[جناح الداخلية العامة] استشارة صدرية

#1 Apr, 07 2006, 21:20

هذه قصة أحد المرضى الذين كنت مسئولاً عنهم أثناء دوامي في northwestern memorial hospital.

بلشت القصة برنة بيجر Jeff Kwon، الFellow يلي كنت أشتغل معو بفريق الصدرية (هي صورتو بالعلامة)

فبعد ما رد عالبيجر بالتليفون اندار علي وقلي "Sam, I have a case for u to see"... والله أخدت اسم المريضة ورحت عالكمبيوتر لشوف إش قصتها، فطلعت القصة فايتة بالحيط... يلي بينفهم منها هو التالي:

مريضة تبلغ من العمر 31 سنة، أدخلت إلى المشفى منذ يومين. المريضة أتت بشكاية حمى وسعال منتج لقشع أصفر -> أخضر اللون. قبل أسبوعين ذهبت المريضة للطبيبها العام بشكاية ترفع حروري وألم ظهري، لدى تحليل البول اتضح إصابتها بالتهاب مجاري بولية وأعطيت العلاج الملائم (سيبرو). بعد هذا بحوالي الأسبوع لم تزل الحرارة وبدأت المريضة تصاب بالسعال المنتج. أعطاها الطبيب دواءً لم يجد نفعاً معها... ثم أتت إلى اسعاف المشفى حيث تم قبولها...

طيب هلأ قبل ما نحكي بأي شي تاني... برأيكن إش هي الأسئلة يلي لازم نسألها للمريضة أثناء أخذ القصة؟ يالله ورجوني همتكن ... اعتبرو حالكن بمحلي وبدكن تشوفو بعد 5 دقايق مريضة وعم تحضرو قائمة الأسئلة يلي بتهمكن...

عم أنتظر الردود

#2 Apr, 10 2006, 15:30

مرحباً

أنا آسفة mr.sam عم احط رد متأخر بس اليوم قريت الموضوع

بشكرك كتير على الحالة

رح أحط يلي ببالي باختصار :

طيب عندنا هون مريضة عندها شكاية صدرية فرح نحط ببالنا و نسأل أو نبحث عن ‏الأمور التالية إذا كانت موجودة و نستفسر عن صفاتها : ‏

الألم الصدري : و نفهم شو صفاته و انتشاراته ‏
الزلة التنفسية : و أنواعها ‏
السعال :و صفاته ‏
القشع : عدد القشعات اليومية , شكلها , رائحتها , توقيتها ‏
الزراق : إن كان مركزي أو محيطي ‏
النفث الدموي : و درجاته ‏

بالنسبة للاستقصاءات المهمة يلي ممكن نعملها :
فحوص دموية ( تعداد عام و صيغة , خضاب , هيماتوكريت .................... )
صورة صدر شعاعية
وظائف الرئة و غازات الدم الشرياني
تنظير قصبي
فحص القشع .........

حدا عنده أفكار اخرى يفيدنا فيها ؟؟؟

شكراً

#3 Apr, 10 2006, 17:26

أظن أن الإصابة البولية هي التهاب مجاري بولية علوية ...

أيضاً الإصابة التنفسية لا أزيد عما طلبته إلوني لكن أطلب اختبار السّلين

وبصراحة الحالة غريبة علي أو هناك معلومات ناقصة

#4 Apr, 10 2006, 18:36

عفوًا إذا بتسمحولي أشارك ... يعني صحيح تالتة ... بس بعجبكون ..

هلأ هون أول شي لازم نسمعلها صدرها .. ونسوي قرع للصدر .. ونشوف إذا في أصمية ...

بعدين طبعًا منطلوب صورة صدر .. وفحص قشع ... تحاليل دموية ( بيض وصيغة )

وعلى أساسو منشوف ...

تحياتي

عاصم

#5 Apr, 10 2006, 20:26

مرحبا يا جماعة...

حكي كتير حلو ومنطقي... فعلا اللي صار أنو فتت لعند المريضة عرفت عن حالي، وبلشت آخد بهالقصة... أهم محاور القصة كانت متل ما قالت إللوني تماماً... لح اعرضلكن الحالة متل ما فهمتها من المريضة:
تفصيل الشكاية:
شابة تبلغ من العمر 31 سنة، راجعت الاسعاف بشكاية سعال وحمى مشخصة على أنها ذات رئة لم تتحسن على الصاد الحيوي المعطى من قبل الطبيب العام... السعال جاف، منتج أحياناً لقشع أصفر -> أخضر، مترافق بزلة جهدية، ما ترافقت الشكاية مع ألم صدري في قاعدة الرئتين... لا يوجد لدى المريضة زراق أو نفث دموي. لا يوجد إحتقان أنفي أو ألم بالجيوب الأنفية، لا يوجد لذع heartburn. ترافقت الشكاية مع حمى مع عرواءات. لا يوجد تعرق ليلي.
مراجعة بقية الأجهزة:
ألم في الطرفين السفليين
السوابق المرضية:
انتان مجاري بولية عولج وتراجع منذ أسبوعين
السوابق الجراحية:
عمليتي فتق نواة لبية (1991 و 1999)
السوابق الاجتماعية:
موظفة في مكتب، مدخنة 1 باكيت/يوم، تدخن الماريوانا، تستهلك كميات معتدلة من الكحول Social Drinker. عزباء لديها كلب في المنزل.
الفحص:
اتبعت بالفحص نمط Head to Toe، وهو الأسهل والأفضل
الرأس ضمن الطبيعي، حمرة في الحنجرة.
الصدر: إصغاء القلب طبيعي، الصدر هنالك انخفاض طفيف بالأصوات التنفسية في الفص السفلي الأيسر، بالإضافة إلى خراخر في نفس المنطقة. القرع طبيعي
البطن: ضمن الطبيعي
الأطراف: ضمن الطبيعي، لاوذمة.

