )) ... لأن أكيد رح يسألوا حسب ما سمعت عن البيت و السيارة و العيادة الخاصة و الأملاك يلي بإسمي و المتقدم و المتأخر و الشبكة (( الملاك )) و ... و ... و .... (( و يمكن حقهم الطبيعي )) يسألوا هالأسئلة و ما بعرف شو بدي أقول لهم أكتر من هيك ... لأني لسه ما حصل و خطبت بنت من أهلها ... إذا في شي تاني انت قولي لي ....  ... أو انت قوليلهم ياه عني لأن صارت الشغلة عندكم بالمنتدى !!! |
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| نحو بشري حلب أفضل | Shankool | مقهى الملتقى | 45 | Oct, 02 2005 19:11 |
| من الأسفل .. نحو الأعلى .. | خوليو | هديل الروح | 1 | Jul, 11 2005 01:21 |
| من يقودك نحو قرارك | syria star | اجتماعيات | 0 | Jun, 30 2005 15:50 |
كل الأوقات حسب GMT +2، والوقت الآن 21:05.
