هذه قصة أحد المرضى الذين كنت مسئولاً عنهم أثناء دوامي في northwestern memorial hospital.

بلشت القصة برنة بيجر Jeff Kwon، الFellow يلي كنت أشتغل معو بفريق الصدرية (هي صورتو بالعلامة)

فبعد ما رد عالبيجر بالتليفون اندار علي وقلي "Sam, I have a case for u to see"... والله أخدت اسم المريضة ورحت عالكمبيوتر لشوف إش قصتها، فطلعت القصة فايتة بالحيط... يلي بينفهم منها هو التالي:

مريضة تبلغ من العمر 31 سنة، أدخلت إلى المشفى منذ يومين. المريضة أتت بشكاية حمى وسعال منتج لقشع أصفر -> أخضر اللون. قبل أسبوعين ذهبت المريضة للطبيبها العام بشكاية ترفع حروري وألم ظهري، لدى تحليل البول اتضح إصابتها بالتهاب مجاري بولية وأعطيت العلاج الملائم (سيبرو). بعد هذا بحوالي الأسبوع لم تزل الحرارة وبدأت المريضة تصاب بالسعال المنتج. أعطاها الطبيب دواءً لم يجد نفعاً معها... ثم أتت إلى اسعاف المشفى حيث تم قبولها...

طيب هلأ قبل ما نحكي بأي شي تاني... برأيكن إش هي الأسئلة يلي لازم نسألها للمريضة أثناء أخذ القصة؟ يالله ورجوني همتكن ... اعتبرو حالكن بمحلي وبدكن تشوفو بعد 5 دقايق مريضة وعم تحضرو قائمة الأسئلة يلي بتهمكن...

عم أنتظر الردود

السلام عليكم

مساء الخير للأخوة في سوريا
صباح الخير د.سام



شكرا كتير الك على هالموضوع (هالنمط من المواضيع كتير مشوق)
لو سمحتم لي بالمشاركة
بشوف

1- وظائف التنفس طبيعية أو لأ (وظائف التنفس الطبيعية تنفي نفيا قاطعا الربو أو النفاخ أو COPD )
2- اختبار السلين (بالرغم أنو ما في أعراض نوعية متل التعرق الليلي و النفث و الكريات البيض ................................................ك مان السل بفضل الفصوص العلوية .................................................. ....................................كمان ما في سل في أميركة ) بس مالنا خسرانين شي ولو احتمال ضئيل
3- كأنو البقي المحوري مو واضحة بالنسبة الي (ما قدرت أميز الكثافة )....بس حضرتك قلت أنو في CXRay يا ترىالكثافة اللي قلت عليها في الفص الأيسر السفلي هل هي
أ*- متجانسة ............................ممكن كيسة مائية ................وينبرغ
أو كانت غير متجانسة ........
ب*- حدود واضحة................ممكن....ذات رئة غير نمطية أو .....أو........فصية أو...........
ت*- عددها .....................اذا كانت متعددة يعني منقدر نبعد عن الورم نسبيا


4- العادات (شهية المريضة على الطعام)
5- القصة الدوائية (خصوصا أنو المريضة عانت كتير كتير من فتق النواة اللبية و الام في الساقين وفي الضهر الأمر اللي خلاها أكيد تضطر تاخد الكورتيون أو على الأقلNSAI اللي بخفض من ردة ففل الجسم المناعية اللي يؤدي بدوره الى أعراض غير نوعية ........................................ فمن المحتمل أنو يكون عندها ذات رئة انتانية مثلا و بدون ما ترتفع البيض أو سل من دون ما يكون في تعرق أو .......... أو.. يعني بخربط كل الشغل
6- تنظير القصبات (ممكن التهاب قصبات حاد باعتبار المريضة مدخنة بشراهة أولا ثم بوجود الكلب ثانيا و حسب الأعراض تالتا ( سعال قشع و البداية الحادة متل ما تفضلت السعال منذ يومين .........)
7- بصراحة القصةة صعبةة و ما في شي وصفي لذلك القصة بتستاهل خزعة (طبعا بعد نفي الكيسة اذا كانت غير منفجرة )



بصراحة أنا بميل ل : (بالترتيب)
1- ذات رئة غير نمطية
2- التهاب قصنات حاد (اذا أهملنا CT SCAN CXRay)
3- كيسة مائية




