ليش الله خلق الفارة؟
يدور هذا النقاش حول ليش الله خلق الفارة؟ في قسم مقهى الملتقى في الملتقى الطبي السوري; وحدي ساكن.. من شهور..
ببيتنا، يمكن كنت بشتكي دائما من الوحدة،
اليوم صاير عم أشتكي من التنين!!
طلعت من كم يوم فارة..
صغيرة لازم تكون بحجم الكف.. لتقدر تنزل وتطلع
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| استشارات الرازي | ||
 |
| | LinkBack | أدوات الموضوع |
Apr, 10 2006, 01:28
| |||
| |||
| ليش الله خلق الفارة؟ وحدي ساكن.. من شهور.. ببيتنا، يمكن كنت بشتكي دائما من الوحدة، اليوم صاير عم أشتكي من التنين!! طلعت من كم يوم فارة.. صغيرة لازم تكون بحجم الكف.. لتقدر تنزل وتطلع من البلوعة.. بس لما بشوفها بحسها كبيرة.. وهي عم تتمشى بثقة أو بخوف (ما بعرف) بالمطبخ بين البلوعة والبلوعة التانية.. مفترض إنها فارة.. مع إنو الإحتمال الأكبر.. قياساً للونها الأسود القميء.. وقياساً لمدى الرعب يلي بتعمله عندي.. إنو تكون جربوع ما فارة.. مع إني من بقيت لحالي (من شي 9 شهور) وأنا مكركب بحالي وبوحدتي بالبيت.. وعم نادي من شان شي حدا يشاركني وحدتي.. وخبزاتي والزعتر بس اكتشفت مؤخراً إنو وجود حدا معك بالبيت، حتى لو بس بده يطل عليك بين وقت وتاني.. (مع إنو عم يشاركك وإنت ما شايف) يمكن كل هالشغلات السابقة.. ما بالضرورة يحل المشكلة.. يمكن يكون عبء عليك.. ويكركبك بزيادة.. بحاول لما بشوفها أتذكر جيري.. (فارة حلوة أليفة، خفيفة دم..) بلكي.. بخف شوي الغثيان عندي.. بس.. ! ما في فائدة.. (بالفعل رهيب هالشخص يلي حوّل الفارة (أو الجربوع) من كائن مثير للإشمئزاز إلى شي funny وبضحك.. شلون قدر يعمل من الفارة الكريهة شي بينحب.. يعني بيدخل للقلب !! (ما فارتي أنا.. بتقرف.. بتدخل ع البلوعة كل ما بتشوفني.. وبعيدة كتير عن القلب) الغريب إنو ممكن الفارة تكون مني خايفة.. يعني ما بس أنا خايف منها!! الخوف متبادل..! هلأ.. هو يلي عندي.. ما خوف خوف.... (ما حدا يقول سنفور بخاف من فارة..) هو شعور خلطة من القرف، ع الاندهاش، ع المفاجأة.. ع شو.. مفرني.. ع شوية خوف.. بصراحة.. مو خوف خوف.. هو شي متل .. الهلع.. طيب.. يعني حط حالك محلي.. (أو حطي حالك..) إنو تدخل ع المطبخ.. تشوف كتلة لحم وسخة سودا ع بنية إلها ديل عم تمشي حد إجرك.. طالعة من البلوعة أو رايحة إلها..! طيب.. والله ما منيحة هالشغلة.. جربت أسد البلوعة.. بس رجعت طلعت.. (بالحقيقة ما بعرف إذا طلعت.. أنا شفتها بس وهي عم تنزل....) حدا عنده حل لهالمشكلة؟؟ يجاوبني ع واحد من السؤالين.. شلون فيني أخلص منها بالمرة- وهدا بكون أحسن.. بكتير.. بشرط إني ما أقتلها، ولا أشوفها ميتة عندي وأضطر لشيلها! إذا كان لا بد.. وباقية معي.. شلون فيني أعتبر الفارة شغلة كويسة متل جارة وحلوة ببيتي.. وأعتبر وجودها أليف معي.. ومؤنس.. لحتى بس ع الأقل ما ينط قلبي كل ما شوفها.. !!  |
|
#11
Apr, 13 2006, 22:02
| |||
| |||
