مقدمة: قالوا عنك سلسلة جديدة، تهدف إلى جمع آراء الأعضاء حول أحدهم، وتهدف إلى زراعة الحب والمودة أيضاً، ليس لقاءً وإنما استعراضاً للآراء ... آراء المحبين ... وحتى غير المحبّين ...

باختصار ... سألناهم عن كليوباترا ... فقالوا ...

السلام عليكم ...


قالوا عنك (1) ... kliopatra

لما قريت العنوان وقبل ما فوت .. خطرلي: رح يكون في كمان قالوا عنك (2) ... kliopatra ؟؟

تهدف إلى جمع آراء الأعضاء حول أحدهم، وتهدف إلى زراعة الحب والمودة أيضاً،

شو هالهدف السامي ؟

ليس لقاءً وإنما استعراضاً للآراء

يعني لا تاخدوا مجدكون بالأسئلة الحتمية.

... آراء المحبين ... وحتى غير المحبّين ...

وينون التانيين ؟ .. طيب ويلي مو من هدول ولا هدول .. شو يعملوا ؟

ويا ترى .. باب رسائل المودة والاحترام كمان مفتوح لأسبوع ؟

-------------------------------------

طيب شكرا كتير للأخ العزيز الرؤوف شنكول لهالسلسلة الرائعة المبتكرة الجديدة من نوعها تماما.. يعني ما في منتدى ممكن يعمل هيك غير عنا, واذا شفتوا هيك شي بمنتدى تاني فبيكونوا أخدوا الفكرة من الزميل شنكول.

هو اللقاءات والسلسلة الجديدة ما بتفرق بين بعضها كتير, التنتين بيحطوا الشخص (المستضيف) في مكان لا يحسد عليه .. أو ربما في مين بيحسد وبيقول (يا ريت اللقاء كان معي أنا يا رب يا رب يستضيفوني). لكن بتوقع أن المكان هادا متل قاعة المحاضرة وهية مملوئة بالطلاب وبنص محاضرة الدكتور يقول ((تفضل يا فلان .. ايه انت يلي قاعد تاني درج .. اشرحلنا عن الدرس !! )).

طيب والمتأخرين ليش لهلئ ؟

-------------------------------------

طيب هلئ عن جد صحيح مو أول مرة بكون نجمة "موضوع" بالمنتدى .. لكل حلو كتير إنك تعرف في ناس بتفكر فيك وبتحس بوجودك .. واهم الشي بتحبك.

السلام عليكم ..

والله هية الفكرة عادية .. بس انتوا ...

أول شي اعترفيي .. حدا خبرك عن المفاجأة يلي شنكول محضر لك ياها؟؟؟؟؟

المفاجأة محضرها مو بس شنكول ....... لكن (ليش الكذب) ؟ كان قلبي محسسني ان في شي عم بيصير, يعني مو غريبة آخر كام يوم عم بخطر على بال كوشة عالم ؟ ومنون مين متوقع أن حيصير شي مميز بيخصني ؟ يعني هية الحركة حوالي كانت مريبة خطرلي يكون في لقاء, لكن انا متأكدة شنكول ما بيعملا ... آم طلع عم يعمل إحصائيات عن رأي الزملاء الأعزاء عني.

بتقدر ببساطة تكتشف مدى روعة هالشخصية .. و ثقافتها ..

إلنا الشرف عابد يكون آخد هيك فكرة والأحلى ان أول رسالة وصلتو لشنكول كانت من عابد ..

تعودنا منها مواضيع حلوة .. مرحة .. و هادفة ..

وان شاء الله نضل عند حسن الظن .. وفعلا ممكن نفيد .....

أحلى شي بكليوباترا التوقيع يلي صرنا نشوفه بعد ما ربنا أكرمها بالحجاب ..

بالله هادا أحلى الشي ؟ ... توقيعي بعد ما ربي أكرمني بالحجاب كان

غيرتُ موضع مرقدي ليلاً ففارقني السكون ... فبربك أول ليلة في القبر كيف تكون ؟!!

بس بيكفي إنها تعرف معزتها على قلوبنا

فعلاً .. شي رائع .... أو متل ما قالوا عن القلب يلي انت صاحبو ....

شكرا إلك كتير

والسلام عليكم

وعليكم السلام ورحمة الله وبركاته ..

كليوبترا... ماذا عساني أن أكتب عنها؟!

بالفعل يكفي أن تكرمنا بمرورك في موضوعنا ... لأنه أكيد سيضفي نكهة خاصة من الاحترام والإلفة.

