ضربة الشمس (الصيف قرب ... دير بالك)

#1 Apr, 17 2006, 03:01

بما انو الصيف صار ع الأبواب شفت أنو من المناسب نتعلم شوي عن موضوع كتير بسيط وسهل وممكن نصادفه بأي مكان.......................بدك تعرف شو هو ---- تعا معي

ضربة الشمس

شو هي ضربة الشمس وشو هي الظروف اللي بتخلي واحد منا<لاسمح الله >ياكلو هيك ضربة

في البداية رح نحكي شوي عن فيزيولوجيا الجسم:
يقوم الجسم بالمحافظة على الحرارة الداخلية له بواسطة عاملين مهمين هما

1_تغيير كمية الدم المتدفقة الى الجلد :
شلوووون
قال اذا ارتفعت الحرارة ....... تزداد كمية الدم الواردة الى الجلد.......وهيك بترجع وبتنخفض الحرارة مرة تانية .. والعكس بالعكس

2_التعرق:
ووظيفته تخفيض حرارة الجسم

طيب....
الجو حار كتير ورطب وفي ولد صغير <<مثلا">> نزل يلعب أو عامل شغله بيطلب منو الوقوف
فترة طويلةتحت الشمس ياترى شو رح يصير......

في هذه الحالة تقوم الأوعية الدموية في الجلد بالتوسع ويزداد تدفق الدم الى الجلد{وبالتالي نقصان كمية الدم في الأنسجة العميقةوالعضلات}ثم يبدأ الجسم بافراز العرق وبما انو الجو رطب فالعرق مارح يتبخر وحرارة الجسم مارح تنخفض وهيك بيكون دخلنا بحلقة مفرغة واللي نتيجتها فقدان الماء والأملاح من الجسم

اذا"... امرآن هامان يحدثان
1- نقصان كمية الدم الموجودة في الأنسجة العميقة والعضلات
2-فقدان كميات كبيرة من الماء والأملاح

وهلأ .... حسب درجة النقصان والفقدان رح تظهر الأعراض التالية:
* التقلصات الحرارية :
عبارة عن عن الآم بسيطة وتقلصات في العضلات الهيكلية
والفقدان هون بكون بسيط للماء والأملاح

*الاعياء الحراري:
اعياء وتعب شديدين والتقلصات العضلية تصبح أشد
طبعا"الفقدان هون رح يكون اكتر
لكن...........
في التعدادين السابقين تكون درجة حرارة الجسم مازالت طبيعية

*الصدمة الحرارية {ضربة الشمس}:
حالة متقدمة وخطيرة يحدث فيها
-ارتفاع حرارة الجسم فوق ال40 درجة
-صداع وغثيان
-غشي وسبات وأحيانا"نوب صرعية
-انتصاب اشعار وضعف بالأطراف
قد تؤدي احيانا" الى أزمة قلبية أو فشل كلوي أو cvaوأحيانا" الوفاة في حال المعالجةغير الصحيحة.

المعالجة:
اسعافية وسريعة
1_ تبريد المصاب: بنغمره في الماء المثلج
2_تأمين مجرى تنفس واوكسجين
3_سوائل وريدية: دكستروز5% وملحي نصف نظامي
4_المهدئات: كلور برومازين - ديازيبام - فينو باربيتال

ملاحظة:فقدان الأملاح غالبا" يكون على حساب شاردة ال Na
وفي النهاية أقول
ان شاء الله يكون الصيف حلو عليكم وتكونوا انجحتوا بموادكن كلها
باااااااااااي

#2 Apr, 17 2006, 03:48

السلام عليكم..
الله يعطيك العافية أخي الدكتور نور على الموضوع المفيد..
وكل صيفية وإنتو بألف خير.. والله يبعد ضربات الشمس وكل بلى عنا..
ويسلموا دياتك..
وبالتوفـــيق..

#3 Apr, 17 2006, 12:47

شكراً إلك د.نور ع الموضوع

بس إلي طلب عندك

ممكن تنزل موضوعاً عن داء هاشيموتو(سمعت بتعرف عنه كويس)

مشكور أبو محمد

#4 Apr, 17 2006, 19:01

على راسي يا بو محمد الغالي ...........

الله يجزيك الخير و مشكوووور عشان الموضوع ............

لا تحرمنا من مشاركاتك الطبية ..................

#5 Apr, 17 2006, 19:28

شكرااا على الموضوع الحلو والمفيد
تحياتي

#6 Apr, 18 2006, 00:44

شكرا" لكل الشباب اللي مروا بالموضوع{,mr.yellowوزين الدين-turbo-ghareeb} والله يقدرنا لحتى نفيدكم بمواضيع أكتر

وبالنسبة الك يا يللو ....... بشرحلك ياه بالجامعة يا شقي

#7 Apr, 18 2006, 03:34

عراسي يا أبو محمد
تسلم ايدك عالمشاركة.........

والله يعطيك يللي أخدو منك

بس يا ترى انت شايف مشكلة الصيف بس هون........

#8 Apr, 18 2006, 14:41

تسلملي دكتور نور
والله يسترنا من الشمس والصيف..
بالمناسبة : في ضربة الشمس البوتاسيوم بيرتفع ولا بينخفض؟؟
سؤال مهم لأنه الدكتور عبد اللطيف قصاص سأله لأحد طلاب السادس في مقابلة التخرج
ســـــــــــــلام

#9 Apr, 18 2006, 23:36

شكرا" على الموضوع....

#10 Apr, 20 2006, 01:38

شكراً أبو محمد

الله يستر من شوب الصيف...ضربات شمس الصيف....وناس مضروبة مصيفة....

خليا على ربك والله يستر...
والسلام

Try to know the right diagnosis	نحتاج إلى مشرفين (للأقسام ولكل الموقع)	تعالوا نشخص التهاب الكبد B مصلياً
تفاصيل فحص الحيوان العملي	اسئلة فحص الكيمياء العضوية عملي

المواضيع المشابهة
الموضوع	مبتدئ الموضوع	المنتدى	الردود	آخر مشاركة
الصيف ستر ...ففضح المطر...	dr.mohi	مقهى الملتقى	26	Nov, 24 2006 17:26
التباس حول مكان ضربة القمة، أرجو الإجابة	زهار	الأعراض والتشخيص	4	Aug, 19 2006 18:44

أدوات الموضوع
عرض نسخة سهلة الطباعة أرسل هذه الصفحة بالبريد الإلكتروني