كثيرة هي عاداتنا إلا أن بعضها إن لم تكن جميعها بحاجة لوقفة مطولة...
ولقد اخترت واحدة نظرا لارتباطها بواقعنا كطلاب طب ونظرا لكثرة مصادفتنا لها، علما أن هذا الموضوع قد لا يشعر بحجمه إلا الذين يذهبون الى الستاجات (رابع_خامس_سادس).

في كثير من الأحيان ياتي الى ستاج الاطفال طفل في رمقه الاخير ويقول الأهل (ما بئي شي الا وساوينالو ياه وما تحسن!! حتى انو اخدنا عالشيخ وكويناه وماتحسن!!)
نعم لقد كووه بالنار .... الطفل المريض المتألم الباكي أخذ إلى الشيخ ليكوى بالنار!!!!
والكوي عادة منتشرة وخاصة في الأرياف يتولاها بعض الدجالين الذين يفضلون أن يسميهم العامة بالشيخ... أحدى الأمهات قالت ان الشيخ كوى ابنها 17 مرة!!! وقالت: الله يعطيه العافية ما اخد منا مصاري!!!! بس يا دكتور رغم الكوي ما تحسن وزاد عليه المرض!؟
والكوي ليس حكرا بالأطفال بل بكل المرضى إلا أن المشهد يكون أكثر إيلاما بالنسبة للطفل الصغير الذي بالكاد يتحمل ألمه ليتحمل ألم حديد مسخن ألى أعلى الدرجات.
والسؤال.. مسؤولية من هذه؟ مسؤولية الدولة أم الشعب وهل يقع على عاتقنا (نحن طلاب الطب) مسؤولية ما؟؟ أم أن هذا العادة القميئة هي مسؤولية الارث الاجتماعي المتخلف والتي لن نتخلص منه بسهولة...

و يا سيدي عيب نحكي بالدودة لانو بمجتمعك الواعي (نسبة الاميين تزداد في سوريا) ...لما بشوفو دكتور بالتلفزيون عم يحكي عالدود و الحجامات ما رح يئدرو مجازية التعبير...و انما رح يتفسر حديثو كدعاية مباشرة لاسمو (طلع اسمي بالتلفزيون)..و لئوبة الدجالين الماعرفانين الحطاطة من الحويصلة...و حيلا حباية الها عندون تلات او اربع خلطات اذا ما مشي حال الاولى بيمشي حال التانية....... و لبينما يخلصو الخلطات بتطيب الحباية لحالا
يعني نحن بدون ئصد عم نساهم بنشر الافكار الغلط بمجتمع مستعد لتلقي هيك افكار

الظاهر أننا جميعاً متفقون من ناحية المبدأ, لكن الإختلاف سببه سوء الفهم (هيك وهيك بسوء الفهم).
دائماً أتذكر في هكذا مواقف العبارة التي تقول: الخريطة ليست هي الأرض.
على قدر إختلافنا بما خضناه من تجارب وبما تعرضنا له من معلومات ,على قدر ما نختلف برؤيتنا للعالم.كل منا يرى العالم بطريقة فيها شيء من الإختلاف عن الأخر.
(بعدما قرأت مشاركتي عدة مرات قبل أن أضعها خفت أن يفهم هذا على أنه انتقاص من تجارب ومعلومات الآخرين. لذا أقول إنه ليس كذلك,وإن إختلاف تجاربنا لا يعني انتقاص تجارب أي أحد, فالفكرة هي إختلاف المعلومات وليس نقصها).
Optimisto:على ذكر التعفيسات اليوم انذكر في المحاضرة (يللي ما حضرتها) أن الكلورام فينيكول هو من أسباب سرطان الدم اللمفاوي وأنه سبب الكثير من هذه الحالات لأنه كان يعطي لكل انتان عند كل طفل.
تحياتي للجميع