كلامك اللبق دائماً والمنقى بطريقة - غريبية - بيضيف التفاؤل لأي موضوع بتشارك فيه ... متل مو شخصيتك بتزرع الأمل باللي بيتعامل معاها بأي وقت كان ..

يمكن بالدراسة أنا مو نشيطة أد مو هون بالمنتدى .. لكن عم اعمل يلي علي ! ........... ادعيلي الله يخليك

والسلام عليكم ورحمة الله.

السلام عليكم .. أيها المتفائل !!!!!!!

من الجميل حقاً أن أنجح في نقل كلمات دافئة من مكان "بارد" .. في الحقيقة أيها المتفائل, فنحن لدينا إنارة في المنزل تصور ... ولشد ما ستستغرب إن قلت لك أن لدينا تدفئة كذلك ....... وأخشى أن يصيبك الدوار إن أخبرتك أننا صيفاً-شتاءً نلبس النصف كم في المنازل والأماكن المغلقة ... ذلك أن الروس وعلى مدى العصور الطويلة تعلموا كيف يبنون البيوت الدافئة ويخترعون شتى وسائل التدفئة ليتكيفوا العيش في منطقة من هذه الأرض تصل الحرارة فيها شتاءً إلى -40 .. الله يعين

وهنا اتاكد تماما من ان قلب كليوباترا سيظل متوهجا توهجا شرقيا حتى لو وضعته في القطب الشمالي

أشكر لك ثقتك المطلقة فيما تقوله .. وإن شاء الرب فسأحفظ رونق الشرق في قلبي ... وأنثره على أعضاء جسدي كله.

تعجبني كلماتها وشعاراتها ومودتها

الله يكرمنا نكون عند حسن الظن دايما ..

كم كنت أتمنى أن ألتقيها أو أراها عندما كانت هنا وسمعت انها أطلت على كليتنا

كانت زيارة تايخية ... أود تكرارها إن أطال الله في عمرنا .. ... خصوصي أن زبطوا الحديقة الداخلية وما عادت آيمة آعدة متل أخر مرة شفتا.

كمان ميرسي مشان مبادرتك بالمساعدة مجرد المبادرة كانت مميزة ..

شكرا إلك كتير

والسلام عليكم

السلام عليكم ..

وصفات جميلة كثيرة يُمكنّني تعدادها حتى الصّباح ...

آعدين .. شو ورانا ... تفضل ؟

.................................

مممممم .. غريب أن تقول أنت هذا الكلام, أنك تعرفني ولا تعرفني في حين أتوقعك تعرف أكثر من أي شخص آخر أمور كثيرة .... خذ الموضوع ببساطة أخي شنكول .. شخصية متقلبة توقع منها أي فكرة ... أو .. تصرف .. ؟ .. وحطلها عذر من عندك !!
لكن أكيد ... ما حانقلب عنكم ...

كمان أنا مدينة إلك بمساعداتك الكثير لإلي ... ((منكمل الحكي عنها بيناتنا))

شكرا إلك كتير

والسلام عليكم

السلام عليكم ورحمة الله ..

أشكر الأخ شنكول كثيرا أنه أعطى فرصة للمتأخرين .. وأعتذر .. أعتذر .. أعتذر .. كثيرا عن تأخري .. لكن عزائي أنها تعرف كم لها عندي من معزة .. تلك التي عندما أراها أشتاق للطبيعة .. وعندما أرى الطبيعة أشتاق إليها ...
لدي الكثير الكثير من الأفكار .. لكن ذخيرتي من الكلمات قليلة .. وأسلوبي في التعبير ضعيف .. لذا فمن يرى في الوصف نقص .. فليعلم إنه في الكاتب وليس في الموصوف...
وتبقى كليوباترا .. تلك الشخصية القوية المستقلة .. الجادة.. الملتزمة .. النشيطة .. المحبة ..
وأبقى أتعلم منها الكثير .. رغم أني لم أعرفها إلا منذ فترة قصيرة .. لكنها كانت كفيلة بأن تقربني إليها كثيراً ..ولي كل الفخر..
وهنا أبعث إليها بأجمل التحيات مع نسيم الليل الرقيق مع ندى الصباح المنعش مع تفتح الأزهار في أحضان الوطن مع طيور النورس المهاجرة من حدائق الصداقة إلى غابات الغربة عسى أن تلفحها نسمة من نسمات الشوق و تبلغها رسالة من رسائل الحنين وتبعث فيها الأمل ... كشمس مشرقة تسطع وسط ليل مدلهم فيتفجر ينبوع ويتدفق نهر .. ويمتلأ الدرب الطويل برائحة الزنبق والاقحوان .. إلى أن تصل ... وتعود إلينا حاملة معها كل هذه الألوان الجميلة .. ولتضفي على مدينتها حلب الكثير الكثير من البهجة .. وأجتمع بهما معاً ... هي والطبيعة ....

