كثيرة هي عاداتنا إلا أن بعضها إن لم تكن جميعها بحاجة لوقفة مطولة...
ولقد اخترت واحدة نظرا لارتباطها بواقعنا كطلاب طب ونظرا لكثرة مصادفتنا لها، علما أن هذا الموضوع قد لا يشعر بحجمه إلا الذين يذهبون الى الستاجات (رابع_خامس_سادس).

في كثير من الأحيان ياتي الى ستاج الاطفال طفل في رمقه الاخير ويقول الأهل (ما بئي شي الا وساوينالو ياه وما تحسن!! حتى انو اخدنا عالشيخ وكويناه وماتحسن!!)
نعم لقد كووه بالنار .... الطفل المريض المتألم الباكي أخذ إلى الشيخ ليكوى بالنار!!!!
والكوي عادة منتشرة وخاصة في الأرياف يتولاها بعض الدجالين الذين يفضلون أن يسميهم العامة بالشيخ... أحدى الأمهات قالت ان الشيخ كوى ابنها 17 مرة!!! وقالت: الله يعطيه العافية ما اخد منا مصاري!!!! بس يا دكتور رغم الكوي ما تحسن وزاد عليه المرض!؟
والكوي ليس حكرا بالأطفال بل بكل المرضى إلا أن المشهد يكون أكثر إيلاما بالنسبة للطفل الصغير الذي بالكاد يتحمل ألمه ليتحمل ألم حديد مسخن ألى أعلى الدرجات.
والسؤال.. مسؤولية من هذه؟ مسؤولية الدولة أم الشعب وهل يقع على عاتقنا (نحن طلاب الطب) مسؤولية ما؟؟ أم أن هذا العادة القميئة هي مسؤولية الارث الاجتماعي المتخلف والتي لن نتخلص منه بسهولة...

أظن أننا عندما نقارن هذه العادات القديمة رغم انتقادي الشديد لطريقة تنفيذها بالعادات الحديثة التي نستوردها من الغرب نجد أن العادات االقديمة أرحم من الحديثة فلماذا لا تتحدثون عن العادات الحديثة .

ارحم ???????
يعني المثالين السابقين بيظهروا وحشية و همجية فظيعة... و بتئلي ارحم ... !!

يعني مع احترامي لجميع القراء بس هي ممارسات حيوانية و ما بظن تم ابشع من هيك

و عم تحكي عن الغرب .... !!!

لك آاااااااااااااااااااااااا اااااااااااخ عالغرب...... علوا يكون عند شعبنا نص أخلاقون و تحضرون .... منكون بنعمة من الله
بس مع الاسف نحن منترك المنيح ومنركض عالقبيح

بالغرب لا بتلاقي تاجر عم يغشك و لا عم يكذب عليك لينفئ بضاعتو
لا بتلائي عالم وائفين فوء بعضون مشان يشترو شغلة بدل ما يوئف كل واحد بدورو
ما بتلائي دور طويل عريض عم يستنى موظف يجي عطاولتو
ما بتلائي واحد عم يدفش العالم و يعطي للموظف 50 ليرة مشان يمشي اول واحد
و ما بتلائي و ما بتلائي و ما بتلائي ........

هدول ما بصيرو معنا و لامنشوفون ...... !!!!!!

رجاء لا حدا يقارنا بالغرب لانو عيب نضحك عحالنا .....

الغرب بجوز تقول ما في عندن دين يردعن مثلاً عن الحرية الجنسية اللي مناخدها هون مثال مشان نقول إنه نحن أخلاقنا أحسن من الغرب
بس على الأخلاق
هنن أهل الأخلاق واحترام القانون والإنسان
ونحن عنا دين بس مافي أخلاق
يعني اللي بيردع عن الحرية الجنسية هو الدين مو الأخلاق
وهذا رأي

و الله يا شنكول يا ريت الدين يكون الدافع ......بس بالغالب عقلية الانسان الشرقي هي السبب (يالله منيح في سبب) ...