شكرا كتير الك بانتظارك
يا ريت لا تواخذوني على التطويل
كمان يا ريت تفيدونا
شكرا

أنا متأسف جدا جدا جدا
ما انتبهت أنو د. سام في سوريا

لا تواخدني سام

وينكن يا جماعة وقت تلبكت ببعضي لما قدمت الحالة لDr. Comellas... المهم تقريباً كل شي انذكر وارد كتشخيص تفريقي، الكيسة المائية بننفيها طبعاً لأنها ما طلعت عالCT، لما بيكون في كيسة بالرئة بتطلع عالسيتي بمنظر كيسة... بعدين بالUS مافي كيسات مائية إلا ما ندر، وإذا في بيكون الحالة جاي من عنا...

الورم وارد، بس مستبعد شوي لأنو الورم بيترافق مع تعب عام ونقص شهية ووزن، وبيكون إلو منظر غير هيك عالCT، بس بيضل وارد

بالنسبة للإنتان البولي فالحالة إجت وتراجعت بالأدوية...

السل، ذات رئة، ذات رئة بالمايكوباكتيريام، أو بالشعيات... بصراحة فعلا احتمالات كبيرة لهالحالة، بس غالبيتها بترتكز على حالة إنتانية...

هلأ بالنسبة للسل، اختبار السلين سلبي، كمان HIV كان سلبي عند هالمريضة. يعني مستبعد شوي...

وفعلاً لما تناقشت مع الAttending كانت هالنقاط هي محور التشخيص التفريقي...

شو الخطوة التالية برأيكن؟

وآسف عالتأخير لأسباب قاهرة...

صديقي
مريض عمتعسل وترفع حروري وعمر صغير
شو رأيك بالأمراض التحددية بعتقد بدنا خزعة
وبعدين ليش غيبت فكرة التوسع القصبي
السي تي مو واضح
وشو رأيك بإيكو قلب مشان نستبعد أي سبب قلبي للزلة والسعال الجاف
شوف المريض وضعها مستقر ولا مو كتير تمام مشان وظائف رئة
بانتظار الرد

هلأ بالنسبة للمريضة، نحنا قدام حالة إنتانية حادة ما عم تستجيب للعلاج... التوسع القصبي ما ظهر عال CT، بالإضافة لأنو المريضة ما عندها أي شكاية توجهنا نحو القلب كمنشأ لمرضها... وعلى فكرة الCT ما حاكي شي، يعني مانو كتير مو واضح، دقق شوي

الخزعة واردة، بس بكير عليها، لسا في أشيا قبل لازم تنعمل...

يالله عم أنتظر ردودكن... (هيك تركتوني ملبك قدام Dr. Comellas؟؟؟! يالله نقلوني عالسريع إش بدي قلو نسوي!)

المشاركة الأصلية بواسطة Mr.Sam

هلأ بالنسبة للمريضة، نحنا قدام حالة إنتانية حادة ما عم تستجيب للعلاج... التوسع القصبي ما ظهر عال CT، بالإضافة لأنو المريضة ما عندها أي شكاية توجهنا نحو القلب كمنشأ لمرضها... وعلى فكرة الCT ما حاكي شي، يعني مانو كتير مو واضح، دقق شوي

بفهم من حكيك إنو السي تي بدو يساعد هون إذا دققت فيه شوي
طيب ما تقرير السي تي عميقول في كثافة بالفص السفلي.... وإنت صورة السي تي الحاططها للفص العلوي لسع ما وصلت للسفلي
طيب كمان من خلا السي تي أنا شايف إنو الجنب موتمام ولحتى اتأكد بدي غير النافذة
وإذا المريضة بهالغموض بطلبلها كل شي
بلش تحرى عن أضداد بالدم والبول و...
وبهيك مريضة مو بكير على الخزعة إذا السي تي ما ورجاني شي

تحية طيبة وبعد....
بعد ما قرأت الحالة والأسئلة إلي طرحت حابب إستفسر عن:
1-هل كان عند المريضة تبقرط أصابعClubbing؟
2-صورة الصدرCXRموجودة(ممكن نشوفها؟)
شكراااااااااا........................ ......................