عظيم وايزمان وهاد الشي اللي صارلي سنة عم قولو:emotions1 انو في أخطاء...
بس نسبة اللي صار معون سرطان دم لمفاوي من استخدام الكلورامفينيكول ما هي نسبة كافية لحتى نقول انو استخدام الكلورامفينيكول كان تعفيسة من التعفيسات.. لانو هاد الدوا كان دوا سحري لكتير من الحالات واهمها حسب ما بذكر هوالحمى التيفية بس بعدين وجدوا انو في ادوية احسن منو وبتاثيرات جانبية اقل...
واي دواء مستخدم هلأممكن انو يثبت مع الوقت انو ممكن يسبب سرطان أو أي مرض تاني ( لانوكتير من الادوية تاثيراتها ما بتظهر الا بعد فترة طويلة) وبالتالي رح يتم استبداله بادوية تانية جديدة افضل
بس هاد مو معناتو انو استخدام الدوا القديم كان تعفيس؟؟؟

أنا قبل ما أقرأ هي الفكرة من ردك..
((بعدما قرأت مشاركتي عدة مرات قبل أن أضعها خفت أن يفهم هذا على أنه انتقاص من تجارب ومعلومات الآخرين. لذا أقول إنه ليس كذلك,وإن إختلاف تجاربنا لا يعني انتقاص تجارب أي أحد, فالفكرة هي إختلاف المعلومات وليس نقصها). ()))

ما كنت أبدا مفكر بهالشي..
بس لما قرأته، عرفت إنك جواتك هيك عم تفكر،
هلأ مفكر بتتضحك علينا إذا قلتلنا إنك ما مفكر هيك.. هه.. بعيدة عن شواربك هي..!
أصلا لو ماكنت عم تفكر بهي الطريقة ما خطر على بالك.. هي فكرة.. ومفكر إنك عم تبرر.. وبالحقيقة عم تذر الرماد بالعيون.

(( حبيب قلبي وايزمان.. ما رح تخلص.. حتى لو كنت عم تقول السما خضرا.! ما بعرف شو يعني هالمثل بس هيك.)

تحياتي سنفور
ضحكتني مع أنو ماني مشتهي أضحك
سلامات

شايف يا إيفريف..
كنا بالمزح وإذا الدم رح يوصل للركب..
حبيبي وايزمان، انا يمكن بكل السنة ما بشوفك مرة أو مرتين، وعلى العكس، بتكون كتير مبتسم، و
علاقتنا كتير ودية، على الأرض، وانا بعزك كتير..
يعني المزح هو مزح، وبطبيعة الحال في فكرة مبطنة بكل مزحة، بس ما الغاية الإساءة أو التجريح..
باعلكس، هي زيادة في الود، وقرب أكتر للقلب..
يعني ما في شي ممكن يكون أقرب إلك من شخص عم يمزح معك،
بعتقد من مشاركاتي مبين إني ما بلتوي بالأحاديث الجدية، أحيانا إذا في مزح بنمزح..
وع راي إيفريف.. يعني منيح المزح أحيانا..
أنا من كل قلبي كمان، بتمنى إنك تكون تضحك من قلبك، وكل اشباب هون..
أحلى شي بالدنيا إنو الواحد يضحك من قلبه، من شان هيك الأطفال حلوين،
لإنو بتحسن إنهن صافيين وقلبهن ع وجههن..
أنا لما بشوفك بحس بهيك.. إنك قلبك صافي.. وفي بعيونك نقاء حلو..
طبعا هدا كتير واضح بكتاباتك..
طبيعي كل ما كتبت أكتر صديقي وايزمان، رح تعانيمن مشكلة سوء الفهم..
بس ما لازم الواحد يوقف، ولازم يحاول، بالأخير ما كل العالم بتفهم الواحد متل ما هو..
يعني لو من الألف فهمك واحد بس.. تماما متل ما إنت.. كتر خير الله..
فما تزعل..
من أحلى شي بالمنتدى إنو بخلليك تتعرف ع أصدقاء كنت تشوفهن من بعيد
تحب لو تحكي معهن.. بس تلاقي صعب تكسر الحواجز بيناتكن..
أنا بعتقد إنو من مكاسب المنتدى صداقتي معك.. وايزمان.. يللي ممكن تبدا من هون، من هالسوء فهم.. يللي صار من ورا كم مزحة كتبتهن إلك..
وع رأي من رأى.. إنو كل اصداقات بتبدا بتنتيف شوارب..
مع إني أنا مصر إني ما نتفتلك لسا ولا شنب.. من شنباتك..
(أفرجيك كيف نتف الشوارب بكون..؟؟؟؟؟؟ )
طبع اهي مزحة..
إلك حبي.. كله..