لانو الدين عند نسبة منيحة صاير بيتمثل بصلاة الجمعة (بدون خطبة طبعا) ....و صيام رمضان......
لك حتى رمضان عم يفطرو ...... و كل مالو الوضع عابشع ?!

أخي العزيز أمين....
أنا معك بأنو صار عنا بعض للعادات السيئة اللي جاية من الغرب والاتعس من هيك انو نحنا عم نعتبرا تقدم لانها جاية من الغرب؟؟؟ والاتعس لسا انو نحنا ( البعض مو الكل)مو شايفين من الغرب الا الشغلات السيئة وعم نحاول نقلدا أما الشي الكويس عندن فمنعمي عيوننا عنو..

وبالمقابل في (عند شريحة واسعة من شعبنا) عادات بتدوخ والابشع انو بعض هالعادات صارت مقرونة بالدين
وانا مالي شايف انو في شي أخطر من شي......لأ....التنين أخطر من بعض والتنين لازم يتعالجو

والله انا خوفي انو نكون فقدنا هويتنا الاجتماعية والفكرية وصرنا ناخد أي شي ونطبقو بس لانو غيرنا بيطبقوه

بشكل عام أنا بشوف أنو نحنا لازم نكون واعيين و انتقائيين في أخذنا من الغرب و ما ناخد منهم السيء و نعيف المنيح و كمان لما بدنا نخلي الدين موجه لحياتنا لازم نفهمو صح حتى نحسن نكب العادات السيئة اللي صارت تلصق فيو و بضم صوتي لحسن و أمين مع بعض

زملائي الأعزاء: على الرغم من رفضي الشديد لهذه العادات و الطقوس البالية التي ألصقوها بالدين زوراً و بهتاناً إلا أنني أعتقد أننا نحن مسؤولون نوعاً ما عن استمرارها حتى هذا الوقت! أو ليس الجشع و عشق المال الذي استولى على قلوب أطبائنا سبباً لهروب المرضى منهم ووقوعهم بين أيدي الدجالين ؟؟؟

المشاركة الأصلية بواسطة flamenco

زملائي الأعزاء: على الرغم من رفضي الشديد لهذه العادات و الطقوس البالية التي ألصقوها بالدين زوراً و بهتاناً إلا أنني أعتقد أننا نحن مسؤولون نوعاً ما عن استمرارها حتى هذا الوقت! أو ليس الجشع و عشق المال الذي استولى على قلوب أطبائنا سبباً لهروب المرضى منهم ووقوعهم بين أيدي الدجالين ؟؟؟

ما بتوقّع إنه اللي بروح لعند الدجال (المدّعي إنه الشيخ وبقولوله الشيخ)
بفكّر بالمصاري
لأنه عادةً بدخل وبيطلع حفيان وعريان إلا شوي
بقله الدجال
هات ساعتك
هاتي حلقك
وهكذا
لسه في أضرب من هيك
حكالي جدي إنه كان في دجال يعلق في غرفته زنار
تدخل الوحدة لعنده يقلها فكّي الزنار
إذا شلحت الزنار يعرف إنها جدبة ويستغلها
وإذا بهدلته أو عيطت عليه
يقلها إنه قصده الزنار اللي معلق بحبلة في السقف
في النهاية
المصاري مو هيه السبب برأيي
الجهل وغياب المحاسبة هنن السبب

بس مشان مايكون هذا فرصة لأي حدا لحتى ينتقد الدين.لازم نوضح شغلة.
اللي بروح على عراف وبيسأله بدون ما يقتنع بكلامه ما بتنقبله أربعين صلاة.
واللي بصدقه بيخرج مما جاء به محمد صلى الله عليه وسلم . يعني هذا الشي ماله علاقة بالدين لا من قريب ولا من بعيد.
واللي عنده الحديث الشريف يا ريت يحطه هون.