ليش الله خلق الفارة؟
يدور هذا النقاش حول ليش الله خلق الفارة؟ في قسم مقهى الملتقى في الملتقى الطبي السوري; وحدي ساكن.. من شهور.. ببيتنا، يمكن كنت بشتكي دائما من الوحدة، اليوم صاير عم أشتكي من التنين!! طلعت من كم يوم فارة.. صغيرة لازم تكون بحجم الكف.. لتقدر تنزل وتطلع
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
|
#1
Apr, 10 2006, 01:28
| |||
| |||
| ليش الله خلق الفارة؟ وحدي ساكن.. من شهور.. ببيتنا، يمكن كنت بشتكي دائما من الوحدة، اليوم صاير عم أشتكي من التنين!! طلعت من كم يوم فارة.. صغيرة لازم تكون بحجم الكف.. لتقدر تنزل وتطلع من البلوعة.. بس لما بشوفها بحسها كبيرة.. وهي عم تتمشى بثقة أو بخوف (ما بعرف) بالمطبخ بين البلوعة والبلوعة التانية.. مفترض إنها فارة.. مع إنو الإحتمال الأكبر.. قياساً للونها الأسود القميء.. وقياساً لمدى الرعب يلي بتعمله عندي.. إنو تكون جربوع ما فارة.. مع إني من بقيت لحالي (من شي 9 شهور) وأنا مكركب بحالي وبوحدتي بالبيت.. وعم نادي من شان شي حدا يشاركني وحدتي.. وخبزاتي والزعتر بس اكتشفت مؤخراً إنو وجود حدا معك بالبيت، حتى لو بس بده يطل عليك بين وقت وتاني.. (مع إنو عم يشاركك وإنت ما شايف) يمكن كل هالشغلات السابقة.. ما بالضرورة يحل المشكلة.. يمكن يكون عبء عليك.. ويكركبك بزيادة.. بحاول لما بشوفها أتذكر جيري.. (فارة حلوة أليفة، خفيفة دم..) بلكي.. بخف شوي الغثيان عندي.. بس.. ! ما في فائدة.. (بالفعل رهيب هالشخص يلي حوّل الفارة (أو الجربوع) من كائن مثير للإشمئزاز إلى شي funny وبضحك.. شلون قدر يعمل من الفارة الكريهة شي بينحب.. يعني بيدخل للقلب !! (ما فارتي أنا.. بتقرف.. بتدخل ع البلوعة كل ما بتشوفني.. وبعيدة كتير عن القلب) الغريب إنو ممكن الفارة تكون مني خايفة.. يعني ما بس أنا خايف منها!! الخوف متبادل..! هلأ.. هو يلي عندي.. ما خوف خوف.... (ما حدا يقول سنفور بخاف من فارة..) هو شعور خلطة من القرف، ع الاندهاش، ع المفاجأة.. ع شو.. مفرني.. ع شوية خوف.. بصراحة.. مو خوف خوف.. هو شي متل .. الهلع.. طيب.. يعني حط حالك محلي.. (أو حطي حالك..) إنو تدخل ع المطبخ.. تشوف كتلة لحم وسخة سودا ع بنية إلها ديل عم تمشي حد إجرك.. طالعة من البلوعة أو رايحة إلها..! طيب.. والله ما منيحة هالشغلة.. جربت أسد البلوعة.. بس رجعت طلعت.. (بالحقيقة ما بعرف إذا طلعت.. أنا شفتها بس وهي عم تنزل....) حدا عنده حل لهالمشكلة؟؟ يجاوبني ع واحد من السؤالين.. شلون فيني أخلص منها بالمرة- وهدا بكون أحسن.. بكتير.. بشرط إني ما أقتلها، ولا أشوفها ميتة عندي وأضطر لشيلها! إذا كان لا بد.. وباقية معي.. شلون فيني أعتبر الفارة شغلة كويسة متل جارة وحلوة ببيتي.. وأعتبر وجودها أليف معي.. ومؤنس.. لحتى بس ع الأقل ما ينط قلبي كل ما شوفها.. !!  |
|
#2
Apr, 10 2006, 09:23
| |||
| |||
 عزيزي سنفور ليش خايف من شوية "فارة" ؟؟؟ أنا مثلاً، كل يوم بمسك "الفارة" وبأقعد على الكمبيوتر  ما بدها كل هالشي يا زلمة .. |
|
#4
Apr, 12 2006, 22:04
| |||
| |||
| ليش ما بتحطلها مصيدة ؟ ( فكرة ذكية ومبتكرة ...ماهيك؟) أو قرر تحبا متل نانسي عجرم ......ما حدا أحسن من حدا ... تحياتي |
|
#5
Apr, 12 2006, 23:07
| |||
| |||