عزيزي سنفور:
إذا كنت فهمتك غلط فأنا آسف, أحيانا لما منكون متوترين منتخذ موقف دفاعي من كل شي ومنفهم غلط.
بس أنا فعلاً تفاجأت بالرد الماضي, ولو ما كنت متوقع غير هداك الرد ما كنت انزعجت.
بطمنك انوأنا كنت بحالة كتير خاصة و إن شاء الله ما رح تتكرر, كنت رح بلش بنتف شواربك بس السنافر يمكن ما بيطلعلها شوارب, ما بيمشي الحال بشعر الراس؟
على كل حصل خير.
والمثل اللي بعرفو بيقول: لا تاخد الرفيق........إلا بعد ما تعمل معو مشكلة.
تحياتي للجميع.وبالأخص الك أبو السنافر.

بعد ثلاث ساعات من انتهاء حفل زفاف «مي» ضجت ردهة المستشفى بعدد كبيرمن اقربائها الذين جاءوا لمعرفة ما سر وجودها داخل غرفة العناية المركزة، وما سبب وجود رجال الشرطة الذين كانوا يقفون على باب الغرفة.
ودارت التساؤلات والشكوك في عقول الناس حول سبب وجود «مي» في المستشفى بعد حفل زواج دام ثلاث ساعات، الى ان تحدث زوجها «سليم» الى رجال الشرطة عن ملابسات الحادث وقال:
بعد انتهاء حفل الزفاف في احدى قاعات الافراح ذهبت انا وزوجتي الى المنزل وسط اجواء من الفرح والسعادة، وكانت وصية امي لي في تلك الليلة ان اضرب زوجتي في ليلة الزفاف حتى تشعر بالخوف مني وان تشاهد «العين الحمراء» منذ البداية، وكان هدف امي من ذلك ان لا يتكرر السيناريو نفسه الذي حدث مع اخوتي حيث سيطرت عليهم زوجاتهم بعد الزواج.
واضاف سليم: كنت اصغر اخوتي ومطيعا لأمي التي لا احب ان اغضبها يوما ما، وعندما طلبت مني ان اكون رجلا مع زوجتي في ليلة الدخلة حتى لا تخالفني بأي امر لم اتردد على الاطلاق. استمعت لكلام امي التي كانت تهمس في اذني طوال ليلة الحفل بأن لا اخذلها كما فعل اخوتي من قبل، وفي ذلك اليوم صفعت زوجتي ثلاث مرات على وجهها لاثبت لها بأنني الرجل وصاحب الكلمة منذ اليوم الاول، لكن زوجتي لم تصمت وقامت بضربي وبدأت تشتمني لتصرفي معها.
بعد ذلك قمت بأخذ الثأر من عروسي وتطورت المشكلة بيننا الى مشادة كلامية عنيفة، مما جعلني احضر قطعة حديدية من المطبخ لأضربها بها.
وبعد لحظات من ضربي المبرح لها، دخلت «مي» في غيبوبة تامة، الامر الذي جعلني اتصل بوالدها ووالدتها التي كانت تبكي فراقها وجاءا ليشاهدا ابنتهما وهي مرتدية ثياب العرس وغارقة في دمائها.
ثم اتصل والدها بالشرطة، وقام بنقلها الى اقرب مستشفى، وعند الانتهاء من فحصها تبين انها تعاني من كسر في الجمجمة والحوض.

أن أعرف أنه في ليلة الزواج يقوم الرجل بذبح قطة لتخويف زوجته وليس بضربها ولكن يبدو أنه لم يجد قطة في تلك الليلة فماذا يفعل . هل يتركه تسيطر عليه وتنتهك رجوليته ؟؟؟؟!!!! حسبنا الله ونعم الوكيل على هذه العادات التي لاتمت لديننا الحنيف بصلة

منيح انو سليم طلع ابن اصل!! وأخد مي عالمستشفى وما تركا تموت ادام عيونو ارضاء لرجولتو وارضاء للماما تبعو!!!!

الحقيقة: انو عادات بلادي (البالية) كتير كتيرة
أما المشكلة: انو في نسبة منيحة مننا عم تحيي هالعادات ولسا ملتزمة فيا...