حفظك الله أختي وأعانك وجعلك من الصالحين المقربين ..
ودائما .. لا تنسيني من دعائك...
والسلام

وعليكم السلام ورحمة الله وبركاته

يعني عرفتوا تنقوا

برأيك يا عزيزتي لو نقوا أي حدا تاني من المنتدى ما بيكونوا عرفوا مين يختاروا ؟ ههه بس ان شاء الله ما يصير اللقاء


انتي كمان لفتي نظري من اول اشتراكك يمكن لانك دغري فتتي عفحص الانكليزي ؟!! لكن ما شاء الله الكرسي يلي احتليتيه بالمنتدى وعبيتي مواضيع طبية حلوة وشيقة (يعني أنا كمان بقراها لا ) صارت تعطي للمنتدى منحاه الطبيعي ... الله يعطيكي العافية يا رب. وان شاء الله بس تكوني فكرة عن الاراء تلائيها تناسبك اكيد فيكي تقري المشاحنات والنقاشات القديمة .. بس الاكيد اكيد ان بوجودك معانا حتشارينا فيها ... وهادا الاهم.

مع انه السلام المعتاد الا انني احس فيه انه لم يوضع لمجرد السلام فقط...احس انه يخرج من قلبها...

جميل أن ترى الأشياء المتكررة واليومية أشياء مميزة .......... خصوصي إذا كانت الأشياء "كويسة"

أهمممممممم الشي آنسات العسكرية !!! -الله يذكرن بالخير- ........ كمان منشترك بالغربة .. برغم انك لا تبتعدين كثيرا عني في الواقع .. يعني بحس ألمانيا شلفة حجر ...... لكن إن الله أكرمنا .. فاللقاء في حلب ان شاء الله

فشعرت انه ثمة شيء ناقص في هذا المنتدى

ان شاء الله ما بينقصك شي بالحياة ويجمعك مع الغوالي على قلبك ....

كمان بحب حييكي من عندي ........ وربي يقدرني عيد الدعاء إلك ..

شكرا إلك كتير

والسلام عليكم

السلام عليكم ورحمة الله وبركاته ..


غاليتي نسيبتي ...


إليك أقدم شكري

فقد كان حبك أحلى محطات عمري

وكان انقلابا على كل شيء..

وكان خروجا على كل شيء...

وكان خيولا..

وكان طبولا....

وكان احتفالا كبيرا

يقام بساحات صدري....

**************

إليك أقدم أجمل أزهار شكري

فقد كان حبك فتحا عظيما

ووحيا كريما..

أضاء طريقي , وهذب نفسي,

وحرر فكري

وكان إلتماعة نجم

وكان إشارة يمن

وكان بشارة خير..

*************

إليك أقدم أعمق آيات شكري

فقد كان حبك من غير ريب

أهم مفاتيح شعري

وحادثة ليس تجري...

بأي زمان ..وأي مكان..

وفي أي عصر..

**********

إليك أقدم

ماذا أقدم؟

ما عدت أدري...



والسلام عليكم ورحمة الله .....

السلام عليكم ...

صحي أنا تأخرت كتير ... بس أحسن من أن لا آتي أبدا ...

بس بدي أقول أن كليوباترا لها شخصية مميزة بالفعل ... روح مرحة متنوعة ، وثقافة كتير منيحة ... ورغم اني ما اختبرت شخصيا ، بس بظن أن قلبها طيب ...

ومشاركاتها فعلا بتعطي نكهة مميزة للمنتدى ...

والسلام عليكم ...

و أخيرا".. كليوباترا.. إعذريني.. كان لازم كون من أول المشاركين .. بس ظروف منعتني و أخرتني لهلق..

إمممم .. شو بدي قول عنك؟؟.. اعرفتيك شوي شخصي.. و اعرفتيك كتير من ورا مشاركاتيك..
حبيتيك شخصي.. و احترمت شخصك بالمنتدى..
يمكن الحظات اللي أعدتها معك كان كتير قليلة.. بس صدقيني كانت من أحلى اللحظات اللي مرت علي.. كتير حلو إنك تلتقي بشخص _إنت كتير معجب فيه و بتعرفو من ورا الشاشة_.. صدفة..

أنا قلتليك قبل.. إني ما بعرف كتير عبِر.. ما كتير بيطلع معي الحكي.. بس رجائي تكوني بتعرفي معزتيك عندي..

و إلك أحر التحيات..