| بنصحك تبعت ورا بوش حلال المشاكل ....بتم ابن ريف قلبو قوي...... بجوز يعمل انزال مظلي على البلوعة..يعتقل الفارة ويبعتها على غوانتانامو.... شيل المزح....... حلين ما إلون ثالث : 1- جيب بسة (ملان منن بحديقة المتحف اذا ما لقيت منن) 2- مصيدة فيران (مصيدة نظامية.....أو حط كرتونة عليها طعم ولاصق قوي......مجربة ) أما فرضية تتأقلم معها أو تحبها متل جيري فأمر مستبعد.... هديك فارة أمريكية أبوي دمها خفيف ومثقفة......أما فارة حلب...الله لا يرويك...!!!! |
|
#6
Apr, 13 2006, 00:13
| |||
| |||
| فعلا" مشكلة ؟؟؟؟؟  بدك الحل الأمثل : حط التلفزيون جوا المطبخ وشغلوا ع القناة الأولى كل يوم الساعة 6 المسا لمدة اسبوع وابقى قابلني اذا رجعت لعندك  |
|
#7
Apr, 13 2006, 00:55
| |||
| |||
| بتعرف ...هي فعلا مشكله كبييره... و حقك...حتى لو بدك تطفش وتتركلا البيت... بس اكيد ما رح تعملا...  يعني بتصور الحل بسد البلوعه منيح..ما فهمت من وين خرج تطلع بعدا....  و انتبه لا تمتد ابعاد اراضيه لاكتر من المطبخ...مشكله بعدا...  |
|
#8
Apr, 13 2006, 01:05
| |||
| |||
| عبتقرفك؟؟؟؟؟؟؟؟ بسيطة يا اخي نحاربها بنفس السلاح {القرف}00 انغام جورج وسوف كفيلة اني تفقدها السمع محاضرة داخلية كفيلة انو تفقدها العقل 0 وهكذا تصبح عالة على مجتمع الجرذان الذي لن يفكر حتى الجرذ الصنديد منهم ان يزور مطبخك الذي صار غرفة من جهنم ولا بأس من جرعة داعمة من برامج التلفزيون السوري((ممكن يفيدك للحشرات)) سماع نصيحتي مابتندم كانت النصيحة بفارة  |
|
#9
Apr, 13 2006, 08:15
| |||
| |||
 بدنا نلائي حل !!! السلام عليكم .. يا جماعة إذا جاب مصيدة رح يضطر يشيلها بدين وفيها الغزال الميت !! والزلمة ما عاد بدو يشوف خلقتا لجارتو. بدنا حل عملي أكتر, إذا جبت قطة برأيي بتاكلها وبيمشي الحال .. بس قطة ما يكو عمرها أقل من 3 سنين لأن طالما جردون فممكن يأذيها. طيب أول الشي خليونا نشخص ... كيف شكلها جارتك ؟ هيك ؟  ولا هيك ؟؟  انتبه ما تكونلك أسرة  حل سد البلوعة ما كتير بيفيد .. عزيزتي شيري ما بتعرفي أن البلاليع كلها متشابكة ومفتوحة عبعضها ؟ يعني بيسد بالمطبخ بتطلعلو بالحمام. وطبعا الفيران بتفضل المطبخ نظراً لتواجد الغذاء. أما يلي اقترحوا بجيبة بوش ... فليش ما عندكم خبر ان الجرادين صحابينو ؟  طيب .. بكل جدية ........... سنفور بتاخد مصيدة بتحط الطعم قطعة خبز مغموسة بزيت الزيتون. هادا طعم أقوى من الجبن. (هيك راحت الفارة يلي عاشت عنا وصارت من اهل البيت وكان اسمها بوتي بوتي). وإذا بتقرف تشيلها مافي أسهل من انك تعزم رفقاتك عالغدا, وبالمعية تطلب منهم يشيلوها. أو جيب قطة, كمان طريقة فعالة ومجربة ضد الصراصير والفيران. وبالتوفيق  بس خبرنا شو بيصير معك.والسلام عليكم |
|
#10
Apr, 13 2006, 19:38
| |||
| |||
| هاي سنفور ... كيفك ؟؟؟ عن جد طالع لك جارة ؟؟؟؟؟؟؟؟؟ يالطيف .. أفكار كليوباترا كتير حلوة ... و كلها بتقول إنك تنفي هالفارة ( الجارة ) من البيت ... و أنا بقول على اعتبار عندك فارة و عندك ... احفر لها شي فراغ بالحيط عندك و جرب لنا .. عجب هالفارة بتصير تعيش فيه و الا ما بتفارق البلوعة ؟؟؟؟ |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| ليش كلية الطب ؟ ... سؤال لكل طالب | Kliopatra | اجتماعيات | 51 | Dec, 22 2007 14:34 |
| فشّة خلق..... | shareef | اجتماعيات | 8 | Jan, 05 2006 22:57 |
| ليش كل هالعدوانية ؟! | rose | مقهى الملتقى | 9 | Oct, 13 2005 15:04 |
كل الأوقات حسب GMT +2، والوقت الآن 05:37.