| مرحبا سيد سنفور ومشكلته العويصة ... أول الشي متأكد انها عمتطلع من البلوعة فقط ؟ ...طيب شلون سديت البلوعة وطلعت ؟! ... حاول تسد كل المنافذ ( البلاليع ) بشكل جيد ... وبعدين في سم فيران ... فأحسن شي انك تجيب سم فيران وتحطه حول المنفذ ( وبداخله ) ... أو مصيدة كمان بصير اذا بدك قصة درامية أكتر شوي ... ولما تشوف الجثة بعدين ... بعينك الله ... بتجيب كرتونة ، بتميلها ، وبتدفش الجثة بسرعة بواسطة شي شغلة لقلب الكرتونة وانت مغمض عيونك ... وبعدين تخلص من الكرتونة ... وبالنسبة للخيار التاني .. فما بدك اياها لهالصحبة ... لأنو هدول الفيران بيتكاثروا وبيدلوا بعض ، ومن هون اجت العبارة الأجنبية ( تتكاثر كالفئران ! ) ... فمشان هيك استعجل قبل ما يجي جوزها للفارة ... |
|
#12
Apr, 13 2006, 23:06
| |||
| |||
| هلق الفارة صارت مشكلة ياسنفور والله حرام ........مخلوق ضعيف بس معك حق صار معي نفس هالفصل الناقص مرة كنت لحالي بس أنا الفارة قدرتلي وطفشتني رحت قعدت عندبيت جدي حتى بابا طالعها من البيت المهم هلأ متل ما قالوا زملائي ما الك الا تجيب كرتونة وتحط عليها دوا فيران (هو أكل للفار+سم) لونه أحمر وردي كتير حلو وتحط جنبو لاصق فيران (لاصق قوي كتير) فالفارة بتاكل الدوا بتجي بتدوخ بعدين بتلزق باللاصق بتجي انت بكل نظافة بتمسك الكرتونة وبتشلفها وبتخلص من هالقصة |
|
#13
Apr, 13 2006, 23:25
| |||
| |||
| المشاركة الأصلية بواسطة babyface
 |
|
#14
Apr, 14 2006, 01:01
| |||
| |||
| له له له يا babyface ... حدا بحكي عن حالو هيك ... بس يا أمل المستقبل ... من وين نكشتيلها هالزلة ... عاصم |
|
#15
Apr, 14 2006, 03:59
| |||
| |||
| وينك يا سنفور ......... هاي الشباب عبيعطوك الحلول وانت غايب ........مايكون هربت من البيت خبرنا شو صار معك |
|
#16
Apr, 14 2006, 17:19
| |||
| |||
| مرحبا من جديد  يا جماااااااعة .. اللاصق لا يعمل إذا كانت الفارة كبيرة .. ولا تنسوا العوامل التالية: الضمغ بينشف مع مرور الساعات .. ممكن إذا فعلا الجارة جردونة فمستحيل تلزق بأقوى صمغ .. أنا برجح المصيدة التقليدية .. يلي هي عبارة عن خشبة فيها حديدة وبينحط فيها طعم.. الطعم المسموم أحيانا ما عم ينفع صاير لأن جراديننا (بحلب) صار عندهم مناعة. متلون متل الصراير يلي زمان بيبخوهون مثلا ببف باف , بيصير معون مناعة مع مرور الوقت وبيبطلوا يتأثروا. عكل حال الله اعلم اذا هلئ السم صاير غير .. لكن إذا كان المراد طعم بالمصيدة الخشبية, فمو ضروري يكون مسموم بما انها هيك وهيك رح تنكمش. بزمانو كنت بالروضة. وبالنصية كان في فارة .. وبما إني ما كنت حب الجبن يلي بيعطونا إياه بالروضة  فبيوم من الايام بدال ما كب القطعة تبعيتي بدون ما حدى يحس كالعادة .. جبتها لماما وقلتلها هي مشان الفارة !بالتوفيق والسلام |
|
#17
Apr, 15 2006, 01:22
| |||
| |||