بالنسبة للتحاليل المخبرية:
الكريات البيضاء حوالي 11 ألف، 79 % عدلات، 10% لمفاويات

صورة الصدر: كثافة في المنطقة السفلية للرئة اليسرى لا تشوش على الحافة اليسرى للقلب => غالباً في الفص الأيسر السفلي
الطبقي المحوري: كثافات في الفص السفلي للرئة اليسرى (مخيفة المظهر، صورة المريضة كانت أسوأ من هذه)

حسناً.. هدا يلي حسنت حصلو... بيجت الFellow مشان أقدم الحالة للAttending، يلي كان وقتها Alejandro Comellas:

إي بس الAttending بدو يسألني عن تقييمي للحالة، عن تشخيصي التفريقي، وعن خطتي... هاتو لنشوف ساعدوني!

#6 Apr, 10 2006, 21:54

أخ سام أنا قرأت رسالتك وكتبت هل الأسئلة صدقاً قبل أن أقرأ الرسالة الثانية
متى بدأت الشكاية معها
الحمى مستمرة وثابتة وهل يوجد تعرق ليلي أو عرواءات
السعال منتج أم لأ وهل يوجد مع القشع خيوط دم
قصة سفر
توضع الألم بالضبط وانتشاره
هل يوجد ألأم صدري أو زلة (مع نوعها)أو هل يوجد ألم مع السعال

بطلب صورة صدر

#7 Apr, 10 2006, 22:12

مدري ليش من أول ما قرأت الرسالة الأولى حسيت أنو الكيسة المائية في الرئة ضمن D.D
حلو مدام يوجد سعال مع قشع
لا يوجد زلة ( طبعاً نأنو الكثافة في الفص السفلي )
موقع الكثافة بس ما هو شكلها
وجود كلب في المنزل ( بس اللي محيرني أنو الكلب على الأرجح يكون أليف يعني منبعد شوي عن الكيسة المائية)
متل ما قلت أنا بحط Hydatid cysts in the lung يعني كيسات مائية في الرئةضمن التشخيص التفريقي
هيك بظن ويمكن أكون على خطأ
ع كل حال عبنتظر الجواب
موفق

#8 Apr, 10 2006, 22:24

Mr.Sam

أنا عبشك بالكيسة المائية أو الورم
طيب إذا وافقتني بأن الكيسة ضمن ت.ت أطلب اختبار وينبرغ فإذا كان + فالتشخيص صحيح
يعني Ct لازم يفرق بين الكيسة والورم بس الصورة اللي وضعتها أنت ليست واضحة ( خصوصاً ما عندي خبرة ويمكن هاد السبب )
منشان هيك أنا عبطلب وينبرغ منشان +أو- للكيسة
شكراً كتير وآسف إذا كنت عبعفس

#9 Apr, 13 2006, 02:17

شو مستر سام

ما رديت علينا

شو صار بالحالة

#10 Apr, 13 2006, 04:37

شو حجم الكثافة
وشو تفصيل الأعراض
وبعدين أنا مالي شايف شي على الCT اللي إنت حاططو
هلق طمن التفاصيل القليلة اللي إنت جابيها بالقصة السريرية أنا ممكن حطلك عشرين تشخيص تفريقي
ببلش معك من كيسة أو التوسع القصبي وبنتهي بإنها عندها هجمة ربو مع إنتان مجاري بولية علوية
بدنا شوية تفاصيل حتى عن الانتان البولي اللي صار معها

المواضيع المشابهة
الموضوع	مبتدئ الموضوع	المنتدى	الردود	آخر مشاركة
دراسة أعراض الحالة السريرية الموجودة في جناح الصدرية	نسيبة المازنية	الأعراض والتشخيص	8	Jun, 09 2007 11:50
[داخلية عامة ] جناح الصدرية حالة رقم 1	RWTH	مستشفى الملتقى (حالات سريرية)	12	Oct, 23 2005 01:05

		الملتقى الطبي السوري > الطب البشري ودراسته > مستشفى الملتقى (حالات سريرية)
[جناح الداخلية العامة] استشارة صدرية

أدوات الموضوع
عرض نسخة سهلة الطباعة أرسل هذه الصفحة بالبريد الإلكتروني