 في اكتشاف سيء لقيته بعد بحث..إنو الفارة ما بتعيش بالبلاليع.. ! يعني يلي كانت هي ما فارة.. هي شي تاني.. شي تاني مستحيل التعايش معه، لإنو ما بس بعض.. بيعمل شغلات ما منيحة.. ببساطة لإنو بعيش بالمحلات المامنيحة.. الأبدا ما منيحة.. |
|
#18
Apr, 15 2006, 01:24
| |||
| |||
| أكتر مقطع بدي ياك تقراه من المشاركة.. ما بتشوفه.. ! ما بعرف، بتنط عليه، بتطفه.. ما بينقرا معك.. الله وحده بيعلم ليش الله خلق الفارة..؟ هدا هو السؤال.. يا أخي جاوبلي عليه.. وهديتك .. لاصق للفيران فكرة القطة بدك تشيلها من بالك بالمرة.. ما حدا بيتبرعلك بقطته المدللة من شان تقتلك جردون.. بالذات إذا كانت ممشطة وأليفة وشبعانه لحم.. يمكن يشوفها سمونة وحلوة يروح ياكلها.. ع الأقل.. بعبيلها وجهها دم.. وبعضها إنو أجيب قطة برية..!! فصعب شوي.. أتعايش مع قطة وجربوع بنفس الوقت.. يمكن يتعايشو مع بعض.. وأروح بيناتهن فراطة.. |
|
#19
Apr, 15 2006, 01:30
| |||
| |||
| إنو يعني انخلق الجربوع (بالحمصي) والجردون (هو نفسه.. بس هدا حلبي.. يعني تنيناتهن أبناء وطن معطاء واحد..) من شان شو.؟ يعني من شان ينطوط بين إجريك... مثلا.. أو أحيانا يعصب منك إذا حاولت تغتاله.. فينط يعضك؟ او من شان شي طفل يكون نايم.. حد أمه.. بس تحت (يعني ع سفنجة.. مثلا.. ما بتصير..؟ هي يلي بتصير) وفجأة فاقت الأم.. شافت إبنها بلا إنف!!! أو بإدن.. بس بلا إدن تانية.. صايرة هي.. طيب إنو شو بنستفيد؟؟ أو يعني الطاعون كويس طيب يا الله دخيلك؟؟ يعني قرية كاملة.. مثلا عن بكرة أبيها.. بعصية هانسن.. مثلا Mycobacterium leprae..؟ طيب.. الختايرة بكونو آكلين هوا لشبعانين.. بس طيب.. الطفال ليش؟؟ طيب أنا مثلا.. شو عامل.؟ ليطلعلي..؟ .. آه.. هو الجربوع مخلوق من شان الحية تاكله.... يمكن.. بس الحية ليش مخلوقة.؟ طيب وصلني معك.. سوق ومشيني إيد بإيد.. لمحل أعرف فيه إنو خلص صح.. مشي الحال.. تك تك تك.. وبلا الجربوع شو بصير؟؟ |
|
#20
Apr, 15 2006, 01:34
| |||
| |||
| اللاصق مرفوض جملة وتفصيل.. ما بعتقد حدا منكن سمع صوت جربوع وهو عم ينازع.. ويصيح ويستغيث.. يعني.. صوته.. أقوى من صوت خمس بنات مرعوبات من جربوع سادس.. بيناتهن.. ومعهن بالإضافة... شبين سابع وتامن.. وكلهن عم يصيحو .. إيه..؟ صوت الجربوع يلي عم يموت.. ويزورك ومعصب.. لإنو إيديه ملزقات.. وبجوز يحرك راسه.. فيلزق هو الآخر.. هلأ.. هالحكي إذا كان اللاصق كويس.. والمصيدة ع أضرب.. يعني ما كتير حابب أشوفه عم يستشهد بحضني.. بعدين كلتا الوسيلتين.. مرفوضتان إنسانيا.. (أو جربوعيا..) لإنو كتير حقيرات.. وفيهن تعذيب بشع.. دعوه يمت بسلام.. ووقار |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| ليش كلية الطب ؟ ... سؤال لكل طالب | Kliopatra | اجتماعيات | 51 | Dec, 22 2007 14:34 |
| فشّة خلق..... | shareef | اجتماعيات | 8 | Jan, 05 2006 22:57 |
| ليش كل هالعدوانية ؟! | rose | مقهى الملتقى | 9 | Oct, 13 2005 15:04 |
كل الأوقات حسب GMT +2، والوقت الآن 20:37.
